~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[بطة رشيقة]

هلا عنيد انا بعد وياج انا لى الحين فى اجاززززه وقميضه عليها بتخلص مافينى النوم مع انى امس كلش ماكنت نايمه عدل الله كريم

والله يعينا على اللوويه الاسبوع الياى اتوقع بيكون اسبوع متعب على ما نتعوووود على الدوام والالتزام وعلى ما يتعووود كارزززززز حبيبى على الرووووضه ...

 

[just-me]

عصر النور >>>> مصطلحات غرببة عجيبة بهالديوانية ههههههه

بطه وناسة صرتي 700 و انا اطامر من صرتي شخشية ابي اصك ال500 ما ادري ال 600مو قادره

ماكو الا اكتب سطر واسب مت يعني Submit لوووووول

بعد عمري شكرا عالاطراء لا اصدق عمري واصير ديمي مور العيوز اللي بالعة السنين لووووول

عنيد وي وي بعد عمري شهالنومه على ويه اسبوع المرور ياكرها كرهاه واااااي الله يعينج انا اذا شفتها

اكتئب بس بالسفر احبها و استانس عليها عشان ما احاتي الصلاة استغفرالله

انا ماتغديت شربت دايت بيبسي شكو مادري..الصراحة ماادري شنو شاكل الغدا

مرق خضرة الله يزيد النعمة ويبارك فيها بس ما ابي اقول مشتهية

معكرونية عشان جذي بصك حلجي و باكل عشاي اهوه غداي

ابله منمن دختي من قرقتنا ما الومج

زيون جم يوم باقي لج بتصومين بالويك اند؟؟

انا ودي اصوم باجر بس بستأذن من الدوام عندي عشرتعش مشوار

الله كريم

اشوفكم المسيان عقب الايوب ادعوا لي احصل شي حق البنات و افتك

 

[just-me]

بطه خفي محاتات على الولد وكل يوم لمن توصلينه قولي استودعتك الله اللذي لا تضيع ودائعه والله خير

حافظ بالله مو احسن له من قعدة البيت اصلا وديه الحلاق حتى لوحالق حق العيد رتبي زلوفه و اشتري له

بطاط وكرواسون حقه مو حقج لوووول ونسيه حسسيه انه كبر و بيستانس و سأليه منو صديقك و شنو اسم الابلة

عسى الله يبلغج فيه يارب

 

[ZajiL]

زيون

الغدا

سيزر سلطه + همبورج مشويه ووتوسته سمره
طبعا السلطه عباره عن فقط خس وشوية جزر وعليها قفشتين اكل سوس بس الصوص مو جاهز مخففته

 

[ZajiL]

بطبط

اي احنت للاسف بالمحكووووووووووووما
بس ماندره مع بعض ولا لا
واخوج لاتخافين علييييييييييييييه الي بالمحاكم ماينخاف عليييييييييييهم
ههههه<<<شكو

 

[بطة رشيقة]

الله يعطيج العافيه يا زجول وان شالله ربى يوفقكم فى دواااماتكم وعيل اخلى اخوى اهو يدير باله عليكم خخخخخ وعوافى الغدا

جسوووت اى ان شالله خلاص ما ابى احاتيه بس احس شى يديد موبيدى بس اكيد مع الايام بيستااانس وانا بستااانس بعد يا زينه حبيبى كبر الحمدلله على قوله امى تقول بدال ما تحاااتين قولى الحمدلله على البلاغ وان شالله تشوفينه داش الجامعه يا حلوووه والله اى ناويه اوديه واشتريله واونسه بس انا ما اعرف شنو طلبات الروضه يعنى يبون جنطه والا لا ما ادرى قلت انطره يرح وتالى اشوف بس شريت له دوم روضه وجوتى تكرمون ودلاغات .. وان شالله يصير عنده اصدقاااء بس مو صديقات بعد اخاف يحب من الحين خخخخخ


بنات عندى سؤال مهم .. تذكرون الناس اللى وياكم بالروووضه ..؟ سواااء بنات او شباب ..؟ انا والله اعرفهم مره ضفت واحد وياى بالجامعه من ويهه تذكرته يوم كان ياهل وكان معاى بالرووووضه ويوم الدكتور قال اسمه تذكرت خخخخخخخخخخخخخخخخخ سبحان الله الطفووووله ذكريات حلوه ...

