إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[[ . . Jee Jee . . ]]

مشاركة: إذا أنتي مطلقه شاركينى؟

ماشاءلله عليج يا ستيلا والله عين العقل كلامج

عيني عليج باردة ..


بدر البدور والله كنت حابة اساعدج بكلمتين بس ردها فضيع يقول اكثر من اللي ودي أقوله

الله فعلا يحبج واحنا خواتج ونشد على ايدج

 

[روزالكويت]

مشاركة: إذا أنتي مطلقه شاركينى؟

بعد عمرى السفيره عزيزه مشكوره ياقلبي على دعائج لى والله ينولج مرادج اللى بقلبك ويريح بالج والله كريم=

 

[*الحالمه*]

مشاركة: إذا أنتي مطلقه شاركينى؟

روز الكويت

اهم شي انج مقتنعه بقرارج

و راضيه بقدرج

غير جذي ما يهم ^_^

و صدقيني محد ياخذ الا اللي الله قدره له

فخلج متفائله و لا تنسين ابتسامة الرضا

و الله يوفقج و يسهل امورج

و يرزقج باللي يعزج و يرزج و يحبج

 

[السفيرة عزيزة]

مشاركة: إذا أنتي مطلقه شاركينى؟

غدير الجنان

وينج ما طمنتينا عليج

شصار لج

شنو اخر تطوراتكم

عساها على خير

 

[غدير^الجنان]

مشاركة: إذا أنتي مطلقه شاركينى؟

عزوووووووووز اسالت عنج العافيه

والله اخباري مثل الزفت

بس شسوي

يوم عيد زواجنا السبت اللي طاف

قلت له ليش تغيرت عن اول (مافيها شي سؤال عادي)

رد علي معصب وقال انتي تبين تستفزيني تبين نتهاوش؟؟؟؟

هذي انتي ماتتغيرين ؟؟؟

وياب طاري اهله وقالي والله لو ابوي عايش جان تبليتي عليه اهو بعد وقلتي انه سابج انتي وهلج


والله قبل عيد زواجنا حاولت اصير خوش وحده ورديت مثل اول معاه وحاولت انسى اللي صار وابدي صفحه يديده

والحين ردينا من الصفر

والله غصب مستحملته.... اكرهههههههههههههههههههههههههههه والله ما اشتهي اشوف رقعه ويهه

والله لما اروح المعهد اقعد ابجي بالسيار مابي ارد البيت

بس ارد البيت يضيق خلقي وقلبي ينقمت

والله ادعي بكل وقت اني اتطلق ........

 

[السفيرة عزيزة]

مشاركة: إذا أنتي مطلقه شاركينى؟

غدير
شوفي حبوبه

بسالج سؤال

انتي اول ما كنتي جذي

كنت تحبينه عدل؟؟؟؟؟؟؟؟؟؟؟؟

الريال عموما يتغير عادي عقب الزواج

و يصير بينه و بين مرته اشياء

بس انتي فكري عدل

ما فيه شي حلوو ابد؟؟؟؟؟

و لا شنو الحلو اللي فيه

 

[غدير^الجنان]

مشاركة: إذا أنتي مطلقه شاركينى؟

عزووز ياقلبي قعدت افكر بكلامج


قاعده اتذكر الشي الزين اللي فيه


اهو طيب



بس هذا اللي زين فيه


من ناحية الدين مودين ووايد يطوف الصلاة والمسجد مايروجله الا بالسنه حسنه

ماعنده غاريه علي بس الشي اللي شاطر فيه يقولي اذا يبتي ياهل تلبسين عباة على الراس

ماعنده شخصيه كلمه توديه وكلمه ترده

مايسولف معاي كلللللللللش واذا قلت له تكلم يقولي ماكو سوالف كلشي اعرفه عنج شسولف عنه؟؟ واذا انا ماتكلمت معاه طول اليوم يظل ساكت

مايهتم بالنظافة الشخصيه يعني وصخ وصخ وصخ وحاولت اعدله وعدلته بس يرد على وصاخته ويقولي احنا جذي

هذا طبعا غير انه يحبطني واايد اذا كشخت له يقول شحقه كاشخه؟؟ واذا طبخت ماياكل ويقول لاتطبخين ومره كنت بسويله ليله حلوه وحطيت اغنيه مع اني ماسمع اغاني بس علشانه حطيت وقلت برقص جان يقولي البنت اللي ترقص احسها رخييصه وبنات دعاره؟؟؟

وغير جم مره البس قمصان نوم واكشخ والاقيه يقولي مالي خلق ويحط راسه وينام ويخليني ...........

