~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[بطة رشيقة]

منمن تعالى .. انا هنا

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مسا الخير

و الكحه

و النشله


شلونكم ؟


من موجود ؟

 

[Loving Stella]

السلام عليكم بنات شلونكم

زيون و انا بعد مساء العطاس و النشله و البلاعيم ما تشوفين شر زينه

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ستيلا.. و انتي ما تشوفين شر .. الجو عافس الناس هالايام !
محدثتكم متلفلفه و بايدها قلاص ماي في حبه فيتامين سي فواااار .

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

زينه وستيلا سلامتكم وما تشوفون شر

جسوت نطلع اليهال بالالعاب وقليل ما اروح معاهم مطعم

بس شكلى بالويك اند بطلعهم لانهم كاسرين خاطرى

 

[just-me]

صباح الخير جميعا

واخيرا ويك اند

 

[just-me]

اليوم الميزان .. ياحميدان

 

[just-me]

بنات

أمس الصبح كان وزني 76.2 و اليوم 76.7 من وين يه هالنص كيلو

مع اني امس ما تغديت و متعيشة سب وي تيركي ساندويش 6 انش

ومتعيشة الساعة 6:30 ... ضاق خلقي

 

[just-me]

عنيد يسلم صبعج خوش تقرير

انا ما شفت الحلقة بس ماشا الله مع تقريرج ما طافتني

 

[just-me]

شنو يعني ؟؟ محد مداوم غيري ؟؟؟

وينكم ؟؟ الساعة طافت ال 8و نص

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح الخير

شلونكم؟


امس ما نمت عدل ،ياتني جزوه لي ال ٣ تقريبا
حدي دايخه و اطقطق رووووس

اثمان الله يسلمج و الشر ما اييج و ان شاءالله تطلعين اليهال و تستانسون


جسوت ماشاءالله خووووش رقم تبارك الرحمن
انا باوزن باجر و ببلش علشان ١-١٠ و الله يعين
مبدئيا طقيت ٨٠ -٨١ مو عشان شي من البربسه و ادري اذا التزمت اسبوع بيخق الرقم لان اغلبه سوائل و اثار التخربط



وين باجي البنات ؟؟؟

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت

نحن هنا ومداومين

زيون هلا والله يالله صحصحى معانا

 

[مارغريتا]

هاي بنات شلونكم

ودي اشترك بقروب ريجيم بس ماكو احد حاط الحين اي قروب يبدي هاليومين

اممم منو تفتح قروب واسجل معاها
لاني كسلانه بهالموضوع وابي ناس يشجعوني

يااااي والله المتن مرض ولوعه ياحلاتي قبل وانا ضعيفه خصري كان زوووغه

 

[mn.mn]

السلااااااااااااااااااااااااااااام عليكم

شلونكم وشخباركم ؟

شفيكم اليوم قحط بالسوالف !!!!!!

زيون وبطبط حسافة طليتوا بعد ما طلعت

زيون وستيلا سلااااااااااااااامات ما تشوفون شر وأنا بعد بلاعيمي تعورني هاليومين

جسوت ما شاء الله تباااااااااارك الرحمن خوش رقم والله ربي يتمم عليج وبعون الله لاحقينج

اثمان عليكم بالعافية مقدما الطلعة

مارغريتا التجمعات وايدة شوفي واحد منها وسجلي انا شخصيا جربت اشترك بجم تجمع بس عتيج الصوف ولا يديد البريسم

بطبط وعنيد شكلكم اليوم مو مداومين ؟؟؟؟؟

---------------------------------

الحين صار دوري أقول لكم شنو سويت الله يسلمكم رحت الدوام كان عندي حصة اولى خلصتها وتريقت وسويت لي جم شغلة

صارت 9 ونص شلت قشي وطيران على الافنيوز تسوقت وخذيت سناكي هناك وطلعت منه على روضة زوزو ورديت البيت

الصراحة الوضع بالافنيوز ما يوحي انه يوم دوام ما شاء الله ناس رايحة رادة عاد قلت كل شهر مرة أو مرتين بسوي مشوار

