اخواتي..انا جدا منهاره وحزينة...هذا قصتي لاتحرومني ارائكم

[دربي طويل]

اول شي اذا بنتكلم بالشرع !

ريلج الان اولى من امج وابوج واهو حق عليج طاعته قبلهم

ثاني شي
السعوديه كاهي يم الكويت
والريال شراج خطبج مره ومرتين وثلاث
وهالام والابو عطوج وحيدهم روحهم وحياتهم

والريال في البدايه كان معطيج اجمل احاسيسه


اقولج معلومه :
"الريال يعطي ويعطي ويعطي ويصبر ويصبر ويصبر
لانه يحب
بس اذا كره !!!
لو تفرشين الارض له ورد ماحركتي فيه ساكن ! "

باجر اذا باعج وطلقج خل ينفعج شعورج السلبي
وين تقولين انا مرحه وما ادري شنو

وااااايد سلبيييييه حيييييييييييييييل

شوفي كل شي جميل

امج وابوج اشتري ايفون واشتري لهم ايفون
او ايباد وكلميهم بالتانقو صوت وصوره
وريهم انج سعيدا
صوري غداج ودزي لهم
روحي السوق ووري خواتج شنو شريتي
اسعدي انتي نفسج


ابن تيميه رحمه الله يوم اسجنوه شقال ؟
قال ما يفعل اعدائي بي انا جنتي في قلبي


خلي جنتج في قلبج
عيشي السعاده
تعلقي بالله سبحانه وتعالى راح ينملي قلبج
قدمي ع عمل تطوعي
وادخلي السرور ع قلوب المساكين راح تفرحين
ابدي سويلج مشروعج الخاص
انتي ابدعي
لاتنطرين الناس اهي الي تسعدج
انتي اسعدي نفسج ونشري السعاده

حبي نفسج واعتزي بقلبج وحمدي ربببببج ع نعمه الزوج
والله يا اختي ملكاااات جماااال مو لاقين لهم ريل
وغيرج متزوج ومتحسر من ريله
طق واهانه وتجريح
وانتي عشان قالج انقلعي ؟؟

صح الكلمه قويه
بس ليش الكلمه حفظتيها بس تضحياته
وتحملاته لسلبياتج نسيتيها ؟؟

المفروض ترجعين بيتج وتهتمين بريلج
وانتي تنشرين السعاده لمن حولج


وفاه اخوج الله يرحمه قضا وقدر
والله عز وجل كتب لج وكتب له جذي
والمسلم ما يقول لو لو لاننها من مداخل ابليس


والاعمار بيد رب العالمين
طيب ما سألتي نفسج لو الله ياخذ امانت ريلج
شنو راح يكون شعورج ؟؟؟؟؟؟
لو الله امد في عمرج ابوج بالصحه والعافيه والعمل
الصالح اللهم امين
بس ريلج توفا

اهني تحسري وابجي
لانه بيموت واهو مو راضي عليج
لانج مهملته
لانج مقصره بحقه !!!
لانج خذيتيه من امه وابوه الي سلموج اغلا ما عندهم

بامكانج لو انج فكرتي شويه
توازنين بين الاثنين
تسعدين ريلج بدون ماتجبرينه يعيش بعيد عن امه وابوج
وانتي ماتقصرين بحق اهلج

انج تشوفين الخطط البديله الجميله



املي قلبج بالحياه والانتعاش
كافي سلبيات
جم سنه الواحد بيعيش ٥٠ ٦٠ ٧٠ سنه ؟؟؟
كافي سلبياتج وشوفي الحياه من منظار اجمل



وبقولج معلومه
الزوجه الصالحه تعيين زوجها ع الاعمال الصالحه
يزاج الله خير انج غيرتيه للافضل
بس يمكن طافتج هالمعلومه


الزوج امه وابوه اولى من زوجته
وطاعتهم اسبق من طاعتها
لكن الزوجه زوجها اولى من امها وابوها
وطاعته اسبق من طاعتهم


عشان جذي امه وابوه ربوه وكبروه
عشان يعينهم بكبرهم
مو يتركهم ويروح لزوجته !!!


