أبوي الي بينحشني من البيت .. وأبي أمي اشتقت لها

[أمــــــــــل]

شغب


ان شاء الله هذا الي بيصير

وبحاول اهدي الوضع وأسوي مثل نصيحة اختي هب العطر

واقرا سورة البقرة على الماي ..


ومن صوب ثاني اخلي امي تشوف المووضوع من ناحية قانونية

عشان لا نرتكب اي غلطة تخلينا نندم وتسوء الامور اكثر


الله يسهل .. دعواتكم

 

[أمــــــــــل]

والله اني حبيتكم كلكم

الله لايحرمني منكم

اعتبركم خواتي :**

 

[فطوم 84]

بعد عمري امووووله والله احنا نحبج بعد
ديري بالج علي نفسج
وانشالله الله. يسخر ابوج لج

وترا والله الشياب يبون احد يدلعهم. ابوج دلعيه وطيعيه علشان الله يلين قلبه لج

وخليج دايما متواصله معانا ترا كلنا بالمنتدي خواتج وماننساج من دعانا ومتي ماحسيتي ضايق خلقج. قومي بالثلث الاخير بالليل وصلي الله بيستجيب دعاج وبيفرج همج

حبيبتي اموووووله الغاليه

 

[3w!Shni]

كتبت رد وااااااااي

حبيبتي سمعيني

حضانته الي عنده ينقعها ويشرب مايها

بالقااااانوووووووون الكويتي .. و انا اقولج هالكلام من وحده عايشه مثل وضعج كنت والحين الحمدلله ..

بالقانون الكويتي .. انتي فوق ال 21 امرج بيدج

تسقط ولاية الاب عن كلللل امورج الا في الزواج ..

واذا مو راضي يزوجج في قضية اسمها عضل تقدرين ترفعينها و لها مجرى ثاني ..

وحتى لو يا مليووووون واسطة .. مايقدر يردج عنده

لا طال ما انج ماسويتي شي غلط قانونيا و اخلاقيا ..

توكلي على الله وطلعي عند امج حبيبتي من الحين ..

بالعربي

رفسي الباب و لاتخلين اي انسان اي كاااااااااااان يبهذلج ولا يهينج ولا يأذيج .. اذا اهو كلامه لج جي انتي حاولتي تصلحين وسويتي الي عليج جدام ربج ..

واذا تبين محاميين حبيبتي راسليني عالخاص ..

قومي اخذي اغراضج وطلعي من عنده الحين روحي عند امج .. و اذا تعرضلج تروحون المخفر تكتبونه تعهد مايقرب ..

واذا حابسج ومأذيج حبيبتي هذي تروحين المخفر اسمها تقييد حرية او شي جي ..

انتي فوق 21 .. امرج بيدج

 

[ورده الوروود]

امل ياعمري اصبري واحتسبي ابوج جنتج ونارج
فطولي في السجود وادعي ربج فهو المجيب
وحاولي تحاشينه واذا تكلم اصمتي ونزلي عيونج واذا فرح ابتسمي
واطبخي له شي يحبة وادعي له بالخير والصحة جدامه وقوليله يبه انا احبك
جربي والله يكتب اللي فيه الخير القائل( ادعوني استجب لكم ) وحسبنا الله ونعم الوكيل

 

[ورده الوروود]

استغفرالله الذي لا إله إلا هو الحي القيوم وأتوب إليه..
لاحول ولا قوة إلا بالله العلي العظيم ..
​

سبحانك اللهم إني كنت من الظالمين ..
ربي إني لما أنزلت إلي من خير فقير..
ربي إني مسني الضر وأنت أرحم الراحمين..

 

[أخاف اجرح]

الله يعينج يارب ويفك ضيقتج استخيري واذا رتحتي بروحه عند امج روحي

 

[blue ocean]

الله يفرج همج ويهون عليج يالغاليه ..​

حبيبتي والله ودي انصحج واقدملج العون بس اخاف تكون نصيحتي مو بمحلها​

البنات ماقصروا وانتي عليج بالدعاء​

ولاتخلين مشكلتج دابجي وراها وحاولي تلينين قلب ابوج عليج​

تصرفي وبكل الاحوال صبري على بلائج ترى كل بيت​

يالغاليه فيه مشاكل وآلام ..​

الله يكون بالعون وربي يفرجها عليج​

 

[LiL LiLeY]

عسى الله يفرج همج

 

[أمــــــــــل]

بعد عمري امووووله والله احنا نحبج بعد
ديري بالج علي نفسج
وانشالله الله. يسخر ابوج لج

وترا والله الشياب يبون احد يدلعهم. ابوج دلعيه وطيعيه علشان الله يلين قلبه لج

وخليج دايما متواصله معانا ترا كلنا بالمنتدي خواتج وماننساج من دعانا ومتي ماحسيتي ضايق خلقج. قومي بالثلث الاخير بالليل وصلي الله بيستجيب دعاج وبيفرج همج

حبيبتي اموووووله الغاليه

جزاج الله خير يالغالية ..

