اخواتي..انا جدا منهاره وحزينة...هذا قصتي لاتحرومني ارائكم

[Belle de Jour]

الحل انج تشتغلين بشإادتج الي سنين اجتهدتي علشان توصلين لها


اشتغلي بالكويت وشوفي حياتكم شبون تتغير وتتعرفين على بنات ويصيرون لج خوات


من صجج قاعده بالبيت عيل ليش تعبتي ودرستي

الوظيفه كيان

ايه والله ببالي:eh_s(2):
شوفي امس وتوه زوجي طلع مع أصحابه وانا بالبيت لحالي
اتخيل لو عندي شي انشغل فيه

 

[حكآية عطر]

مساء الخير بنات..

اولا مراااااااا شكرا لكل وحده اعطتني وفادتني برأيها...
ماتتخيلوا قد ايش كل كلمه وكل حرف كتبتوه أثر فيني..
كثير ردود قرأتها أكثر من مرا وأثرت فيني..وحسيتها من قلب..
الله يسعدكم من جد

طبعا موضوعي مرت عليه فتره لأن المنتدى تأخر ومانزل الموضوع ع طول
اول شي كل اخواتي الثلاث متزوجين وانا اصغر وحده..والطلاق بالعائلة او بالنسبة لبابا شي صعب لذلك بابا جلس يتكلم معي وتكلم معي بقسوه فهمني انه ماحب يكلم زوجي ويحطني بموقف ضعيف قدامه بس قالي لازم تتصالحين معه وردد كلمته المعهوده لاخواتي(ماعندي بنات يطلقون)

بنات انا حامل(الحمدلله الحمدلله) لذلك مستحيل اطلب الطلاق(بيني وبين نفسي بس)...بس بقلكم ايش سويت..
زوجي يقدس الأطفال والعائلة..اعرفه دائما يلوم اي اب وام يطلقون وهم عندهم اطفال..
لذلك أنا كلمته أمس وقلتله الخبر..كثيررر فرح و ستي(امه)كلمتني وكانت فرحانه
(بقلكم شي انا كنت مقرره انه مهما صار برجع لزوجي لازم سواء هنا او هناك فوق ان كلامكم اثر فيني كثير انا خلاص حامل وصار القرار مو بيدي لحالي وانا هنا كثير استقرت نفسيتي وصرت أفكر بهدوء اكثر)
قلت لزوجي ع سبيل التجربه بس- اني مع اني حامل بس هذا مايخليني ارجع واني راح استأنف حياتي وبرجع لوظيفتي وانه هو اذا حريص فعلا ع العائلة يجي ويعيش معي هنا
أول شي رفض بعد نقاش طويل وقفل

اليوم تفاجأت كلمني وقال انه سأل بالعمل وكذا قالوا له فيه اكثر من طريقة انه ممكن ياخذ صفة طبيب زائر او تدريب لمدة سنه او اكثر بمستشفى الملك فيصل التخصصي هنا او يتوظف بتعاقد بصفته مواطن امريكي وبراتب عالي جدا..هو قال انه سنه بس ومستحيل يمددها..وانه بعدها لازم نرجع(وقتها لكل حادث حديث)
انا مبسوطه صراحه بس بابا ماعجبه الموضوع ابدا..وحس ان حياتنا مو مستقرة
زوجي يسأل عن الوضع الان وطريقة النقل..ويارب يارب تتيسر له الامور

بنات الان الوضع هدوء شوي وهو وعدني يسأل عن طريقة نقل عمله بس فيه أمر موترني بسألكم الان أنا اول مارجعت جده كنت اكلم الشغاله وسألتها عنه قالت انه ماكان يجي البيت بس يجي نادرا يغير ملابسه وياخذ اغراض ويطلع قلتلها تسأل شغالة أمه اذا يمكن كان نايم عندهم قالت لا...انا حاسه حالي مقهوره وين كان!؟..بس صراحه للان ماسألته..ماحبيت أكبر الموضوع والمشكله ونفس الوقت مو قادره اهدى وين كان؟





حبيبتي...كلامك أثر فيني كثير
ما أتخيل تصير فوق غربتي...غربه روحيه..
الله يرحم حالك..مايتعدل؟!انتي متقبلته عشان ع الاقل تكون عندك قابليه تتأقلمين او تكيفين حياتك معه؟
سوي الي يريح بالك ويسعدك..سوي الي يريحك..
ليش احنا نربط حالنا برجال يسببون تعاستنا !!
يختي الدنيا ماتوقف عليهم..
​

