إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[بدر البدور]

مشاركة: إذا أنتي مطلقه شاركينى؟

انا حابه أشكر الجميع لتفاعلهم مع بعض وأتمنى التوفيق للكل وشكرا لتثبيت الموضوع

 

[keeka]

مشاركة: إذا أنتي مطلقه شاركينى؟

الله اهدي سركم ويعطيكم على قد نيتكم ويصلح بينكم

 

[ضايعه بهالدنيا]

مشاركة: إذا أنتي مطلقه شاركينى؟

شلونكم بنات.......

اليوم رحت اخذت ملابسي من شقتي
واللله ما ينوصف شنو شعورر غريب حسييت فيه
احس جنه الدنيا انتهت
وراحت
وانتهى عمري .. كل مكان فيه كان ملكي بس صار مو مكاني

اذا الشقه. حسيت هالشعورمن ناحيتها...... صعب على فراق مكاني شلون هنت على زوجي
صار لي 3شهورر بيت اهلى تخيلوا يقول محتاج وقت بعد علشان افكر بعد قبل لا اقرر باي قررار ويقولي انه انا ما ففيني صبر وعايفته وخللاص طاب خاطري منه؟؟؟؟؟؟؟؟؟؟ احس يتبللى

اذا 3شهور ما قيم روحه؟ اذا انكمل مع بعض ولا لاا جم يكفيه؟؟؟؟؟؟؟؟؟؟؟؟؟؟؟؟؟
علشان يفكر؟؟؟؟

احس اني تعباااااااااااااااااااااااااااااااااااااااااااااااااااااااااااااااااااااااااااااانه


وايد منه ومن الي قاعد يصير فيني واففكرر ببالمستقبل



وما ادري الي سويته صح ولا لاا بس كل اللي حولليي ييقولون للي الي سويتيه اهو الصح وانتي طوفتي وااااااايد وعطيته فرصتين وستحملت وهم بعد يقول عطيني وقت بعد
الريال الوقت والعمر ما يهمه مو نفس البنت وانا احس عمري يمشي وغيرر ال ضاع معاه



ادعوا لي يا ببنات المنتدي لاني متحطمه

 

[بدر البدور]

مشاركة: إذا أنتي مطلقه شاركينى؟

أسأل الله أن يفرجها عليج ويكتب الي فيه الخير لج ..أسمعي مني هالكلام لازم تؤمنين بان الي ربي كاتبه بيصير سوى رضيتي ولا لا فخلاص ليش الخوف والخيره فيما اختاره الله ...وعسى ان تكرهو شي ويكن فيه خيرا كثيرا ان بس ودي انه هالمحنه تقربك من لله دايما أدعي خليج مؤمنه بهالدعاء الهم رضني بقضائك وبارك لي قدرك حتى لاأحب تعجيل شيء أخرته ولاتأخير شيء عجلته .والدنيا ماراح توقف عند هالمشكله يمكن يرجع لج ويمكن لو تطلقتي لا سمح الله بتلقين حياة أفضل من الي عايشتها مع زوجك وماتدرين ؟؟؟؟؟

 

[أغلى حبيبه]

مشاركة: إذا أنتي مطلقه شاركينى؟

أسأل الله أن يفرجها عليج ويكتب الي فيه الخير لج

 

[بدرووووووووووه]

مشاركة: إذا أنتي مطلقه شاركينى؟

الله اهدي سركم ويعطيكم على قد نيتكم ويصلح بينكم

 

[فروحة توحة]

مشاركة: إذا أنتي مطلقه شاركينى؟

قومي اللي يا ضايعة


قومي الليل وصلي وادعي ربج

لا تتسرعين يابعد قلبي

انا احس فيج

بس هذا الزمن الواحد لازم يطول باله

وصلي وادعي ربج واشكيله سبحانة
وراح تلقين الخيرة لج
وربي راح يسهل لج الامر اللي فيه خير لج

مهما تكون المشكله كبيرة ومهما يكون الانسان عسر وغير محبوب من الطرف الثاني

لا تتسرعين ياقلبي

انتي سوي اللي قلتلج عنه والله والله والله تلقين ان العجايب تصير
وربي يسخر اقليبه لج ويخاف الله فيج

جربي من اليوم صدقيني
لا تخلين الشيطان يخرب عليج
ترى الشيطان يستانس اذا تفرقو الازواج

مهما تكون الاسباب

ربج كريم ويكون بعونج

 

[حلم السنين]

مشاركة: إذا أنتي مطلقه شاركينى؟

تدرين شنو النهايه

بتنفصلون وبياخذ اللي يبيها


قصه تكرررت كثير هالايام!!

