إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[qa6wa_q8]

رد: إذا أنتي مطلقه شاركينى؟

شووفي اختي عهووود اناا مطلقه وعندي بنت وولد دام زوااجي 8 سنييين مااشي امي كاانت وربي تبووس رااسي ماا اطلق واردلاا بس مووته مارجعتله قالت الي قالته مثل كلاام امج لج بس هذي حياتي مو حيااتهاا انتي اناا شقيييت على ما استقرييت بس مادفنت نفسي بلحياا احسنهاا عيشه معيشه اعيالي والله محد خلييتاا يووقف بويهي محاكم ورااكضت وطلقت ولاا احد وقف معااي وساندني مداام ربي فوقي مو محتااجه احد انتي دافنه نفسج بذكريااتج وهذاا ضعف لاا تضعفيين اهوو تزوج ورااح بحااله وانتي تونيييه على اياامه وعياالج مالهم حق يشوفون ضحكتج وتعيشينهم بسعااده شنو الريل والله ا ارووح محكمه وارفع علييه قضيه ومرمره ويقولون اهلي الي يقولونه اذاا بتسمعيين كلامهم ما راتحتي وهذاا من باب خبره واذاا تقولين ريلج تغير ودل ادرووب ماكان يسويهاا معااج انا طليقي 180 درجه تغير من الشييفه الي اخذهاا والله يستر علييهاا فياابنت الحلاال طلعي من موودج محد ناافعج والله خلي ايمانج بالله قوي واذاا تبييين تجربتي وتفاصييل دزيلي ع الخااص

 

[عهود الحب]

رد: إذا أنتي مطلقه شاركينى؟

اختي قطوة اي انا دافنة نفسي
انتي مشكلتج مختلفه عني
انا رفعت قضية طلاق وباخر مراحلها وقفتها ليش ماادري يمكن الضغط الخوف مادري
محد وقف معاي صح كلامج

بس صعب ترى لما الكل بس يصير ضدج والكل يقولج ارجعي زوجج تعدل ولما ترجعين له يعلمج من جديد معنى جديد للاهانة والذل والظلم والقهر


انتي بنت وولد
انا عيالي خمسة ومو كويتييين
كل اوراقهم ووثايقهم معاي بس مجرد حبر على ورق
ماقدر اسافر فيهم الا معاه بطاقاتهم المدنية عندي الا الصغيرونه مالها الا اثبات واحد


الولد اذا كمل 15 يقدر ياخذه بحكم محكمة

اشياء كثيرة كاسرتني حيل


شلون اطلع من مودج

علميني يمكن يتغير شي بروتيني اليومي
ايماني بالله قوي
بس شلون يعني اذا تطلقت فخلاص اوكي بس ماعمره حظي بيتعدل انا انا
واذا رجعت ارجع لمنو ولامنو ؟؟؟؟
بكل الاحوال حالي معلق

سؤالي هو
شلون قدرتي تطلقين روحج ؟؟؟؟؟؟؟؟؟؟؟؟؟

انتي سنية ؟ ولاشيعيه لانه المحكمة تفرق الجعفريه مادري يمكن اتطلق اسرع

 

[qa6wa_q8]

رد: إذا أنتي مطلقه شاركينى؟

انا سنيه معروف المحاكم الجعفريه تطول
بس انتي كويتيه ؟ اذاا انتي كويتيه ابييييييييييييه تعيشيين بديرتج معززه وشنو يعني اعيالج مو كويتيين شنو اخر الدنياا الحيين المره الي متزوجه من غير كويتي او طليقهاا غير كويتي لهاا حقوق اعتقد يتجنسون علييج كملي اورااقج للطلاق اذاا انتي تدريين ردتج له اهاانه

 

[qa6wa_q8]

رد: إذا أنتي مطلقه شاركينى؟

واذاا انتي تحاتيين باجر ياخذ اعيالج ماله خلقهم اذاا متزوج وخاتم بييد مرته وحتي الولد 15 اذاا اخذه رياال معتمد على نفسه ربييه عدل ويهد ابووه ويرجعلج

 

[bskota]

