إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[ألوان مائيه]

رد: إذا أنتي مطلقه شاركينى؟

يا ريت الي عندها جرعة صبر تعطيني لان خلص الصبر الي فيني

 

[ألوان مائيه]

رد: إذا أنتي مطلقه شاركينى؟

عهود الحب معقوله معلقه من سنين ؟؟ اشلون ؟
انا سنه واحس ان صار لي رقم قياسي اشلون على وضعج .؟ وشنو السبب الي خلاج معلقه سنين ؟؟

 

[ميممو]

رد: إذا أنتي مطلقه شاركينى؟

صباح الخير اختي عهود الحب الله قادر يعوضج وينسيج وتلهين بحياتك وبعيالك ابعدي عن كل شئ يذكرك فيه او بذكراه الاماكن الي كنتو تروحونها والاشياءالي سويتوها سوى كل شئ واي شئ حتى الاغاني وانشالله ما تسمعين اغنية عالبال مرة ثانية ولا يطري على بالك واتوقع انج للحين متألمة وذاكرك لانج معلقة يمكن لا تطلقتي تكون السالفة ارحم

 

[مستقبلي احلى]

رد: إذا أنتي مطلقه شاركينى؟

بنات لا تنسون الاستغفار

حسبي الله على الرياييل اللي ما يخافوون الله

 

[عهود الحب]

رد: إذا أنتي مطلقه شاركينى؟

صباح النور ياهلا خواتي


اي والله معلقه من سنين وكل ما انحلت مشكلتي ردينا لنقطة الصفر


او ان رصيدي صفر


يمكن ماادري اللي اعرفه انه الحزن رصيده في حياتي ملايين


لا شغلتها يومين هالاغنية ماادري ليش وقعدت ابجي هههههههههه شفيني خبله ماادري بس قلب المرة ضعيف


وصعب الواحد ينسى


شلون انسى وغرفة نومي مااتغيرت هي هي حتى الفراش على حاله من اخر ليلة جمعتنا وكانت هي النهاية


وشلون انسى ووجيه عيالي تذكرني بملامحه ؟؟؟؟؟؟؟


وشلون انسى وانا امر كل يوم لنفس المكان الي شفته فيه معاها وهي تتمشى يمه ويناديها ؟



وشلون انسى ؟؟ مايخليني انسى روحي وهمي لحظات الا سورة البقرة ودمعن اهله لي سمعت صوت المقريء



كل شي ينسى الا العشرة




الاخت الي قالت بتعلم منج شتتعلمين ؟


لاتتعلمين من قصتي لاني باختصار Biggest Lossers



اليوم اسمع البراك


لقيته بتوقيع وحدة من البنات


http://www.tvquran.com/Al-Barrak_2.htm


سمعوه معاي



بجيت لين صفى راسي




يارب محد يعلم بمعاناتي الا انت

يارب تغفر لي خطأي وتطمن قلبي على مستقبل عيالي

يارب ريحني لو بالموت اذا كان بموتي صلاح مستقبلهم هالخمسة


يارب مايعلم باللي فيني من هم سنين الا انت

يارب انت تعلم اني كنت بيوم زوجته واطعته ورميت بنفسي في سلاسل الديون اكراما له وطاعة


يارب لاتخليني يارب لاتخليني

يارب لاتتركني على رفوف النسيان مهملة


يارب مو عشاني عشان عيالي

يارب انا عبدتك الضعيفة بحاجتك لاتتركني

 

[عهود الحب]

رد: إذا أنتي مطلقه شاركينى؟

__________________
هذا دواء لكل من تعاني من الكآبه او الضيقة
((استغفر الله الذي لا أله الا هو الحي القيوم واتوب اليه ))ردديها مئة مرة وسترين العجب بإذن الله



استغفر الله و اتوب اليه


بس الهم ماله دوا


كل شي له علاج الا الهموم مالها علاج


حسبي الله ونعم الوكيل

حسبي الله ونعم الوكيل


حسبي الله ونعم الوكيل




انا جذي يومين انسى والثالث لازم ينقلب هم ودموع

صعب انسى لاتقولين انسي



لاحول ولاقوةالا بالله العلي العظيم

 

[عهود الحب]

رد: إذا أنتي مطلقه شاركينى؟

انا ماادش داري
غرفة النوم تحولت بقدرة قادر الى مخزن مهمل
ماادشها نهائي
لي سنة مانمت فيها
لانه تصالحنا شهرين
هي شهرين بس ماهي شهرين
هي زمن كل يوم يمر جنه قرن


ليش ماادري الي اعرفه انه في ناس عديمة خوف من رب العالمين ماخلوني احس اني ممكن اكون ام عياله من جديد


يمكن هي تغار بس حق شنو تغار وهي دمرت بيت كامل


حسبي الله ونعم الوكيل


الله ينتقم منهم بقلب ام وزوجة مهانة بمعنى الكلمة
ادعي ربي ينتقم منهم بصحتهم مثل ما ضروني وانا ماضريت احد منهم

حسبي الله ونعم الوكيل

 

[بــ زايد ــنت]

رد: إذا أنتي مطلقه شاركينى؟

عهووود لا لا لا والله اقشعر بدني

حبيبتي والله حسيت انج مقهوره قهر كبير

الله يفرجها عليج يااارب


حبيبتي شوفي لا تضيقين بعمرج ترا هالدنيا اختبار من الله ولازم تصبرين وبعد الصبر فرج اكيد

الله يطول بعمرج ويخليج لعيالج يا رب

لا تقولين جيه والله عورتي قلبي..