 

[خلود2005]

مشاركة: إذا أنتي مطلقه شاركينى؟

مرحبا
أنا أول مرة أشارك في المنتدى وحبيت أشارك لأني على وشك الطلاق وأقول مشكلتيأنا متزوجة صار لي سنة وعندي طفل واحد بس طول هالسنة ما إرتحت معاه إلا الشهور الأولية وكان سعيد معاي حتى لما بشرتة بحملي كان فرحان وانا حامل بالشهر الثالث بدت المشاكل وكلها سخيفة مثل ليش مااتحضنيني لما انام وسويتله اللي يبي كان يعطيني ظهره وايخليني طبعا سكت ولما قعد من النوم ايطالعني بنظرات احتقار وايعيب على شكلي مع إني جميلة وبشهادة الكل حتى بأول زواجنا كان يقولي لاتطلعين للناس اللي ايزورونا أخاف ايحسدونك المهم قلتلة ودني بيت أهلي ورحت لاهلي وبعدها بيومين دقيت علية وكلمتة وقالي إنه موحابني مادشيت قلبه
ويبي مهله عشان ايفكر وبعد 3شهور كلم أبوي وقال إنة كان متضايق وعندة مشاكل وإنة ندمان المهم رديت لة وتحسنت حالتة لكن عقب ما ولدت كان مسافر ودق علي وطلب مني شغلات أسويها وقلتلة ماعندي فلوس لاني مو موظفة وقالي بيعي طقم من اطقومك ولما أجي أعوضك وبعت الطقم وسويتلة اللي اطلبة لما رد من السفر وشافني ماقال ولاكلمة مدح قعد ايسب وايقول بيعي طقم ثاني وعدلي فية اسنونك مع انة اسنوني اشوي طالعين على برا و صعب ان احد ايلاحظهم وقلتلة ماراح ابيع اذهبي لاني بعت الاولاني ومانفع فيككان ايقول انامتزوج عشان اصلح وزعلت ورحت لاهلي وطبعا عادي عندة وبعدها بشهر كلمته وقلتلة لازم انشوف حل لحياتنا وصدمني بردة قال انا راح اتزوج واذا بتردين ردي واذا ماتبين اطلقك بس بشرط اتنازلين عن النفقة والمتعه ولازم اتحضرين بالمحكمة واتوقعين قلتلة طلقني ولما توصلني اورقتي راح اتنازل عن كل شي وانا الفلوس ماتهمني نفسك وقال انا اللي احب الفلوس والا انتي اللي مستخسرة على نفسك شوية ذهب تبيعينة عشان اتضبطين نفسك قلتله مابين بعينك الطقم الاولاني عشان ابيع الثاني وسكرتة منة ودقيت على شيخ وسألتة وقالي كثري من صلاة الإستخاره والحمدلللة أحس الحين إني عايفتة لأنة إنسان طماع وباعني على شوية ذهب ومايستاهل كل اللي سويتة عشانة واتطلق بواحد أحسن ولاأضيع عمري مع واحد مايبين بعينة الطيب

 

[بدر البدور]

مشاركة: إذا أنتي مطلقه شاركينى؟

عيدك مبارك أختي وحياج الله في الموضوع والمنتدى بصراحه زوجك واضح انه مايبيج لانه يبي يطلقج علشان مابعتي طقم ذهب وخصوصا انه له منج ولد هذا حال رياجيل هالوقت الطلاق اسهل شي عموما يااختي وانا اقول طنشيه بس دايما ادعي واقومي الليل واسغفري الاستغفار زين وتصدقي وولاتكلمينه خليج عند اهلج ليمه اهو يردلج ويعتذر او يدز ورقة الطلاق وانصحج لا تتنازلين عن حقج ادبيه بنات الناس مولعبه واذا انتي خايفه يعلقج انتي اكيد ماراح تتزوجين بعد العده على طول يبيلج وقت على ماتكونين متقبله ان تبدين حياة ثانيه فعلشان جذي خليه يمكن مع الوقت يصير شي يغيره انا اقول تصبرين علشان هالياهل مسكين ومن ناحيه إذا تطلقيتي لاسمح الله تكونين سويتي الي قدرتي عليه وماتندمين ابدا ..... وادعولج بالتوفيق


