اخواتي..انا جدا منهاره وحزينة...هذا قصتي لاتحرومني ارائكم

[ليدي دانة]

ماما وبابا وصديقاتي
تعتقدين اهما نفسج يحنون عليج وحياتج متوقفه بدونج
اختي سواء تزوجتي من ولد جيرانكم ولا من واحد من المريخ
الزواج اهوا زواج ميثاق غليظ مابين الزوج وزوجته

زوجج انسا نبيل واخلاقه كريمه ليش ترفسين النعمه بريولج علشان ماما وبابا وصديقاتي وجيرانا والنادي
وتفكرين بطلاق بس متردده علشان بابا ماعنده بنات يتطلقون او خايفه انج حامل
ماخفتي على ولد الناس الي تعبت علشان يتزوجج وماقصر لا اهوا ولا اهله معاج بشي ماشاءالله لاقوة الا بالله حاطلج فيلا ووقت ماتتصلين عليه مضايقه اييلج وسفرج شتبين بعد
قولي الحمدلله على النعمه ترىى النعمه زواله
لاتنظر للمفقود بل انظر للموجود
الحين انيي للحلول
تذكرة الكويت جده كويت اب 80عالجزيره واب 50 على ناس كل اسبوعين زوري اهلج وقعدي معاهم 3او 4 ايام

بالنسبه للعلاقات الاجتماعيه عندج حمولتج وجيرانكم وبنات منتدى كويتيات واحنا كلنا خواتج
وان شاءالله تكونين حامل وتبشرينا

اختي اهلج وصديقاتج مودايمين لج
اخر عمرج ماغير بيتم لج زوجج وعيالج
شوفي امج وابوج اهما الي بقوا مع بعض الله يحفظهم

مشكلتج انج تخرجتي صغيره وتغربتي يعني احلى سنين عمرج قضيتيها بالغربه لكن الحمدلله رب العالمين عوضج خير
وبالنسبه للملل روحي قدمي على وظيفه تتسلين فيها

يالله رجعي الكويت في ناس ناطرينج

:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):

 

[عيني عليه]

طيييب انا بقوولج شي البنات ماقالوه ...

شرااايج تضلييين عند اهلج فترة طويييله ... وتقطعيين الاتصااال بزوجج؟؟ وتشوفيين نفسج شلوون بتصيريين ...شوفي الى اي حددد راااح تكووون طاقتج على فراااق زوجج ؟؟

انا متاكده انج بعد هالفتره بتحنيين لزوجج ولبيتج اكثررر من حنانج لاهلج ولربعج ... بتتقطعييين من الشووق والوله عليييه ..بتصيريين تدورينه نفس المجنووونه ... خاصه انج تحبينه وهالحب كان بمحله .. زووج فعلا ينحببب....

بس عاد ها ؟؟ اذا صرتي بهالحاله وبعد هالوقت الله اعلم ... بيكوون زوجج حزتها يستنااج ترجعيين له والا طااار لوحده غييرج :eh_s(17):

شرااايج ؟؟ تسوينها ؟؟

 

[سبأ ~]

الكويت ما تعتبر غربة يعني ما تُقارن بأمريكا
تحملتِ الغربة بأمريكا لحالك سنين ولا تحملتِ الكويت اللي هم مثل أهلك ومع شخص يحبك وشاريك ويعزك ويسعى عشانك
أمرك عجيب !!
ارجعي لزوجك واصبري مصيرك تتعودين لو أنفصلتِ يمكن ترتاحين فترة على قولتك بس ما راح تنسينه أبدا وبعدها بتندمين على كل شيء أنتِ متعودة على حياة الانفتاح والنظام اللي مو متعودين عليه إحنا وزوجك نفس الشيء كلكم متفقين هو مناسبك ليش تفرطين فيه ماراح تحصلين أحد مثله​

والله يهدي سركم ويفرج همكم ..​

 

[بخـــارى]

شكرا الليدي ديانا

الحين بالايفون في خدمة التانغو تكلمين اهلج صوت وصوره لايف ومجانا
انا زوجي مسافر صارله اشهر وهالتقنيه وايد ريحتنا خففت علينا الغربه

