أحببتك بكل الصدق

[قمر جنها]

هلا بنات محد ابدى رأيه بالجزء١١

 

[قمر جنها]

الحمدلله يعقوب فرحان بان حنين تبادله مشاعره و كلم اهله عشان يتزوجها و هما مرحبين و فرحانين لكن في شي راح يوقف جدامه

 

[قمر جنها]

الجزء الثاني عشر

​

حنين: ان شاالله الله يكتب لك و تحققهم ...

يعقوب: يعني في أمل ان الثاني يتحقق ...

(أنزلت حنين رأسها صامتة)...

يعقوب: يعني السكوت علامة الرضا ...

(دق جرس جوال يعقوب)...

يعقوب: ها بو عدله...

عادل: ها ما رديت لي خبر ؟؟

يعقوب: اووف نسيتك ..

عادل: الحين انا اقول عنك حلييو , طلعت نحيس..

يعقوب: افا ,, كاهي الحين اسألها ,,, حبوووبتي,,,

عادل: اييه , حبوبتي ,,, لنا الله ,,

يعقوب: حنين ,, ترى هذا متأزم ساءلني عن جنان اذا تزوجت ولا لأ ,, من ذيك اليوم و هو يفكر ,,,

عادل: عدااال ,, يعني انت مقصر؟؟

(يعقوب يضحك فأجابت حنين ضاحكة): لا تطمن عادل ,, ارفضته لان بياخذها على مره و ما يبيها تشتغل ... ف تطمن ... بس مادري الحين يوو لها ناس يدد؟ امها قاعده تييب لها ناس على طول ,,

عادل: انزين ابي رقم امها ,, اي احد عشان امي تكلمها ,, ان شالله اكون لحقت ..

يعقوب: ان شالله ,, حنوونه ابي رقم بيتهم عشان امه تخطبها ,,,

حنين: ما اعرفه والله

(تدارك يعقوب ما قالت حنين): خلاص بوعدله انا اييبه لك و انا يااي , ,,,

عادل: ضروري يعقوب الله لا يهيينك ,, ترى ما انام انا صار لي 10 ايام يمكن من قالت لي حنين و انا ضايق خلقي ... انا مادري انها بتروح تتزوج ,, لو ادري جان متصرف ,, بس عبالي بتروح و بترد قلت اذا يات افاتحها ,,

يعقوب: لا تشيل هم اشوف لك الحين الرقم / و اييبه معاي..

عادل: ايي والله يعقوب الله لا يهيينك تكفا ..

يعقوب: عزيز و غالي ..

عادل: تسلم الله يخليك يا رب ... مع السلامه ..

يعقوب: مع السلامه .

ّّّّّّّّّّّّّّّّّّّّّّّّّّّ

يعقوب: حنين تكفين كلميها ,, ترى تخسبق لما سألج و قلتي له ,, بس اخذي رقم امها او بيتهم و شوفي امها ام شنو؟

حنين: من عيوني ..

يعقوب: تسلم لي عيونج غاليتي ...

(اتصلت حنين بجوال جنان في الكويت لكنها لم تجب , فحاولت الاتصال بها مره اخرى و يعقوب يترقب)...

جنان: الوو..

حنين: هلا جنان شلوونج..

جنان: هلا حنوونه ,, عاش من سمع هالصوت ..

حنين: عاشت ايامج ..

(نداء يأتي لجنان): جنان ,, يالله ما صارت...

(جنان تجيب النداء): ان شالله (و تحدث حنين) حنوون عفيه خل اروح الحق الجذاب لي عتبة الباب , قايلين لي ان هذا مطلق و عادي عنده اشتغل ,, الصراحه كلهم عاهات ,, اللي متزوج و اللي مطلق و اللي عقيم استغفر الله ,, خل اروح اشوفه و اكلمج ...

(نظرت حنين ليعقوب نظرة يائسة): خلاص اوكي حبوبه بااي ..

جنان: يالله حبي باي..

(و اغلقت المكالمة)...

يعقوب: شصار ؟؟ ليش ما خذتي الرقم!!

(عاد يعقوب لشقة عادل بحث عن عادل في كل الغرف و لم يجده فصار يناديه):عادل ,, عاادل ...

(أجابه عادل): ها يعقوب تعال انا البلكونه....

(دخل يعقوب الشرفه , فوجد عادل يقف على سورها , و نسمات الهواء العليل تداعب شعره و تحركه)...

يعقوب: ها / بالبلكونه اليوم ..
(استدار عادل و أجابه): ايه , طلعت البلكونه شفت ماكو مطر استغليت ..

