~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

هلا عنيد ومنمن اى والله انشالله يارب كل ايامنا وياكم حب وفرح ومانصيه وعلى قولتج عنيده مو مهم الاكل وادرى انى فكرت ببطنى اكثر من الجو بس انا قاعده اعطيكم فكره شدعوااااا خخخخخ .. المهم اقولج انشالله باجر يارب تكونين نازله ويشجعج يارب .. بس عنيد لا توزنين كل شوى ترى تتعبين نفسيا ..

منمن بالعافيه الفلافل ويارب يارب نلتزم اكثر انشالله ..

انا اليوم بيونى رفيجاتى الله يستر انشالله ما اخرب بنات ابى منيو بسيط وخفيف حق 4 بنات شسوى ....؟ شنو الاكل المناسب ... وين فى مطعم عنده سوالف حلوه يعنى انا بسوى بالبيت بس قلت عشان ما ابى اثقل على امى بطلب من بره بس شتنصحونى فيه ..؟

 

[ام فجور 2008]

بطبط سوي تبولة
سوي او اشتري كلوب ساندويش من بي كيك في توست اسمر
ييبي عصاير بدل البيبسي
روحي دايت كير عندهم اشياء ههههههههههه
ييبي ورق عنب من الخباز
بيتزا قيصر
بطبط انتي باي منطقة عالشان نقولج عالمطاعم القريبه

 

[عنيّد]

منمن ،، آآآآآآآآآلله يسمع منج :ada:

بطوط ،، اي والله شكلي بكسر الميزان ، كل يوم مرتزه عليه :tomato2:
لاتقصين على نفسج ، ومابي احبطج ، بس راح تخربطين << من واقع تجربه ، لدرجة اني خليت وجبتي الاسبوعيه الــ FREE مع يمعة رفيجاتي يوم الاربعا :dddds: يعني باااااااجر نياهاهاهاهاااا _03BA:
انا بسوي أكل بيت + من بره: ورق عنب من فيلا فيروز + بيتزا قيصر + مولتن كيك :dddds:

 

[mn.mn]

بطو لا يخلو الامر من فطاير وورق عنب وممكن نوعين سلطة وحلو بارد وحلو قهوة وبس عليكم بالعافية

 

[زيـنـه]

صباح الخير

شلونكم ؟؟

جسوت .. ضكتيني بسالفه عذر حق كل سيزن !! اي والله اي والله .. كل شي له عندنا عذر

من من .. عوافي الفلافل .. و الحمدلله لقيتي القرص الدوار ادري بتلقينه بحولي .. ان شاء الله يفيدج و تستفيدين منه .

بطبط .. عليكم بالعافيه الاجواء الرومانصيه .. و تدرين الاكل الفرنسي كله جذي .. صحن عووووود و اكل نتفففففه و يقعدون يعلجون فيه ساعه .. ما تشوفينهم عصلان !
و على عزيمه ربعج .. 4 انتي وياهم و الا مو حاسبه روحج ؟؟ ---> لزوم الريجيم

عنيد .. ان شاء الله موعدج تكونين نازله فوق المتوقع و ادعي لي يقرب موعدي .. لاني انفجرت الا شوي .

اليوم وزنت و تحطمت نفسيا جدا جدا .

اليوم انا محطمه .. واااسوووونييييييي !!

 

[mn.mn]

هلا والله زيون عسى ما شر اسم الله عليج من التحطم اكيد ما كو الا الميزان اهو سبب المصايب ؟؟؟؟؟؟؟؟؟

وإي والله امس لعبت عليه شوي لما رديت البيت وان شاء الله يفيدني واتمتع بالخصر النحيل لوووووول

 

[عنيّد]

زيووووون ،، قلنالج مسكي عمرج على مايي موعدج ، تدرين المواعيد الحين وصلت لشهر 3 :eh_s(1):
انتي متى ؟؟
نطريني باجر بنزل رجيمي ، عساه بس يعجبج ، قوليلي شنو تبين تاكلين وأخليه يحطه لج :dddds:
أما بالنسبه لوزني ، صراحه مايبشر ، الحمدلله نازله ماقولج لأ ، ولكن أبد أبد مو مثل ماتوقعت
يمكن لأني طنشت الرياضه + الأعشاب ، وهو قايلي لازم يوميـــــــاً رياضه 20-40 دقيقه ، وقالي شربي الأعشاب بتنزلج ضعف الي تنزلينه ، بس أعترف اني ماسمعت كلامه بهالشيين ، فأستاهل >_<
بس باذن الله من باجر بلتزم معاه حرفياً

 

[عنيّد]

ليش من باجر ! واي كلا من باجر ، لازقه بلسانا :krkrkr:
بكسر القاعده وبقول من اليوم ، بشرب الأعشاب وبسوي رياضه wii
:ada:

 

[زيـنـه]

من من .. ان شاء الله يا ربي تستفيدين .. عندي و قاطته تحت السرير !

عنيد ... نسيتي موعدي مع الفالنتاين .. 14-2 !
ان شاء الله تنزلين نزول حلو و تدشين السبعينات قريب .

