احلى تجمع (( كروشات ديسمبر )) حياكم الله بنات

[Zen&7ala]

قوه بنااااااااااااااااااااات شخبااااااااركم


والله ولهاانه عليكم حيل

و حق سوالفكم


شلونكم مع الرجيم؟؟

ابشركم انا زدت 2 كيلو ههههههههههه


والله لاعت جبدي ماني قادره اضعف !!


ضعفتوا شنو سويتوا قوولولي


و شلون الحلوين ؟؟

والله ولهانه على تجمعنا حيل بالذات هالحزه كل وحده تشتكي ودها تولد هههههههههه

فدييتكم


ديومه تسلم علييكم لووول


بنات شكرها كشه شسوي لوووووووووووول مع ان انا و ابوها شعورنا ناعمه !! و قصيته مرتين صار قصير


شسوي بليز؟

و بنات خلونا نرد مثل قبل التجمع

 

[kunooz]

uppppppppppppppppppp

مثل ماقالت زيون نبي نتيمع نفس قبل بنات يالله عاد وينكم

زيون حتى عبادي شعره مو شي كلش كل شوي نحش له شعره

 

[kunooz]

لوفلي

هلااااااااا حبيبتي شخبارج لج وحشه والله

بنات يالله باركوووووووووووووووووووولي
ماني قايله شسالفه لين تردون

عاد لا تفشلوني

 

[Zen&7ala]

^^

اهلييييييييين بالغالييية والله


شخباارج كنوووز

لج وحشه والله

مبرووك لا يكون حامل ههههههههه؟

 

[lovly girl]

هلا والله كنوز
والله انا مشتاقتلكم والسوالفكم حييييييل
وصج بنات نبي تجمع وسوالف
بنات انا بعد شعر ريونا كشه وفلافل بس الحمدلله
مبرووووووووووووووك بس علي شنو
اذا حمال قولي عشان يمدينا نشد حيلنا ونحلق
هههههههه

 

[Zen&7ala]

^
^

اهليييييييييييييين لوفلي شخباااااااارج


اي والله صاجه هههههههههههه


شسالفتنا على الكشه لوووووول والله انا قمت ادهن شعر ديما شسوي بعد و الله يستر ان شاء الله يتعدل

 

[kunooz]

لووووووووووووول بناااااااااات موتوني ضحك

لااااااااا يبه مو حامل

اخذت الليسن باركولي اخيرا انا كنووووووز الخوافه قمت اسووووق ههههههههههه
بس بنات ترى للحين وايد اخاف على فكره ماطلعت بره الفريج من الخوف ... قمت اودي بناتي الروضه حبيباتي وايد يستانسون مايدرون انه امهم شوي و قلبها يوقف من الخوف هههههههه
والله افشل مره متوهقه مو قادره اطلع حاكريني السيارتين اللي صافطه بينهم وشافتني الخدامه جان تقولي تبين اقول حق بابا يساعدج جان اخزها اقولها لا لااااااا لاااااااااا
ماشوفها الا راحت وقالت حق جارنا لانه كان طالع بعد .. حدي افتشلت عاد المسكين كل شوي يقولي لفي سكانج .. روحي سيدا مادري شنو لين اخر شي قالي : اييييه لفي سكانج شوي الله يهداج هههههههه عصب جان اخترع و اقوله ميخالف ترى توني مطلعه الليسن لووول

يالله ابي تشجييييييييييع بنات كبير خلاص ليمتى انا جذي استغفرالله

 

[Zen&7ala]

^
^

مبرووووووووووووووووووووووووك

يا حلوج يا كنووز ههههههههههه


ترى والله لا تخافين حتى لو انتي عليميه الناس بتكون اوكي و ماراح يخلونج يعني بيدورون بالهم منج ههههههههه


لا تخافين والله يحفظج يا رب

 

[lovly girl]