لا ابد غير قابل للتغير ههه
بالعكس انا مو متقبلته ابدا ما تتوقعين اوقات اصلي صلاة الليل وادعي ربي من قلبي اني اكون ارمله
بس مابي اتطلق مو لشيء بس عشان امي تعذبت كثير مابيها تتعب زياده برجوعي لها
عشانها يهون كل شيء بالدنيا
تهون تعاستي مقابل سعادتها

والله عيني دمعت من عرفت انك حامل وبترجعين له
مبروك الف الف مبروك وربي يخليك له ويخليه لك
وتجيبوا بزوره وتعيشوا بسعاده وهنا
موفقه يالغلا

 

[غلا حايل]

الله يعينج --- ماراح اقول شي البنااااااااااااااااات ما قصرووووووووووووا

 

[ألماس من داماس]

حرام عليج شذنب زوجج الي تعب معاج يحاول يونسج ويسفرج وانتي اهم شي سعادتج واهو بالطقاق

انتي تتغربين بروحج وسنييييين عادي تتحملين

بس وانتي بحضن زوجج اللي انشالله ابو عياالج ماتبين

وياريت عاد المسافه تسوى كلها ساعتين بينج وبين اهلج

حمدي ربج انه يحبج تراااااااه ناااااادر

ديري بالج على ولدنا

ماما وبابا وصديقاتي
تعتقدين اهما نفسج يحنون عليج وحياتج متوقفه بدونج
اختي سواء تزوجتي من ولد جيرانكم ولا من واحد من المريخ
الزواج اهوا زواج ميثاق غليظ مابين الزوج وزوجته

زوجج انسا نبيل واخلاقه كريمه ليش ترفسين النعمه بريولج علشان ماما وبابا وصديقاتي وجيرانا والنادي
وتفكرين بطلاق بس متردده علشان بابا ماعنده بنات يتطلقون او خايفه انج حامل
ماخفتي على ولد الناس الي تعبت علشان يتزوجج وماقصر لا اهوا ولا اهله معاج بشي ماشاءالله لاقوة الا بالله حاطلج فيلا ووقت ماتتصلين عليه مضايقه اييلج وسفرج شتبين بعد
قولي الحمدلله على النعمه ترىى النعمه زواله
لاتنظر للمفقود بل انظر للموجود
الحين انيي للحلول
تذكرة الكويت جده كويت اب 80عالجزيره واب 50 على ناس كل اسبوعين زوري اهلج وقعدي معاهم 3او 4 ايام

بالنسبه للعلاقات الاجتماعيه عندج حمولتج وجيرانكم وبنات منتدى كويتيات واحنا كلنا خواتج
وان شاءالله تكونين حامل وتبشرينا

اختي اهلج وصديقاتج مودايمين لج
اخر عمرج ماغير بيتم لج زوجج وعيالج
شوفي امج وابوج اهما الي بقوا مع بعض الله يحفظهم

مشكلتج انج تخرجتي صغيره وتغربتي يعني احلى سنين عمرج قضيتيها بالغربه لكن الحمدلله رب العالمين عوضج خير
وبالنسبه للملل روحي قدمي على وظيفه تتسلين فيها

يالله رجعي الكويت في ناس ناطرينج

باإسم الله عليك ماشاء الله لاقوة إلا بالله مشكلتك دلعك زايد حبتين بس وانا اختك

يارب ترزقني اللي يطيرررررررر فيني العاقل الكامل بكل شي ..

ولو سيحصل كويتي بعد ما أقول لا ههههههههههههههههههه لببى ىالكويت بس

تعوذي من ابليس وارجعي لزوجك وإلا ترى بخطب له انا:eh_s(16):

 

[ابي خدود وبس]

الله يخليكم لبعض ولا يفرقكم يااااااااب

 

[عروسَة زوجي]

استغفر الله
لا اله الا الله

 

[عسل سل]

بصرااحه انتي دلوووعه بزيااااااده
تبين تخلين شي على حسااب شي اعرفي شلوون تواازنييين وزوجج اهم لاتضيعين قصت حب عشان اهلج لو تطلقتي اهلج ماراح ينفعوووونج مجرد تقعدين عندهم فتره بعدين بيتذمروووون منج انتي الي مأذيه حالج ردي ويا زوجج احسن او اقنعيه يقعد ويااكم وشفيها اذا اهلج جاو الكويت بتطيح السما !!