 

[عنيّد]

جسوت ،، انا ماكنت اصدق ان الحاله النفسيه البطيخيه لها علاقة بالدوره ، بس الحين صدقت ، لاني صجججج هاليومين نفسيتي كانت xxxxxx
الحمدلله على كل حال
وبالتوفيق المشوار الايوبي ذاك اليوم كنت بالايوب وشفت ملابس المدارس ، حسافه على لبسنا كان اشحلاته جنه مفرش طاوله خحخخخخ بس حلو حلو والله ، مو الحين غيروا الالوان صاروا ممولحين :flower:


بطبط ،، الله يخليلج ولدج وتكفين مو لانه وحيدج تصكين عليه صكه وتخلينه يتعقد ، هذا ولد خليه يختلط عادي لايصير منعزل بسبب خوفج وكثرة تحذيراتج :eh_s(20): وعسى ربي يرزقج باخوان وخواته له :ioljnmlk:
اما على سؤالج عن صديقات الروضه فاكثر من وحده اعرفهم لانه نفس المنطقه وبعضهم يصيرولنا اما الاحلى بينهم فهي لما كنت باولى ثنوي تعرفت على وحده وبالسوالف قالتلي اني كنت معاها بالروضه وبصور الروضه وفيديو الحفله صح موجودين ثنتينا وسبحان الله مع الايام قوت صداقتنا وصارت هي رفيجة عمري من اولى ثنوي لليوم ، يعني صارلنا ١٢ سنه :nbvppw: ربي يسلمها لي ^ــــ^
اييييه رجعتينا للذي مضى

 

[بطة رشيقة]

اى والله ىعنيد خلاص بسمع كلامكم وما اصك عليه وربى يحفظه

وعلى رفيجات الروضه يحليللكم اى والله ايام انا اذكر حفله التخرج من الروضه طاااق مطر شكثر علينا ولى الحين عندى شريط الحفله ارقص وشعرى مخترب من المطر خخخخخخخخخ ما يسوى علينا واذكر كنا نرقص على اغنيه نبيل شعيل ان الاوان ودقت الساعه خخخخخخخخ والله ايام واللى يضحك ان ولدى الحين بيروح نفس الروضه

 

[عنيّد]

بطبط ،، اييييه سمعي كلامنااا ، هالشي اكبر غلط ترى انج تصكين عليه وباجر من يمسك سويج السياره ماتشوفين رقعة ويهه اسمالله عليه :s141:
وعلى الروضه لووول ايااااام ، وحلووو ان ولدج بيدخل نفس الروضه ، احنا صارت هالحركه بس بطريقه ثانيه ، زوجة اخوي كانت امها ابلتنا بالروضه ومدرستنا كلنا ومنهم اخوي الي اخذ بنتها ، لوووول عاد سوالف الذكريات عنه فشيلووووه


توووني تغديييت الحمدلله نص خبزه مع ربع ديايه وززززلااااااطه
طوفت سناكي الاول بخليه حق بلييييييييل يمكن ايوع دام اني اسهر
زيون & جسوت ،، يصير اسوي هالحركه مو ؟ ريوق بعده بساعتين ونص الغدا ، وبخلي بعده بساعتين السناك الاول ووراه بجم ساعه العشا وبليييييييل باخذ السناك الثاني ...... ماذكر اذا يصير هالترتيب ولا لا ، بس احسه مقنع :eshrab:

 

[المتميزة دائما]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مساااااااء الخير عليكم جميعا
يعطيكم العافية وموفقين جميعا

