إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[فروحة توحة]

مشاركة: إذا أنتي مطلقه شاركينى؟

ماشالله عليج ليزا عين العقل

 

[غدير^الجنان]

مشاركة: إذا أنتي مطلقه شاركينى؟

الله كريم انشاء الله


انا بصبر وبشووف نهايتها مع هالريل

وترى انا بشقه بروحي بعيده عن اهله ومشاكلهم واصله لحد اهني

الله كريم

ياريته يقدر ضحيت علشانه وااايد


الله يريحني ويفرج همي

 

[حلم السنين]

مشاركة: إذا أنتي مطلقه شاركينى؟

غدير الطلاق شئ مو سهل راجعي نفسج وطولي بالج

وكل الرجال الحين كلاااااااااااااااب حاشاج رجال بالاسم مافيهم الصاحي المرا هي اللي تسنع فيهم وترقع لهم والا ماكو فايده





















ارد واقولج ياقلبي الجئي لربج وعيدجي حساباتج وشوووفي شيصير معاج



وعسى ربي يهدي سرج

 

[بدرووووووووووه]

مشاركة: إذا أنتي مطلقه شاركينى؟

انا مع اختي حلم السنين ...

عيدي حساباتك الطلاق مو سهل ... والجئي لربك وصلي استخارة وصلي قيام الليل لان ربنا ينزل لسمانا كل ليلة يسمع صوتك وانتي تدعين وتطلبين الفرج منه صدقيني وطيعيني وهذي عن تجربة ....

صلي قيام الليل كل يوم اقري جزء بقيام الليل وادعي باللي تبين لحد ما يخلص القرآن وبعدين تصدقي وكل مرة تخلصين فيها القرآن قراءة في صلاة الليل تصدقي وانتي تدعين وربك كريم ان شاء الله كل شيء يتصلح لا تستعجلين بالطلاق تري مو سهل ...

حاولي مرة وبعد مرة ومرااااات واذا ربك كاتب لك الانفصال راح تنفصلين واذا الله كاتب لك الاستمرار راح يكون لاكن سوي اللي عليك ولا تسمعين كلام احد الا اذا عندك ثقة فيه وشاوري نفسك اكثر من مرة تري قرار الانفصال مو سهل مثل ما انتي متصورة ....

تصدقين دايما ارجع للموضوع هذا وكل مرة اتضايق هذا اذا ما بكيت سبحان الله ليش البنت الطيبة يصير معاها جذي وليش البنت الشيطانه اللي دايرة على فلان وفلان تاخذ احسن ريال واحسن عايلة وعز ورزة ولا فوق هذا محبة وثقة تقول اسكت يالله من فضلك ولا حمولة تنحط على الجرح يبرا ....

واللي تبي الستر وماشية جنب الحيطة وما تبقي كلمة ما تنقال عنها .....

سامحيني اذا ضايقتك لاكن من كثر ما قلبي متروس لاكن الله كريم وان شاء الله يعوضني باحسن من اللي كان

ربنا معاك يا قلبي ...

 

[غدير^الجنان]

مشاركة: إذا أنتي مطلقه شاركينى؟

يابنات اهو وعدني بيتغير وعلى قولته بيعوضني وبيداوي جرحي طبعا هالكلام من الاسبوع اللي طاف

لما السالفه صارت


بس يوم وااحد سمعت هالكلام..


والحين صارلي اسبوع كلمه حلوه ماسمعت... لايتوقع اني انا ارووحله مثل كل مره مو كافي بعج هالسالفه يرد ويقولي انتي غلطانه؟

والله جنه اخوان بالبيت اللهم ننام على فراش واحد وساعات انام بالصاله


حتى هالفرصه اللي بعطيه ياها مو قاعد يستغلها... انا قاعده افكر اذا ماراح اتطلق بتصير حياتي كلها جذي
ماقدر اقرب يمه واهو مايفكر يتقرب مني


ماقول الا الله كريم

وانا ادري الطلاق مو سهل بس اذا اهو الحل يكون اسهل من العيشه مع هالريل

 

[jolie_q8]

مشاركة: إذا أنتي مطلقه شاركينى؟

غدير^الجنان

الله ينور بصيرتج.. ويهديج لما فيها لخير لج يا رب

ويفرج همج.. ويبدل حزنج وهمج فرح...