قولينى اخبارج

 

[نفيشه]

مشاركة: إذا أنتي مطلقه شاركينى؟

الله يعينج في ما ابتلاج يارب
وسبحان الله كل شي فيه خيرة ترى
لا يضيق خلقج ولا شي
مثل ما قالت لج الاخت خلج عند اهلج معززة مكرمة ولاتحاولين تتكلمين معاه بالمرة لما تشوفين شنو راح يسوي
واذا اهلج عادي عندهم روحي المحكمة تسنعة وتخليه ريال ولا تضيعين حق ولدج
غصبن عليه ملزوم فيه مو لعب السالفة
اذا اهلج مو عيزانين عنج وبيصرفون عليج خليه اهو بعد يصرف على ولده غصبن عليه
وما بينتي بالسالفة اذا في دور لاهله؟؟
خلي اهلج يكلمون اهله شسالفة ولدهم؟؟
مريض نفسي ولا معقد ولا عنده كرت؟؟
هذا تصرف ريال عاد؟؟
يمكن يشوفون لج حل ويخلونه يطلق بهداوة
وطمنيننا عليج

 

[بنت الشمالي]

مشاركة: إذا أنتي مطلقه شاركينى؟

انا قصتي قصه ياخواتي

انا تزوجت ولد خالي وعمري 16 سنه وتزوجت مغصوبه ما كنت فاهمه شي عن الدوره وهالنوب اتزوج . وابوي الله يطول بعمره اهوه اللي غصبني عليه وطلعني من المدرسه وقاللي الدراسه ماراح تنفعج الزواج وبيتج اللي بينفعونج وابوي من النوع القدييييييييييم اللي كلمته تمشي وانا من الخوف وافقت وياريت ما وافقت .

بدت ماساتي معاه ومع اهله الله يسامحهم . اااااااااخ تصدقون بنات انا الحين عمري 26 سنه والشيب تارس شعري امي بس قاعده وتبجي وتتحسر علي . الحين انا صارلي 3 سنوات من تطلقت وشايفه الضيم من ابوي واخواني حاطين دوبهم دوبي مايبوني اشتغل او اكمل دراستي

بس شقول الشكوه لله

اللي مصبرني على الضيم وبلاوي الدنيا عيالي حبايبي امووووووووت فيهم

انا ماني قادره اكتب مشكلتي خانقتني العبره

 

[نفيشه]

مشاركة: إذا أنتي مطلقه شاركينى؟

بنت الشمالي

الله يعينج والله ومشكلتج عاد مشكلة حرام الاهل يفرضون رايهم بهالشكل والله انتي اللي كليتيها بالاخر
بس الله يخلي لج العيال انشالله ويطرح فيهم البركة يارب ويقومون فيج ولا تعتازين لا اخوان ولا احد

 

[بنت الشمالي]

مشاركة: إذا أنتي مطلقه شاركينى؟

الله يسلمج نفيشه . والله استانست يوم رديتي علي وكلامج يريح لالن انا مااحب اشكي لاهلي او بنات خوالي او بنات عمامي لان مابيهم يحسون اني ضعيفه شخصيه ومااعرف ادبر اموري . لان وايد يعايروني بحظي وكله يسالوني عن شهادتي وانا اسمع واسكت من القهر الله يسامحهم ويعطيهم على قد نيتهم . وابي افضفض بس خانقتني العبره من اتذكر

 

[نفيشه]

مشاركة: إذا أنتي مطلقه شاركينى؟

شوفي التعليم حلو بس اذا مو ضابطة معاش حاولي تتعايشين مع الوضع ولا شوفي لج مشروع ثاني ولا شغلة تبدعين فيها وانشالله تلهين بشي مفيد لج ولعيالج وفكري جديا بهالموضوع ترى وايد في مجالات للابداع الحين اذا اهلج مستصعبين سالفة الطلعة والدخلة من البيت
والله يوفقج انشالله
ونصيحتي لا تشتكين لحد ترى باجر يمسكون عليج شي من كلامج ويعايرونج فيه العمر كله