بالنسبه لي طبعا خربت ولدعم اخو عمة التخفيف ( ابداع *ابداع) ونمت .. النتيجة ان نفسيتي حدهااا :nocommint:وللحين فيني النوم وبنتي ما خلتني انام كل اشوي طلبات اليوم تبياشتري لها فاره حق الابتوب .. وانا مالي خلق ومنفسه حدي .. سوري بنات اليوم ما في ردددوود لأ، غصب فاتحة عيني .. عيوني تحرقني من كثر ما انا دايخة بس توته بنتي تحن فلازم اوديها تشتري ... صج صج صج ضيقة خلق .. زهقانه واليوم عفست الدنيا اهو كاكاو اهو حلو اهو شبس ليش ليش ما ادري ... الله كريم

ويعطيكم العافيه يارب كلكم نفر نفر واللي سأل عني شكريات كبيرات محترمات
ودمتم سالميين

أحبكم اقوى شي

المرسل: نهاية رجل شجاع :sfg: شكو ما ادري

 

[jolie_q8]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هاااو يا حافظ يا عقايل الله يوم اشتركت معاكم جني اشوف ناس مخربين ومطوفين وجبات وعافسين الدنيا لالالا مو قبول

هونت بطلع من دواينتكم التخريبيه

ياللا عاد صيرو خوش بنات والا بسكرها وبدز تنبيهات اداريه @@

المهم ,, في جم شي في بالي,,

بما انه دواينتكم واصله مليون صفحه ,, اتشرايكم تبدون دوانيه يديده ونسكر هذي ؟
وفي شي ثاني,, بما انكم كلكم تعرفون بعض وانا اليديده بينكم,, فياليت تعرفوني بنفسكم وشنو رجيمكم واذا تسوون رياضه او لا

واذا فادت معاكم الدوانيه والا خربوطه سوالف وبلعه؟

راح ابدي بنفسي,,

العمر طعش سنه

الطول 164
كتلتي:35 << يعني بدال الوزن
ما اسوي رياضه بس قريبا بشترك بنادي
وماحب رجيماات بس ممكن اخذ فكره الرجيم واطبقها

وبس

 

[عنيّد]

يا حيالله النائبه < احس اني بالمجلس

بالنسبه للموضوع اليديد ترى بسم الله تونا فاتحين هالجزء الثاني ماظن مرت عليه سنه !
يعني كلش كلش صبروا علينا للسنه اليديده ٢٠١١ وفتحوا الجزء الثالث وسووا ازاله للدوانيه ج٢ :eh_s(6):

وترى احنا صح يوم ملتزمين ويوم لا ، بس هذي اهي الحياة الطبيعيه ، اصلا ماتخيل شنو بسوي بالمنتدى اذا صارت ازاله نهائيه للدوانيه اسمااااااالله علينااااا
عن نفسي انا مستفيده والله حتى لو بربست عادي مردي للرجيم وانيي اهني ونعترف ونشجع بعض وهكزااااا :ada:


زين خلصنا المرافعه
ببدي بنفسي للمره الطعش
طولي نفس طولج ١٦٤
عمري ٢٦
وزني والله مادري ضيعته برمضان
الرياضه ع المزاج وبما اني توني راجعه للرجيم فبلشت امشي ٤٠ دقيقه + ١٠ دقايق ع القرص
رجيمي ماغيره د. عبدالله المطوع بلا منازع

وبس :tongue22:


ترى هاااا نقدر نطلع وزنججج من كتلتججج << دوانية المافيا

 

[بطة رشيقة]

هلو هلو انا باك ..

رحت مع اختى الجمعيه تسوقنا وتشرينا وكارز لعب وقام يناقز وشرى حلاوووو وان شالله باجر اوديه يلعب اليوم ما مدى ..

عاد خذت لى بسكوت دايت كلت حبتين وانا اتفرفر بالجمعيه والعشا شريت لى فتوش امريكانا وحلوم لايت بسوى لى صندوووووويجه هووووم ميد ...

عنيد يحليلكم ابيه ضحكت ضحك علىس الفه مرت اخوج وامها ابيه يعنى كل ذكريات اخوج واهو صغير عندها ما يقدر يشلخ على زوجته الله يحفظهم لبعض ويحببهم ببعض ويرزقهم الذريه الصالحه ..