انا ما ادري .. هل ما اكل ؟؟
و الا اجرب بعمري ش ما جربته من قبل ---> مع اني خواااافه من سوالف الحبوب و الخرابيط مالت الريجيم

شسوي يا ربي ؟ ؟ ؟

 

[بطة رشيقة]

هلا هلا بنات ولا لالا تحبطونى ابيه شفينا جذى صايرين نخربط بسرعه .. بس ماعليه هذى رفيجتى مو شايفتها من سنتين يمكن وولهانه عليها ولازم اكل عشان ارحب فيها :tomato2:

المهم الله يسلمكم احنا انا وياهم 4 واذا فى احد زياده حياهم الله ..

الله يسلمكم .. انا قلت بسوى ورق عني .. واشترى شى من بره وسلطه انا بسوى والحلو هم بطلبه من بره اكو حلو يمدحونه هنى اسمه حلو احمد ايى بقلاصات عرفتوه بطلبه واجربه وانشالله يطلع حلو ... والله كريم

ممممم

وهل من افكار اخرى ..؟ ​

 

[عنيّد]

زيون ،، اييييييييييه صح تاريخج مميز :dddds:
لاتجربين الحبوب والخرابيط كلشششششش ماعليج منهم ، ماغير الواحد ينظم أكله ويحرك جسمه وبس
ولاتحرمين نفسج ، ترى رجيم المطوع ميزته انه مافيه حرمان ، بس فيه تقليل لكمية الأكل ، مثلاً بدل قنجة العيش تصير كوب :eh_s(6):
وترى القناعه كنز P:
عندج مناسبتين جدامج خليهم يشجعونج ، عيد الأضحى وراس السنه ، الله يعودنا وياكم يارب بصحه وعافيه وسعاده
ومابي اقولج ان الشتا قرب ، والملابس المتفخه قربت ويبيلها جسم مفشوش :dddds:
يعني وآآآآآآآآآآآآيد أشياء المفروض تشجعج ، بس انتي تعوذي من ابليس وفكري فيها لي متى يعني بناكل !! ترى الأكل مايخلص ولا الشهوه تقل


بطوط ،، دقي على ام صقر تسويلكم قوزي ومن منيره طلبي كيكة صقر :krkrkr:

 

[زيـنـه]

بطبط .. ورق عنب + بيتزا قيصر + ساندويجات ميني من الخباز اييون بسله و منوعين + كبب اذا بتقلون بالبيت + نوعين سلطه اختاري اي نوعين
و نوع حلو بارد .. و حلو قهوه .

و السلام

 

[mn.mn]

لووووووووووووول عنيد ذكرتينا بام البنات واي يا حلووووووووووو رمضان

لا لا بنات صج صج بسنا لي متى انا امس لما خربطت ما حسيت بتأنيب الضمير انا قلت مو لازم امسك روحي مرة وحدة ولا أهدها مرة وحدة

وصاجة عنيد القناعة كنز وبالنسبة للمطوع صج ما كو احسن من رجيماته ومواعيده فعلا انا دقيت عطوني شهر 3

عنيد عفية باجر سإلي اذا انا من الحين بشتري الاعشاب من دون ما اراجع عنده يصير ؟؟؟؟؟؟؟؟؟؟؟؟؟؟؟؟؟؟

 

[عنيّد]

منمن ،، اي والله ياحلو رمضان ، والمسلسل البلح البلح البلح :krkrkr:
شوفي منمن ، وحده من البنات بموضوعي عن الرجيم تقول

شلونج يالغاليه عاد تدرين اليوم رحت العياده علشان آخذ موعد وااااااااااااااي شهر 3 مثل ماقلتي الله يعين يارب وقالوا الدكتور مانع انه يعطي الاعشاب حق اي احد مابلش بالنظام قلتلها سمعت العكس جان تقول لأ هذا اللي صاير الحين عاد الله يعينا يارب

فعلاً أنا لما رحت له قالي عادي أي أحد يشتريهم ، بس الحين الظاهر غير رايه يمكن صار تقشف :dddds:
المهم من عيوني باجر بسألج يجوز رجع للراي السابق p:

 

[زيـنـه]

عنيد .. الله كريم .

 

[بطة رشيقة]

اى والله يا حلو مسلسل ام البنات يا زينه ويا حلاته

وشجون بدعت وايد بهالحلقه انا اول ما اتقبلها وايد بس الصراحه طلعت طلعه

خخخخخ

اى زالله

البلح البلح البلح ..

 

[mn.mn]

عنيد ميرسو ميرسو اي والله عفية سإلي لي

انا اخليكم الحين بعد شوي عندي حصة بروح اكتب السبورة

 

[عنيّد]

زيون ،، كريم كريم جدااااااً ^_^

بطوط ،، اي والله أنا نفسج بعد ماكنت أتقبلها ، بس عدلت وضعها هالمره بمسلسلات السنه ماشالله وايد ماخذينها برمضان

منمن ،، ولو يختجي :dddds:

 

[بطة رشيقة]

..

 

[بطة رشيقة]

يالله خل نتفح موزوووع ونتناقش فيه ...