(اراد يعقوب ان يغير مزاج عادل المستاء فقال): شفت ماكو مطر استغليت ها , والله ياللي من بلادنا الحلوه (ابتسم عادل) ,, خوالك فاضحينك ويهك حمر من النكد و المحاتات ,, لو طالع نفس اللي كلهم فدوه شفيها ..

(كان الاستياء يتملك ملامح عادل): بما ان خوالي فضحوني عندك ,, بشرني شسويت؟؟

يعقوب: ودي ابشرك بس الظروف يات بالعكس ,, بس يايين لها ناس لما دقت عليها حنين , فردت سلمت عليها و سكرته عشان تروح تشوفه ,, تشوف المعرس ...

(عادل منزلا رأسه و يهزه بالرضا): اوكي ...

يعقوب: لا بو عدله ,, مو عادتك فج شوي ,, انت اللي كنت تلومني لما كنت ما انام الليل افكر بحنين الحين قاعد تسوي مثلي !! بعدين لا تقول ما راح تيي معاي الكويت ...

عادل: امبلا (رفع رأسه و نظر ليعقوب) لازم اروح من زمان مو شايف ابوي و عمامي ..

يعقوب: اي بس تشوف خوالك ..

عادل: لا والله بس عمي ابوك الله يحفظه , من وفاة المرحوم طرشني هني , لين ييت انت , الحين برجع الشركه اللي هناك ..

​

يتبع...​

 

[قمر جنها]

الجزء الثالث عشر..
​

(عاد يعقوب و حنين و ابنتها برفقة عادل للكويت فوجدوا باستقبالهم والدي يعقوب و شقيقته)...

(تقدم بو جاسم و عيناه تنظر لحنين): ها يعقوب يبه حمدلله عالسلامه , يعطيك العافيه ...

(يعقوب مبتسما): الله يسلمك يبا ,(اشار لحنين) هذي حنين يبا ( حمل الصغيره ) و هذي تووته بتول بنت يوسف .

بو جاسم: هلا يبه حنين حياج الله/ شلونج الحمدلله على سلامتج.

(تقدم عادل و قبل رأس بو جاسم): شلونك عم بو جاسم...

بو جاسم: حياك الله عادل يبه (قبل عادل من خديه) الحمدلله على السلامه ,, ما قصرت والله يا بوعدله ,, وقفت مع ولدي وقفة أهل.

(عادل منزلا رأسه مبتسما): تسلم عمي... ما سويت شي.

يعقوب: ها يما (احتضن والدته) شلونج؟؟

أم جاسم: هلا يمه , هلا حبيبي , شلونج حنوونه بعد عمري ,, انتي صغيرونه يمه (و لرقة مشاعر ام جاسم شعرت بالأسى لرؤيتها أرملة ابنها يوسف , فقبلت حنين تبكي) شلونج اميمتي ؟؟

حنين: زينه الحمدلله , خالتي لا تبجين انا مستانسه اني شفتج ..

(تقدمت منال شقيقة يعقوب بعد ان سلمت عليه الى حنين)..

منال: شلونج حنين؟ الحمدلله على السلامه انا منال اخت يعقوب..

حنين: الحمدلله زينه (قبلتها) الله يسلمج هلا و النعم فيكم مشكورين ...


(شعرت حنين بالسعادة , و صارت تقول في نفسها): الله يرحمك يا يوسف و يسامحك ,, اهلك حيل طيبين...


(توجه الجميع ليخرجوا من المطار ,, اذا بامرأة تتقدم لأبو جاسم)...

المرأة: هلا اخوي شلونك؟؟ قرت عيونك ..

بو جاسم: بويه نبيج ..

المرأة: الحمدلله على السلامه يعقوب حبيبي ..

(كان وجه يعقوب متجهم , قبل رأس عمته و قال): هلا عمتي منيره الله يسلمج , شلونج انتي ,, شلون داوود و البنات ؟؟ و محمد ؟؟ حنين ارملة المرحوم (مشيرا لحنين)..

منيرة: هلا حنين شلونج حبيبتي ,, زينين والله يمه ,, عاد بدور كان ودها تيي تستقبلك و ما قدرت تقول انها لي الحين ما جهزت دفتر التحضير ..

حنين: الله يسلمج خالتي ..

منيرة: حبيبتي عمتج , انا عمة يوسف.

حنين: آسفه عمتي ..


(أنزل يعقوب رأسه ثم نظر لحنين و اومأ برأسه لها لكي لا تبالي).

(ذهبت العمه منيره لاخوها و اسرت الحديث): عاد شاف يعقوب عقد الزواج ولا قاعده تتلزق هذي ..

بو جاسم: لا منيره لا تظلمين ,, شافه و شاف صوره معاها ..

منيره: كمبيوتر .. مصدقينها .. و تلاقي العقد مزور بعد .. ولا ليش ما يابها لنا ..

