اخواتي..انا جدا منهاره وحزينة...هذا قصتي لاتحرومني ارائكم

[مكنتوشه]

الصراحه

الله يكون بعون ريلج

 

[ظبية بوظبي]

والله كل الخوف ان
زوجج يتم يحمل يحمل ويحمل بقلبه تالي
بينفجر افجار عظيم ماله نهايه
لان اي انسان مهما كان
ومها حب
م يحب احد يستغله ويتم ياخذ وياخذ وياخذ منه وهو بس يعطي ويعطي ويطعي
الا م يتم في قلبه
ويتحول الحب لحقد وكره وبغظ
صدقيني ان ما جاج كلامي .. بعيد الشر عنكم
برايج دلوعة دادي
لووول سوري بس مب معناته لانج انتي تعتبرين صديقه واخت لنا فالمنتدى فبنتم نطبطب عليج على حق وعلى باطل
الله يستر عليكم

 

[انثى عاشقة]

مبرووووووك الحمل ياقلبي الله يتمم لك ع خير
يمكن نفسيتك صايرة حساسة من الحمل
لان هرمونات الحمل تعمل هيك وأكثر

بس ياقلبي نصيحة من اخت
لاتبعدين الرجال عن اهله وهما طلبو منك هالشي قبل زواجكم
هذا ولدهم الوحيد
تخافين بعدين ماتتوفقين في حياتك يمكن امه او ابوه يدعون عليك وانتي ماتدرين !!!
ضحي لزوجك مثل ماهو يحبك وشاريك ويضحي عشانك
وصدقيني بعد البيبي الاول راح تنشغلين كثير ولا بتحسين بغربة ولا هم يحزنون

الله يوفقك وييسر امورك ع خير ​

 

[noo7a]

تحملتي غربه سنين عشان الشهاده لنفسج
بس ما تتحملين غربه عشان ريلج

امج و ابوج عندهم خواتج
بس
امه و ابوه منو عندهم غيره

ولا تنسين انج وافقتي على انج تيين تعيشين بالكويت بعد كلامج مع ابوه قبل الزواج
ولا اعتقدتي انج بعد الزواج و العيال راح تربطينه و تخلينه يروح وراج

ولا تقولين انج ما كنتي متخيله ان الوضع بيكون جذي بعد ماتيين الكويت
لانج مجربه الغربه من قبل و عارفتها
وانتي انسانه فاهمه ودارسه المفروض قبل لا تقدمين على هالخطوه تكونين مفكره فيها من كل النواحي*

 

[قلب طفـــله]

اللي موكفو زواج لايتزوج حدي انقهرت شهالدلع والغرور انا جميله وبالجامعه معروفه ! ويغارون مني ومادري شنو الله يعين ريلج عليج ! ماتبينه غيرج يتمنونه وبيحطونه عيونهم

 

[العطر2011]

قريت ردج
وعسى ربي يبارك لج في حملج اللهم امين


بس بغيت اسال

تخيل هذا الطفل طفلج الوحيد
ويكبر جدام عينج ويقولج بدرس برا
وتتحملين عشان بس ياخذ الشهاده الي يتماناها
بعدها يرجع لج بخبر زواجه
وتفرحييين حيييل
لكن مرفق معاها انه بيروح بعيد عنهم !!!



ليش تخلين الام والابو بروحهم !!
واهما احترموج من البدايه واتصل الابو
وبكل احتراااام كلمج
وطلب منج ماتسوين هالشغله


اسمحيلي لكنج اناااااااانييييييه !!!


احس الحين زاد قهررررررري قهررررر

بالرغم من اني كنت احاتيج ليش ماتردين
والله يشهد اني ادعيلج عشان تكون بظهر الغيب
تمنييييت بعمق ان ماشفت هالرد عشان مايزيد قهري

ما اقدر اقول الا اتقي دعوه الام او الابو بلحظه غضب
شنو ممكن يصير
او حتا بلحظه فقد !!


اهما باخر عمرهم ليش تحرمينهم من اعز شي يملكونه !!

تظنين همتهم الفلوس ؟؟؟
ما يبون الا حس ولدهم بالبيت




بسج انانيه
بسج الي تبينه يصير

انتي انسانه موقد المسؤوليه
واسمحيلي ياااااااااااهل !!!