مبروووووووك كنوز يالله احسن لج حق مشاويرج افتكيتي
ولاتخافين هاذه بس بالبدايه
ومثل ماقلتي بالفريج وللروضه لي ماتتشجعين
وبعدين عاد اخذي راحتج
والله ماراح تطولين انا كنت نفسج بالبدايه

 

[lovly girl]

هلا والله زيون انتي شلونج وشلون ديوم
مادري شسالفة الكشيش والله ريونه تضحك

 

[Zen&7ala]

اهليين لفلييي

والله بخير

بس مراضا ذبحنا والله الجو

انا و ديما مراضه فلونزا و خشوومنا تصبصب و البلاعيم حااله الله كريم ان شاء الله

 

[فاقده حنان ابوه]

هاي شلونكم مو من صجكم وينكم شخباركم انا وغلاتي حمدالله بخير والشهر الياي بتكمل سنه ولي ليلحين ولا ضرس بس تحبي وتوقف الله كريم هالعيوزه

 

[Zen&7ala]

اهلييييييييين


والله احنا بخير و لج وحشه والله

عسى كل عام و اهي بخير يا رب و ان شاء الله يطلعون لها ضروس قبل عيد ميلادها

 

[DrabeeL]

سلاااااااااااااااااااام عليهوووووووووووووووووووووم

شلووووووووووووووونكم حبايبي

واي حدي حدي والله مشتاقه لكم:hearting:


والله يعلم بالظروووف صج صج ماعندي وقت ليلحين ماعندي خادمه واداوم بالكليه وحووووسه ومااشالله الحين احس عمر بناتنا حق المجابل والحوسه


روروووتي تسلم عليكم كلكم وعلى بيبيااتكم وحبيبتي توني اطعمها تطعيم الشهر السادس تخيلوووا ومن بعده انتكشت وامرضت ليلحين

وعادي فقوووده انا رورو ماتحبي ولا توقف بس تقعد وتلف حوالين روحها ههههههههه حتى بالدرايه ماتمشي لي جدام بس لي ورى ماعندها سايد دي

يبيله كووووكووو تعلمها عالسايد دي كلولولوووووووووووووووش:eh_s(9): حبيبتي كوكو الف مبروك ان شالله اللسن وان شالله ربي يحفظج بالطريج وبين الناس الدفشه انتي ركزي وكوني شجاعه وقويه وقولي انا مو عليميه جذي ماتخافين بالعكس لمه تخافين وتقولين ماعرف ماعرف حتى لو تعرفين ماراح تعرفين

وصدقيني راح تستانسين بالسياقه وتقضين مشاويرج وتروحين على كيفج وتفرفرين الصبح والبنات بالروضه

يلا بهالمناسبه عازمتج عالافنيوز بس شرط تيين بروحج بسيارتج واذا سويتيها تره صج ماعندي مانع اعزمج ونتشاوف ونحر البنات



شخبار الباجين والله كلكم لكم وحشه وين لمووسه غطت فجاه مالها حس؟؟
وشخباره ابله اموووره وينها شمسويه

وقوووشتا وسهيله وحروومه و بنت الوفا ان شالله يارب كلكم تكونون بخيررر وعيالكم بخير

كووووكووووو

مو بس انتي عندج مفاجات ويقولون لج مبروك


يلا قولولي مبروووووووووك عشان اقولكم شنو مفاجأتي

 

[kunooz]

السلااااااااااام عليكم سديقاتي

شخباركم؟؟

الله يبارك فيكم حبيباتي

والله يا بنات الصراحه انا حدي دعله
للحين اخاف و دربوووووووووله ههههههههههههه مالج امل الافنيوز مره وحده جان زين بس!!!
حتى الجمعيه مارحت لها كلها خطوتين بس الخوف و مايسوي الله يعين ههههههه
صبري علي سنه و ان شاء الله اشوفج في الافنيوز شرايج ههههههههه

و مبرووووووووووك حبي مبرووووووووووك ونسينا شنهو الخبر الحلو؟
بصير نفس البنات حامل؟؟ لوووول

بنات عبادي للحين متعبني بنومته سمله عليه كل شوي يقعد و للحين اذا فز لازم انومه في حضني مايرضى يرد سريره

 

[Zen&7ala]

اهليييييييييييييييييييين دربوووووووووووووووله


شخبااااااااااارج ؟؟

والله حدي ولهت علييج


بنات والله خلونا نرد التجمع مشاتقتلكم !!