ترى والله هالاشياء ماذكرتها الا لما قلتيتي شنو الحلو فيه؟؟؟

وفي اشياء واايد ماقلتها لانه لو بقولها راح اكرهه اكثر واكثر واكثرر



علشان جذي مابي اقولكم على اخباري لانها تلوع الجبد وانتوا حبايب قلبي ماقصرتوا دعيتوا لي ووقفتوا معاي ونصحتوني

ومابي اتعبكم اكثرر

 

[السفيرة عزيزة]

مشاركة: إذا أنتي مطلقه شاركينى؟

غدوره حبوبه

الله يكون بعونج

و يسر امورج و ريح بالج

اللهم امين

كلامج عور قلبي

بس اذا اهو طيب اخذيه من هالناحيه

يعني حاولي تكسريم خاطره

و اذا عن الكلام ترى كل الريياييل جذي

لا تاخذين على كلامهم

شوفي عمرج حبوبه

اذا تقدرين تستحملين و تحسين في مجال للاصلاح

حاولي ترى السالفه تستاهل التعب لها

بس اذا انتي شايفه ان ما في فايده و ان ما في مجال للاصلاح

فلا و الله اشتري راحتج

و الله يكون بعونج

 

[نفيشه]

مشاركة: إذا أنتي مطلقه شاركينى؟

غدورة
الله يكون بعونج انشالله تصدقين من جم يوم قريت موضوعج وكنت بكتب لج رد تطلقي خلاص ابرك لج من ريال جذي طبعه وهذولا اهله مع اني كلش ما احب اشيش احد على الطلاق بس وضعج تعبان بالمرة
واهله كووووووووووووووووووم واهو كوووووووووووووووووووووم
فمدام ماعندج ياهل يربطج فيه لحقي عمرج

بس امس قاعده افكر بموضوعج وخطر في بالي شي
وايد اشوف حريم تكون شخصياتهم اقوى من رياييلهم
يعني الله يخليج لاتزعلين من كلامي بس انا قاعده احاول انقذ ما يمكن انقاذه
وانشالله كلامي يفيدج بشي
انا اشوف ان شخصيتج اقوى منه ويمكن هالشي من تربيج ببيت اهلج ويمكن يكون اهو اللي شخصيته ضعيفة
بس انتي شجعتي على هالشي وايد من غير لا تحسن بانج اخليتي مسؤوليته من كل شي
الجمعية عليج
واللي فهمته انج متكفلة بكل شي
شوفي الرياييل على كل دعالتهم بس ترى الامور المادية تاثر بنفسياتهم وايد
الريال يبي مرة اهو مسؤول عنها ولا يعرف قدرها الا اذا حس انه اهو اللي مسيطر على هالموضوع حتى لو كان بخيل ترى هم يبي يحس انه اهو اللي يصرف واهو اللي ماسك هالبيت
متى ما رفعتي عنه هالشي انتي سويتي خلل فيه من داخل
يعني اكيد ماسويتي جذي الا لما شفتيه يبخل عليج وعلى البيت او انه متحكم او مهمل بهالامور
لكن كل شي بحدود واريال ريال والمرة مرة
لازم تحترمينه من هالناحية لانه مدامج تصرفين عليه وتعايرينه بيحس بنقص فلاتصرفين عليه احسن اهو الريال مو انتي
اذا بتخففين عليه مصاريفج الخاصة اوكي يزاج الله خير بس اذا بتمسكين مصرفه اهو لا هذا غلط
اذا عندج ما حس انه ريال شلون بيصير ريال جدام اخوانه واهله والناس لاتتوقعين منه خير عيل لان في خلل اساسي فيه
لازم يحس ان له شخصيه عندج بالاول وانج تحترمين رايه وقراراته وتفخيه انت الزين وانت السنع وانت وانت علشان تزيد ثقته بنفسه ويقدر يواجه اللي بره
لا تعايرينه انه مايدافع عنج قولي له انا قلت لهم والله لو ريلي هني جان محد فيكم تجرا علي وتفخيه خليه يتبرمج على هالشي مو من اول مرة بتشوفين نتيجة بس لازم يتعدل من داخله
ويسوي الشي عن قناعه مو عن خوف منج