قولي الحمدالله على كل حال

 

[عهود الحب]

رد: إذا أنتي مطلقه شاركينى؟

مزعجه لما اكتب وابجي
يارب تهديني

 

[عهود الحب]

رد: إذا أنتي مطلقه شاركينى؟

يارب انت تعلم اني صابرة
بنت زايد
بصبر بس عشان عيالي
حتى حقي بقضية الطلاق ضيعته
كل حقوقي شنو ؟ ولاشي يااختي
حقي عند رب الكون


عن اذنج انا مرات اطلع الي بقلبي وماراعي خاطر عيالي الحين البيت كئيب بروح اغسل واتوضى


الله يصبرني ويهديني ويمسح على قلبي وينسيني

 

[بــ زايد ــنت]

رد: إذا أنتي مطلقه شاركينى؟

عهوود حبيبتي والله عورتي قلبي

حتى دموعي نزلت


ليش الناس جيه ليش يظلمون غيرهم


الله ياخذ حقج حبيبتي والله ينتقهم منهم ,,.. الله ياخذ حقج منهم

انا اخاف ادعي على الناس بس والله عورتي قلبي حسيت انج مقهوره من داخلج

 

[ميممو]

رد: إذا أنتي مطلقه شاركينى؟

الله يتقبل دعائك ويخفف على قلبك يا رب وينتقم من كل من ظلمك اميين

 

[qa6wa_q8]

رد: إذا أنتي مطلقه شاركينى؟

اختي عهوود انتي ليش ما طلقتي شنو نااطره ؟؟؟

 

[qa6wa_q8]

رد: إذا أنتي مطلقه شاركينى؟

تدرون شنو مشكلتكم انكم حاطيين الرياال او الريل اهوو كل شي بحيااتكم وناسين نفسكم وحياتكم شنو يعني مطلقه وعندج اعيال يعني ميته ادفن نفسي لاا اعيش احسنهاا عييشه خوو الحكومه مو مخليه احد معاش ومن الشؤون ونفقه غصبن علييه يدفعهاا و السكن شدي حييلج بشهااده وحوتوظفي وحطييلج اغدعهاا مكاان ربي اعيالج اهم سندج مو ريل اعتمدو على نفسكم ولاا تخلون احد يتحكم بحيااتكم اهووه عملر وااحد عيشووه بماا يرضي الله

 

[عهود الحب]

رد: إذا أنتي مطلقه شاركينى؟

اختي عهوود انتي ليش ما طلقتي شنو نااطره ؟؟؟

ما اتطلقت لانه هذي الطلقة الثالثة ومو راضي يطلقني

لانه اذا طلقني حرمت عليه


طيب انا راضية خل اتطلق واحرم عليه وارتاح من حالتي


بس شنو الحل اذا انتي اذا تكلمتي بموضوع الطلاق بجت امج ولا انهارت وقالت انا مو راضية عليج

وعسى ربي مايوفقج اذا ضيعتي روحج وضيعتي حق عيالج



مالنا حق سوى التراب


اختي قطوة الي ايده بالنار مو مثل الي يده بالماي


ماتحسين بكلامي يمكن لانج بنت او لانج متزوجة

مايحس باحساسي الا المعلقه او المطلقة



مايحس بالنار الي بقلبي الا الي جربها

عساكم يابنات ماتجربونها والله ادعي محد يشوف بحياته يوم مر


الا هو


عساه يشوف نص ما وراني بحياتي


مو رابطة حياتي فيه

بس تخنقني العبرة لما اتذكر حياتي معاه


شي مو سهل ولاهي ورق ونقطعه
هي ذكريات ومشاعر



مومشكلة لو انا احب انسان وفي ويستاهل
الموت لما تحب الزوجة زوج مادرى عنها



مستحيل الحياة بهالشكل وهذي حياتي باختصار
كل ماقلت نسيت ارد للذكرى
صعب انسى


وان نسيت ذكرني كل ماحولي

ولا جاني احد ملقوف وسألني شلون بوفلان
ولي نطقوا اسمه او كنيته
تذوب ركبي من الي احسه


صعب تحب انسان مايحبك ولايدري عنك ولااحد لايمني ان حبيت زوج سابق مادرى عني
حسبي الله ونعم الوكيل
يامرارة طعم الدمعه




حسبي الله عليكم يامن سعيتم في خراب بيتي حسبي عليكم

حسبي الله عليك يازوجي ونعم الوكيل خليتهم يضحكون و يشمتون

يمشون باخباري بين الكويت والسعودية


عقب ماني كفو للسفر صرت تعرف تسافر
سبحان من غيرك وخلاك خاتم باصبعها



الله يصبرني على تربية عيالي وهمومي وديوني




ولا طمع محامي ولا حقران اهل ولا شماتة زميلة عدوة


ايه يازمن نسيت طعم الضحك من قلب من زمان والله


لا اله الا انت سبحانك اني كنت من الظالمين


.