(بو جاسم متذمرا): اختي ,, ابوها سياسي عند خير انا اعرفه قبل الله يرحمه ,, يعني مو محتاجه تنصب ..

منيره: و ليش ما كلمك لما يوسف خذا بنته ,,

(غضب بو جاسم قائلا): منيره الله يهدينا وياج بطلي طريقتج ,, و الشك الدائم بالبشر ..


(ذهبوا جميعا الى المنزل , اخذت ام جاسم حنين الى الطابق العلوي لتريها غرفتها)...

(قبلت حنين رأس ام جاسم): تسلمين لي خالتي ..

ام جاسم: انتي بنتنا مرت الغالي يبتي لنا هالمزيونه (مشيرة لبتول) اللي ما تبيني , تتعود علينا ان شالله بنيتنا ..

(في الأسفل)...

منيره: اخوي , الحين هذي تطلع لك على غفله تأمن و تعطيها ورث ,, و بتزوجها يعقوب بعد !!

بو جاسم: شسوي له ,, هو يبيها ,, الصراحه مزيونه البنت الله يحفظها و صغيره مو ناقصها شي ,,

منيره: بس انت ما رضيت تزوجه بدور على ابو مطلقه ,, ليش بتزوجه هذي الحين , و ما فرقت المطلقه عن الارمله .. و بنت عمته اولى لان مالها احد .

بو جاسم: صاجه والله , خلاص اختي انا احاجيه ..

(في اليوم التالي في الطابق العلوي , في غرفة حنين , و كانت قد خرجت من الحمام للتو , سمعت يعقوب يطرق الباب و يناديها): حنين ..

حنين: هلا يعقوب..

يعقوب: اقدر ادش ..

حنين: لحظه دقيقه قاعده البس يعقوب ..

يعقوب: اوكي ناطرج ..

(انتظر يعقوب مدة 10 دقائق)...

حنين: ادخل يعقوب ..

(دخل يعقوب و ترك الباب مفتوحا): شلونج يا الغاليه ؟؟ حمدلله على سلامتج نور البيت ..

(حنين مبتسمة): الله يسلمك يعقوب ..

يعقوب: زادوا احلامي حلم .. انج تقولين لي حبيبي مو يعقوب ..

(انزلت حنين رأسها)..

يعقوب: فديت اللي مستحيين مني .. اهلي تحت و توته نايمه و الشيطان شاطر .. خايف من روحي(ابتسم).. عادل يبي منج رقم جنان منج رقم جنان ..

حنين: شلون ! اخاف تتضايق ,,,

يعقوب: صج !

حنين: مادري ؟ خل اتصل عليها ..

(اتصلت حنين بجنان)...

جنان: الوو ..

حنين: هاي (مبتسمة) انا بالكويت ..

جنان: صج ! وناسه .. ابي اشوفج , ابي اشوف توته ..

(نظرت حنين ليعقوب): ودنا انا و توته نشوف جنان بليز ...

يعقوب: ولهانه عليها انتي ؟(اومأت برأسها) من عيوني , انتي ما تطلبين , انتي تامريني يا الغاليه..

(ابتسمت حنين قائلة): حبيبي ,, ثانكيو .. خلاص جنون تقدرين الحين ؟؟ تمريني ؟؟

(نظرت ليعقوب فقال لها): اخخ تحقق الحلم , حبيبي , انا اوديج حبي .. قولي لها تقدر تيي سوق شرق ؟؟

حنين: تقدرين تيين سوق شرق؟؟

جنان: اي يمنا على طول , اقدر ايي .

حنين: اوكي ...

(اتصل يعقوب بعادل ولم يجبه)...

يعقوب: شفيه هذا ما يرد ؟

(اتصل ثانية فأجاب عادل): الوو ..

يعقوب: ها بو عدله ؟ وينك الله يهداك ؟

عادل: بالشركه , يعقوب اخلص اللي بايدي و اكلمك ..

يعقوب: عادل يا مينون الشغل , هد اللي بايدك و تعال شرق , حنين متواعده مع جنان ,, تعال حاجها , ضبط امورك معاها...

عادل: صج !! هي ما تزوجت ؟؟؟

يعقوب: انت تعال و افهم منها ..

عادل: خلاص اوكي ياي.

(نزل يعقوب و حنين للطابق السفلي ليخرجوا)...

ام جاسم: يعقوب حبيبي وين رايحين ؟؟

يعقوب: حنين بتشوف رفيجتها و بتشتري اغراض حق الصغيره بالمره ..

ام جاسم: يعقوب يمه ,, ترى ابوك يبيك ,, لي ييت روح له مكتبه ,, بيحاجيك الله يستر ..

(تقدمت حنين لام جاسم و قبلت رأسها قائلة): شلونج خالتي.