 

[عاشقة الدوحة]

اختي أنا برد عليج بشكل عام .. انتي الظاهر شخصية رومنسية وحالمة .. وما شالله الله منعم عليج بنعم كثيرة وانتي قاعدة تشوفين الأمور الثانية .. خلي قلبج على صوب شوي وفكري بالعقل .. وارضي بالقضاء و القدر لو صار اي شيء .. ما أصابك لم يكن ليخطأك وما اخطأك لم يكن لصيبك .. مادري بس احس انج قاعدة تخربين بيتج على سبب صحيح مهم لكن ما يسوى تهدمين حياتج عشانه .. وبعدين نجي نسمع ونقرا مواضيع اكتشفت زوجي (لا سمح الله ) يخوني .. انزين لا تعطينه فرصة .. عيشي الحياة الزوجية واستمتعي فيها بكل تفاصيلها وحافظي على زوجج وارضي بما كتبه رب العالمين لج

 

[Belle de Jour]

مساء الخير بنات..

اولا مراااااااا شكرا لكل وحده اعطتني وفادتني برأيها...
ماتتخيلوا قد ايش كل كلمه وكل حرف كتبتوه أثر فيني..
كثير ردود قرأتها أكثر من مرا وأثرت فيني..وحسيتها من قلب..
الله يسعدكم من جد

طبعا موضوعي مرت عليه فتره لأن المنتدى تأخر ومانزل الموضوع ع طول
اول شي كل اخواتي الثلاث متزوجين وانا اصغر وحده..والطلاق بالعائلة او بالنسبة لبابا شي صعب لذلك بابا جلس يتكلم معي وتكلم معي بقسوه فهمني انه ماحب يكلم زوجي ويحطني بموقف ضعيف قدامه بس قالي لازم تتصالحين معه وردد كلمته المعهوده لاخواتي(ماعندي بنات يطلقون)

بنات انا حامل(الحمدلله الحمدلله) لذلك مستحيل اطلب الطلاق(بيني وبين نفسي بس)...بس بقلكم ايش سويت..
زوجي يقدس الأطفال والعائلة..اعرفه دائما يلوم اي اب وام يطلقون وهم عندهم اطفال..
لذلك أنا كلمته أمس وقلتله الخبر..كثيررر فرح و ستي(امه)كلمتني وكانت فرحانه
(بقلكم شي انا كنت مقرره انه مهما صار برجع لزوجي لازم سواء هنا او هناك فوق ان كلامكم اثر فيني كثير انا خلاص حامل وصار القرار مو بيدي لحالي وانا هنا كثير استقرت نفسيتي وصرت أفكر بهدوء اكثر)
قلت لزوجي ع سبيل التجربه بس- اني مع اني حامل بس هذا مايخليني ارجع واني راح استأنف حياتي وبرجع لوظيفتي وانه هو اذا حريص فعلا ع العائلة يجي ويعيش معي هنا
أول شي رفض بعد نقاش طويل وقفل

اليوم تفاجأت كلمني وقال انه سأل بالعمل وكذا قالوا له فيه اكثر من طريقة انه ممكن ياخذ صفة طبيب زائر او تدريب لمدة سنه او اكثر بمستشفى الملك فيصل التخصصي هنا او يتوظف بتعاقد بصفته مواطن امريكي وبراتب عالي جدا..هو قال انه سنه بس ومستحيل يمددها..وانه بعدها لازم نرجع(وقتها لكل حادث حديث)
انا مبسوطه صراحه بس بابا ماعجبه الموضوع ابدا..وحس ان حياتنا مو مستقرة
زوجي يسأل عن الوضع الان وطريقة النقل..ويارب يارب تتيسر له الامور

بنات الان الوضع هدوء شوي وهو وعدني يسأل عن طريقة نقل عمله بس فيه أمر موترني بسألكم الان أنا اول مارجعت جده كنت اكلم الشغاله وسألتها عنه قالت انه ماكان يجي البيت بس يجي نادرا يغير ملابسه وياخذ اغراض ويطلع قلتلها تسأل شغالة أمه اذا يمكن كان نايم عندهم قالت لا...انا حاسه حالي مقهوره وين كان!؟..بس صراحه للان ماسألته..ماحبيت أكبر الموضوع والمشكله ونفس الوقت مو قادره اهدى وين كان؟

السلام عليكم ..

