رد: إذا أنتي مطلقه شاركينى؟
اختي عهود الحب انتي فعلا مثل يدتنا صج بس مو لانج كبيره بالسن لا والله لانج كبيره بحنانج وغطئج الطيب واخلاقج الي تخلي الوحده تقول الي بقلبها بدون تفكير الله يهون علي مشاكلج ويبرد قلبج ويعطيج خير هالدنيا يا رب
مشكورة يا هتونا
الله يفرح قلبج ويسعدج و يعوضج قولي آمين
انا ودي افضفض لكم
بس مااقدر اذكر كل شي يمر بحياتي حاليا
لانه كل مرة اقرق هني وافضفض اقعد ابجي عقبها ههههههههههههه
شحقه ابجي ماادري
لاحياتي قبل كانت حياة عنتر وعبلة ولاكان في حب متبادل وسعادة ترفرف فوق راسي طول حياتي معاه
ولاحياتي الحين احسن
يعني الحياة بصراحه اصعب احيانا من شرب قلاص الماي
والله انه احيانا احس بحلقومي شوك من الضيم و الغبينه
ومرات ابولع واشاهق وابجي بليا سبب اقول ياربي شفيني
هل انا معترضة على قضاء ربي و قدره لاوالله حشا لله ماني معترضه على حكم ربي
واحمد ربي واشكره على ماكتبه لي من نعم حتى بالالم نعمة
بس ابجي رأفة بحالي وحال عيالي
اهم خمسة ربي يخليهم لي و يخليني لهم
من بيداريهم لو عيني تغيب
والله امس رحت وجيلت للبيت وشريت لكل واحد فيهم شنو بخاطره وشنو يحب من اكل وفاكهه
عقب وانا رادة لبيتي بجيت لين قلت بس شفييييييييج تبجين افكر ياربي لو عيني تغيب منو بيشتري لهم
يويل حالي اكل حالي الهم والتفكير
ياربي لطفك فيني وفي عيالي
وسخر لنا جند من جنودك
اللهم امين