 

[بخـــارى]

الف مبروك الحمال
خلاص رجعي للكويت
وانشغلي مع زوجج وحمالج

وخلاص بنات لاتلومونها
اهيا طلبت النصيحه وان شاءالله تطبقها
والله يسعدج يالغلا

 

[Belle de Jour]

وااااااي بنات :eh_s(2):
أكلتوني بقشوري بس عادي انا اتقبل الرأي لما احسه من قلب...كثير تفاصيل وأمور بحياتي ماذكرتها..أنا بالعكس اتنازل كثير كثير لزوجي..ومدلعته مثل البيبي ومو مقصره بحقه واستحي حتى أقوله لا.. لاية امر...
بنات تدرون هو درس بالمدرسة الامريكية.. ولسى صديقاته بنات يتواصلون معه..من جميع الجنسيات شاميات واجنبيات وخليجيات..وبعضهم تجي ولبسها قصير عاد احنا بنات ونفهم بعض مو عادي! كانها متقصده!.لا وبعد متزوجه ايش تبي كمان؟!ويطلعون مع مجموعات رياضية رحلات تسلق للجبال بأفريقيا وكذا بنات وشباب..وانا امووووت غيره وزوجي يقول صديقاتي مثل اخواتي عاادي وانا اكتم بنفسي واموت من القهر..انا شايفته بريئ بس غصب انقهر! ولا قلتله غير اسلوب حياتك عشاني..! لا تنازلت عشانه
بعدين هذا أول حمال لي...محتاجه ماما معي وكمان محتاجه زوجي معي..
والله زوجي ماكان راضي افتح معه الموضوع اصلا..وهزأني ومسح فيني البلاط بس لما عرف اني حامل كثير صار أسهل..وانا لازم استغل هالفرصه ولا؟!؟بس حسستوني اني ظالمته او ظالمه اهله..

بنات حتى اهلي احس اني غريبه عنهم ماعرفتهم...اخواتي تزوجوا وخلفوا وانا بعيده عنهم..بنات عمتي وخالتي..كلهم يقولون نحس اننا مانعرفها!
لدرجة انه خالتي تسال اختي تقول كيف شخصيتها؟ تخيلوا!

الان اذا زوجي وافق يكون معي ..؟ بكون غلطانه؟ يعني فين الخطوره بالموضوع ليش تقولون انتبهي...خوفتوووووووني والله احترت عاد انا حاسه اننا اذا نقلنا بننبسط كثيررر:eh_s(10):
​

 

[(حكاية قلب )]

انتي وايد مكبرة الموضوع

​

 

[مكتومه]

الان اذا زوجي وافق يكون معي ..؟ بكون غلطانه؟ يعني فين الخطوره بالموضوع ليش تقولون انتبهي...خوفتوووووووني والله احترت عاد انا حاسه اننا اذا نقلنا بننبسط كثيررر:eh_s(10):




سؤال واحد بس زوجك عنده اهل ؟؟ اصدقاء ؟؟؟ وحيد امه وابوه ما يطلعون غير الله ثم هو ؟؟؟ موجودين في جده ؟؟؟؟؟؟؟؟؟؟؟؟؟ جوابك لهذا السؤال بيعلمك
لازم نتعلم ضحيتي بدارستك وتغربتي وتركت امك وابوك وخواتك وخا لاتك اوك .. عشان شهادتك حلو
وبعدها تزوجتي وتركتي شهاداتك وغربتك وسنين عمرك الى عشتيها بعيده عن اهلك ووظيفتك .. تركتيهم وضحيتي فيهم وتنازلتي عنهم .. الحين روحتك الكويت صارت صعبه ؟؟؟؟؟ الف جواب وجواب راح يرد عليك

ضحيتي بكل شي وتزوجتي والحين ما تقدرين تعيشين بالكويت ما اظنها صعبه عليك ابد ..

والله يسهل امورك يارب وانا والله العظيم شاغلني امرك ودي لك الخير الله يتمم حملك ويفرح قلبك وزوجك بس هذا المنطقي

سنه هنا وسنه هناك ورجه وحوسه ليه استقرى من البدايه وبني حياتك صح من اولها.. هذى الحقيقه ما نبي نعطيك ابر بنج ونخدر مشاعرك لا نبي نعلمك الحقيقه ونعيشك بوهم ونقول براقو صح الى تسوينه.. حتى لو صارت قاسيه عليك بس للمصاحتك والله.
اسسسسسسسسسسسسسسسسفه بس والله مهتمه لأمرك الله يوفقكم يااارب سامحيني

 

[أم بتول*]