شلون جوجو؟ سلميلي عليها

عاد امس دزيتلها رساله خاصه ابي رقم شيهانه مادري شيهان نسيت اسمها هههههههه بس ما ردت علي


شلون رورو؟؟؟ و شلون الكليه ؟ ان شاء الله كل شي بخير انتي وين تدرسين؟


و والله بهالعمر ااااااااااااااااخ والله تعب انا ديومه 10 شهور !! شلون بنتج توج تطعمينها السادس؟

و اسم الله عليها قامت تحبي و توقف بس لازم تمسك شي و طلع علها ضرسين تحت ههههههه


صايره تضحك والله و شاااااااااالعه قلبنا و لا تشوفوون شطانتها لوووووووووول عووووووبه الله يحفظها



كنووووووووز حياااتي شخبارج؟؟

حاولي ما تنومينه العصر وايد عشان ما يتعبج بالنومه بليل و اسم الله عليهم كبروا ترى

يعني الصبح ديومه تقعد 8 الصبح و ترد تنام 11 لي 1 او 2

و تلعب و تتغدى و راها احاول انومها بس ساعه بالكثير من 4 لي 5 عشان الساعه 9 او 10 بالكثير اهيا نايمه


و اخاف يقعد يوعان او شي؟ لان هم ديومه تقعد تبجي و اغير لها الحففاظه و اعطيها حليب لان تكون يووعانه

 

[kunooz]

هلاااااااااا زيونه
شوفي عبودي عيار حده شكله كل شوي يقعد بالليل عشانه يبي ينام في حضني فديته
والله ماني عارفه شسوي معاه

لانه نظامه تقريبا نفس نظام نومت بنتج

ومن التعب ساعات والله اخليه ينام متى ماداخ ... ابوه يقولي لا تخلينه ينام بس انا بعد اكون حدي تعبانه حزتها وابي ارتاح!


دربووووووووووووووووووووله

وينج اختفيتي ماقلتيلنا شنهو الخبر الحلو؟

 

[kunooz]

بنااااااااااااااات

شدعوه وينكم ؟؟

بسكم نوم

 

[DrabeeL]

اهلين كووووكووو وزيووون

اي والله اشفيهم كلهم نايمين

شوفي مع اني مضغوطه حدي بس دشيت
وكنت بقول الخبر بس هونت زعلت مو الكل راد:0bee2e8d89:

تذكرون العام هالحزه بدا العد التنازلي خلااااااااااص

اسم الله كوكو باقي اقل من شهر على عيد ميلاد عبوووود



ووينج اموووووووووووره هابي بيرثدي توووو مهووودي :eh_s(17)::nbvppw: ان شالله تشوفينه قرة لعينج :happybday:


ادري انا مسبقه يوم بس مقدما مني :eh_s(17):


يلا عاد يا بنااااااااات دشوووا اللي تدش وتكتب اطرش لها هديه حق بيبيها من رورو بنتي شرايكم بالعرض اغريكم

بس ردوووا نفس قبل خل نسولف:eh_s(16):












































كوكو تره توقعج في محله :eh_s(11)::eh_s(9): ماادري اضحك والا ابجي

 

[Zen&7ala]

اهلييييييييين دربوووووووولة


يالله شنو الخبر قولي؟؟

و انا والله كل يومين ادش اذا في رد اكتب


ناطرتكم مادري ليش اختفيتوا