رد: إذا أنتي مطلقه شاركينى؟

اييي والله عهوووود انا رايي من راي قطوة صدقيني رجعتج له فيها اهانه لج واذية لعيالج حراام يعيشون مع مشااكلكم استخيييري وخلج قووووية وادعي ربج يكتبلج اللي فيه الخير رفعي القضيه لاني قاعد اشوووفج تذبحين عمرج على واحد مايستاهل عاااايش حيااته ولا هااامه احد قوي قلبج ادري بالبدايه صعبه بس صدقيني بتقوييين الله بقويج وبصبرج لين النهايه انتي صبرتي عشااانه وااايد بس بدون اي فايده حرااام اتمين امعلقه انتي توج اصغيره لاتدفنين نفسج بالحيا وعيشي شبابج مع اعيالج اهما بحسسون بطعم الدنيا اكيييد بس انتي محتاجه احد يدزج اشوي اما اللي انتي فيه الحييين غلط تستمرين فيه والله حراااام خلي يعرف انه انتي مو محتاجه منه شي اهوا الحين عايش ولامهتم ومستانس لانه يدري انج امعلقه مصيرج معاه صدقيني الريال مايحب المرا الضعيييفه اوقفي بويهه وخلي يعرف قيمتج..

 

[ألوان مائيه]

رد: إذا أنتي مطلقه شاركينى؟

ليش القضايا في المحاكم تطول ؟؟ والله حرام عمرنا يروح واحنا ننطر

 

[الريادة]

رد: إذا أنتي مطلقه شاركينى؟

عهود حبيبتي أنا حاسة بمعاناتج . بس تذكري ان مشكلتج و معاناتج مو نهاية الدنيا و لازال في بنات مشاكلهم أعظم من مشكلتج. و حابة أذكرج بشي مدام انتي بصحه هذي أكبر نعمة . و انشالله ياربي الله يفرج همج و تطلعين من الهم اللي انتي عايشه فيه.

 

[q8_pearls]

رد: إذا أنتي مطلقه شاركينى؟

الطلاق مرات جنه للوحده

 

[عهود الحب]

رد: إذا أنتي مطلقه شاركينى؟

انا سنيه معروف المحاكم الجعفريه تطول
بس انتي كويتيه ؟ اذاا انتي كويتيه ابييييييييييييه تعيشيين بديرتج معززه وشنو يعني اعيالج مو كويتيين شنو اخر الدنياا الحيين المره الي متزوجه من غير كويتي او طليقهاا غير كويتي لهاا حقوق اعتقد يتجنسون علييج كملي اورااقج للطلاق اذاا انتي تدريين ردتج له اهاانه

قطوة من قال الكويتية مكرمة معززة بديرتها ؟ ترى الكلام ببلاش
والشعارات حلوة حيل بس الواقع موبحلو ولا الله قاله

شوفي صحيح انا نفقة اخذ بس اخذها بطلوع الروح
ودايما ناقصة ومناشبيني فيها واذا رحت استلمها طلعت روحي الموظفة بنفسيتها ولما اكلمها تحسسني اني جاية اطر منها ولا اخذ صدقة والله ما ابالغ بعض الموظفات نفسية تكرهج بعيشتج
والمشكلة انه متحايل مسوي اوراق انه مديون وكل يوم والثاني ينزلون من مبالغ النفقة لعيالي
مع انه ياخذ 50 من الحكومة على كل طفل


ومن قال انهم يتجنسون علي ؟ هذا بفعل كان ماضي الواقع شوفي كل سنة منو يجنسون سوير وعوير


خل نكون واقعيين كونه ماياخذ ولدي صج ماله خلق يربي بس من قال بيربيه ؟
يمكن ياخذه لمجرد العناد والحرة والقهر
ومن قال بيسكنه عنده
ياخذه ويقطه بالسعودية بديرة اهله وعند امه ولا خواته يخدمهم
وانتي تعرفين السعودية مالها شغل بحضانة الام الكويتية واذا دش بالحدود
منو بيطلعه الا ابوه
من صجج انتي

اختي الكلام حلو حيل لما يصير مجرد كلام


بس الواقع شي ثاني يااختي
انا ادري اني غلطتي واللي دايمن اعترف فيها
اني كئيبة جدا ومحبطة
وشايلة همهم حييييييييييل وناسية نفسي
بس لاتلوميني
اخااااااااااااااف وانا مادري شلون اطلع من المود الي انا حابسه روحي فيه