اتمنى انج تكونين ع قدر من المسؤوليه الكافيه
واتمنى انج تفكرين بعقلانيه



امج وابوج وصديقاتج موباقين لج
زوجج ايضا
لكن شوفي منو الاولى طاعته عند رب العالمين




قصتج مافيها اي شي من الألم الكبير
بقدر مافيها من نظرتج السلبيه


بامكانج تعيشين بجنه داخلج
وتنشرينها لمن حولج
وتوصلينها لاهلج بالسعوديه
وبامكانج تعيشين بجحيم
وتنشرينه لمن حولج
وتوصلينه لاهلج مثل ما قاعده تسوين الحين


انتي قرري !!!



وايد اشيا ممكن تستغلين فيها وقتج
حتا قراءه الكتب
حتا الاعمال التطوعيه
تسوين لج مشروع خاص
تدخلين دورات
تتعلمين فنون المكياج
تغيرين ديكورات بيتج
تسوين لج خطه لحفظ القران

وايد اشيااااا
وكونج الحين فاضيه ودرستي كل الي تبينه
تعلمي امور ثانيه
وابدي غيري خطتج



فكري بعقلانيه !!


واسفه اذا ضايقتج باسلوبي
بس لان قهرني حيل
تفكيرج السلبي

عين العقل ،، ودي امسح ردي مقابل ردج
عن جد جميل كلامج ينم عن عقلية واعيه وفاهمه :eh_s(15):
يودي هالورده :eh_s(7):

 

[om 7amoodi]

كسر خاطري زوجج :eh_s(2):
حراام عليج اهلج مو دايمين لج و الوحده مالها الا بيتها وزوجها خلي عنج الدلع لا تتحسفين و ردي حق زوجج يمكن لانج فاضية تملين باجر لا صاار عندج عياال بتلهين و مايصير عندج وقت تحكين راسج :eh_s(4):

 

[meeee]

انا نفسج بالضبط بس بحرينية وزوجي كويتي وواجهت نفس الرفض بالبداية من ابوي وبعدين وافق عقب 4 سنوات
لكن لحد احين احس بالغربة مع ان عندي عيال واشتغل ولكن نفس شعورج حتى اغير من يمعة بيتنا واتضايق لما تصير اشياء من غيري لان علاقتي كلوز بيدتي وامي وابوي واخواني وعمامي
4 سنين وانا بالغربة ولحد احين ضايعه لحد احين لما اطلع بالليل واضيع بالشوارع كالعاده ابجي واقول انا شيابني مكان مااعرف حتى شوارعه بس كل مره امي تقولي هذي خيارج وانتي الي اصريتي
مع ان اهل الكويت حليوين واهل زوجي وخواته مثل خواتي وطيبين وايد وايد
بس لحد احين احس ان بيي يوم وارجع ديرتي
لحد احين افكر اني اتطلق وارجع مع ان عندي طفلين ولكن الغربة صعبه وااايد
الي انصحج فيه انج تشتغلين تره الدوام راح يلهيج وايد وراح تتعرفين على رفيجات بالدوام شوي تحسين ان عندج احد وبعد اشتري سيارة وتشجعي وسوقي وطلعي تره انا خذلي سنتين لحد ماطلعت من اكتئاب الغربة بس يوم قريت كلامج عورني قلبي
الله يصبرج ويصبرني وكله نصيب ومكتوب

 

[ملاك الأمل]

صراحة ما عندج سالفة ابداً ..
انتي عندك حياة الكل يتمناها زوج وسيم ودكتور ويحبج وشايلج شيل ويسوي لك مفاجآت وسفر ..
شتبين أكثر ..
لا تتبطرين على النعمة ..
الاهل مو دايميييييييييييييين ..

اللي يسمع يقول انتي بعيييييدة .. الكويت وجدة جنب بعض ..

انا متزوجة في السعودية واهلي في البحرين .. ومو حاسة بالغربة .. ما انكر اني مرات احس اني وحيدة واتضايق بس اتغلب على الشعور بأي طريقة ..
عندي بي بي وواتس اب واكلم اهلي سكايب بي وازورهم .. والحياة تمشي ..
اهم شي اكون مرتاحة مع زوجي .. زوجي طيب وحنون مثل زوجك .. مستحيل افكر اتررركه مستحيل ..