لاتعلين صوتج عليه انتي قلتي انه يقول عنج انج تعصبين عليه وتقلين حجي
هذا مو كلام ولا في عذر لهالشي حتى لو كان اهو عوي ماتعلين صوتج عليه
لاتكسرينه علشان لا ينكسر عند اهله بعد ويصير مطقاقه للكل

انا مادري ليش فكرت بهالنقطه وقلت يمكن تكون السبب واكيد ممكن وايد انها ماتكون السبب
انتي تعرفين ريلج اكثر مننا وتعرفين بينج وبين نفسج اذا هذا فعلا اللي صاير او ان في شي ثاني مسوي خلل بينكم

انا ما اقول لج هالكلام علشان تشيلين اغراضج وتروحين تراضينه وانا الصراحة ما اظمن لج مستقبل معاه هذا شي بيد الله
بس ساعات لازم الواحد يحاسب روحه ويعيد حساباته
واذا غاسلة ايدج منه بعد ماعندي شي اقوله


والله يطمن قلبج وطمنيننا عليج

 

[غدير^الجنان]

مشاركة: إذا أنتي مطلقه شاركينى؟

بفك وعصير..... القرار موجود بس التنفيذ صعب

السفيره عزيزه الحلوه.... الله كرييم

نفوووش ....

لا تعايرينه انه مايدافع عنج قولي له انا قلت لهم والله لو ريلي هني جان محد فيكم تجرا علي وتفخيه خليه يتبرمج على هالشي مو من اول مرة بتشوفين نتيجة بس لازم يتعدل من داخله

اصلا سويت هالشي وقلت لاهله لو ريلي اهني جان وجان وجان .... دش ريلي جان اقووله زين ييت شوفهم شيسون فيني جان حماتي تعطيه عشرين دينار وتقووله رووح مالك شغل فيها وراح..


ومن ناحية المصرف .... هالايام قمت اخليه اهو يصرف من الالف الى الياء... وبعد امي محلفتني ما ادفع فلس احمر بالبيت ...

وصوتي العالي وعصبيتي مخففتها حدي...

والله تمنيت ريلي سكير مدمن ولا يكون جذي

على الاقل المدمن يتوب ويتعالج والسكير بعد

اما هذا شنو؟؟؟

المشكله لو بطلب الطلاق محد بيرضى امي رافضه الفكره لانها مرت بالتجربه وخوالي بعد رافضين الفكره

وانا لما ابي اتطلق ابي الناس لما تتحجى تقول اهو مو زين

 

[Dancing^Queen]

مشاركة: إذا أنتي مطلقه شاركينى؟

غدير الله يهديه ويصلحه قولي امين
بس بقولج نصيحه
لاتستعيلين علي اليهال لو حن
لي تعدل يبي

 

[نفيشه]

مشاركة: إذا أنتي مطلقه شاركينى؟

اصلا سويت هالشي وقلت لاهله لو ريلي اهني جان وجان وجان .... دش ريلي جان اقووله زين ييت شوفهم شيسون فيني جان حماتي تعطيه عشرين دينار وتقووله رووح مالك شغل فيها وراح..

noooooooo enty a9lan 7a6eteeh amam elamr elwage3 akeed ba3da ma yadry shno ysawey o 9arat chenha joke leanch gelty gedamhom halkalam o 3ala 6ool tbeenah yefhamha ana ga9dy benech o benah tgoolen halkalam leen ydesh rasa 3adel o taly le 9ar shay gedamhom yet9araf bs chethy la mo hatha elma6loob ra7 t9eer joke elsalfah lazeem gablha broo7kom tkonoon o tshaymeneh o le w9alat elfekra tgdreen 3goob tstfeedeen mnha

o ana m3a ray coco salfat el3yall enseeha 7aleyan leen yetsana3

 

