إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[بدر البدور]

مشاركة: إذا أنتي مطلقه شاركينى؟

مشكوره المراه المثاليه على اهتمامج وصدقي اسعدتيني والحمدلله انا في احسن حال

 

[Dancing^Queen]

مشاركة: إذا أنتي مطلقه شاركينى؟

جوليت الله يعوضج انشالله يارب باللي يستاهلج ولاتتحسفين علي شي مايستاهل



غدير
ويه ياغدير وييييييييييييييييييييه شقووووووووووولج ياعمري اللـــــــــــــــه يكون بعووووووووووووووونج ويصبرج علي مابتلاج
حبيبيتي انا مو مع الطلاق
ليش تتطلقين؟
هذا مو ريلج؟
هذا مو كان حبيبح؟ ليش تبيعينه
بالعكس قاتليهم علشانه
اولا عزلي نفسج من هالبيئه الوصخه
شتبين فيهم قطيعتهم !!! هذول مو مهمين م اهل
شكو يمد ايده عليج شكو يمالها الكسر انشالله
شوفي عمري
ريلج لاتنطرين منه دفاع او شي
اهو ترا معاشرهم عمر كله تبينه ينقلب يبن يوم وليله؟ صعب حيل انتي استمري زني وزني
خليه اهو بس يزور
انتي روحي ربع ساعه وامشي
وان قالو قعدتج ماتعجبنا اي والله ماحب اقعد بمكان انهان وانطق
قالولج بنزوج ولدنا قوليلهم يالله الله يهنينه ويساعد اليديده عل يمابتلاها اللي تبونه وحقريهم وامشي ومسكي التلفون وسفلي فيه وقوليه ان فكرت بس فكرت تاخذ ثانيه لاتلوم الا نفسك انا ماني مقلوله تحت رحمتك الف غيرك يتموني وان مابغيت اتطلق في محكمه اتطلق افضحك جدام الناس وجدام الله وخلقه
هذا من ناحيه التهديد لايحسج ضعيفه ترا يدوس فوق راسج اهم شافو مافي احد وقف بويههم تمادو مالت عليهم

وريلج شوي شوي يتعلم ويتعدل
انت يكسبيه ولاتنطرين نتيجه فوريه يبلها تعب وصبر ومجابل ماعيه حلاه الشي لي ياج عقب تعب حتا قميته تصير اكثر لاتنسين حبج وحبه وحرام اتضيعينه
ومن ناحيه المصرف منو عينج ريال البيت؟ انشالله الثلاججه تفضا مو مهم انشالله مايلقا شي ياكله مو مهم اهو ملزم انه يصرف مو انتي

 

[غدير^الجنان]

مشاركة: إذا أنتي مطلقه شاركينى؟

يابنات كلامكم يهبل والله وانا دقيت على رقم لجنة الاستماع قالولي كلمي اهلج واذا ماكو فايده اشتري عمرج ووخاصه مابينا يهال


اانا الحين بيت امي امي قالت نامي عندي اليوم......... وقلت لها موتدافعين عنه لانه قلت لها كل شي بالتفصيل

قالت اليوم خوالي كلهم راح ايوون ويكلمونه قلت لها ماراح ارد له لو شنوو بس تعبت كل هالمده سااكته

قالت لي يصير خير وبس اهم شي دراستج خلصيها .. قلت لها مو ريلي ولا غيره يخليني اطلع من المعهد

يابنات ادعولي اذا الطلاق فيه مصلحه وراحه لي ادعولي اتطلق
واذا لا ادعو الله يهدي ريلي

 

[^^دموع الكويت^^]

مشاركة: إذا أنتي مطلقه شاركينى؟

غدير فكري وفكري ولا تتسرعين والله يعينج


والله يهون عليج مصيبتج

 

[بدرووووووووووه]

مشاركة: إذا أنتي مطلقه شاركينى؟

حبيبتي غدير الجنان استخيري واطلبي من ربك يهديه لك وسهل امورك معاه ... بس لازم تستخيرين لازمممم

واذا انتي مصممة على الطلاق فكري زين علشان ما تترددين تري الطلاق مو سهل حتي لو انتي اللي طالبته وتفضلين الموت على العيشة معاه ...

