~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ZajiL]

ابييييييييييييييييييييييييييييييييه

جنه حاشتني اللوثه الي حاشتكم برمضان
اليوم انا ليه الفطور اوكي وحده من رفيجاتي دازتلنه بيتزا
ووتبوله واطب لكم على البتزا 3 قطع وتالي طلعنه رحنه نتشري اغراض المدارس
ولالالالالالالالالالا يطلبون اليهال وفل بالجوكليت والسنمون من الجمعيه وناشبتهم عليها
ورديت البيت كاكاو بفك ايراني عجيييييييييييييييب طحت عليه بجمعية الروضه نال الو الحمر تذكرونه
بس خلاص باااااااااااااااااجر ببدي من يديد من رديت مو قادره امسك عمري

استغفر الله بس خلاص حلف بكره ببدي

 

[just-me]

هلا شوشو ميخالف حبيبتي كله بسرعه يروح ان شاء الله لاتحاتين

هلا من من ....واااااااااااااااااااااي ماتتخيلين الزحمة لا من الشارع ولا من الاوادم و الله لو ابلاش

ماصارت الزحمة جذي... شريت لهم نفانيف بس بقصرهم كلهم ماكسي ويخلصون اليمعه عاد انا

بروح السبت.. باقي تكرمين الجواتي .,, اصلا ما قدرت اشوف الشباصات ولا الدلاقات من الزحمة

شي ما ينوصف مستحيل تتخيلين الزحمة خفت على بناتي احد يلمسهم او يضيعون فالوضع مأساة

بس توبه توبه اشتري حزةالحزة انا قلت حرام انكد عليهم مبجر و خل تنزل الموديلات مادريت السالفة

جذي.. يالله الشباصات امرها هين مع الدلاقات لارحت السبت بلقط لهم بروحي

شوقتيني على المباركية عليج بالعافية ماشاء الله عاد انا والله من العام بالشتا وانا حانة بروح

بس ابي احد معاي بس شكلي هالسنة بلبس البنات عبي واخذهم معاي تخيلي عاد جوجو بالعباة

تصير افغانية لوووووول عاد هالسنة برمضان بالمسيد تفضل عبيها قصار عليها من اولت العام

علبو العام بروح اشتري لها ولا شريت جنها من طرارات الحرم لووووووووول

 

[mn.mn]

زجول بالعافية وان شاء الله باجر احسن لا تضيقين خلقج >>> جاهزين حق الخراب صايرين الوسواس الخناس

جسوت لوووووووول مت من الضحك على جوجو والزحمة ما تخيلتها شفتها بعيني أصلا تذكرتج وأنا رادة البيت

شفت خط الملك فهد شلون السير واقف وزحمة الجسر اللي يودي على الأيوب قلت حق ريلي هالزحمة على الجسر بس

عشان الأيوب وان شاء الله تخلصين بسهالة وروحي باجر أحسن من السبت وعلى المباركية إي والله كانت خوش قعدة

كلش تصدقين ماكو زحمة ودلق سهيل بعد مو مزحوم وحاطين هالرذاذ صج صج خوش قعدة ولي برد الجو من قلب يبيله

روحي على يوم مع ريلج الرياييل يحبونه غالبا ولا مع خواتج خوش جاي فحم عندهم

وإذا فلستي خلاص المرة الياية نروح هناك بدال أبل بيز اللي معجعجين فيه

ودوام حمودو يوم الثلاثا مو الأحد

تصبحون على خير وطلاتي الصباحية معدومة إلى اشعار آخر

 

[ZajiL]

ويييييييييييييييه لالالا
افا عليج جلوي تونه عارفينج سيده بتصكينها هههه
لا ماشفتيني برمضان اهلبل وصلت 73 ونص بس خبرج العيد وماادراكي بالعيد
ولالالالالا سافرت رحت لبناين <<<باللبناني ههه تتكلم لغات
طبعا لا تعليق الاكل بالسفر احم احم كل مالذ وطاااااااااااااب
وتونه رادين من يديد لدرب السنع درب الدايت اعرفج بنفسي

اوخيتج زاجل

متزوجه طبعا وعندي خير من الله الحمدلله على النعمه
عمري 34 احم احم
وزني بعد العيد والسفر صار 76 زدت2 كيلو ونص تعاله وبص
الطول 150 <<< من الاقزام السبعه لوول

على فكره كتلتي الوزنيه 33 يعني انتي اكيد امتن مني لووووول <<<< بتنطرد من المنتدى بكبره هههه
وعلى قولت عنيد نقدر نطلع وزنج من الكتله فقولييييييييييييه بالطيب هههه