انا عايشة بغربة وبعيدة عن اهلي وكنت كتير اجتماعية وكان عندي كتير رفئات ومعارف ونصيحة مني إلك رجعي لزوجك على أول طيارة إنتي ما صبرتي لأانو أصعب سنة بالزواج هي السنة الأولى بكل شي هي أصعب سنة فما بالك بالغربة وبعدين رح تتعودي على حياتك الجديدة ويصير عندك معارف انا متلك اول سنة كانت بشعة كتير بس هلأ الحمد الله تعودت وتأقلمت مع الوضع بالنهاية رفئاتي وصحابي ما رح يفيدوني بشي وطالما زوجك تعب حتى تزوجك معناها إنتي كتير غالية على قلبو وبيحبك لا تتخلي عنه
وبصراحة النت والموبايل ما خلو شي بعيد نصيحتي رجعي لا زوجك بأقرب وقت

 

[om shaheeen]

حبيبتي انتي تعانين من شي اسمه متلازمة مابعد الزواج
post marige syndrome

الوحدة فيه موقادرة تتاقلم مع وضعها اليديد و تبي عايلتها اكثر من زوجها
و هو نوع من الاكتئاب

انصحج تراجعين مختصين
عندج د.حمود القشعان ممتاز


والله يوفقج
اذا ضغطتي على نفسج و تميتي مع ريلج راح يتغير كل هذا
بس النتيجة تكون ان ريلج زهق من الكئابة خاصة انه دكتور يعني حياته كلها مرضى و عوار قلب يعني مو ناقص

فالاحسن تروحين معاه عند مختص عشان يتفهم حالتج ويساعدج

 

[بدويه زوووغه]

صح كلاااام البنات مكبره المووووضووع رتبي امور حياتج وبتشوووووفين تغيرررررر بكل شي انتي بس نفسيتج تعبااااانه ومتررراكمه عليج اشياء واااااااااايده بس دربالج زوجج واااااضح يموووووت عليج لا تخلينه يتندم انه تزوج من بره انتي بجذي تخلينه يتندم ومقدرين تضحياتج الي تقولين عنها بس هاذي مو تضحيات هاذي واجبات لازم تسوين جذي وتقدرين تغيرينها بس انتي ما عرفتي ومبروووووك حبيبتي عالحمال ولاتعبين نفسيتج تراج حامل انتي وداااااايم خلج متفائله حبوووووبه .......

 

[نشيج الروح]

قصتج فيها وايد احداث ادت لتراكمات سنين من حياتج هذي المشكلة الأولى ،،،، والمشكلة الثانية أنج الصغيرة فتكونين الدلوعة ونفس الشي ريلج وحيد أمه وأبوه فمدلعينه كذلك واثنينكم نفس الشي تقريبا لكن الفرق ان هو الحب عماه بزود وصار يدلعج ونسى نفسه او بالأصح ضغط على عمره وايد فعشان جذي انفجر وتوقعي ان اذا استمر الوضع جذي ممكن ينفجر زيادة فالمطلوب انج تاخذين وتعطين،،،،
ننتقل للحمل ( ربي يثبته ويبارك لج فيه) يلعب شوي بالنفسية فمحتاج صبر،،،،
الشي الي وراه لا تحاولين تعيشين ريلج بجدة طول عمره عشان امج وابوج ترى بعد هو عنده ام وابو فأنتي معاه حاولو توازنون مثلا هالسنة ميخالف خليها بجدة عشان الحمال والنفاس بس بعدها ردي الكويت وتمي نص سنة مثلا خلي امه وأبوه يشوفون الكتكوت ويملي حياتهم بعدها ردي نص سنة جدة او جم شهر بس
لكن في الاخير خليج على موافقتج عالشرط ان ولدهم عندهم وإنتي معاه هالشي اتفقتو عليه قبل الزواج فما يصير تغيرين رايج،،،،
ومثل ما خليتي ريلج يحبج قبل الزواج تقدرين تخلين الحب يكبر ويستمر ان رديتي المرحة والمبتسمة والي تاخذ وتعطي ،،،،
وآخر شي زواجكم كان مبني على علاقة باطلة فهذي تبعات الحب مع المحادثات ما قبل الزواج انتي وريلج لازم تحملونها ،،،
نسيت لا اقولج استفيدي من ام ريلج شلون قضت عالغربة خخخخخ
وشكراااااا لانج قريتي حبوبة الكلام الي كتبته

 

[the white heart]

ماشالله حبوبة مبين أنك شخصية متزنة وإنسانة واعية وزوجك نفسك ربي يحميكم ويخليكم لبعض يا رب وتتخطون كل هالمشاكل ويحفظلك البيبي ويقومك بالسلامة

 

[العطر2011]

الي اقدر اقوله لج

ان الاستقرااار اهم شي في الحيااااه
ثبتي ع ارض عشان تقدرين تثبتين داخلياً


المشكله الوحيده والكبيره والمهمه
انتقالج للسعوديه مع - زوجج -
يعني فطرتي قلب امه وابوه لانه وحيدهم !