طبعا انا راح ادش بالموضوع على طول وما راح اقولك نصيحه لاني صغيره بهالامور
يمكن لو قريتي مشاكلي راح تقولي الحمد لله اخذت لي واحد يحبني
انا كمان متغربه بس انتي غير عني كثير اخذتي لك واحد يحبك وتحبينه ووين تغربتي للكويت
للاسف انا ما اسميها غربه لانها جنب السعوديه
شلون لو صدق تغربتي مثلي وسكنتي باليابان وكان عمرك صغير ايش راح تسوين بهالحاله
كيف لو بالطالعه والنازله اهانات وتجريح من زوجك وكنتي حالك حال كرسي بالبيت مالك اي رأي ساعتها صدق راح تحسين انك بغربه
ولاني صدق ما اتمنى اي بنت تعاني من اللي عانيته نصيحه مني لك ارجعي لبيتك ولزوجك
دام يحبك وشاريك ليه تتركينه مهما طال الزمن مصير الوحده لبيتها وزوجها
الزوج اللي شاريك وشاري رضاك عزوه لا تتركينه ياختي دام سافر لك معناته يحبك كثير
وانتي صح عانيتي غربه وسفر بس ربي كافأك بآنسان يحبك ..
ارجعي له ..
بس وهذا اللي اقدر اقوله لك ..
وتقدرين تقرين مشكلتي عن الغربه عشان تعرفي انك انتي بجنه ..
وموفقه يا رب ..

حبيبتي...كلامك أثر فيني كثير
ما أتخيل تصير فوق غربتي...غربه روحيه..
الله يرحم حالك..مايتعدل؟!انتي متقبلته عشان ع الاقل تكون عندك قابليه تتأقلمين او تكيفين حياتك معه؟
سوي الي يريح بالك ويسعدك..سوي الي يريحك..
ليش احنا نربط حالنا برجال يسببون تعاستنا !!
يختي الدنيا ماتوقف عليهم..
​

 

[little kitten]

كثييييييير فرحت لج لما قريت ردك

الله يوفقك ويهنيك

بس حبيبتي خليني انبهك على شغلة ،،، انتي طلعتي حامل يعني احتمال الحالة النفسية اللي انتي فيها زادت بسبب الحمل

وانشالله لما ترجعين الكويت حرام تقعدين في البيت وانتي عندك هالشهادات والخبرة

اشتغلي في الكويت وصدقيني ماراح تجيك هالافكار والحالة النفسية مرة ثانية

انتي انسانة طموحة وقعدة البيت تذبح
ماعندك شي تفكرين فيه غير غربتك وبعدك عن اهلك

وقتها بيكون عندك بيتك وزوجك ووظيفتك والبيبي الله يخليه لكم
صدقيني بتعدي السنين من غير ماتحسين

 

[Belle de Jour]

كثييييييير فرحت لج لما قريت ردك

الله يوفقك ويهنيك

بس حبيبتي خليني انبهك على شغلة ،،، انتي طلعتي حامل يعني احتمال الحالة النفسية اللي انتي فيها زادت بسبب الحمل

وانشالله لما ترجعين الكويت حرام تقعدين في البيت وانتي عندك هالشهادات والخبرة

اشتغلي في الكويت وصدقيني ماراح تجيك هالافكار والحالة النفسية مرة ثانية

انتي انسانة طموحة وقعدة البيت تذبح
ماعندك شي تفكرين فيه غير غربتك وبعدك عن اهلك

وقتها بيكون عندك بيتك وزوجك ووظيفتك والبيبي الله يخليه لكم
صدقيني بتعدي السنين من غير ماتحسين

