مشاركة: إذا أنتي مطلقه شاركينى؟
خواتي المطلقاات الله يهون عليكم ويرزقكم باحسن من رياييلكم مليون مره
انا مومطلقه... ولا عمري فكرت اتطلق.... بس الفتره الاخيره صار هالشي شغلي الشاغل
شوفوا قصتي... وحكموا
انا بنت وحيدة امي.... وامي وابوي من عائلات مختلفه ... يعني امي من العيم وابوي من البدو (ولاتزعلون خواتي البدويات لان اغلب العيم مايوافقون مع البدو)
واهم منفصلين من قبل لا انولد... وانا عايشه عند امي... وقبل اي احد يبي يخطبني يدري انه ابوي بدوي يهون
لانه تقريبا كل اللي خطبوني عيم.. لما خطبني ريلي ومع انه عيمي واهله رفضوا بس اهو يبيني لانه كنا نعرف بعض وبينا حب..
المهم تزوجنا.... والله العظيم كنت اشووف الدنياا بعيون ريلي... احبه بشكل مو طبيعي وانطر العرس علشان اعيش معاه في بيت واحد... كنت اشوف اهله بس ماكنت اروح لهم وايد وعلاقتي فيهم للحين مو ذااك الزود
تزوجنا... اول شي اكتشفته انه مايعرف بالعطور بالملابس بالمزيلات العرق ... دشاشتين حق كل الصيف ونعال واحد... والشتا نفس الشي.. والبنطرونات مشققه وتلوع الجبد.. واظافره طوييله وصخه
غيرته 180 درجه خليته يلبس ماركات وعطووره كل واحد اغلى من الثاني واحلى والديودرنات والشور جل والنعول وانتوا بكرامه
وصار مرتب من بعد ماكان هيلقي.... وقت الملجه كنت شارتله عطر وكان كله يرشه عبالي يحبني اكتشفت انه ماعنده غيره..
المهم... قام يهملني واايد... الصبح بالدوام يرجع 2 وينام.. الساعه 4 يروح النادي ومن النادي يروح حق ربعه ويرجع 12 بالليل ... وينام
وهالفتره مايدق علي ولا يسال..
ولما اقوله لليش تطلع يقولي قعدت وايد معاج بالملجه
قلت ميخالف لازم استحمل ... ورحنا حق اهله.. وطاحت الميانه وياريتها ماطاحت
يسبوني ويطقوني وكل هذا على بو غشمره وريلي واقف يضحك ...استحملت وااااااااااااايد بس مره انفجرت.. عنده اخووهكله يسحب خشمي حيييل.. واقوله حراام مايجووز ... يضحك فمره قلت حق ريلي وقال عادي شنو اول مره اهيي.. عصبت وجان ارووح عند اخووه واشمخه من رقبته لحد ظهره خليته ينزف دم.. ومرته عصبت واهو عصب ويقولون حق ريلي الشره مو عليها الشرهه عليك ماعرفت تربيها هالبدويه ايي اكيد عندهم باهلهم عادي جذي لا احترام ولا شي...
وريلي زفاني...........
بعد هاليوم ماقامى اخوه ايي صوبي بس هم ظلوا يتحرشون فيني. طبعا عسى ماسويت شي ايي هالبدويه سوت هالبدوبه حطت مالت عليها.. جب.. اكلي (.......)
من هالكلمات واااايد... وهم اسكت وابتسم...... بس مره قمت ارد عليهم موكفو حشيمه... ولا يقولون قصوا علينا اهلج قالولنا مؤدبه وطلعلج لسان يابدويه... طبعا ريلي ماله دووووووور
مره مرت حماي تحرشت فيني فرديت عليها.. ريلها حذفني بالكلينكس وقالي مالج شغل بمرتي والكل وقف معاه اهيه اكبر منج احترميها... وريلي دش ناديته شوو اخوانك وكنت ماخذه االموضوع غشمره قالي ريلي ايي ليش تسبينها.. وريليها يقولي انتي للحينج صغيره ماتعرفين تتعاملين؟؟؟؟؟؟؟؟؟؟؟؟
قبل اسبوعين.. واحد من اخوانه قاعدد يشرب جاي.. جان ياخذ القفشه وكانت حااره وحرقني صرخت وصبيت لي جاي ونقطت عليه قطرات .. ياب الخيزرانه وطقاني على ريلي عصبت حدييي وشلت جنطتي واطقه على راسه وانكسر تلفوني... جان اقوله ماتستحي انت قلييل ادب قال انا اتغشمر بس ليش تطقيني ماتستحين مومتربيه قلت له جب.. قالي اكلي (....) امج... انا اهني صكت الدنيا فيني قلت له طاري امي ما تييبه على لسانك الوصخ
ولقيت يمي محول وطقيته بالوااير بكل قوتي اهو رااح حق ريلي ينادييه وانا رحت حق خالتي ام ريلي قلت لها
ولدج قالي جذي.. قالت مايستحي عيب الحين بكلمه.. اول مادش حماي اللي سباني قالها القصه قالت وييي عادي اصلا هالسبه عاديه جددا عادي هالكلمه وي من صجج زعلانه؟؟؟؟ انتي حمدي ربج ماطحتي عند عوايل لسانهم طوييل مايتكلمون الا بحجي وصخ؟؟؟
وريلي واقف اهبل..... وكلهم ضدي وكان اخوه الثاني اللي شمخته موجوود.. وانا كنت قاعده اقوول اللي صار حق خالتي ونسيت اني طقيته بالواير.. قالي حماي اللي شمخته... لاتجذبين انا شايفج.. ماتستحين حرااام تطقينه مايجوووز
شوفو منو قاعد يقولي مايجووز نسى نفسه..... والله يابنات كلهم وقفوا ضدي وريلي معاهم... بس مرة حماي اللي شمخته قالت ترى حماي اللي سب اهو اللي بدا تحرش.. اهني غيروا السالفه كانت غشمره شنو مومتعوده علينا..