 

[نونهQueen]

شوفي انا توني يديده وتوني اقرا قصتج يعني مابقول شي لان الموضوع انتهى اقصد من ناحيه الرجعه للكويت لان وانا اقرا كنت ناويه اقولج انج تردين وبدون كلام بعد , بس الحمدلله ان الموضوع انتهى ع ردتج للكويت ,

الف مبروك ع الحمال والله يتتمه يارب , شوفي انا توني متزوجه صارلي سبع شهور بالضبط تعرفين انا للحين اضايق من شغلات يسويها والله انها اشياء عاديه بس اتحسس بزيااده واضايق وخواتي يقولون لي ترا والله لانها اول سنه زواج وهي اصعب سنه عقب بتتاقلمين , الله يخليه لي فديت رووحه , ويخلي لج زوجج ..

 

[الـــدفـــشـــة]

والله قاعدا بالدوام واقرا قصتج وقعدت اتخيل اشكالكم كاني اشوف فلم
والله عند اخر شي يوم قرات انج تبين النصيحه تذكرت انها مشكلة عضوه

اسلوبج حلو بسرد القصه او المشكله اندمجت صج
ادري طلعت برا الموضوع آسفه ?
وان شاءالله تلاقين الحل الي يناسبج ويريحج

 

[ام احمد الزاهر]

لحوووووووووول يابنت ماتوصل لطلاق انا بعيده عن اهلي بالبدايه صعب بس بتتاقلمين والله الحين لو يقولولي ارجعي عيشي عند اهلج مارضى خلاص تاقلمت وبعدين انتي ماشالله شهادتج عاليه توضفي بالكويت وكل اسبوعين روحي بالطياره لهلج وبصيف روحي كم شهر ماتوصل لطلاق كلميه وراضيه واتفقي معه كل اسبوعين تزوحين لهلج واصلا الحياه مستمره بكرى خلاص بتقولين مسوليات وماقدر انزل كل فتره وطبيعي بيكونون وياج متحفضين الناس لانج ماكونتي صداقات انا نصيحتي تقدمين ع وضيفه بالكويت وتعدلين وضعج انتج تروحين لهلج كل فتره مو لازم تضلين سنه ع ماتروحين

 

[al-ghalia]

حبيبتي الله يوفقج وانا احب اكون صداقات لو حابه حياج باي وقت

 

[om . alzeen]

الله يكون بعونج بس ماشوف هالحب وهالعلاقه الحلوه تستاهل انها تنتهي بطلاق

نصيحتي تحافضين على هالشي
واذاا عن اهلج والغربه ترى مستحيل تقدرين تبنين صداقات وعلاقات حلوه بالكويت من دون ماتكونين صبوره او تنطرين مو من اول يوم تدخلين النادي لازم تلقين ناس زينه وتصاحبينهم لا تحملي وكثري استغفار اهلج كل فتره سافري لهم حتى لو بدون زوجج نقاهه جذي
حاولي تلهين نفسج بالكويت توظفي مارسي هوايه الهي نفسج
وان شاءالله اذا ربي رزقج بطفل راح تلهين حيل وتحبين حياتج اكثر لانه هذا رزق من ربي
واذا عن اهلج بعد تقدرين كل يوم تكلمينهم بالتلفون وبالسكايب و...الخ


واذا عن

 

[om . alzeen]

الغربه انا امي سعوديه وماخذه ابوي لاعن حب ولامعرفه والحين تحب حياتها وتمل وتزهق اذا رجعت للسعوديه بالاجازه بس يبيلج تصبرين لين تتاقلمين خلج قويه

 

[shoshena]

حبيبتي الله يكون بعونج وهاي شي مب هين قعدي في بيتج وهاي زوجج مالج غناة عنه حبيبتي صج اتحنين حق هلج بس كلميهم سألي عنهم واذا حصلت فرصه ولاصارت مناسبه روحي لهم بس لاتخلين زوجج اهتمي فيه واعتذري له لازم تعتذرينه وفكري وايد قبل لاتتخذين اي قرار وبعدين دامج تحبينه لاتخلين عنه وهو يحبج بعد وقصتكم حلوه والله بس انتي تبين النصيحه وهاي نصيحتي لج الاهل مب دايمين لج زوجج اللي بيدوم لج وبتعيشين معاه عمرج كله وهاي وجهة نظري والله يوفقج مع زوجج ويسعدكم​