ام جاسم: هلا أمي ,, هلا حبيبتي بنيتي ,, هلا باللي فرحتني ببنت يوسف و الحين بتفرحني بيعقوب ,,

(حنين خجلة): مشكورة خالتي , الله يخليج فوق راسنا يارب.. ولا يحرمنا منج..

يعقوب: يما خير ليش الله يستر ! شصاير؟

ام جاسم: عمتك كل يوم عنده تزن على راسه الله يستر ,, مادري شتبي ,, ما ورا قعدتها معاه بروحهم خير...

يتبع...​

​

 

[قمر جنها]

الجزء الرابع عشر و الأخير(وصل عادل لسوق شرق و عيناه تبحث عن جنان متأملا رؤيتها بفارغ الصبر , رآها تمشي عن بعد و يمشي بجانبها شاب شديد الوسامة , شعر بالحزن و كاد يخرج الا انه فكر بان يذهب اليها ليلقي التحية , فوجدها تحدث الشاب قائلة): يا حبيبي روح حق امك يمه , لو عندي عيال جان كبرك ..الشاب: شدعوه ...جنان: وااي وخر ,, رووح ترى ضايقتني و انت تحن على راسي ...(مداخلة من عادل): رووح رووح توكل على الله , بطلوا الاسلوب النازل مالكم هذا اللي تضايقون فيه بنات خلق الله ..(تفاجأت جنان بعادل): عادل!! الحمدلله على السلامه...عادل: الله يسلمج ,, (نظر للشاب) اشناطر توكل على الله...(ذهب الشاب فقالت جنان): مشكور عادل..(ابتسم عادل قائلا): الله يسلمج ,, اقول مبروك ؟ تزوجتي ؟(عقدت جنان حاجبيها استغرابا و قالت): منو قال لك ؟(أخذ عادل نفس عميق و قلبه يتسارع بالخفقان): حنين ... مبروك عالعموم..(ضحكت جنان قائلة): اتزوج منو عادل من صجك ,,(عادل ينظر اليها) امي قاعده تييب لي عاهات على ابو تبي تزوجني , ثلثتأرباعهم ما يبوني اشتغل ,, من صجك عادل ,, والله عساني ما تزوجت ,, عادل معاك احد ولا تيي نقعد بكافيه ننطر حنون و يعقوب..(شعر عادل بالسعادة و قال): والله ايي معاج القمر ,, تعالي ابوي..(خجلت جنان و أنزلت رأسها قائلة): تسلم عادل...(أخذ عادل جنان لستاربكس في دبنهامز لانه اكثر هدوءا)..عادل: ذبحتيني يا البرونزيه ,, طبعا انتي ما تدرين عن روحج شمسويه فيني ,, من اول ما قالت لي حنين امج تبي تزوجج و انا لا اكل ولا نوم مثل باجي الاوادم...(جنان منزلة رأسها): عادل ,, انا ما راح اجذب عليك ,, و اقول لك انك ما كنت على بالي .. بس..(قاطعها عادل قائلا): لا تكفين ,, لا تقولين بس ,, انا بسي ,, تعبت جنان / بذمتي تعبت ... و انا ابي اتقدم لج بس انا خايف ان اهلج من العوايل اللي ما يعطون اذا امه غريبه ,, انا بصراحه امي متوفيه و عمتي اللي راح تتصل تطلبج ...(ذهلت جنان قائلة): صج عادل ؟ انت يتيم ؟(ابتسم عادل قائلا): اي يتيم شكبري؟جنان: و لو , جم عمرك لما توفت ؟عادل: عمري 18 لما راحت الله يرحمها ..جنان: الله يرحمها ,, عشان جذي مو متزوج لي الحين عادل ...عادل: يعني ,, لاهي بالشغل ,, بنفس الوقت خالاتي يحنون اخذ من عندهم لبنانيه , و عماتي يحنون اخذ كويتيه , طبعا من بناتهم , و انا قراري كان اني اتزوج وحده انا اختارها , و كان اختياري انتي , انتي يالبرونزيه , ياللي دشيتي حياتي عنوه , (مسك يديها) جنان انا احبج , و منى عيني تكونين من نصيبي .. جنان: احرجتني عادل , خلاص نشوف اذا الله كاتب لنا نصيب مع بعض راح نتزوج عادل(عادل لا يزال ممسكا بيد جنان ينظر اليها) بس اوعدني تاكل الحين ..(ضحك عادل قائلا): والله آكل اذا تبيني آكل ,, بس ميخالف احلي فيج يا عسل ...(ضحكت جنان و أنزلت رأسها فقال عادل): اخخ على ضحكتج اخخ .. ردت فيني الروح والله ..جنان: امبي تأخرت حنين ,, عادل: بيت عمها بعيد شوي ,,(دق جرس جوال جنان)..جنان: هلا حنوون ..(حنين تبكي): لحقي جنان , لحقي علي ..(جنان تنظر لعادل متفاجأة): شفيج ؟حنين: عمي بيزوج يعقوب بنت عمته ,,,جنان: لا لا مو من صجج حنون ,, عادل: شصاير ؟؟جنان: عمها بيزوج يعقوب بنت عمته ..عادل: اوفففف !!! و يعقوب راضي...