 

[مُناي]

مشاركة: إذا أنتي مطلقه شاركينى؟

غدير بعد عمري

البنت تتبع أبوها ودام ان ابوج بدوي يفترض انج ماتاخذين عيمي

مو عشان فيهم شي لا

لأن صعب التوافق وراح يجيج كلام على اقل مشكله

حلاة الثوب رقعته منه وفيه مايقدر يقول لج انتي بدويه

اذا كان مثلج

هالأمر صار وانتهى


بس بغيت انصحج من قلب محب لج الخير

سالفة ان ريلج موذرابه ولا زقرت هذي سهله

بس سالفة الاهانه والتجريح هذي لا وألف لا




سمعيني حياتي

مالج شغل باللي يقول لج صبري




المره تصبر في حالتين بس


ياإن عندها اعيال وخايفه يضيعون

أو تكون تحب ريلها


اذا ماكوا اعيال

وماتحبينه


ليش العباله لابوه لابو جلب <<<< سوري سبيته بس غثني

واذا نصيبج تكونين مطلقه

ترى افضل من تعيشين باهانه

باجر يصير عندج عيال


تخيلي شلون بتصير اخلاقهم

ويمكن يزيد خباله على كبر

وبعدين اللي اعرفه

المره حتى لوكانت ألعن مخاليق ربنا مالهم عليها طريق حموانها

ولالهم شغل

شلون يهينون ويمدون ايدهم

بأي شرع هذا


الله يعينج ياقلبي


فكي عمرج

لايجيب لج امراض نفسيه

وغالبا الامراض النفسيه تكون نهايتها

ياالانتحار او الانحراف او يموت الشخص من زود الهم والكدر


عيشي حياتج ويعوضج الله خير

 

[غدير^الجنان]

مشاركة: إذا أنتي مطلقه شاركينى؟

مناي ياقلبي انا مالي شغل باهل ابوي امي وابوي منفصلين من قبل ولادتي

يعني انا مع اهل امي وبوي مايدري عني كلش

فيعني لما يعيبون على اصلي انا مالي ذنب لا انا عايشه عندهم ولا اعرف شي عنهم حتى عمامي مالي علاقه فيهم

واهم مارضوا ياخذوني لولدهم الا بعد ماعرفوا هالشي اني مالي علاقه مع اهل ابوي


يعنبي يعرفون كل شي

واذا على اليهال ماعندي شي

واذا الحب.. خلاص على كثر ماكنت ابه الحين اكرهه واهو موقاعد يخاول يرد هالحب لا معطيني طاف


والله تعبت بس هم ارد واقول بصبر عسى الله يعوضني خيير

وعلى الانتحار من يوم ماتزوجت حاولت مليون مره انتحر لاني زهقت عيشتي


بس الحين اقول ليش انتحر والله باجر يعاقبنب علشان وااحد مايسوى ولا يهمه شي بهالدنيا؟؟


انا اذا ماتطلقت منه راح ادعي ربي ياخذ بعمري بسرعه وارتاح وانشاء الله الله يكون معوضني عنده



جولي مشكوره للدعوه ياقلبي

 

[مُناي]

مشاركة: إذا أنتي مطلقه شاركينى؟

لا حياتي انشالله يطول بعمرج

ومحد يستاهل

عالعموم انتي ادرى مننا بوضعج

احنا ننصح باللي نشوفه

بس انتي اللي عايشه الوضع

وأنا ماقصدت ان لج علاقه بأهل ابوج انا قصدي

انج بتضلين طول عمرج بنظرهم بدوية

حتى لو ماعشتي بين البدو

عالعموم الله يهدي بالج

وييسر أمرج

وانتي اذا متردده عليج بالقران

وقيام الليل ولو بركعتين


ترى في فترة الثلث الاخير من الليل

ينزل الله للسموات الدنيا

فيقول

هل من سائل فأجيب

هل من مستغفر فأغفر


وادعي


صدقيني اذا داومتي على هالشي

مع اذكار الصباح والمساء


والله بتتبدل حياتج صدقيني

وقولي ماقلت

 

[غدير^الجنان]

مشاركة: إذا أنتي مطلقه شاركينى؟

انشاء الله


والله العظيم محد مهون علي غيركم يابنات ردودكم تبرد القلب


وماشاء الله عليكم ماتقصرون بالنصيحه

الله يوفقكم ويخليكم حق الي تحبونهم ويحبونكم

ويرزقكم من اوسع ابوابه ولا يسلط عليكم ظالم

اللهم امين

 

[فروحة توحة]

مشاركة: إذا أنتي مطلقه شاركينى؟

الله ينور دربج يا غدير وان شالله يتعدل زوجج ويصير مثل ما تبين واكثر
ميخالف تحملي شويه
وربج كريم يرزقج من حيث لا تعلمين