ابوي قسى خلاص وبديت اكرهه وانا والله ماني حابه هالشي بس من تصرفاته

ولما اقوله انا احبك ليش تعاملني جذي يقول مافيكم الي يحبني كلكم زباله ربي جابكم نقمة

ف الحين انا اسكت ماقمت اتكلم وكله ادعي بقلبي اذا كان موجود

والله يسهل يارب

 

[أمــــــــــل]

كتبت رد وااااااااي

حبيبتي سمعيني

حضانته الي عنده ينقعها ويشرب مايها

بالقااااانوووووووون الكويتي .. و انا اقولج هالكلام من وحده عايشه مثل وضعج كنت والحين الحمدلله ..

بالقانون الكويتي .. انتي فوق ال 21 امرج بيدج

تسقط ولاية الاب عن كلللل امورج الا في الزواج ..

واذا مو راضي يزوجج في قضية اسمها عضل تقدرين ترفعينها و لها مجرى ثاني ..

وحتى لو يا مليووووون واسطة .. مايقدر يردج عنده

لا طال ما انج ماسويتي شي غلط قانونيا و اخلاقيا ..

توكلي على الله وطلعي عند امج حبيبتي من الحين ..

بالعربي

رفسي الباب و لاتخلين اي انسان اي كاااااااااااان يبهذلج ولا يهينج ولا يأذيج .. اذا اهو كلامه لج جي انتي حاولتي تصلحين وسويتي الي عليج جدام ربج ..

واذا تبين محاميين حبيبتي راسليني عالخاص ..

قومي اخذي اغراضج وطلعي من عنده الحين روحي عند امج .. و اذا تعرضلج تروحون المخفر تكتبونه تعهد مايقرب ..

واذا حابسج ومأذيج حبيبتي هذي تروحين المخفر اسمها تقييد حرية او شي جي ..

انتي فوق 21 .. امرج بيدج

الله يعطيج العافية .. السموحة اذا تعبتج وكتبتي مرتين

اذا انتي مجربة منكم نستفيد

انا فكرت فيها وكل شي بسويه قانوني طبعا غير الدعاء وقيام الليل

بس مثل ماقلت بسوي شي قانوني عشان لا اتندم باجر ويسوء الوضع

براسلج خاص تكلميني عن التفاصيل اكثر

مشكورة حبيبتي :*

 

[أمــــــــــل]

امل ياعمري اصبري واحتسبي ابوج جنتج ونارج
فطولي في السجود وادعي ربج فهو المجيب
وحاولي تحاشينه واذا تكلم اصمتي ونزلي عيونج واذا فرح ابتسمي
واطبخي له شي يحبة وادعي له بالخير والصحة جدامه وقوليله يبه انا احبك
جربي والله يكتب اللي فيه الخير القائل( ادعوني استجب لكم ) وحسبنا الله ونعم الوكيل

والله قاعدة احتسب وادعي واقرا قرآن وكل شي

وموقنة بإجابة ربي مايخذلني ان شاء الله

ولما ابوي يتكلم اسكت والله صرت ما اتناقش معاه بس اذا سألني اجاوبه ع قد السؤال

جزاج الله خير يارب

 

[أمــــــــــل]

الله يعينج يارب ويفك ضيقتج استخيري واذا رتحتي بروحه عند امج روحي

امين يارب ويسعدج ..

ان شاء الله بستخير وبسعى والله يكتب الخير والصالح

اشكرج:*

 

[أمــــــــــل]

الله يفرج همج ويهون عليج يالغاليه ..​

حبيبتي والله ودي انصحج واقدملج العون بس اخاف تكون نصيحتي مو بمحلها​

البنات ماقصروا وانتي عليج بالدعاء​

ولاتخلين مشكلتج دابجي وراها وحاولي تلينين قلب ابوج عليج​

تصرفي وبكل الاحوال صبري على بلائج ترى كل بيت​

يالغاليه فيه مشاكل وآلام ..​

الله يكون بالعون وربي يفرجها عليج​

امين يارب ..