[leza_q8]

مشاركة: إذا أنتي مطلقه شاركينى؟

[size=3]لا يغير الله مافي قوما حتى يغيروا هم بانفسهم


انا من راي انتي ما سعيتي بالصوره المطلوبه ولا طقيتي كل الابواب انتي اكتفيتي بمحاولات بسيطه والاغلب ظليتي بس تنوحين وتندبين حظج

انا من راي طقي واسعي لكل الابواب

منها:
1- قريتي كتب عن العلاقات الزوجيه
"كتب علميه ودينيه وتربويه ونفسيه"
2- قريتي كتب عن الفروق النفسيه والجسديه والحسيه بين الرجل والمراه
3- قريتي كتب تخص المرأه تركيبتها وطريقه تفكيرها
ترى في وايد عندنا نواقص نحن النساء ولكن ما انعرفها ولا نعتبرها عيوب الا بع ما نقرا عنها وانعرفها

4- استمعتي لي ندوات او اشرطه او محاظرات تخص كل هالجوانب
5- رحتي لي شخص متخصص نفسي او سلوكي او اجتماعي وعرضتي له المشكله وحاولتي تحلينها وتاخذين من شوره وعلمه

اقول ترى ابنج الي اهو ابنج تشوفين الويل لم تربينه وتعلمينه واهو طفل ذاكرته بيظاء وما تربى الا بحضنج وما عرف الا الي انتي عطيتيه اياااه وياما تلقين فيه عيوب وتتعبين وياااه على ما توصلين لنتيجه حلوه

فما بالج بريلج الي انتي قاعده تحاولين تعلمينه وتغيرينه من جد وجديد واهو عند مخزون كبير من الاشياء السلبيه والسلوكيات الخاطأه والي صارت ملازمته عمر وتطبع عليها
مو هين ترى يتغير ولا بسهوله

انا اشوووف انج تحاااولين تزيدين من طرق المعرفه والسعي لحل الامور وتبذلين جهد اكثر

جنان حبيبتي المره الي روضت الاسد والي ما خلت كتاب ولا حكيم ولا شخص الا وسالته اشلون تروضه ما راح تكون افضل واحس منج انتي

انا اعتقد وبل متاكده بانه متى ما ارتحتي نفسيا وركزتي عدل وسعيتي اكثر لعدة طرق وبذلتي جهد اكثر

متاكد وواثقه انج راح تنجحين وبجداره انه تغيرينه وانه راح يكون من افضل الرجال وسبب يرجع لج

جنان حذا تحدي وختبار لج يا انج تفوزين فيه وبتالي بحياة سعيده او انج تستسلمين لفشلج وتنهين كل شي

وكل اختبار ما يندش له الا اذا كنتي مذاكره عدل ومستعده و تكونين حافظته وفاهمته عدل وماخليتي مرجع او نقطه الا وانتي قاريتها وفاهمتها

فما بالج بختبارج "اختبار حياتج" زوجج ما يستحق انه تحاولين المستحيل انج نتجحين فيه وتييبين افضل العلامات

انا ادعيلج من كل قلبي بالتوفيق[/SIZE]

 

[bnt_kwt]

مشاركة: إذا أنتي مطلقه شاركينى؟

وااااااااااااااااي اله يعينكم الله يعينكم الله يعينكم
وااااي شقول وشخلي حيل ضاق خلقي وانا اقرا قصصكم
بدر البدور ,بدرووووووه , جوليت , بفك وعصير , روز الكويت , بنت الشمالي
غدير الجنان

عسالله يفرجها عليكم يارب والطلاق ترا مو نهايه الكوووون
اذا بالطلاق ترد كرامتي انا افضل الطلاق على العيشه مع ريال حاله من حال الطووووفه وييييع