شكرا ع كلامك
حبيبتي لو تشوفين ردي فوق..انا ماراح ارجع حاليا..اتفقنا ان زوجي ينقل عندي لمدة سنه...هدنه يعني ههههه
وبعدها نشوف عاد يمكن انا اروح الكويت..ويمكن هو يغير رأيه ويستقر هنا
من يدري؟
الله يسهل الأمور يارب

 

[مكتومه]

لا تفتحين عليك ابواب ما راح تتسكر ؟؟؟ خلاص فكري بعقل تاركته في البيت لحاله وهو متزوج وش بيسوي يعني لا تظلمينه
وانا احس انه رجل بكل معنى الكلمه وشاريك يابنت الحلال ؟؟ لا تفاتحينه ابد بمواضيع تفسد عليك كل الى راح يسويه عشانك فكري زين .. وبالنهايه هو زوجك لا تهدين بيتك بأيدك .. والله شي طبيعي ان الوحده تتبع زوجها حتى لو بالمريخ ..
يعني فرض لو تزوجتي واحد بدمام وانتي بنفس البلد شوفي بعد جده عن الدمام هذي بعد غربه بس لانه ربي كاتب لك هذا الزوج لازم تتبعينه وين مايروح هذي نصيحه بس .. ولا تفتحين اي موضوع يضايق زوجك منك بعد كل الى بيسويه عشانك دفاتر قديمه لا تنبشين فيها ..وخليك معاه ايجابيه .. بالمختصر خليه يرتاح مثل ما هو يدور راحتك لا تصيرين انانيه يعني هو بتغربينه عن امه وابوه واصدقائه واقاربه ؟؟ ليش ما حطيتي نفسك مكانه ؟؟ تراها انانيه منك واسمحيلي ع ها الكلمه لكن هذي الحقيقه .. هو يبعد عن اهله بالمقابل انتي لا ؟؟؟

يعني لا تستغربين منه اي رده فعل ؟؟ لازم يصير عندك تنازل .. وتفكير اكثر

والله يكتب لك الخير

 

[قمر الحفر]

الله يعينج ياعمري

 

[زوجة عزيز]

صج انج انانيه ماتبين تبتعدين عن اهلج وتبينه يترك ديرته واهله ويروح معاج المراه اهي اللي تتبع زوجها واتعيش معاه وبعدين اذا بتزورين اهلج موبهالطريقه لازم اتروحين واهو راضي عليج وتركتيه واهو زعلان واستانستي معا ربعج واهلج وتالي يوم عرفتي انه مايرد البيت كتبتي له وحشتني اصلا لاوحشج ولاهم يحزنون خايفه بس يعرف غيرج صج انانيه حبيبتي الزواج مايبي له جذي يبي له تنازلات وتضحيات وصبر وكل اللي انتي فيه مو مشاكل مااشوف الا الدلع الزايد

 

[(حكاية قلب )]

مبروك ع الحمل حبيبتي

بس حسيت ريلج يحبج اكثر من ما انتي تحبينه !
هو وايد يضحى عشانج ومو مقصر ويوم شافج مكتئبة حجز سفره حقكم وانتي رفضتي ,,!
ع العموم حبيبتي الله يوفقكم
​

 

[الهنوف24]

للاسف مدلعه حيل وبعدج بزر
المشكله مو بالوضع المشكله فيج انتي

 

[الـــغـــلآ]

استآنست لمآ شفت ردج
بطلب منج طلب قبل لآ تقدمين على أي خطوهـ
فكري فيهآ و فكري شنو النتيجه اللي بتكون !
عشششآن لآ تندمين بعدين أو تتحسفين ..

و بعدين أكيد زوجج مآرآح يرجع البيت شنو يسوي يقآبل الطوف ؟
الريآجيل عند حريمهم و مآ يقعدون .. تبينه زوجته مو عندهـ و يقعد !!!