رديت البيت والله العظيم ماكو حبهه بالبيت ماكليتها ابي اموووت.. عدا اول يوم ثاني يووم قالي ريلي امي معصبه لانه انتي امس صرختي عليها.. وداني حقها وقلت لها اما ماصرخت وبست راسها مع انه موكفو ينباس
وقالتلي لازم ما اعصب لايقطني ريلي قطة جلب بيت اهلي... قلت لها يالله خل يقطني مابي اعييش معاه.. قال ريلي سمعي كلام امي لانه قالت حق وحده من حريم خواني وتطلقت والحين اهو ماخذ وحده ثانيه..
قلت له يالله طلقني واخذ ثانيه ماتعايروونها اخذ وحده ثانيه تسنعك وتسنع اختك اللي ريحتها واصله القمر من الخياس اخذ وحده ثانيه تصرف عليك اكثر من ماتصرف عليها.. اخذ وحده تستحمل بلاوي هلك..
ساكت الاخ... وقلت حق امه دوروله وحده احسن مني انا مابي ولدكم.. يشوفني انطق وملابس تنشق من اخوانه ولايتحرك.. وكل ماكلمته يقولي ماتعرفين معنى الاخوه انتي بتفرقين بيني وبين اخواني....
بعد ماردينا البيت قالي انا اسف وبوقف معاج وخلاص وانا بادب خواني.. قلت له ماصدقك لو تحلف على القران ماصدقك... وصج توه اخته بيوم العيد شقت ملابس كانت بتسحبني صوبها... وانا ساكته وماقلت شي وريلي قالي انشق وايد قلت له لا قال اشوه وراح... شفتوا الاهتمام..
طبعا ريلي يكره الرومانسيه... اذا مسكت ايده واحنا نمشي قالي شفييج احنا بالكويت مو اووروبا..يكره اذا حطيت شموع بالغرفه يبط الجبد.. اذا كنا بالسينما وصار ظلمه اهمس له باذونه احبك يقولي في ناس ورانا يسمعون.. ومرات اخذ ايده احطها عند قلبي او امسكها يقولي هييي شفيج مينونه؟؟
تخيلوا اقووله ليش ماتغار علي... بين لي انك تغار اهو ماعنده غيره ولا غاريه.. بالزحمه يخليني اطووف بين رياايل عادي وانا اقوول خل يوخروون بعدين اروح يعصب... لما تهاوشت معاه وقلت له صار شوي احسن..
والله العظيم يابنات ادعي الله اني ماييب عيال منه لما يتعدل وشكله مايتعدل.. صرت اكره الجماع ماقدر اجامعه واهوه جذي تخيلوا حتى بوقت الجمع مايقولي كلمه حلوه..
شكثر اغير بشكلي ولاجني مسويه شي... اخر سالفه صارت امس..
امه دقت انه في احد عند باب شقتهم يطق الباب وينحاش والام والخدامه خايفيين ودقت على ولد حماي عمره 20 يقعد معاهم .. وتقول حق ريلي اخاف حرامي ياذييه انت تعال مع مرتك ونامو عندنا..
تخيلو شقه غرفتين والثالثه مخزن صغيييييره..الام والخدامه بغرفه والغرفه الثانيه مالت حماي مسافر وقافل الغرفه وولد حماي بالصاله بينام مع ريلي وانا؟؟ وين انام مثلا..
قلت حق ريلي روح انت.. قالي اوكيي وخذا ملابسه وطلع وماقالي حطي بالج على نفسج ماقال بدق اتطمن ماقال اذا بغيتي شي دقي.. وانا برووحي بالشقه حتى خدامه ماعندي وامه عندها 4 اشخاص..
وامس نايمه بروحي والساعه 4 الفجر دش البيت وبالاخير طلع اللي يطق الباب اهو الهوا؟؟؟؟
يابنات شسوي مهملني واااااااااااااااااااااايد مايهتم فيني كلش ... بس شاطر يقولي انا ماراح اطلقج لو تموتين .. الا اذا لقيتج تخونيني بعلقج بس ماطلقج....
على فكره... ترى ولا مره قلت مشاكلي حق امي لانه مره قال لي ماعندنا مكان لج اذا تطلقتي..
ابي حل.......................... واسفه على الاطااله
