نصايح للبجريات ...
1- لا تسوين عمليات انتحاريه ولا تسمعين كلام احد بهالسوالف ترا ما تنفع كلش , وادا انفعتج مره يمكن المره اليايه تضرج ..
2- اذا ياج عوار وصار منتضم كل نص ساعه روحي المستشفى على طول لان هذي ولادة بس في وقت تروحين المستشفى ويحطولج التخطيط ليما تولدين ...
3- اذا ماكو عوار منتظم بس صار فيج صخونه ولا ترجيع = مع اسهال روحي الطوارئ وجيكي على عمرج لان يمكن تكون هذي بداية الولاده مثل ما صار فيني ابجري ..
4- اذا معاج عوار بسيط ونزل عليج ماي او دم او افرازات فيها دم على طول روحي المستشفى ولا تنطرين ..
5- دايما عدي حركة البيبي لازم تكون 10 مرات خلال ال10 ساعات, اذا حسيتي ان حركة البيبي قليله لازم تروحين تجيكين وتسوين تخطيط لان يمكن يكون تعبان ولا نبضه قليل فيقدرون يساعدونج بالوقت المناسب, ترا السالفه صج ما ينسكت عنها فلا تتهيونين فيها ...
6- التمر والمشي والجماع وايد زينين حق ولادة سهله باذن الله , اذا ما انفعوج ماراح يضرونج ..
اهم نصيحه مهمه وحطيها حلقة باذونج انج لا تخترعين من قصص فلانه وعلانه الي تبينه سويه واستخري قبل كل شي, الي صار حق فلانه مو بالضروري راح يصير لج, جسم عن جسم يفرق ترا, وحتى انتي يمكن بحمالج الاول غير عن الحمال الثاني , ودايما سالي دكتورتج عن اي تساؤل يمر ابالج حتى لو كان سخيف, اذا حسيتي ان جواب الدكتور ما اعجبج اخذي راي ثاني وهذا عين الصح ..
هذي نصايح اعطيج اياها من خلال 3 تجارب بالحمل , الحين راح اطبق شي ما طبقته من قبل , اني ماراح اسوي عمليات انتحاريه كلش ...