 

[عهود الحب]

رد: إذا أنتي مطلقه شاركينى؟

بما اني كله نايمة بهالموضوع وكله ابجي من واجبي ارد على اسئلة صاحبة الموضوع رغم انها ماقامت تدش الظاهر عسى بي يوفقها ويسخر لها عبيده




كم دام زواجك؟


لحد الآن ولا الى حد الانفصال الغير رسمي ؟ لحد الآن متزوجة لي 13 سنة بس اخر سنتين منفصلة عنه
معلقة بالعربي رجعت له شهرين وعقب زادت المصايب والمشاكل وفضلت اختيار الكرامة وطلبت الانفصال
وكان اختيار اهلي ان يهجرني زوجي بلا طلاق وطلبوا منه هجري وتركي بحالي

وشوية كلام منه بالعظم بالتلفون وختمها بكلمة والله لاتركج مثل ما اخترتي بس والله لتندمين
والله لتندمين
والله لتندمين


هل تظنين أنك غلطتي وأنك سبب الطلاق؟

اي نعم انا سبب كل شي انا امر فيه
لاني انسانه على النية حيل اكثر مما اي شخص يتصور
وهو انسان خبيث اخبث ممل تتخيلون واذا قال شي يكون راسم خطه خمسية وناوي ستين نية

ولاني مسكينة ماقدرت اجاريه ماقدرت

حاسه بالظلم ؟




الظلم يهون
احساسي اكبر من الوصف


يكفي لو اقولج اني ميته بجسد حي وبس


انا في حالة غيبوبة واتمنى يجي يوم اطلع من حالتي اتمنى

شنو أكثر شي مضايقك بعد الطلاق؟


اكثر شي مضايقني عيون بناتي والاماكن والذكريات وغصات قلبي ودموعي و ديون كسرت ظهري
وبيت انا قوامته من سنين من قبل ننفصل و شيب ترس شعري من عمر 25 سنة من عرفت اني مجرد شيك مفتوح لزوجي

اكثر شي مضايقني اني للحين ما مت ليش يارب ماخذيتني ؟؟؟
ليش ؟؟؟؟؟؟؟؟؟؟

انا اتمنى الموت والراحة لعل وعسى حال هالخمسة يتعدل
يمكن يحن قلبه ويربيهم
انا شنو فايدتي غير ولاشي


تشتاقين له وتتمنين تردين له ؟



اه ياشوق عيني لشوفته
واذا شفته ومليت عيني فيه

بصد واروح
ابي اقفي واتركه ماعاد له لزمة اللحين
عقب كل ماجرى بحياتي وش ابي فيه ؟


خلاص جرحي ما انساه لو ينقلب انسان ثاني
القلب لي انكسر مايرد مثله قبل



شنو أكثر شي ندمتي عليه وعطي نصيحتج لنا؟




ندمت اني طيبة حيل وعلى النية
نصيحتي لاتعطي كثيرا حتى لاتندم كثيرا

نصيحتي يابنات مهما تسوين الحماة حمى
والخالة خلل
والعمة عماة عين


لاني اقول لام زوجي عمتي
فهي عمت علي ودمرت حياتي

نصيحتي الرجال الي يحبج لفلوسج لاتحبينه عسى ربي لايحبه


وأترك لك المجال تختارين السؤال الي في بالك وتجاوبين عليه بصوت عالي ؟



لو بيدي اصرخ لاصرخ بكلمة ليش ؟ بأعلى صوتي كود الكون كله يسمع صرختي

واتمنى عقبها اموت وارتاح

ياخسارة عيالي بس

 

[عهود الحب]

رد: إذا أنتي مطلقه شاركينى؟

أمانه بنات صارحوني انا احس اني اقرق حيل وماخذه مساحه مزعجه بالموضوع هذا
لاتلوموني في كلام محشور بصدري ولما ادش هني اتكلم وابجي واحس في ناس كثيرة تقرا وتدعي لي ان الله يفرج همي
بنات تكفون يمكن ربي يعدل حالي لما تددعون لي
استغفر الله واتوب اليه

 

[عهود الحب]

رد: إذا أنتي مطلقه شاركينى؟

اللهم إني أعوذ بك من جهد البلاء , ودرك الشقاء , وسوء القضاء , وشماتة الأعداء , اللهم مقلِّب القلوب , ثبت قلبي على دينك

 

[عهود الحب]

رد: إذا أنتي مطلقه شاركينى؟

مافي مطلقات الظاهر ولا معلقات من صماخهن مثلي ولا في ارامل ولا في احد
الكل بسبات ونبات ومرتاحين


مافي احد هني الا عهود الحب تندب حظها مالت على قلبن مايطيع النصيحة

 

[عهود الحب]

رد: إذا أنتي مطلقه شاركينى؟

شكلك رجال وو داش تستعبط بس حسبي الله ونعم الوكيل