بس بقولج شي
فشله والله جدام عمج الي دق عليج بكل احترام
وطلب منج ماتسوين هالشغله
وباجي الاشيا كيفج حلالج ووفر لج فيلا
وكل شي
اخرتها الا وتسوينها
عشان ماما وبابا !!

اشوف عشان شهادتج ماهمج
اهلج يعرفون شخصيتج
بس يوم تزوجتي تغير الوضع !!!!!!


اتمنى تفكرين بعقل



واستخيري واستخيري واستخيري
وطلبي من زوجج يستخير
والي ربي كاتب فيه الخير راح يصير


احس محرووووق قلبي ع امه وابوه
كافي السنين الي خلا البيت عليهم
ويصبرون روحهم
باجر بيي ومعاه الشهاده ونزوجه ونفرح فيه
وعياله يملون البيت !


الي صار
انج تبين العالم كله يتحملج ويراعيج
وانتي تكسرين قلوب الاوادم



ترا في العطا سعاده
ومو اي عطاء العطاء الايجابي الصحيح
مو الي اخلي صديقات زوجي القداما
يسولفون معاه !
لاء
العطا الي ما اكسر فيه قلب ريال ومرا
مضى فيهم العمر وهاذي اخر سنينهم
عشان والله اهلي يعرفون شخصيتي
وولهانه ع ماما وبابا
وخواتي ما قعدت وياهم


!!

فكري بمنطقيه !

 

[00دوخة00]

ليش سويتي بالريال جذيه؟ موحرام؟ الريال شاريج تهدينه ؟ وعقب ماتركج رجعتي تبينه ليش اهو لعب يهال ؟ حتى اهلج لما عارضو الزواج اصريتي انج تبينه ولما وافقوا واخذتيه مع ان مافيه عيب الولد قلتيله مابيك طلقني.. على شنو يطلقج؟ ماكو مشكله اذا قصدج اهلج زوريهم على كل وقت السعوديه قريبه مو بعيده حمدي ربج ان زوجج مايمنعج من زيارة اهلج ..هذا زوجج وراح يصير ابو عيالج تمسكي فيه دام شاريج ولا بتندمين انتى بالنهايه...
يكفي معاملته الطيبه معاج يوم شافج نفسيتج تعبامه حجزلج حق هولندا يبي يونسج بس اشوف انج وايد دلوعه نصيجه كبري عقلج واذا ماتبينه ترا وايد يبونه احمدي ربج على النعمه اللي انتي فيها ورجعي حق زوجج وخلي افكار الشيطان بعيده عنج .. بالنهايه انتى الغلطانه

كلامج عين العقل:eh_s(15):

 

[لمى...]

باختصار لما تتطلقين منه راح تطالعين حولج كلن لهى بحياته خواتج صديقاتك كلن ببيته ومع ريله اللي يحبه

وتبقين انتي اللي خسرتي انسان يحبج

 

[كات إيز]

للاسف انك قاعده تزيدين الطين بله
من كلامك حسيت انه انسان حنون ويحبك وهذا يكفي وفعلا انا اتفق مع اخواتي بان الغربه الحقيقيه غربة المشاعر والكويت لاتعتبر غربه وللعلم انا سعوديه واذا زرت الكويت احس اني بين اهلي
لكن احس اللي في داخلك كبت نفسي وصراع مختلط من المشاعر اللي تراكمت مع السنين
لذلك انصحك قبل كل شي بمراجعة دكتور نفسي او استشاريه اسريه وهذا لا يعني انك مجنونه او مريضه كما يعتقد البعض لكنك وصلتي الى حد معين لاتستطيعين اجتيازه والاستشاريه او الدكتوره مجرد يد تمتد لك للمساعده طبعا بعد اللجوء لرب العالمين
ونصيحه لاتفرطين بزوجك خاصه وانتي تقولي انك تحبيه بجنون وتغاري عليه كيف تطلبين الطلاق !!!

اعتقد بانك تسرعتي في القرار لانك في حاله نفسيه صعبه لاتستطيعين اتخاذ قرار صائب فيها

 

[Mjnont '3lay]

الله يكون بعونج