ودايما استعيني بالله وبكل امورك استخيري حتي لو ما صار اللي تبين على الاقل لك اجر ...

وربنا معاك ...

 

[Dancing^Queen]

مشاركة: إذا أنتي مطلقه شاركينى؟

غدوره حبيبتي والله قلبي يعورني عليج
بس صلي استخاره والخيره في ماختاره اله
وفكري عدل عدل عدل
وزين سويتي احسن شي سويتيه دخلتي رياييل العيله عزي نفسج خلي يحسون ان لج ظهر
وانشالله ينصلح حال ريلج ويشيلج علي راسه ياااااااااااااارب مانتمالج الطلاق مهما كان ياعمري
بس لو شنو بيصير ترا قلوبنا وياج ونعديلج والله قبل شوي قاعده ادعليج وعلي بالي ومن امس افكر بحالج ياقلبي انتي ويانا تضحكين بالمنتدا وتسولفين واللي بالقلب بالقلب
ترا احنا خوات لج وماراح انخيلج وانشالله نسمع اخبار طيبه عنج
ولو شنو يكون القرار احنا نساندج باللي تبين وندعمج وماراح نخيلج لامن دعاء ولا من تصرف ولا من راي والله يوفقج

 

[غدير^الجنان]

مشاركة: إذا أنتي مطلقه شاركينى؟

كوين عسى عيني ماتبجيج والله يبلغج بناتج

دمووع الله كريم

بدووووووووووره بستخير الله والله يقدم اللي فيه الخير





يابنات امس بعد ماخالي كلماه وقاله اول شي لازم ما اروح بيت اهله ولا عند امه عصب ريلي وقال اخليها ماتروح بس شهر بس امي قالت لا خلها وتروح بالمناسبات...

رضى وقال بنتكم عصبيه ووايد تصرخ علي..
الصراحه انا عصبيه لكن والله يشهد علي انه قالي مره خففي العصبيه وانا ماقمت اعصب قبل لا افكر اسوي شي اعد من 1-100

واذا بعصب على شي نبح صوتي واقوله سوه لي...


المهم.... امي قالت له اذا تعدلت وصرت ريال يعتمد عليه خير وبركه واذا ماتغيرت انا مومستغنيه عن بنتي الزم ما علي راحتها


واليوم برد الشقه وبشوفه وبنطر عليه بنطر شهر شهرين انا مستعده بس اذا ماتغير بس خلاص مالي قعده عنده

 

[أمواج البحر]

مشاركة: إذا أنتي مطلقه شاركينى؟

الله يسخره لج ان شاء الله قولي امين

عسى ربي يهدي سركم

 

[joliet]

مشاركة: إذا أنتي مطلقه شاركينى؟

غدير الله يكتب لج الصالح والخير
وزين سويتي علشان يدري وراج ظهر واذا ما تغير لا تسكتين له والله يوفقج وطمنينا عليج اول باول

 

[Dancing^Queen]

مشاركة: إذا أنتي مطلقه شاركينى؟

الله يهدي سركم ياغدوره وانشالله انشالله تنحل علي خير وحتا اهله يتعدلون وياج

 

[بنت الشمالي]

مشاركة: إذا أنتي مطلقه شاركينى؟

غدوره حبيبتي هذا واحد ماعنده غاريه باجر لو تسافرون وتنخطفين راح يبطل حلج مثل الاهبل >>>> انا اسفه

بس انقهرت منه ومنج انتي بعد ليييش ساكته لو انا منج اخليه يولي هذا مالراح يتسنع لو حتى عمره يصير 40 سنه

انا مابي اشيشج بس انتي حاولتي معاه انا من ناحيتي اعيش مع واحد فقير واقسم الخبزه اليابسه معاه ولا اني اعيش مع واحد ما يغار علي ولا يدافع عني يوم اللي احتاجه
وانتي بعدج صغيره ياقلبي ليش تضيعينه معاه

اففف والله العظيم انقهرت ناس ماينقع بعينهم شيي

والله لو اهله يعايروني باصلي احط النعال بحلوجهم واقولهم تاج راسكم >>>>> تكرمون

ارتفع ضغطي ياحبيبتي يابعد قلبي لازم ماتسكتين شوفي حل

 

[bnt q8 in usa]