الرجيم المتبع

انظمة الدكتور عبد الله المطوع طال عمره

وحياج الله بييييييييييييييينه

 

[just-me]

منمن بعد عمري حمود دخلته روضه عنقريزي عيشتااااااااااو مع هالفلافل لازم اسشور له القفه لووووول عشان جذي دوامه الاحد

مع ان الاحد محد يبي احد

وبروح السبت عشان استلم الفساطين عقب التصليح <<< باللبناني كرمال زاجل هههههه

زاجل كلنا حلنا بطنّا من قرينا ديوانيتنا بتتسكر لووووووول وينج زيون لحقي علينا صيري لنا واسطة >>>شكو

اي مو عضوة شرف

لالا خلاص من باجر ياويلكم ريجيم غصب لو حتى بالجذب

يالله اخليكم الحين متلخلخه و مانمت الظهر احس بنجرت من التعب

قود نايت

 

[ZajiL]

وانتي من اهله جسوت

سويييييييييت دريم

 

[just-me]

صج من الخرعه ماعرفت جولي بعمري

مع اني اليوم الصبح كاتبه عمري لازم تذكروني اني اكبر وحده بالديوانية

الموهيم .. عمري 38 ووزني 78 اعتقد !!؟ :eh_s(10):

العام هالحزة كنت مع العبد ( المطوع ) احنا اهني طال عمرج مطيحين الميانه من وراه أهم شي

كنت مارينا اف ام 88.8 تالي نزلت ليمن 69.9 جان احس اني خونت بخواتي رواد الديوانية جان ارد

امتن و ابلع ليمن صرنا سواسية ,,سيم سيم والحين اني ارد لدرب السنع والعدالة ماني قادرة

بس عقب التهديد جني جني دليته

 

[just-me]

وانتي من اهله زجول

 

[just-me]

باقي وايد على ما اصير شخشية نفس بطه :dddds:

خلاص خلاص من صجي

Im Out

 

[شوكولاته&فانيلا]

منمن الله يعافيج وبالعافية عليج تخربط اليوم وان شاء الله انا من باجر باديه والله كريم

جسوت الله يسمع منج ويطير اللي زدته على طول بدون كفاح مرير<<متعوب عالجملة لووول

ان شاء الله جولي ماراح تصكر الديوانية وبتلتزم ويانا واحنا بلتزم وبنصير خوش رشيقات

زجول هلا وغلا والحال من بعضه في التخربط الله المستعان ربي يقوي ارادتنا ونرد ننزل اللي زدناه

..

 

[شوكولاته&فانيلا]

وانت من اهل الخير جسوت..

 

[شوكولاته&فانيلا]

شكلي انا بقوم انام بعد

تصبحون على الف خير حبيباتي

وان شاء الله باجر يكون احلى

 

[tamto0om]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

تسلمين تمتوم الله لايغير عليييييييييييييييييكم عيل ظمنتلي اهل بفيلجا

الله يسلمج حبيبتي وافا عليج انتي من زمان وحده من الاهل اخت عزيزه وغاليه وعلى الراس والعين :eh_s(22):

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ماشاء الله ماشاء الله متجمعين الليله !!

السلام عليكم

الحمدلله عدى ثاني صيام يوم على خير .. ما ادري شغلي عدل و الا لا .. بس اللي اعرفه اني مو على التبربس اللي طاف و صرت اخف شوي .. باخلي ميزاني الاربعا الياي على نهاية الصيام و قبل موعد العبد .

ديني ان شاء الله ناويه اصومه لي الاثنين الياي .. باجي لي 5 ايام .. و اكيد ان شاء الله باصوم بالويك اند .. اشكهم كلهم اريح لي بال .

فطوري .. تمر و ماي .
عشاي بالزواره ما لذ و طاب بدون حساب .. مثل ايام اول اللي اعتبره الفري .
تالي حليت 3 قطع حلو و استكانة محلبيه صغيره (يعني القلاصات الصغار) و برد سنيكرز لقيته يناديني من الفريزير و سمعته و لبيت النداء ..لوووول ادري كثرت الجيله بالحلو .
ما تسحرت .. بس شربت جاي اخضر و زنجبيل فريش .

باجر ان شاء الله ثالث يوم صيام و ربي يعينني و يقويني اللهم امين .