جنان: مادري؟ حنون شقال يعقوب؟حنين: مادري ,, لما سمعت الموضوع , عمته سفلت فيني قالت لي صعدي فوق ,, لا تتجسسين علينا ..جنان: يمااا/ بعدين شبتسوين؟؟ انتي حاولي انج ما تنفعلين ,, اهدي و نطري لين ايون يحاجونج , و بيني لهم انج مستعده حق اي شي يبونه , بعدين حاولي تراضينهم ,,حنين: بس انا ما سويت شي ,,,جنان: ادري ,, منو اللي معترض؟ عمج ؟حنين: لا عمته/ عمة يعقوب ...جنان: اللي زفتج ؟؟حنين: اي ...جنان: والله مادري شقول لج/ اذا داشين فيها الحريم , صعبه ... بس اهدي انتي ..حنين: اوكي , عاد ام يعقوب و خالاته و خواته وايد طيبين , بس مادري منين طلعت لي هذي...انا حسيت فيها كارهتني من المطار...جنان: ميخالف ,, شوفي يعقوب شيقول و طمنيني...حنين: اوكي ..جنان: يالله مع السلامه حنون ..حنين: بااي...جنان: بااي...(حنين تبكي في غرفتها , طرق باب غرفتها و تقرأ سورة البقرة)...(فتحت حنين الباب , فوجدت عمها بو جاسم): ها يبه حنين ...حنين: هلا عمي ...(دخل بو جاسم الغرفة قائلا): تعالي يبه ,,بو جاسم: انتي و يعقوب بينكم شي ... ابيج تسولفين لي شصار؟؟؟ جايسج هو؟؟؟حنين: لا عمي , يعقوب وايد يحترمني , بس انا بالبدايه حضنته عبالي ان هو يوسف , يوسف ما قال لي انه عنده توأم , بعدين اقنعني انه يعقوب و قال لي الفرق بينهم حبة خاله , انحرجت منه بالبدايه , بعدين استأذني عشان يطل علينا انا و توته ... قام يمر يتطمن علينا شويه يروح ...بو جاسم: حنين يبه ليش هو مصر يتزوجج ؟؟حنين: ماكو عمي ,, هو قال لي ابي اتزوجج , قلت له انت ما تبيني الا لانك حاس بمسؤولية اتجاهي ,, قال لي لأ ,, انتي لا تحسين بدالي انا اعرف نفسي شنو حاس و شنو ابي , انا ابيج انتي...(بو جاسم منزلا رأسه)...(تنفس بو جاسم بعمق): والله يا يبه انا مادري شقول ,, و اختي الله يهديها تحب المشاكل ,, ولا يعقوب يتزوج بنتي ولا ازعل ,, و يعقوب من البدايه رافض بدور ,, حطت عينها عليه ,, و حال الصبي وقف ...(قامت حنين و قبلت رأس عمها قائلة): و انا حاضرة عمي ,, حق كل اللي تقرره انا حاضرة , و لو ان يعقوب طيب و حبيب و ما يتعوض ,, بصراحه عمي انا راح اعتبرك ابوي مو عمي و اقول لك اني حبيت يعقوب اكثر من ريلي الله يرحمه (و أصبحت تبكي)... بس اذا زواجي منه بيفرق بينك و بين اختك عمي خلاص...(كان يعقوب يقف عند الباب)...بو جاسم: مو هذا مربط الفرس ,, انه طيب و حبيب , ما بغت ريلج هي تبي يعقوب ... لكن لا , ما احرق قلب ولدي انا عشان طيب , و انتي و بنتج اولى , عيال بدور مو ايتام ابوهم عايش... بنتج يتيمه يبه ,(نهض) يالله يبه جهزوا روحكم , والله يوفقكم...(تقدم يعقوب لوالده قائلا): تسلم لنا يبه الله لا يحرمنا منك , (قبل رأس والده) لا تزعل مني يبه ,,,بو جاسم: ولا منك يا يبه , انتو منو مثلك , مستحيل ازعل منك .. موفقين يبه ,, انا اروح اساحلها الحين ...(دق جرس جوال يعقوب , كان عادل المتصل): الوو ...يعقوب: هلا بو عدله .. ها شفت جنان ولا لأ؟؟ عادل: شفتها عطتني رقمهم , ما خليتها تروح الا لمن عطتني اياه , و عمتي كلمت امها الحين ان امي لبنانيه , و امها استانست , و كلمتها هي حسيت ان في قبول من عندها , انت شسويت؟يعقوب: الحمدلله , ابوي نصرني على عمتي , و ان شالله بس نكون جاهزين نملج ...عادل: عالبركه ... لك و لي ....يعقوب: الله يبارك فيك ... مبروكين ان شالله...عادل: الله يبارك , يالله مع السلامه يا الطيب المحبوب...يعقوب: مع السلامه بو عدله ...(أغلق الخط و نظر لحنين قائلا): أحبج حياتي...(جرت حنين اليه و احتضنته): و انا اموت فيك ,, اموت بعيونك...(حملها للأعلى و احتضنها بقوه ثم انزلها و حمل الصغيره و قبلاها معا)....