جزاج الله خير دعائج كافي يالغالية :*

 

[روحين في رـوح]

رجعت ::

هذا يبقى ابؤكي بس كمان الي بعمله غلط شو دخل الاولاد بمشاكل الوالدين اهو لازم يوضعكم ع جنب يعني ما لازم يحقد عليكم كمان متل ما حقد ع امكم وما لازم يحقد عليكم بمجرد انكم بدكم تشوفوا امكم هذي امك والام لا تكرر مرتين والاب ما بتكرر مرتين بس الام غير
انتي لازم تتمالكين نفسك وتصبرين لازم تاخدين ابوكي لصفك تحملي شوي واعملي الي بطلبه اكسبي محبته شوي ""فاهمه صحيح""

وبس تحسي انك كسبتي محبه ابوكي فاتحيه بالموضوع احكيله يبا تكفى شتقت لامي بشوفها من حقي اشوفها ويعني من هالحكي

وان شالله يقبل وتمين عند امكـ

 

[أمــــــــــل]

عسى الله يفرج همج

امين يارب ويسعدج جزاج الله خير :*

 

[ضــمــاد]

الله يعينج ..


الصبر مفتاح الفرج .. صبري وادعي ان الله يهدي أمج وأبوج


وماعليج من أبوج وكلامه .. يمكن يقول جذي لانه منقهر ومتضايق


بعد ما كبروا عياله .. ماقدروا يتحملونه .. لما كبروا خلو ابوج وطلعوا


انتي ماتدرين شنو سبب المشاكل بين ابوج وامج


يمكن الظاهر لكم شي .. والخافي انتوا ماتعرفونه


أنتي اللي بقيتي لأبوج .. حاولي انج تبرينه .. لما يشوف بنته تبره


لما تبينين لأبوج حبج له .. ربي راح يلين قلبه اكثر عليج


هذا ابوج باب من أبواب الجنه .. لاتحرمين نفسج من هالباب


عطيه الثقه بأنج تحبينه وماراح تتخلين عنه نفس ماسوو أخوانج


وبعدها راح يسمح انج تكلمين امج وتزورينها لو تبين


عسى الله يسخركم لبعض ويهدي ويصلح حالكم

 

[أمــــــــــل]

اللهم اني مغلوب فانتصر

اللهم اني مسني الضر وأنت ارحم الراحمين

 

[أمــــــــــل]

ضماد

مشكورة ياقلبي ,, جزاج الله خير ..

ابوي يدري انه اخواني تخلوا عنه وأنه انا الي بقيت من الظاهر له

من غير لا احسسه ليش يعاملني معاملة قشرة ؟..

اقلها يقول مسكينة وحيدة لاخوات ولا اهل ولا ام ..

خل اكون حنون عليها وما اقسى

تخيلي لما مرته تروح لأهلها اقوله ليش ماتخليني اشوف امي كا مرتك تشوف امها

وتنام عندهم بعد .. يقول مرتي احسن منكم انتو زباله تقارنين مرتي فيج

ولا تقارنين امج بأم مرتي .. مرتي اختها كبرج متزوجة وعندها عيال

انا اسكت والقلب يبجي ..

مشكورة اختي

 

[أمــــــــــل]

اليوم العصر دش داري يفتش فيها صدمني

قلت يبه تبي شي مضيع شي ؟؟ قال انتي شكو ادور ما ادور خايفه من شي لا تبوق لا تخاف

انا لما سألته اقصد اني اساعده .. مو قصدي شنو اتدور ؟؟ وهو عباله انا خايفه من شي ..

انا سكت ورحت صليت العصر ..

ونزلت تحت بعدين لما طلع قلت حق خدامتنا السالفه

لان ماعندي احد اشتكيله قعدت افضفض لها جان تقول ايييييييييييييه يمكن هوا دور تلفون

عشان امس هوا يسأل انا امل في تلفون انا اقول : شكو امل في تلفون انته مايعطي تلفون شلون امل في

قال لها : يمكن في تلفون ماما جيبي عشان كلم

قالت له / خلاص انته يعطي امل تلفون حرام هيا مايسوي شي مايشوف ماما مايكلم ماما بعد

تقول زفها وقال لها اسكتي انتي مالج شغل ..

انا حيل كاسرة خاطرها .. ف تدافع عني حتى تدري انها بتنزف بس تدافع عني جزاها الله خير ..

عاد اكتشفت انه يفتش بداري عباله عندي فون وخاشته .. استغفر الله الله المستعان ..

وصلت فيه المواصيل يشك فيني .. كل من يرى الناس بعين طبعه

لانه عنده خرابيط عباله الناس مثله ..

والله والله بديت اكرهه