غدير يا حبيبتي لا تضيعين عمرج اكثر من جذي صبر وصبرتي اشناطره بعد
قله ادب اهانات وصاخه ( كواوله هذوووووول ) سوري بس صج احتريت مو ناس سنعين
خليه تركيييه خلي يولي اهو واهله وانتي انشالله راح ايي لج اللي احسن منه الف مره
توج صغيره والف من يتمناج وااااي قلبي تقطع

 

[غدير^الجنان]

مشاركة: إذا أنتي مطلقه شاركينى؟

ممممممممممممم

بنت الكويت ثانكس

نفوووش توني فهمت عدل

كوين الرشيقه منو قال ابي يهال منه.. خليها على الله

ليزا.. قريت كتب واااااااااااااااااااااااااااايد عن الزواج وكيمياء الزواج ... بس من اهم النقاط اللي قريتها بهالكتب انه الحياة اخذ وعطاء....

وعلى العطاء الحمدلله انا من ناحيتي مافيني قصوور وانشاء الله مايكون فيه .. اما من ناحيت اهو ....................................................................................... ماكو شي..



دقيت على لجنة الاستماع اكثر من مره.... وكلهم يقولولي تطلقي.. حرام العمر اللي ضاع معاه..


بنوتات حبايب قلبي انتوا انا هالموضوع مخليته على الله ... وعلى فكره الحين اهو متقبل فكرة الطلاااق وقاعد يقوول اذا في مصلحه حقنا انا موافق

وقالي انا ماراح اتغير وحتى لو بتغير راح امثل عليج وانا ماراح اكون مرتاح

يعني قالها من نفسه......

الحمدلله على كل حال ....

ومشكورين بنات على كلامكم الذهب والله يعطيكم العافيه ويحبب ازواجكم فيكم ولا يغير عليكم يارب ويرزقكم من اوسع ابووابه

 

[Dancing^Queen]

مشاركة: إذا أنتي مطلقه شاركينى؟

عورني قلبي عليج غدير
الله يوفقج انشاء الله بدنيتج ويعوضج يارب بكل خير ويعطيج الريال اللي يموت علي دوسه ريلج بالارض

 

[السفيرة عزيزة]

مشاركة: إذا أنتي مطلقه شاركينى؟

وي غدوره عورتي قلبي و الله

بس الله يكتب اللي فيه الخير

المشكله بينج و بينه كبيره

يعني الزواج صج اخذ و عطاء من الطرفين

بس بقولج شي

ترى المره اهي اللي تغير الريال و اهي بعد اللي تتغير علشانه

يعني اي زواج ناجح ترى اصله المره

و المره اللي تبي تغير الريال ما تحسسه انها تبي تغيره

بالعكس تحسسه انها تبيه مثل ما اهو
و بعدين تغير شوي شوي اللي تبيه

الله يكتب اللي فيه الخير

 

[غدير^الجنان]

مشاركة: إذا أنتي مطلقه شاركينى؟

الله كريم انشاء الله

والله يابنات كل يوم اكتشف ان راحتي بالطلاق

ادعولي اتطلق علشان ارتاح

والله يعطيكم العافيه

 

[نفيشه]

مشاركة: إذا أنتي مطلقه شاركينى؟

غدورة
انا ما راح ادعي لج بالطلاق بس راح ادعي ربي ان يسخر لج امورج ويكتب لج الصالح لدينج ودنيتج

 

[السفيرة عزيزة]

مشاركة: إذا أنتي مطلقه شاركينى؟

غدير لا تتضايقين من كلامنا

ترى احنا نتمنى راحتج و استقرارج

بس تدرين شنو اللي متى راح تحسين بالنصر

اذا حطيتي هدف جدامج انج تغيرينه

و لي غيرتيه راح تحسين باخلى نصر

و الله يكتب اللي فيه الخير

انا اقولج استخيري

و لا تقوليله طلق كل شوي

سكتي و الله سبحانه يسر امرج

و انتي استفيدي من وقتج

يعني حاولي تتغيرين و لا تسوين مشاكل

يعني الريال ما يحب الاسئله الوايد و لا الاوامر

فانتي مشي هاليومين من غير اي شي

و اذا عن اهله
خلى علاقتج معاهم رسميه

و جذي راح ترتاحين منهم

و الله يسر امورج