 

[قمر جنها]

الجزء الرابع عشر و الأخير​

ام جاسم: عمتك كل يوم عنده تزن على راسه الله يستر ,, مادري شتبي ,, ما ورا قعدتها معاه بروحهم خير...

(وصل عادل لسوق شرق و عيناه تبحث عن جنان متأملا رؤيتها بفارغ الصبر , رآها تمشي عن بعد و يمشي بجانبها شاب شديد الوسامة , شعر بالحزن و كاد يخرج الا انه فكر بان يذهب اليها ليلقي التحية , فوجدها تحدث الشاب قائلة): يا حبيبي روح حق امك يمه , لو عندي عيال جان كبرك ..

الشاب: شدعوه ...

جنان: وااي وخر ,, رووح ترى ضايقتني و انت تحن على راسي ...

(مداخلة من عادل): رووح رووح توكل على الله , بطلوا الاسلوب النازل مالكم هذا اللي تضايقون فيه بنات خلق الله ..

(تفاجأت جنان بعادل): عادل!! الحمدلله على السلامه...

عادل: الله يسلمج ,, (نظر للشاب) اشناطر توكل على الله...

(ذهب الشاب فقالت جنان): مشكور عادل..

(ابتسم عادل قائلا): الله يسلمج ,, اقول مبروك ؟ تزوجتي ؟
(عقدت جنان حاجبيها استغرابا و قالت): منو قال لك ؟

(أخذ عادل نفس عميق و قلبه يتسارع بالخفقان): حنين ... مبروك عالعموم..

(ضحكت جنان قائلة): اتزوج منو عادل من صجك ,,(عادل ينظر اليها) امي قاعده تييب لي عاهات على ابو تبي تزوجني , ثلثتأرباعهم ما يبوني اشتغل ,, من صجك عادل ,, والله عساني ما تزوجت ,, عادل معاك احد ولا تيي نقعد بكافيه ننطر حنون و يعقوب..

(شعر عادل بالسعادة و قال): والله ايي معاج القمر ,, تعالي ابوي..

(خجلت جنان و أنزلت رأسها قائلة): تسلم عادل...

(أخذ عادل جنان لستاربكس في دبنهامز لانه اكثر هدوءا)..

عادل: ذبحتيني يا البرونزيه ,, طبعا انتي ما تدرين عن روحج شمسويه فيني ,, من اول ما قالت لي حنين امج تبي تزوجج و انا لا اكل ولا نوم مثل باجي الاوادم...

(جنان منزلة رأسها): عادل ,, انا ما راح اجذب عليك ,, و اقول لك انك ما كنت على بالي .. بس..

(قاطعها عادل قائلا): لا تكفين ,, لا تقولين بس ,, انا بسي ,, تعبت جنان / بذمتي تعبت ... و انا ابي اتقدم لج بس انا خايف ان اهلج من العوايل اللي ما يعطون اذا امه غريبه ,, انا بصراحه امي متوفيه و عمتي اللي راح تتصل تطلبج ...

(ذهلت جنان قائلة): صج عادل ؟ انت يتيم ؟

(ابتسم عادل قائلا): اي يتيم شكبري؟

جنان: و لو , جم عمرك لما توفت ؟

عادل: عمري 18 لما راحت الله يرحمها ..

جنان: الله يرحمها ,, عشان جذي مو متزوج لي الحين عادل ...

عادل: يعني ,, لاهي بالشغل ,, بنفس الوقت خالاتي يحنون اخذ من عندهم لبنانيه , و عماتي يحنون اخذ كويتيه , طبعا من بناتهم , و انا قراري كان اني اتزوج وحده انا اختارها , و كان اختياري انتي , انتي يالبرونزيه , ياللي دشيتي حياتي عنوه , (مسك يديها) جنان انا احبج , و منى عيني تكونين من نصيبي ..

