الجزء السادس
(حنين تبكي و تنظر ليعقوب صامتة , فقال يعقوب): حنين , انا ادري انج تعبانه و منهاره , بس صدقيني انا كنت نفسج لفتره من الوقت..
(أنزلت رأسها): نفسي , مستحيل , انا اروح عند دكتوره نفسيه , انا وصلت فيني لي الينوون يعقووب..
(ابتسم ليهدأها): حنين , طالعيني..
حنين: مالي ويه..
(يعقووب مبتسما رفع رأسها بيده , نظرت له بعينيه , فقال): لا لج ويه , لج ويه وويهج حلوو..
(ضحكت حنين)...
يعقووب: ايوااا ضحكي , و بعدين الحي ابقا من الميت , كل واحد يعيش عمره , ماكو احد يموت ناقص عمر , شوفي هو توأمي , خذا رزقه على اتم وجه اسرع مني مسك شركة الوالد , و تزوج و صار ابو , و انا توني امسك شركة ابوي , و كل ما احاول اتزوج انطق على راسي , و امي حايسه (ضحك)...
(ابتسمت حنين و نظرت اليه بنظره جميلة): صح! مستحيل تكون هو , عيونك غير عنه...
(في غرفة المعيشة , كانت جنان تبكي)...
عادل: جنااان خلاص ما عليج منها ترى ينت , لو كل وحده ريلها بيموت بتسوي نفسها جان كل الحريم ميانين..
(جنان تبكي و تجيبه): هي مو مينونه عادل , بس مالها احد...
عادل: كافي عندها انتي بعد شنو..
(ضحكت جنان قائلة): عاادل..
(ابتسم عادل و قال): اي ضحكي , يا عيوون عادل.. مادري شفيني صاير رقله(ضحك)..لا تضايقين روحج.. وايد مخلصه انتي..
جنان: هي طيووبه واايد ترى بس نفسيتها تعبانه , لو تعرفونها عدل راح تغير رايك فيها , و سامحني عادل لما هبيت بويهك انك قلت عنها نصابه , لان الله يعلم ان لما توفى اقول لها روحي راجعي , اخذي ورث , تقول لي[ اذا صج كلا مج هو ميت!! شبي بالفلوس اذا الغالي راح ] ما تهمها الفلوس.. عاطفيه حيل و حنوونه..
(عادل ينظر اليها مبتسما): الله يخليكم لبعض ...
(في غرفة حنين)..
يعقوب: حنين اتفقنا نخلي البجي , و اللون الاسود , وتوعديني تدارين بنتج و ما تشوفج تبجين ..
حنين: ان شالله (دعته) يعقووب..
يعقوب: هلا..
حنين: انا محرجه منك , ابيك تنسى كل اللي سويته و ما تحطه ببالك.
يعقوب: من عيووني..(نظر اليها و هي منزلة رأسها , أخذ نفس عميق) يالله انا خل أمشي...
(صار قلب حنين ينبض سريعا , و كأنها تخشى فراق يعقوب): اوكي , يعقوب تقدر تنام هني انا انام عند تووته..
يعقوب: اي تووته..
(ابتسمت حنين): تووته بنتي...
يعقوب: ايييي بتوووول(ضحك) دخت انا مو قاعد اركز , لا امشي شقة بو عدله اقرب عالشركه.. (لم تجبه) يالله مع السلامه...(و استدار ليرحل)...
(حنين منزلة رأسها): راح تيي يعقووب ؟
(التفت اليها , كانت مشاعره اتجاهها تتحرك بحب صادق لم يتوقعه , لدرجة انه كاد سيندفع ليحضنها)...
يعقووب: ان شالله يا توته و ام تووته(و ابتسم)..
(رفعت رأسها و ابتسمت له): مشكوور يعقووب..
(في غرفة المعيشة)...
عادل: وينه يعقوب طول !؟
جناان: اي عادل امبي خل اروح اشوفهم..
(خرج يعقوب و حنين لغرفة المعيشة)...
يعقوب: ها بو عدلة..
عادل: هلا , وينكم؟
يعقوب: عادل , باجر نمر هني نقعد شويه متى ما صار عندنا فجه , انا اقول انيي و تغدونا ناكل اكل حريمي(و ينظر لحنين , ابتسمت منزلة رأسها)..
حنين: حياكم الله..
يعقوب: الله يحييج , يالله مع السلامه..
عادل: مع السلامه..
حنين و جنان: مع السلامه..
جنان: شسويتي؟
(في شقة عادل)...
عادل: شصار معاك انت؟؟
يعقوب: ماكو شي بالبدايه قالت انا مالي ويه اشوفك قلت لها لا لج ويه وويهج حلو , يوييسف ما يطيح الا واقف..
(ضحك عادل و قال): ليش يعني؟ شكلك انت طحت ارض ارض.
(ضحك يعقوب و اجاب): من قلب اخر شي بغيت انا المها , صرت مو بوعيي , هذا و هي ويهها مرهق حلوه جذي , لو جدامي و هي مرتاحه و لابسه يمكن افصل , بسحبك ويااي الله وكيلك , لان خليتها توعدني انها ما تلبس اسود , و تعيش مستانسه عشان بنتها و تنام زين..
(صار يعقوب يتذكر , عاد يعيش تلك اللحظه)..
يعقوب: وعديني ..
حنين: بشنو؟؟
يعقوب: انج تديرين بالج على روحج و على بنتج و تبطلين زعل..(رفع رأسها بيده)..
(نظرت اليه مبتسمه): اوعدك..
(كان يعقوب يتذكرها مبتسما)...
يتبع...