وعلى كارز خلاص هده خله يتحدى :q8:


جووولى هلا وغلا ولا افا عليج احنا نعين ونعاون ونشد من ازرج وازر بعض وان شالله كلنا بنوصل للهدف المرجوووو ... وكلش كلش لا تيبين سيره انج تسكرينها افا عليج والله احنا بدونننها نضيع انا صار الانترنت بكبره بالنسبه لى دوانيه رشيقات المستقبل ومشالله ترى شهر 10 راح نكمل سنتين مع بعض واذا مو اكثر الله يديم المحبه علينا ولا يحرمنا من بعض ..

وعلى الرجيم شوفى فى ايام نكون فيها ملتزمين وايد وايد وفى ايام نخق االفتره اللى فاتت وايد خربطنا وخرنا الدنيا واتوقع من الاسباب المهمه ان احنا ملينا عرفتى وايد مشالله اغلبنا يعنى صارله سنتين واكثر يسوى رجيم وترى حققنا اهداف حلوه وفى منا ما راح لا طبيب ولا شى ونزل وزنه ..

وترى احنا وايد وايد استفدنا من الدوانيه نشجع بعض ونقوى من اراده بعض .. وان شالله من اليوم ما راح تشووووفين الا الرجيم والرشاقه وخل اعرفج على روحى :



بطه رشيقه

26 ربيعا

متزوجه وام لطفل واحد الله يخليه ..

موظفه فى مؤسسه حكوميه مرموووووقه .. خخخخ

وزنى كان فى شهر 7 -2008 ------ 95.5 الله لا يعوده واعوووذ بالله منه

ووصل فى خلال سنتين ------ 74 مشالله وايد وايد كان وزن حلو حسيت انى صرت وايد ثقه وقمت البس اللى ابيه .. بس للاسف الحين شوى انا خايرته وزايده جم كيلوووو وان شالله راح انزلهم انزلهم واقدر باذن الله .. ​

 

[mn.mn]

مسااااااااااااااااااااء الخير

 

[شوكولاته&فانيلا]

السلام عليكم اشلونكم بنات

غطيت وايد بس مو مني من الفشله:botetoo:

ترى من يوم العيد وانا مبدعه بالاكل الظاهر حاشتني لوثه الرجوع لورا واستاهل الطق:23_asmilies-com:

اليوم سادس يوم وااا لا اكيد وزني زاد:jumpon:

ادعولي بنات باجر ابدي من يديد واقضب روحي نفس قبل:cxxxp:

مامداني اقرأ كل اللي طاف بس موفقين جميعا وبداية موفقة للكل ويارب من باجر انا وياكم حبيباتي

جولي حياج بينا وموفقه حبيبتي وكلنا اهني نخق تالي نرجع لدرب الريجيم وربي يوفقنا جميعاا وينولنا اللي ببالنا..

وبالنسبة لسؤالج عن التعريف :

الاسم :شوكولاته&فانيلا ....وينادوني شوشو ههههه

العمر :26

الوظيفه :مو موظفه ..

الطول:159

الوزن سابقا: 110:050103nbh_prv:

وزني بآخر يوم برمضان : 68 .150 ماشاء الله تبارك الرحمن ..

بس بدعت بيوم العيد ولغاية اليوم مبدعه:rgewrg:اتوقع زدت 3 كيلو ماوزنت بس توقعاتي جذيه

باجر برجع ألتزم بإذن الله تعالى..

وربي يقدرني وياكم نلتزم والاهم نحافظانا تقريبا وصلت للي ابيه بس ماعرفت احافظ جان اعفس الاولي والتالي

ومليون بالمية زاد وزني وبرجع انزله الاول عقب ربي يقدرني احافظ عليه

..