احنا كلنا خوات
انتي اليوم بحاجتنا واحنا باجر بحاجتج وهذي الدنيا يا غدير وعسى ربي يفرج همج وهم كل مهموم
ويبرد على اقليبجقولي آمين

 

[فروحة توحة]

مشاركة: إذا أنتي مطلقه شاركينى؟

انا اذا ماتطلقت منه راح ادعي ربي ياخذ بعمري بسرعه وارتاح وانشاء الله الله يكون معوضني عنده



جولي مشكوره للدعوه ياقلبي

حرام عليج يا غدير توني اقرا ردج وضاق خلقي وزعلني منج

قولي اللهم آجرني في مصيبتي واخلفلي خيرا منها
وربي يعوض تعبج براحة

معاه ولا مع غيرة

 

[Dancing^Queen]

مشاركة: إذا أنتي مطلقه شاركينى؟

غدير ليش هالياس ليييييش
الحمدالله عندج اهل يعزونج ويبون رضاج وجان الله ماوفقج معاه مو معناته انج تخسرين ج حياتج بسبته هل اهو يستاهل انج تبيعين اخرتج ودنيتج بسبته؟
ماظنتي
ومن عقبج اسمالله عليج ولاراح يهمه ويافرحه اهله
حبيبتي عيشي حق نفسج وماعليج وخلي ثقتج بالله كبيره

 

[عمري الكويت]

مشاركة: إذا أنتي مطلقه شاركينى؟

واااي عورتي قلبي غدير شنو هذول البشر لهذي الدرجه يتعدى الواحد حدوده ما أقول غير ربي يسر امورج ويهديلج زوجج إن شاءالله وما اوصيج بالصلاة والدعاء واللع يكون بعونج

 

[bnt q8 in usa]

مشاركة: إذا أنتي مطلقه شاركينى؟

بفك وعصير حبيبتي احنا خواتج عمري

الله يفك كربتج يارب وتتخلصين منه انشالله تعالي

 

[غدير^الجنان]

مشاركة: إذا أنتي مطلقه شاركينى؟

الله يفرج عليج وترتاحين منه

واحنا خواتج ياقلبي افا عليج

وراح ادعليج من قلبي ان الله يوفقج ويريحج

 

[Dancing^Queen]

مشاركة: إذا أنتي مطلقه شاركينى؟

لله يسهل عليج امورج يارب يا بفك وعصير

 

[السفيرة عزيزة]

مشاركة: إذا أنتي مطلقه شاركينى؟

بفك و عصير

الله يفك ضيقتج

و الله يهدي ريلج و ما يعاند و ترتاحين

اللهم امين

 

[روزالكويت]

مشاركة: إذا أنتي مطلقه شاركينى؟

مرحبا خواتى بقولكم سالفتى بختصار انا مطلقه من ولد عمى مادخلت عقب ملجه اربع سنين ونص اهو كان يدرس برا ولما تخرج ورجع انا طلبت الطلاق وعطانى ورقتى بسهوله بيومين لانه اصلا كان ينطرها تجى منى انا مو منه اهو بس الاسباب وايد مادرى شقول شخلى بس اقول ان القيل والقال فرقنا واختربت علاقتنا مع بيت اهله قبل سنه من تخرجه وقاطعونا على اسباب سخيفه وتلكك حريم ماله داعى انا سبحان الله من ملجت وانا عندى احساس انى مارااح يتم زواجى عليه وانى راح اطلق قبل لا ادخل وماكنت مرتاحه لا له ولا لاهله مع انه كان حلم وردى لبنات العايله كلهم وكنت اسمع عقب ملجتى ياحظ فلانه خذت فلان وياحظ فلان بفلانه عزةالله توفقوا ولايقين على بعظهم مادرى شلون تفرقنا يمكن عيون وحسد مهما كانت الاسباب بس احب اقولكم انى الحمدالله مرتاحه حيل الله يتمم على انشالله ونفسيتى راظيه وهذا نصيبي الله بيعوظنى انشالله خير والحمدالله على كل حال

 

[السفيرة عزيزة]

مشاركة: إذا أنتي مطلقه شاركينى؟

روز الكويت

الله يعوضج خير

ان شاء الله

و اللي يرضى بقضاء الله و قدره

يعرف ان الله ما يكتب له الا الخير

الله يوفقج

و يرزقج باللي يريحج و يقدرج