الله يوفقج يآ رب و تفرحين بالظنآآآ و تستقر حيآتكم
و بليز حسي فيه إنه مستعد يعيش بجدهـ سنه عشآن خآطرج و انتي لمآ كنتي بالكويت بس حزينه و متضآيقه
ترآ والله زوجج مآ يتطوف لو لآ سمح الله تطلقتي لو تلفين و تدورين مآ تلقين مثله


موووفقه

 

[BubbLe87]

الله يعينج اولا عالوضع اللي معيشة نفسج فيه
ثانيا و مو قصدي اضايقج قصدي افيدج و اصارحج انتي فعلا فيج انانية و عدم تقدير
و تبين كلشي حق نفسج و بس يعني مو مستعدة بالمقابل تعطين من نفسج و تتنازلين
انا مرت واحد من اهلنا سعودية و البنت تصير لنا بعد من بعيد كاهي كل ما ولهت على اهلها سافرت السعودية
شالمشكلة
و صاج ابوج يوم يقولج حياتج مو مستقرة
شنو يعي سنة هني و سنة هناك ترى الاستقرار اهم شي و لا الواحد ليش يتزوج
لا تعكرينها زيادة على ريلج مصير الريال بيمل
و فكري بايجابية اكثر و خلي عنج الافلام لا تضخمين المواضيع
و ربي يوفقج و لا تزعلين من كلامي

 

[الاستاذة نونو]

اولا مبروك الحمل

ثانياً استغربت منك وايد !!

تبين تاخذين الرجال من امه وابوه!! تتذكرين ابوه لما اتصل وقال لك يابنتي لا تخلين ولدنا يروح عنا مالنا غيره وهو وحيدنا!!

تعرفين يعني شنو تاخذين الولد من امه وابوه!! حرام عليك انتي قاسية وانانيه اسفه بهالكلمتين لكن فعلا انتي ماحبتيه كثر ماهو حبك هو مجنون بحبك يعشقك بجنوووووووون لدرجة بيترك اهله واصدقائه ويعيش غريب في جده!!

انتي متخيله تخلينه يبتعد عن اهله واصدقائه عشان عيونك !!


فكرتي بنفسك وراحتك النفسية ماقدرتي يا طفلتي العزيزة تبعدين عن ماما وبابا وصديقاتك بس عادي تخلين زوجك يبتعد عن كل شي عشانك انتي!!

زوجك مسكين كسر خاطري الحب اعمى قلبه ومستعد يضحي عشانك ولا فكرتي انك مجرد امرأة والنساء كثير !!! يقدر يلقى مليون حبيبة بدالك

انا قاسية بردي بس ابي اوضح لك وضعك وانتي ايش انتي امرأة وفي غيرك كثيرررررررررر

زوجك لو طفش من انانيتك راح يلقى بسهولة من تحبه وتسيطر عليه زوجك دكتور ومكان عمله مختلط ويشوف مئات النساء اللي مستعدة تبوس رجولة عشان نظره منه انتبهي لا تفقدين كنز بين يديك

انتبهيييييييييييييييييييييي

 

[هدوووشه]

بصراحة لا تزعلين احسك دلووعة زيادة عن اللزووم
غيرك يتغرب ووينذل بعد ولا يتحقق لا احلام ولا بطيخ كل همه يعيش اهله
قوولي الحمدلله على كل حال

 

[miss swan]

انتي محتاجه شغل تشغلين نفسج فيه
دوريلج وظيفه مشاءالله عندج شهاده حلوه
ومع باجر العيال ولوية الحياة راح تتسهل امورج
وتقدرين كل شهر تزورين اهلج مو بعيده السعوديه​

 

[WAAAW]

صراحه قصتج طوييييييييييييييييييله كثيييييييييير بس الله يعييييييييييييييينج ويعين زوجج انتي اووووووفر مكبره مكبره الموضوع .. انتي بجده مو باليابان

 

[Kaido]

انتي من البدايه وافقتي عليه وتدرين انج بتعيشين بالكويت ومثل ماقالو موبعيده الكويت عن السعوديه سوو اتفاق ان مثلاً بالشهر نروحلهم مره مثلا ويك اند واحد وتعوذي من ابليس ولاتخربين بيتج بايدج ودامكم تحيون بعض انا اقول سويها مفاجاه و رديله وكشخيله ولم يكون مهدي قوليله ان بالشهر نروح مره او كل شهرين اسبوع جذي