بعد عمر طويل خواتج بيتزوجون وامج وابوج بيكبرون وما بيدومون لج الله يطول في عمرهم يارب .. بتشوفين نفسج وحييدة ..
جدة ما بتنفعج بشي ابداً ..
الوحدة مالها الا زوجها وبيتها وخاصة اذا كان زوجج يحبج وشاريج لا تضيعينه ..

تركي الدلع عنج .. والكويت وناسة وفري وحياة حلوة .. عكسي انا جيت السعودية بلد منغلق حتى سيارتي تركتها لكن ما فكرت اسوي مثلج ..

لا تضيعين حياتج الله يخليج .. الحين تحجزين طيارة وترجعين لزوجج وبس ..

 

[kookiz]

اسمحيلي اختي بس انتي معيشة روحج بوضع وحابة هالشي وحابة ان تكونين ضحية وكئيبة وان الناس تهتم فييج بس انتي ماهتميتي باحد غير نفسج معيشة كل اللي حولج بقلق وحيرة
مشكلتج بيدج عيشي حياتج استانسي مع ريلج وبين فترة وفترة روحي عند اهلج ليش تنفرين ريلج منج انتي تحبينه عيل عيشي معاه نفس ماقررتي من البداية لا تحطين نفسج بافلام من انتاجج بتطيح براسج ترى
دام انتي تدرين انج مو قد الغربة جان من الاول ماتعلقتي فيه وحبيتيه اللحين اهو زوجج ووين مايكون لازم انتي تكونين بتندمين اذا تطلقتي كوني قد المسؤوولية وقوي روحج وشوفيلج هوايات ومع الوقت بتكونين صداقاات
سامحيني اذا كلامي ضايقج بس الغلط فييج واذا ريلج كان واقف معاج ترى كل شي له حد بيمل او بالاحرى مل تلاحقي على عمرج وبيتج وبسج كآبه

 

[بكيزة هانم]

معقولة !!! تحملتي الغربة خمس سنين بامريكا وبروحج وما تحملتي الكويت مع اللي يحبج ...البنات ما قصروا والكل أجمع على انج غلطانه ..سافري للاهل رحلات منتظمة كل شهر بتصير لهم مثل العيد وبيحتفلون فيج ويتجمعون كلهم ..وتوظفي واستمتعي بالحياة
..........

 

[روحها في الكويت]

اندمجت وايد مع قصتج حبيبتي صج انا مو متزوجه وتوني صغيرة بس المنطق يقول لاتخربين بيتج بيدج ردي حق زوجج ونادر ماتلاقين واحد يحبج ويخاف عليج ترا هالاشياء الحلوة ماتيي كل مرة مرة واحده لاتخسرين زوجج وبيتج واهلج تقدرين اتروحين لهم من فترة لفترة وتقدرين اتكلمينهم بس لاتخسرين زوجج رديله وايد احسنلج وتحملي الغربة حاولي اتكونيين لج علاقات وصديقات ازورنج وتزورينهم والله يفرجها عليج انشاء الله

 

[أكذب عليك]

حبيبتي مالومج الغربه قاسيه بس غربة امريكا مو غربه الكويت
ممكن يكون نصيبج سعودي ويكون منطقته بعييييده عن اهلك
الزواج مكمل لحياة وحتى لو كنت يم بيت اهلج وانتي متزوجه
ماراح تكونين متفرقه لهم الزواج مسؤليه وانت ماشالله انسانه واعيه
لاتظلمين نفسج وتظلمين زوجج .. والرجال لاحس انه المرا ماتبيه بيدور ع غيره
لانه صعب ع الرجال يحس انه مو مرغوب واهو يحاول يسويلج كل شي

انتي استقري بالكويت توظفي وان شالله تكونين حامل

شوفي انا امي سعوديه تغربة عن اهلها واهي عمرها 15 وعاشت بالكويت ماكان في تواصل
لاتلفونات ولا رسايل ولااااااااااشي تعذبت عذاب الله ياجرهاا فيه بس كله تقولنا لما جبتكم
نسيتوني غربتي وحسيت انكم اهم شي بحياااتي


والله يفرج همج

 