جنان: احرجتني عادل , خلاص نشوف اذا الله كاتب لنا نصيب مع بعض راح نتزوج عادل(عادل لا يزال ممسكا بيد جنان ينظر اليها) بس اوعدني تاكل الحين ..

(ضحك عادل قائلا): والله آكل اذا تبيني آكل ,, بس ميخالف احلي فيج يا عسل ...

(ضحكت جنان و أنزلت رأسها فقال عادل): اخخ على ضحكتج اخخ .. ردت فيني الروح والله ..

جنان: امبي تأخرت حنين ,,

عادل: بيت عمها بعيد شوي ,,

(دق جرس جوال جنان)..

جنان: هلا حنوون ..

(حنين تبكي): لحقي جنان , لحقي علي ..

(جنان تنظر لعادل متفاجأة): شفيج ؟

حنين: عمي بيزوج يعقوب بنت عمته ,,,

جنان: لا لا مو من صجج حنون ,,

عادل: شصاير ؟؟

جنان: عمها بيزوج يعقوب بنت عمته ..

عادل: اوفففف !!! و يعقوب راضي...

جنان: مادري؟ حنون شقال يعقوب؟

حنين: مادري ,, لما سمعت الموضوع , عمته سفلت فيني قالت لي صعدي فوق ,, لا تتجسسين علينا ..

جنان: يمااا/ بعدين شبتسوين؟؟ انتي حاولي انج ما تنفعلين ,, اهدي و نطري لين ايون يحاجونج , و بيني لهم انج مستعده حق اي شي يبونه , بعدين حاولي تراضينهم ,,

حنين: بس انا ما سويت شي ,,,

جنان: ادري ,, منو اللي معترض؟ عمج ؟

حنين: لا عمته/ عمة يعقوب ...

جنان: اللي زفتج ؟؟

حنين: اي ...

جنان: والله مادري شقول لج/ اذا داشين فيها الحريم , صعبه ... بس اهدي انتي ..

حنين: اوكي , عاد ام يعقوب و خالاته و خواته وايد طيبين , بس مادري منين طلعت لي هذي...انا حسيت فيها كارهتني من المطار...


جنان: ميخالف ,, شوفي يعقوب شيقول و طمنيني...

حنين: اوكي ..

جنان: يالله مع السلامه حنون ..

حنين: بااي...

جنان: بااي...

(حنين تبكي في غرفتها , طرق باب غرفتها و تقرأ سورة البقرة)...

(فتحت حنين الباب , فوجدت عمها بو جاسم): ها يبه حنين ...

حنين: هلا عمي ...

(دخل بو جاسم الغرفة قائلا): تعالي يبه ,,

بو جاسم: انتي و يعقوب بينكم شي ... ابيج تسولفين لي شصار؟؟؟ جايسج هو؟؟؟

حنين: لا عمي , يعقوب وايد يحترمني , بس انا بالبدايه حضنته عبالي ان هو يوسف , يوسف ما قال لي انه عنده توأم , بعدين اقنعني انه يعقوب و قال لي الفرق بينهم حبة خاله , انحرجت منه بالبدايه , بعدين استأذني عشان يطل علينا انا و توته ... قام يمر يتطمن علينا شويه يروح ...

بو جاسم: حنين يبه ليش هو مصر يتزوجج ؟؟

حنين: ماكو عمي ,, هو قال لي ابي اتزوجج , قلت له انت ما تبيني الا لانك حاس بمسؤولية اتجاهي ,, قال لي لأ ,, انتي لا تحسين بدالي انا اعرف نفسي شنو حاس و شنو ابي , انا ابيج انتي...

(بو جاسم منزلا رأسه)...

(تنفس بو جاسم بعمق): والله يا يبه انا مادري شقول ,, و اختي الله يهديها تحب المشاكل ,, ولا يعقوب يتزوج بنتي ولا ازعل ,, و يعقوب من البدايه رافض بدور ,, حطت عينها عليه ,, و حال الصبي وقف ...

(قامت حنين و قبلت رأس عمها قائلة): و انا حاضرة عمي ,, حق كل اللي تقرره انا حاضرة , و لو ان يعقوب طيب و حبيب و ما يتعوض ,, بصراحه عمي انا راح اعتبرك ابوي مو عمي و اقول لك اني حبيت يعقوب اكثر من ريلي الله يرحمه (و أصبحت تبكي)... بس اذا زواجي منه بيفرق بينك و بين اختك عمي خلاص...

(كان يعقوب يقف عند الباب)...

بو جاسم: مو هذا مربط الفرس ,, انه طيب و حبيب , ما بغت ريلج هي تبي يعقوب ... لكن لا , ما احرق قلب ولدي انا عشان طيب , و انتي و بنتج اولى , عيال بدور مو ايتام ابوهم عايش... بنتج يتيمه يبه ,(نهض) يالله يبه جهزوا روحكم , والله يوفقكم...