 

[boforbo]

الحب تضحيه
وانتي لازم تضحين ببعدج عن أهلج عشان ريلج
الوحده مو كل يوم تحصل ريال يحبها ويخاف الله فيها
مع الوقت راح تتعودين
ذكري الله ولا تخربين بيتج بيدج
فراق الاهل وانتي متزوجه بوايد احسن من قربهم وانتي مطلقه

كلامك صح 100%100

الله لا يحرم واحده من زوجها و بيتها

 

[hooryah q8]

لاتزعلين انا اشوفج انتي كبرتي المشكله وايد اتفقي مع ريلج ايام معينه اتروحين انزورين اهلج و انتهت المشكله
ليش تقطعين عنهم مره وحده؟؟؟ او كل ويك اند روحيلهم وانتهت المشكله

لا تزعلين من كلامج امج و ابوج كبروج و ربوج بس مو دايمين لج روحي زوريهم و تفاطعينهم بس مو انج اتخلين ريلج و بيتج و تقعدين عندهم!!

الله يحل مشكلتج و يعينج

 

[f2_al7lwa]

آسسحمي لي بس لتوضيح .. وبكون صريحه ..
فيج شويت آنانيه .. لآزم لآزم تتحمليين لآن اهو يحبج وزوجج
اليي يبقي لج موو اهلج ؟!
فكري عددل وتحمليي .. وكل ما اتشتقتي سافري ب الويك آند ..
ترا المسافه قصيره .. لسعوديه الحمدلله مو بـ امريكا ؟؟!!!
آدري تحملتي وصبرتي بس الاحسن تدوسين ع قلبج لـ خاطر زوجج !!

 

[كوكي العسل]

بصراحة بعد ماقريت قصتك انقهرت بس مو عليج على نفسي

لاني متزوجة من سنتين ومغتربه عن اهلي وبدولة اجنبية لا صديقات عندي ولا احد

حياتي كل يوم نفس اللي قبله بس الله بعد مارزقني بولدي صارت حياتي لهالولد

بس غصة الغربة والوحدة للحين موجوده وكل يوم اقول بداخي شلون وافقت

الحمدلله على كل نعمة حمدي ربج متغربة بالكويت مو بدولة اجنبية ماتعرفين بشر فيها

وحمدي ربج زوجج زين معاج وشاريج وكامل والكامل الله

الله يتمم حملج على خير يارب

 

[أم^_^ عبدالله]

كلامج كلش مو منطقي انتي انسانه مثقفه وواعيه وزوجج انسان متفهم وحابج وترا محد دايم لج الا عايلتج اللي انتي و زوجج راح تكونينها إن شاء الله لا تخربين بيتج على سالفة غربه الغربه لو أنج عايشه بعيده عن اهلج مو كلها ساعات تقدرين كل اسبوع ولا كل شهر تروحين لهم شالسالفه يعني.
وبعدين ليش ما تضيعين وقتج بالكويت قدمي اوراقج للديوان واشتغلي ضيعي وقت بدال لا تقعدين تفكرين وتبجين الله .عطاج نعمه عطاج الجمال والثقافه والزوج الحبيب الواعي لا تخلين كل هذا يروح مثل ما قدرتي تكونين صداقات بجده تقدرين تكونين صداقات اهني .
انا متزوجه بس اهلي مو كل يوم اروح لهم هم الوضع ما يسمح عندي بيتي وزوجي مو فاضيه كل شوي رايحه لأهلي بس اشوفهم بالزواره وبيني وبينهم مكالمات والحين التكنولوجيا ما تقصر كاميرات كل سبل التواصل موجوده تقدرين تزورينهم بالتلفون وانتي قاعده ببيتج بعد

 

[a7la_7b]

مادام انه شاريج وتعنا وجالج لي جده لاتتركينه لانه يحبج
لاتسمينها غربه لانج مع شخص يحبج ويخاف عليج لاتضيعينه من ايدج نصيحه رديله
واذا على اهلج روحي كل شهرين مره
الله يعينج ويريح بالج