مشاركة: إذا أنتي مطلقه شاركينى؟

غدير انا مع بنت الشمالي ديل الشسمونه عوي
ومن شب علي شي شاب عليه

لو هو من الاول بتسنع ماينطر فلان وعلان ييون يكلمونه


اقول ان الله يهدي من يشاء وعسي ربي العبد يسخره لج انشالله
ولي طلبتي منه دبس الحسا الحسه

 

[غدير^الجنان]

مشاركة: إذا أنتي مطلقه شاركينى؟

واي يابنات بعد كل اللي صار رد اليوم وقالي انتي غلطانه علي واايد من قبل وانا ساكت قلت له انا اولا مو ملاك واذا انا غلطانه مره انت غلطان الف انت واهلك

و قلت له انت ماتوقعت بهالسالفه اطلب الطلاق فالي لا لان السالفه ماتسوى تخيلواا؟؟؟؟؟؟؟؟؟؟؟؟؟؟

وكان يقرب مني ويحاول يتلزق قلت له ترى انا مجرووحه قلبي منجرح وانت ولا على بالك حتى ما اعتذرت؟؟

قالي انا اداوي الجرح .... قلت له مستحيل لو اعيش معاك 100 سنه جرحي ما يطيب

واول اذا يبت طاري الطلاق يزفني

الحين قاعدين نتكلم عنه عادددديي

يقولي الطلاق واقع .. اقوله وساعات يكون في راحه للجميع

جان يقولي تدرين اخر 6 اشهر مرت علينا وانا حاس اننا راح نتطلق بس مادري متى بس حاس
\وعلى فكره اخر 6 اشهر ماكنا متهاوشين


واااي شسوي لاعت جبدي منه اكرههه طاب خاطري منه اصلا طاح من عيني

شالريااال اللي انا ماخذته؟؟؟

اصلا حرام اظلم الرجوله اذا قلت عنه ريال

والمشكله الحن لو قلت ابي اتطلق خوالي ماراح يخلوني راح يقولون لان السالفه للحين ماهدت وعلشان جذي تبين الطلاق

فانا ناطره يصير شي ويارب بسرعه

الحلوو بالموضوع امي.. كانت اول تدافع عنه بس اقول شي كانت تجعمني وتقولي ريلح وريلج ذخرج وسندج

الحين تقولي اذا تكرر غلطه ياوييله دللناه وطلع مو كفو ....... من اليوم ورايح اذا سوالج شي قوليلي علشان نادبه



يارب تصيرلي مشكله كبيييره واتطلق منه بنات والله ماستحمله وجوده عندي زي عدمه


يارب يارب اتطلق وارتاح منه بس حبه طلع من قلبي

 

[bnt q8 in usa]

مشاركة: إذا أنتي مطلقه شاركينى؟

حبيبتي انتي اعتقد هذا كافي انج تطلبين الطلاق قبل لايصير حمل او شي يخليج ترتبطين فيه
اعوذ بالله منه قلنالج من الاول ذيل الجلب عوي
غدور ناويه تنطرين لي متي بالله ليمن يصير فيج ضغط وسكر لاقدر الله ولا شنو
خوالج بتفهون ودام امج معاج كافي روحي شوفي حياتج وانسيه ودرب الي يسد مايرد
الله ومحمد واهل بيته يساعدونج يارب يارب

 

[السفيرة عزيزة]

مشاركة: إذا أنتي مطلقه شاركينى؟

غدير

انتي الحين وين
ببيت اهلج و لا ببيته؟؟؟؟

اذا ببيت اهلج ليش تكلمينه

اذا انتي خلاص تبين الطلاق لا تكلمينه

خلي امج تكلمه

بس انا اقولج

استخيري اول

و الله يكتب اللي فيه الخير

 

[أنا وين ؟؟]

مشاركة: إذا أنتي مطلقه شاركينى؟

ما عندي شي اقوله غير الله يهدي الجميع ... ويعينج على ما ابتلاج

 

[@ الرسامة @]

مشاركة: إذا أنتي مطلقه شاركينى؟

ما اقول الا الله يفج عنكم هالهم ويخفف عليكم


وما عليه بس لازم تصيرون اقوى من جذيه

 

[Dancing^Queen]