جولي .. تعودنا على افتتاح الديوانيه اليديده ببداية كل سنه ميلاديه قمريه ---> لوول .
يسلمج خليها .. بين وقت و الثاني نقرا امنياتنا هالسنه بشهر 1 اللي فات .. و من يدري يمكن نتلاحق عمرنا ...و نشد الحيل .
و لا تاخذين عنا هالفكره اللي خايرينه .. ترى لا مسكنا نفسنا .. بتخترعين .. لووول .. نصير جد الجد .. اللي تسوي ريجيم الحصان .. و اللي تسوي الكالوري و النقاط .. و اللي تعلق اوراق و تشققها .. و اللي ماجلة الدوام كله دايت .. و نلتزم بيوم للميزان ..و ان شاء الله هالايام راح نردها و نقول ها نحن عدنا ننشد الهولو .
يحتاي اعرف بنفسي ؟ و الا نسيتيني ..؟؟ لوووول

عنيد ..بصراحه ما الومج .. النفسيه مع الدوره و الا بدونها لها دور بالريجيم و تاثر عليه سلبا !
شدي الحيل و ان شاء الله باجر يوم يديد .

زاجل .. بالعافيه ما كليتي .. و يلا باجر ان شاء الله احسن .

شوشو .. و الله فقدتج و اليوم طريتي في بالي .. الطيب عند ذكره ..ما عليه .. اللوثه هذه مشهوده و الكل مر فيها ..ان شاء الله ما تكونين زدتي وايد .. و ما عليه ابدي من باجر و موفقه .

من من .. بالعااااااافيه المباركيه و دلق سهيل و صج الجو احلو --->الوزن عجيب بالجمله.
و ما عليه ... باجر احسن .

جسوت .. الله يعينج على مشوار الايووووب .. بافهم ماكو بهالبلد الا هالولد ؟ يعني ماكو الا الايوب للهدوم ؟
و درس لج المره اليايه زهبي كل شي ابجر .. جان برمضان الضحاوي السوق فاااااااضي .
و حمودو لا تسشورين فلافله اخاف ما اعرفه .. اتهقين راح يكون بصف البطل الصغير ؟ ان شاء الله اي مثل العام

بطبط .. خلي الولد على راحته .. كله الا شخصيته و انتي ادرى بالشخشيه .. الولد لازم يجرب و لازم يصير فيه فضول و جرأه و ينزف و ينطق و ينخاف عليه بس بحدود .. ادري انتي ام و تحاتين .. بس صفي نيتج و توكلي على رب العالمين و ادعي ربج يحفظه من كل شر .. والله خير حافظ .
بالعافيه المشتروات و المأكولات .

شالاخبار؟

 

[tamto0om]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

تمتوم .. هابي بيرث داي و كل عام و انتي بخير .
و على فيلجا احلى الجزر ان شاء الله ترد احلى من اول و يطورونها و يسنعونها باقرب فرصه .

من من ..ظهر الخير ابله .. شلون الدوام ؟
و نوم العوافي و موعدنا بالليل يا عيوني بالليل .

فديتج زيون وانتي ابخير يارب والله يسمع منكم عاد تعالو نبيها اتنور بوجودكم :eh_s(7):

 

[tamto0om]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

قوه بنات شلووونكم مشالله وايد اشيااااء طافتنى وما اقدر ارد على كل شى بحاول كثر ما اقدر خخخ ..

اليوم قمت من النوم ومزاجى مو شى يمكن عشان الاجازه بتخلص والا عشان امس حاشتنى جزوه ومانمت الا جريب الخمس وتمللت وانا منسدحه بالفراش اتقلب .. ما ادرى والا من الاشياء اللى شاغله بالى ما ادرى المهم انى اليوم شوى متعووومسه .. الحمدلله على كل حال ..

سويت غدا عيش مشخوول وكباب خزان مشوى ولبن وسلطه والحمدلله على النعمه صج ان ماله طعم بس مساكين كارز وقوزو كلو واهم ساكتين ان شالله مع الايام اضبط الاشياء اكثر ...

اليوم بنام عند امى لان ريلى بروح الدوام وما ادرى شنو اسوى احس ماكو شى يذكر يمكن اودى كارز يلعب بالعاب هارديز اللى يم بيت ماما ... يعنى اسويله جو شوى قبل لا يداوم والله كريم ..



والحين ردود ردوووود ردوووود :

( حركه زيون تسلفتها )

تمتم كل عام وانتى بخير ولج دولت العمر ان شالله ..

عنيد .. واى امس تعبت صكيت اللاب توووب ورحت وجانزين نمت !!! لى الحين انا مو شخشيه كبيره ان شالله اليوم اكملهم ..

جسوووت يا هلا وغلا وحيا الله اختنا الكبيره الحلوه الاموره وماعليكم منها ترى اهيا قاعده وتقول انا اكبر وحده بس مشالله تبارك الرحمن روحها تينن وحليوه وتهبل ومشالله تبارك الله مايبين عليها العمر .. ربىى يحفظج ويخليج لعييلج ولنا ترى احنا بعد نحبج ..