 

[ظلال القرآن]

مشاركة: إذا أنتي مطلقه شاركينى؟

بنت الشمال الله يعينج بس لا تقعدين بالبيت ترا تندثرين كملي دراستج وراتب الشؤون ماشي

وبعدين اشتغلي والله باجر الكل يتقدم وانتي محلج سر

 

[Dancing^Queen]

مشاركة: إذا أنتي مطلقه شاركينى؟

خلود
الحمدالله الله كشفه لج مبجر قبل لاتييبين منه ثلاث اربع يهال وتبتلشين حزتها خيره والخيره في ماختاره الله والله يررزقج بولد الحلال الصالح اللي يرحيج ويعوضج




بنت الشمالي
والله عورتي قلبي ياعمري كل هذا بقلبج
الله يصبرج ويساعدج يااااااااارب ويعوض كل ايام الشقا هذي يااااااااااااااااااااااااااااااااااااااااااااااااااااااااااااااااااااااااااااااارب يارحمن ياكريم
الله يخليلج عيالج ويطرح البركه فيهم ويعوضج بريل صالح يشيلج فوق راسه شيل ياكريم
وعلي التعليم ترا الانسان مو بشهادته وعمر الشهاده ماسوت انسان ياما دكاتره جامعيين بدال الدكتوراه عندهم ثنتين بس تعالي شوفي المنطق وشوفي الحياه والاسلوب
الانسان بعقله ياعمري وعمر الشهاده ماتصنف البشر

 

[بنت الشمالي]

مشاركة: إذا أنتي مطلقه شاركينى؟

بعد قلبي كوين ماقصرتي حبيبتي وعدل كلامج عن بني ادم اللي ماعنده منطق وخوف من ربه بس الله كريم

واسم الله على قلبج يابعد قلبي ههههههه عيل هونت مابي اكتب مشكلتي اخاف تصير فيج سكته قلبيه خخخخخخخ لا اسم الله عليج تره اتغشمر كوينوووووه

وبالنسبه للنصيب جم واحد يي وخطبني بس انا رفضتهم لاسباب عده

اولا اذا تزوجت عيالي راح ياخذهم ابوهم وانا متعلقه فيهم حييييييييل ماقدر على فراقهم عيالي عاشو يم قلبي 9 شهور وجبتهم للدنيا وربيتهم وسهرت الليالي وياما مرضت على شانهم وتحملت وبعدين يجي ابوهم ياخذهم ولا والف لا وبعدين مرت ابوهم نسره وجم مره تكفخهم بس انا ماسكت رحت رفعت عليها قضيه انها طاقه ولدي طراق وخده صاير حمر وبنتي مكمشه شعرها وكله تقولها العن امج >>>>> اسفه عالمسبه
والحين انا كسبت القضيه وخليته تنق تعويض 10000 الاف دينار عشان مره ثانيه تتادب ولاتمد ايدها عليهم
والقاضي حكم ان ابوهم ماياخذهم معاه بس يجي عند الباب يشوفهم يقعد معاهم بالدوانيه متى مامل يروح


وثانيا : انا صارت عندي عقده من الرياييل احسهم تافهين ولا يحركون فيني شي اصلا لان انقرصت من ابوي واخواني والزواج اللي عقدني زياده وصار عندي خوف من الزواج وبضل جذي طول عمري انا جربت الزواج مره وماراح احطه براسي مره ثانيه والله يعطيني طولة العمر والصحه واربي عيالي واعلمهم بما يرضي الله ورسوله واهل بيته الطاهرين

​

 

[Dancing^Queen]

مشاركة: إذا أنتي مطلقه شاركينى؟

س يابنت الشمالي باجر هالعيال كل من بيتزوج وبيروح وبيخليح والام والابو مو دايمين والله يعطيهم طوله العمر
بتيمين مع منو؟

 

[زيـنـه]

مشاركة: إذا أنتي مطلقه شاركينى؟

ما احد ضايع بالدنيا يا كوين .. و عسى الله لا يضيع التعب اللي اتعبته ويا عيالها والله لا يخليها منهم و لا يخليهم منها امين .