مشاركة: إذا أنتي مطلقه شاركينى؟

غدير حبيبيتي انتي تقولين جذي علشان لي الحين معصبه ومشاكل
ترا الطلاق موسهل كلش كلش كلش
وحياتج راح تتغير حيل والناس راح تتغير نظرتهم لج سواءا شئنا ام ابينا
وانتي راح تنصدمين فيهم

مستعده تتحملين كل هذا؟
لاتاخذين قرار وتندمين عليه
انا ماقولج قعدي وسكتي علشان الناس لاوالله حشااااااااااااااا
بس لي يتي تاخذين قرار لازم تكونين حاسبه حسابج عدل عدل
لان بعد سنتين ثلاث كل شي راح يهدا وراح يتغير
وبتقولين انا ظلمت روحي لو صابره لو لو لو
لما تييني تاخذين قرارج كوني متاكده عدل عدل

 

[فروحة توحة]

مشاركة: إذا أنتي مطلقه شاركينى؟

غدورة حبيبتي طولي بالج
ميخالف صبري
والصبر مفتاح الفرج
طولي بالج علية لانة توة ياهل وباجر لي صار عمرة فوق ال30 يوعى عى نفسة
واذا كان زوجج دعله تحملية ترى رياييل الحين على الاقل يدخن وهذا يووووه شريف وخوش ريال فما بالج باللي يسكر وعنده بلاوي وحريم ووسخ
صبري على مينونج
زين ليش ما تطلعين بشقة وتبعدين عن الهم

هدي اعصابج وتركدي ترى باجر اذا تطلقتي اتدورين الريال وتتحسفين وتقولين ليتني صابرة على خياسة
ميخالف انتي اشوي اشوي علية واخذيه بالسياية
وانتي سنعيه
والله اعرف وحدة ريلها يمد ايده ويشرب ويسكر وراعي حريم بس من شافتة من اهلها ومن كلام الناس تقول لو صابرة على ضيمة احسن
انا اشوف ان ريلج يتعدل بعد ما ودي يتطاولون عليج اخوانة وعيب مدة الايد مهما يكون انتي غريبه عنهم (والحمو الموت)
اذا انتي شاتيفة ان ريلج يحبج ميخالف تحملي وان شالله يتعدل

اول شي استخيري ربج وادعي في الليل
وشيلي من بالج فكرة الطلاق مؤقتا ووسعي خاطرج معاة

تعدل تعدل ما تعدل لا والله ما اذل روحي معاه

وندعيلج يالغالية
ان الله يهدي سركم وترتاحون

انتي وخري عن اهله تسلمين

 

[leza_q8]

مشاركة: إذا أنتي مطلقه شاركينى؟

غدير حبيبتي حلو انج تعطينه فرصه ومدة شهرين او اكثر قتره قصيره للتغير

بس انا اقول فيه امل
غدير انا اتوقع انج ما عندج صديقات قراب منج وايد تقدرين تشكين لهم وتاخذين منهم الشور والنصيحه الصحيحه

غدير انا اشوف انه طول فترة الشهرين التجريبيه تحاولين تغيرين فيه و ايضا لا تستسلمين

بصراحه انا مريت بضروف مقاربه لضروفج والحمد الله عديت منها وغيرته للاحسن والحين الحمد الله ريلي من اروع ما يكون والله يتمم علينه

صج تعبت وايد معاه وكل هذا اخذ من نفسيتي واعصابي وحبي بس النتيجه كااانت وايد رائعه وصار يدور رضاي وسعادتي
علمته يحبني انا كمرأه مو كزوجه صااار متعلق فيني وايد

والحمد الله

غدير خلال هالشهرين حطيلج خطه مرسومه وهدف لتغييره بكل الطرق
اخذي المساله على انها تحدي لج كأمره وانثى وانج لازم تغيرينه وصدقيني المره لو تبي تسوي شي توصل له
وبالنهايه صدقيني راح تكتشفين انج مو بس كسبتي نفسج كمراه لا راح تلقين انج امتلكتي كنز ما يتعوض بثمن واهو ريلج

ولا تنسين انه المره الي قدرة تروض الاسد ما راح تروض وتغير وتكسب قلب ريلها

واذا حبيتي اي مساعده وستفسار انا حاااضره

والله يهديكم انشاء الله