 

[شوكولاته&فانيلا]

مساء النور منمن اشلونج؟

 

[mn.mn]

ما شاء الله وايد احداث ووايد ناس زايرين الدوانية اليوم بحاول أرد وإن شاء الله ما تخون فيني الذاكرة

جولي حياج الله بالدوانية ولا تقولين الله يخليج بتسكرين الموضوع احنا يوم علق المنتدى جم يوم بغينا نستخف

ما نقدر ولا نعبر على فراق بعض وربي يتمم علينا هاليمعة ونوصل كلنا مع بعض للهدف المنشود

وانا منمن معلمة كادحة عمري 30 متزوجة وعندي ولدين وبنت ووزني كان 96 ووصلت 74 وللأسف رديت قري لي 80

بس ان شاء الله بنرد أقوى من قبل وبنكمل المشوار

------------------

بطبط عليج بالعافية الإجازة وان شاء الله تداومين الأحد بكل نشاط ودوام كارز ترى يوم الثلاثا

وما يبون طلبات راح ياخذون منج 5 والأبلات يشترون والجنطة كيفج اذا يبي اشتريله يحط فيها بطاط وعصير

-----------------

زيون تقبل الله طاعتج والدوام ماشي حاله طبعا استنفار على ما يداومون البنات وتستقر الأوضاع بتم بلوية لي الأسبوع الياي

-----------------

جسوت إذا ما حصلتي حق بناتج بالأيوب روحي بيت البصير بالعديلية

-----------------

صبوحة بنك بيري موجود عندكم بعد بدبي مول

-----------------

زجول الله يعافيج حبيبتي

----------------

عنيد بعد عمري والله مشكورة على المؤازرة صج رديت اليوم متليشة عشتو اليوم مشمرة عن السواعد ومنظفة الغرفة ومطلعة

دراور الجيل وبالهوز تكرمين بالحمام اغسله >>> تخيلو شكلي لوووووووول وغيرنا ديكور الدار وطلعت شريت ستيكرز الطوفة

وردينا لزقناه يعني سوينا حركات لاستقبال العام الجديد بحيوية وتجديد ولازال بانتظاري المزيد من الكراف غدا

---------------

جسوت قالت اللي يخربط لا يقول بس أنا بقول

اليوم العصر رحت المباركية عشان اشتري بنطرونات الصبيان من محل بالعمارة البيضا دايما نتعامل معاه

شرينا وحسنا شوي وتالي رحنا دلق سهيل >>>> وأخلي الباجي على خيالكم العلمي

عفية لا تزفوني من الأحد ترى صج صج بلتزم التزام ما يخرش المية

وعلى الميزان أقترح نخليه كل خميس بس مو من باجر

 

[just-me]

السلام عليكم من بعد المشوار الايوبي

بس لحظة الناس مقامات اولا برحب وبهلي بجولي .. جولي والله والله والله احنا خوش بنات والعام كلنا ضعفنا

بالجزء الاول بس هالسنة استغفر الله فقر علينا ريجيميا بس وعد عطينا ليمن اخر السنه وبتلاقين اللي يسرج

وبعدين مستحيل تلاقين مخلوقة لا وتكون كويتية وتسوي ريجيم لمدة سنتين يعني طال عمرج غضي النظر علينا عن اللي فات

ومن اليوم ورايح احنا اللي نبي نضعف غضبن علينا ...لا ياختج لاتسكرينها ترا عوايل راح تتشرد وتضيع الله لايغير

علينا ماشاءالله ترا صرنا صديقات وخوات بعد وبينا عيش و ملح وابل بيز بعد

عموما انا قلت كل اللي بقلبي و هذا الميدان ياحميدان و الوعد 1/1/2011 و اذا ما نقصنا كل وحده 5كيلوات

صكي الديوانية بلا أسفون عليها

 

[mn.mn]

شوشو هلا والله حبيبتي شلونج وشخبارج ؟

وما عليه عليج بالعافية التخربط وابدي عدل من الاسبوع الياي

أو اذا تقدرين من باجر وبالويك اند تلتزمين توكلي على الله من باجر والله يعين

وما شاء الله تعبتي ونزولج تبارك الرحمن مشجع حافظي ولا يروح تعبج هدر

 

[mn.mn]

جسوت أهلا وسهلا

ها عسى حصلتي مرادج وخلصتي من لوية المدارس ؟

أنا الحمد الله اليوم خلصت وافتكيت