(تقدم يعقوب لوالده قائلا): تسلم لنا يبه الله لا يحرمنا منك , (قبل رأس والده) لا تزعل مني يبه ,,,

بو جاسم: ولا منك يا يبه , انتو منو مثلك , مستحيل ازعل منك .. موفقين يبه ,, انا اروح اساحلها الحين ...

(دق جرس جوال يعقوب , كان عادل المتصل): الوو ...

يعقوب: هلا بو عدله .. ها شفت جنان ولا لأ؟؟

عادل: شفتها عطتني رقمهم , ما خليتها تروح الا لمن عطتني اياه , و عمتي كلمت امها الحين ان امي لبنانيه , و امها استانست , و كلمتها هي حسيت ان في قبول من عندها , انت شسويت؟

يعقوب: الحمدلله , ابوي نصرني على عمتي , و ان شالله بس نكون جاهزين نملج ...

عادل: عالبركه ... لك و لي ....

يعقوب: الله يبارك فيك ... مبروكين ان شالله...

عادل: الله يبارك , يالله مع السلامه يا الطيب المحبوب...

يعقوب: مع السلامه بو عدله ...

(أغلق الخط و نظر لحنين قائلا): أحبج حياتي...

(جرت حنين اليه و احتضنته): و انا اموت فيك ,, اموت بعيونك...

(حملها للأعلى و احتضنها بقوه ثم انزلها و حمل الصغيره و قبلاها معا)....:edbf4317b9:

النهاية:stars::bye22:​

 

[قمر جنها]

حبيباتي اللي شاركوني روايتي اتمنى انكم استمعتوا معاي:yaaaaaarb:

:eh_s(17)::bye22:​

 

[hadell elsirgan]

حبيت الرواية كتير كتيرررررررررررررررررر بس لية مكملتيهاش و قولتلنا اتجوزو ولا لاء جنان و عادل ؟؟
و خلفوا ولا لاء و عمة يعقوب عملت اية قوللنا الاخبار

 

[قمر جنها]

حبيبتي هديل والله

طريقتي في كتابة القصص عباره عن تفريغ للرومانسيه اللي احلم فيها

اقري قصتي اللي بالتوقيع يمكن تستمتعين فيها


و انا فرحانه برايج حبوووبه و مشاركتج

اشكرج واايد و سعيده حيل بأعجابج. بالقصه

 

[قمر جنها]

بنات ختمت احببتك بكل صدق

و اللي عرضت فيها مشاعر صادقه حسوها شابين واحد بأواخر العشرينات

و الثاني بأواخر الثلاثيناات

راح توحشوني على ما اكتب روايتي اليديده


بااااااي حبيباتي

 

[قمر جنها]

:eh_s(7):

 

[معي احلى]

رهيييييييييييييييييييييييييييييييييييييييييييييبه

 

[قمر جنها]

رهيييييييييييييييييييييييييييييييييييييييييييييبه

يسلمو حبوبه اشكرج ،،،

 

[قمر جنها]

ههههههههه فاجأتيني انج قريتيها ،، لاني من زمان منزلتها ،، قبل اه من الاجانب .... شلون لقيتي الروايه ،، حلوه وله ،،،،،،،،،

 

[قمر جنها]

رهيييييييييييييييييييييييييييييييييييييييييييييبه

على كل حال نورتي الروايه يا غاليه

 

[Ms.romanceya]

اممبي عجيييييييبة حدهااااا

ولج الله عليج وايد حلوة الرواية كانت مذهلة ورهيييبة وكان في القليل من الجرئة بس صدمتيني كانت هذي الرواية عكس باجي الروايات قصتها مختتلفة جدا عن الباجي ويسلممممووو​

 

[قمر جنها]

اممبي عجيييييييبة حدهااااا

ولج الله عليج وايد حلوة الرواية كانت مذهلة ورهيييبة وكان في القليل من الجرئة بس صدمتيني كانت هذي الرواية عكس باجي الروايات قصتها مختتلفة جدا عن الباجي ويسلممممووو​

ههههههه ،،،،
هلا حبيبتي ،، :eh_s(17): انا والله نزلت هالقصه قبل اه من الاجانب ،، هههه ،، هذا اللي يابه خيالي وقتها ،، تسلمين لي حبيبتي مشكوره ، قريتي سلمان و امنه ،، اقريها تشرفيني برواياتي والله

 

[قمر جنها]

مبارك عليكم الشهر يا بنيات و عساكم من عواده

 

[قمر جنها]

اب
اب
اب
اب

 

[قمر جنها]

تفضلو سيداتي و انساتي و انسوني باراءكم