 

[عهود الحب]

رد: إذا أنتي مطلقه شاركينى؟

اختي بسكوته انا ضيعت حقي بالطلاق
اخر لحظة سحبتها
والحين سقط حقي
مالي وجه والله اكلم المحامي

انا احس ان اهلي ضغطوا علي حيل ولعبوا بحسبتي
انا احيانا اقول انه الله ماكتب لي
لحكمة مخبأة انا موحاسه فيها بس يمكن مع العمر تطلع لي


انا بس ودي اقول لو بيدي اتطلق اكيد الطلاق ارحم من المعلقه عالاقل الواحدة تعرف راسها من كرياسها

 

[عهود الحب]

رد: إذا أنتي مطلقه شاركينى؟

الوان مائيه المحاكم تطول عشان يزهقون الناس ويضيعون حقوقنا
انا اعتقد جذي المسألة ومافيها انه عالم المحاكم مافيه رحمة ولا احساس
الظالم يمشي عادي ويحلف الايمان وعالقرآن ولايهمه
والمظلوم يكسر خاطرج ولا احد يدري فيه
عندك محامي خلاص يطلعك من المصيبة يطلعك
ماعندك شحقه تعور راسك

الحقوق تضيع ومحد يهتم انعدم الخوف من الله

 

[عهود الحب]

رد: إذا أنتي مطلقه شاركينى؟

الريادة انا فعلا بنعمة وعافيه ولله الحمد
ولا انكرها هالنعمة يارب لك الحمد
بيرلز مرات ومرات
الحمدلله على كل حال


مشكورين يابنات

 

[ميممو]

رد: إذا أنتي مطلقه شاركينى؟

طيب ليش ما تقعدين وياه وتقوليله طلقني لاي حد واصلة المشاكل بينكم حتى مو راضي يطلق شنو يبي يعني

 

[عهود الحب]

رد: إذا أنتي مطلقه شاركينى؟

شلون اقعد واياه ؟؟؟؟؟
طلبت الطلاق مليون مرة ورفض
واخر مرة تصالحنا قال عطيني فرصة اثبت لج اني تغيرت وصرت انسان ثاني
بشرط اذا ما كنت قد وعدي اطلقج
وهذا شرطي لابوي عشان ارجع
رجعت اوكي

طبعا الكلام شي والواقع شي مختلف تغير صح بس للاسوء
صارت حرب نفسية باردة انا مو قدها
طلبت الانفصال


بدال ماتنحل المشاكل تعقدت اكثر واكثر
واخر كلامي معاه طلقني باختصار انت فشلت بالاختبار وانسان موعادل بينا
ياابن الحلال انت اخترت وانا من حقي اختار
قال اوكي طلعي من البيت روحي لاهلج وتنازلي لي عن كل حقوقج المادية والعيال يعني الحضانة والنفقة

جدام اهلج

وطلعي من البيت الي هو بيتي انا وايجار انا ادفعه بنفسي

وانا ابي بيتي وعيالي ومرتاح انتي مومرتاحة اطلعي البيت بيتي
مع العلم انه بيتي انا ومسجل باسمي


يعني كان يدور مادة وبس


عقب راح لاهلي وقالوله المرة مومرتاحة اهجرها لاتطلقها خلها تقعد وريحنا وريح روحك من وجع الراس


وبس


طبعا هالكلام عقب ماسحبت اوراقي
دق علي وهزئني


انا ما الومه ولا الوم اهلي الوم نفسي بس


امنيتي ان الله يحل مشاكلي حل نهائي يا اموت يااا تطلق لان الردة له مستحيلة بكل الاحوال
حسبي الله ونعم الوكيل
بكل الاحوال ماهي مترقعه

 

[الريادة]

رد: إذا أنتي مطلقه شاركينى؟

الله يسرلج أمورج , لا تتمنين الموت تعوذي من ابليس..
أنصحج تقريت كتاب (لا تحزن) !! موجود بالمكتبات الجمعية .
نصيـــــــــــــــــــــــــــــــــــــــــــــحه اقري .
الله يفتح عليج.