[ظبية بوظبي]

شوفي قلبي بعطيج كلام واريدج تفكرين فيه الف مره وبعدها ان شاء الله تعقلين

اولا انتي لو ما كان زوجج متعبج بمشاكل مثلا: تعامل سئ او اهمال او خيانه
كان ركزتي على مشاكله ونسيتي همومج
فبتالي لازم تحمدين الله الي معطيج حياه حلوه ..ومن كثر منتي مرتاحه قاعده تخلقين لج مشاكل

انا ادري ان البعد عن الاهل صعب ... واكبر دليل (انا )تخيلي مقدرت اكمل دراستي وهذا وانا في بلادي
لان دوامي فالكلية يستمر للعصر... فـ مـ شوف اهلي ...انام وقوم الفجر وجهزنفسي لدوام.........

عاد انا مقدر اعيش من غير حس اهلي فطلعت من الكلية + امور اخرى كنت تعبانه منها ومنها صحتي .. ...
تتخيلين ..
يعني في ناس اسوء منج من ناحيه التعلق مع الاهل ( وللعلم تراني كنت شاطره فالدراسه حتى طلعت لي بعثه لامريكا )

وثانيا لو توظفتي بتنشغلين وبيقل عندج الحنين لاهلج
وثالثا ترى الوطن بعد بيكون لما بتجيبين عيال وبيكونون لج مستقر نفسي

وبعدين على فكره ترى فتحتي على نفسج باب ..1) ان حتى لو هديتي ورديتي لزوجج ...بيكون خلاص عودتيه انه يعصب عليج ويجيبج بالعين الحمره

2) ممكن بنفسيتج المحطبه وغيابج عنه ممكن لقاله منفذ وقاعد يقضي وقته به.. فمن الاحتمال حتى لو رديتي ممكن يكون تعود ع شي الي تعلم انه يشغل نفسه به

وبعدين تعالي انتي اظاهر ان اخواتج مب كلهم متزوجات
لان في حال في منهم م تزوجوا ترى هم مسببين لج الهم ...بس بكره لتزوجوا كلن بتكون في بيتها فبيكون بيت اهلج فاضي ....وبتالي ما بنتقهرين من تجمعاتهم

وبعدين انتي م تخجلين من نفسج
قاعده تصرفين مثل الطفل
طيب الي مثلج كانت شاطره ومتفوقه ...وسبق لها ان توظفت ...فالمفروض تاخذين موضوع هجرتج الحين كانه تحدي لج وان عليج تتحدينه وتتنتصرين

وبعدين انتي من صدقج تعانين من الملل!!!
وي تعالي شوفيني والله اني مع هالنت وقسم بالله اني مب ملاقيه وقت ابد
( حتى م عندي وقت ابرد اظافري هع )
ولا عندي وقت لاهلي
حياتي كلها نووم ونت
وين القى وقت وانا اراكض بين الفيس بوك و تويتر والمنتديات واليوتوب والبروكاستات والقصص الالكلترونية (الحقيقه) والمسنجرات والبحوثات الي اسويها حق نفسي

واااي نهائيا ما القى وقت اخلص كل الي في بالي

واذا دخلت على وحده من خواتي تكلمني اقلعها من الغرفه عشان اقدر الحق

بالمره حتى البيت ما قمت اطلع منه واستثقل الطلعه >> عرس اخوي باقي عليه شهرين ولا طلعت اشتري لي فستان من هالنت

وبعدين ترى جدا شي جميل انج تكونين صداقات قويه مع ناس تتعرفين عليهم فالنت

انا عندي ملكه اني اقدر اتعرف على بنات عالنت واصير كلووووووووووز معاهم لدرجه انا نحس كننا بجد نعرف بعض فالواقع
طيب تعرفي في هالمنتدى على كويتيات
والي تندمجين معاها ...قابليها وصيروا صديقات
مب انتي تقولين انج وحيده
هذا انتي لقيتي طريقه