منمن عاشت الابله عاشت الله يعطيج العافيه ونشووووفج بعد شوى

زيووون واااى حبيبتى الله يعينج على الدوام والصيام انا ان شالله يمكن باجر اخلص المسعده وابدى صيام بخلص 4 دين و6 شوال يالله يمدينى الله يعين ..

زاجل واثمان انتوا مع بعض بالدوام ..؟ بالمحكووووومااااااا عيل اخوى وياكم ديروا بالكم عليه خخخخخخخخ ... قواكم واللع ويعطيكم العافيه وان شالله الاوزان تنزل اكثر واكثر وتوصل 70 او 67 الله يا زينن هالرقم زيناااااااه


سوفت قيلز حياج الله ويانا عطينا وزنج وطولج وعمرج وحالتج الاجتماعيه وهدفج -- حشى كليتى البنت خخخ شسوى بعد شخشيه خخخخخ

حبيبتى جووولى حياج الله ويانا وان شالله تقدرين تنزلين من وزنج اللى مضاااايقج وفعلا الواحد اذا وزنه طفح يحس بضيج ... واحنا ما ننسى فضلكم من بعد الله يالمشرفات تتعبون ويانا وايد بكل الاقساااااااااام وهنى وايد احنا متعبينكم وويانا على الرجيم والرشااقه الله يوفقج ولو تقولين لنا جم وزنج ترى وايد احسن لان احنا عندنا ميزان كل اسبوع ونشجع بعض صج ان الكل كان الفتره اللى فاتت مبدع وفى اوزان زايده وانا منهم بس ان شالله بدينا وتوكلنا على الله وان شالله بنحقق اهدافنا اللى نبيها ولا تخافين ترى كلنا اوزانا قريبه من بعض قولى ولا تخبيش يا زين خخخخخخخخ ​

وانتي ابخير حبيبتي ولج طولت العمر انشالله مشكوره ما قصرتي :tek:

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

وي وي وي ما لحقت عليكم ما عليه غداً ان شاء الله
تصبحون على خير كلياتكون وحدي وحدي

يا هلا جولي أفاا حرام تسكرون الديوانية الصراحة أنا بعد صرت وايد أحب اليمعة هذي تعطيني دافع و سوالفهم حلوة و ما شاء الله عليهم نزلوا نزول يشكرون عليه في هالسنتين .. و بني آدم خطّاء و الخطأ وارد يعني لازم التغيير شوي انتي بس هدّي أعصابج :eh_s(15):

أنا عضوة يديدة انضميت من شهر تقريباً إذا ما خانني الظن :080402ask_prv:
متزوجة من 4 شهور و نص تقريباً :eh_s(22):
أسوّي ريجيم تخفيف الأكل أحطه براحتي ما أتّبع ريجيم معيّن و أسوّي رياضة ع القاري و مرات مع مدربة the biggest looser
عمري 19
طولي 162
وزني وقت الزواج كان 67 و نزلت في شهرين صرت 65.5 الحمدلله ما زدت في رمضااان :eh_s(15):
و أملي أوصل للمثالية يعني بالخمسينات ان شاء الله شاادة الحيل من بعد ما أخلص القضاء "و بشــــــــدّة"

-----

الحمدلله اليوم رحت الطبيبة النسائية و قااالت ما شاء الله القرحة خفّت نصهااا راحت الحمدلله يا رب الحمدلله كله بفضل رب العالمين ثم ادعيتكن عزيزاتي الله لا يحرمني منكم :eh_s(17): و وصفت لي أدوية علشان تروح القرحة نهائياً و الله لا يردها يا رب

و ريجيمياً : الفطور كان ملة و نص برياني ربيان مع روب + قلاص فيمتو + لقيمات بالجبن

بعدهاا طلعنا و شربت لي :nbptr:كوبين كوفي بدون سكّر و واحد أورنامين سي

و السحور :
شربت لتر ماي
و كلت خبزة بالزعتر و ملة و نص عيش مشخول بدون ملح مع شوووووية صالونة و روب


:3lm1:

 

[عنيّد]

ميخالف اقول ملل ؟


بالدوام ماكو شغل = ملل

بالبيت ماكو شي = ملل

بالمطبخ ماكو اكل = ملل

بالطلعه ماكو غير المجمعات والمطاعم = ملل



استغفرالله :\

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

الله يعينج على الممل عنيّد
يالله تصبحون على خيراتوو
بروح أنام
تشااااو

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. من قلب ملل !

صبوحه .. و انتي من اهل الخير