 

[سعبولة نحله]

رد: إذا أنتي مطلقه شاركينى؟

الله بفرج همكم كلكم ويفرج همي

عهود الحب

وكل البنات بهالقسم

انا اكتشفت ان راي الاهل مو دايما صح

يعني الام من كثر ماقلبها علينا

لايمه لاتطلقين

تتأذين

ينشلع قلبج

بس شالفايده من هالكلام

استمرينا استمرينا بحياتنا مع ناس ماتستاهل

بس بالاخر ضيعنا شبابنا معاهم وبالتالي


الطلااااااااااااااااااااااااق

يعني والله أمي كانت شكثر تتوسل فيني

لما نكون متزاعلين ما أطبخ علشان شوي يحس بقيمتي بالبيت

كانت تقول لا يمه قومي طبخي

لايمه قومي بوسي راسه

لايمه قومي عطيه حقه

لايمه الريال يصير زين بعد مايصير عنده يهال

لا يمه لايمه لايمه لايمه

ما استفدت ولاااااااااااااااااااااا شي:eh_s(11)::eh_s(11)::eh_s(11):


الله يسامحج يايمه

والحين تطلقت تقول الغلط منج انتي وانتي وانتي

حرام والله حرام والله حرام وظلم اللي يصير فينا:eh_s(11):


حسبي الله على كل ريال يأذي زوجته

حسبي الله على كل أم تغش بنات الناس بأولادها علشان بس تزوجهم

والله انا ليل ونهار أدعي على أم ريلي

لانها اهي قالت لنا لاتسألون عنه

والله جنه مسويه سحر ماسألنه أي أحد عنهم

طول ما انا عايشه أقول أم طليقي مو محلله ليوم القيامه

وانشالله ان دشت قبرها عسى ربي يحاسبها حساب عسير لان ذنبي وذنب بنتي برقبتها

خلتني من محكمه الفروانيه لي محكمة حولي لي محامي لي محامي ثامني

حياتي تدمرت بسببها لو ماكلمتها جان ماتزوجت ولدها اللي مايتعاشر

والله صرت أمشي وأتكلم فيه بكل الكويت علشان كل بيت يسكر الباب بويها لما تروح تخطب

والله لخلي كل بيت يتكلم فيهم

وخلي ولدها من بينت لي بنت بالنت على باله الله بيخليه لا والله حشى ربي ماينسى لاظالم ولا مظلوم

 

[عهود الحب]

رد: إذا أنتي مطلقه شاركينى؟

سعبولة نحلة حاسة فيج
بس هذا مو حل


مو حل


امي هي امي قلبها علي


كلمتها ولمتها كم مرة وبجيت لانها اثبتت لي انها تخاف علي وعشان جذي كانت تطبطب علي وتسكتني باي طريقة
انا ضايعه مابين شي و شي


ومعلقه الى نهاية العمر ادري


بس انا عندي ايمان بربي انه بيعوضنا خير ان شاء الله



عندي امل كبير بس مرات تغلبني الضيقة والدمعة والاكتئاب




اختي الريادة انا قارية لاتحزن من الجلدة للجلدة



الحزن شي والتعايش معاه شي ثاني

سعبولة نحلة الله يبرد على قلبج ويعوضج

 

[hatoona]

رد: إذا أنتي مطلقه شاركينى؟

مرحبا خواتي العزيزات ارجوكم لا تقطعون الامل بالفرج والخلاص من المشاكل والمصائب انشالله لنا ر ب كريم يناظرانا وناطر يسمع منا كلمة الحمدالله فلا تنسونها عشان لا ينسانا

 

[عهود الحب]

رد: إذا أنتي مطلقه شاركينى؟

الله كريم

 

[عهود الحب]

رد: إذا أنتي مطلقه شاركينى؟

انا محتاجة استشارة نفسية لااكثر
لاني بحالة اكتئاب حسب ماقريت وفتشت لقيت اني فيني اكتئاب ومرات غصب عني مااتقبل النصيحة وانعزل
اذبحتني العزلة والله ودي اطلع واستانس بس في شي بالعالم يخوفني
وانا مستانسة اني معطلة ومافي شي يجبرني اطلع لبرا


بس ظالمة عيالي حيل