تسوق خلال أيام الدوام على الاقل تغيير روتين واحوس على راحتي من غير الياهال

وعلى الصعيد الرجيمي خلااااااااااااااااااااص ان شاء الله باجر ببدي الجد والخميس الياي ميزاني

بطلع لي رجيم امشي عليه مثل قبل ولي رحت الجمعية بشتري الاغراض ويارب التزم باجي شهر ونص

على العيد لو أنزل 4 كيلو نعمة وان شاء الله احنا قدها وقدود

 

[شوكولاته&فانيلا]

السلام عليكم

غبت يومين اول امس ملتزمة وامس بعد ملتزمة طول اليوم بس بالليل خرتها:ssssso:جونا زوار فأكلت معهم:jumpon:

واليوم صمت قلت منه اخلص يومي الباقي من الدين ومنه اخفي شوي من آثار بربسه عشاء امس والله كريم..

جسوت مبروك الوزن اليديد:33_1185028183:

زيون وستيلا سلامات ماتشوفون شر:eh_s(17):... حتى انا بعد من بالليل نشله وبلاعيم الله المستعان

منمن يعطيج العافية عالمشاوير وربي يحقق لج اللي تتمنينه يارب وتقطين اكثر من 4 كيلو بإذن الله:eh_s(17):

بطبط وينج اليوم؟

ميزو بعد وينج؟

اثمان ان شاء الله تطلعين مع اليهال تونسينهم وتستانسين بعد

عنيد قواج الله عالتقرير

....

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم اشلونكم رشيقات ؟ شخباركم ؟ عساكم دوووم بخير يارب

اليوم الحمد الله وايد احسن من كل يوم .. ريوقي توسته سمرة وحدة مع حلوووم وخيار ونص قرص عصير اناناس ما كملت القوطي . وغداي كان 5 قفاش عيش مع قطعة دياي مسلوق من صوب الصدر وجم مكعب بطاط كان فوق العيش بمقدار قفشتين .. الحمد الله للحين راضيه عن روحي .. بما اني ما اكلت كاكاو فهاز عندي انجاز سويته اليوم من عقب كاكاو جم يوم اللي طافوا .. والحمد الله .. اي تذكرت كليت حبة ورق عنب من ام طفلة عندنا لزمت علي وما كسرت بخاطرها

وبعد شخباركم
وجسوت ماشاء الله على الوزن الله يتمم عليج ونشوفج بالستينات يارب
وزينة ما تشوفين شر وسلامات من النشلة والبلاعيم احنا الاطفال عندنا بالروضة مساكين خشووومهم تصبصب من النشلة والكلينكس مو ملحق

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا حبيبتي موكا تشلير شوكو لوكو اشلونج حبيبتي وتقبل الله منكم مقدما .. ولا يضيق خلقج يوم واحد ما يأثر .. ياعروسنا الحلوة

 

[شوكولاته&فانيلا]

هلا حبيبتي ميزو بالعافية ماكليتي والله يتمم عليج يومج بكل خير وإالتزام

وان شاء الله ماتأثر خرابيط امس الله كريم والله يتقبل منا ومنكم صالح الاعمال..

حدي نعسانه وتعبانه من هالنشله وبعد مع الصيام احس جسمي نااشف ابي سوائل ربي آجرنا

........

 

[Loving Stella]

السلام عليكم تفبل الله طاعه كل الصايمين يارب و الله يآجركم و سلامات شوشو انا بعد متكسره و حدي تعبانه الله كريم
ووزني هاذا اهوا و الاكل مع الفلونزا ماله طعم و الحمد الله على كل حال
انتو شلونكم
عسى الكل بخير يارب

 

[شوكولاته&فانيلا]

بعد عمري ستيلا ان شاء الله الوزن بيتحرك وبتشوفين ارقام حلوة ياحلوة

شالسالفه اليوم محد طل؟؟؟

انا مثل ماقلت كنت صايمه وتفطرت ماي+كوب شوربة قرع+اربع فطاير صغيره زعتر((فطاير تقديم)).... وشربت كوب شاي بشكر تروبيكانا

وبس الحمد لله..

احد موجود؟؟