المهم تراج تدلعين تعالي اقرى قصص الحريم الي من الهموم بجد معرف كيف عايشات

المهم اذا تبين حسابي عالفيس عطيني رد هنا.. لان مقدر اكتب فالخاص بما ان عدد مشاركاتي قليله
وانا بدخلج في قروبي هناك
كلهم سعوديات ...وفي وحده صار له سنه سافرت البحرين هي وزوجها عشانه يشتغل مدرس هناك لمده 4 سنين والله ابد م قد سمعتها تشتكي مثلج وهي عندها 4 اطفال

عادي لقت طريقه تقضي وقتها وتدخل قروبي هناك ونقعد نسولف

وثانيه فالسعوديه نفسها ...اهلها فالرياض وهي بالدمام
وعادي اقلمت نفسها واغلب وقتها عالنت
وثالثه اهلها من ابها وهي بجده
وملاانه بس قاعده عالنت ومقابلتني هع

وثالثه من الجبيل بس عايشه في شقه ولا تعرفت على جيران ...تقول ما عندي وقت لهم وقتها لو بتقضيه بشي فهي تقضيه عالنت وعالكتب
يختي الي يبا صلاه بيصلي

وانتي حطيتي لج بومه على راسج عشان تونين على نفسج
ذيكي الساعه محد بيفيدج
وترى هذا اختبار لج احمدي انه بسيط
في ناس اختباراتهم فالدنيا صعبه ولا تحتمل

وبعدين احمدي عشتي قصه حب وكللت بزواج وطلع زوج طيب
واخرتها تبين تهدمين كل شي
انتي اظاهر تبين قرصه وبعدها بتردين تبكين ع كل لحظه ضيعتيها
بس ممكن حتى لو رد لج صوابج ممكن تكوني خلاص خسرتي حب حياتج
انتي فالنهايه اذا م عقلتي بتخسرين كل شي

طيب م فكرتي لو طلقتي كيف بيكون وضعج ؟؟؟

يا قلبي بتمين تفكرين فيه وعقلج م بيوقف تفكير
فـ ا يش الفايده
لانتي تبين تقعدين معاه ولا انتي تقدرين على بعاده

والله المره وطنها هو: وين يكون حبيبها فيه
وانتي لو صدق تحبينه كان شفتي الجنه في قربه ومعاه

بس اظاهر فيج انانيه ...هالانانيه الي تكون فالجميلااات والي تعودوا ان كل شي يبونه ياااااخذونه وبالمقاس الي يبونه

احمدي ترى في ناااس كثاااار عاشوا فالدنيا وطلعوا منها وهم م عرفوا الحب ولو انه في خاطرهم

بجد انتي غبية
اسمحيلي

 

[ماني من الناس]

الغربه صعبه الله يعينج

ولكن هذي اختياراتج ولازم تتكيفين معاها

ابتداء من غربه في الدراسه

لي غربه في الزواج

 

[مكتومه]

ارجعي لزوجك بأسرع وقت بالنهايه مالج الا زوجك وعيالك وبسسسسسسسسسسسسسسس واول الخطوات انج تتوظفين ومع الوقت بتتعودين اهلك حددي لج بالشهر كم يوم تزورينهم ليش ندور المشاكل ... انتي الحين بيت اهلج اهلج خلوك تنسين حياتك مع زوجك؟؟؟ عوضج حب زوجك ورمنسيته وطلعاته وكلامه ؟؟؟؟؟

طبعا لااااا والوحده لاتزوجت مالها الا زوجهااااا؟؟


وانا اقول بسررعه حجزيلج تذكره وطيران لزوجك وسوي لج شهر عسل علشان ها المسيكين .. الى تاركته وهو ماقصر معااج

حافظي على نعمتك ترى النعمه زواله زوجي.. يحبني.. ويشتري خاطري ... واروح وتركه ؟؟؟؟؟؟؟؟؟؟؟؟؟؟؟؟ وين عقلك وين قلبك ؟؟؟
ما راح تلقين احد بيعوضج عن زوجك وكبر دليل شوي نفسيتج ماتغيرت ؟؟؟ الا صارت اردي

وبلغينا باخر تطوراتج ...

 

[بحر الرمال]

مااتوقع ان هالزواج راح يستمر

 

[انثى عاشقة]

يابعد قلبي انا بعد من جدة
وتزوجت ورحت بعيد عنها واحن لها مووووووووت
انا نفسك ما اعرف احد هنا ومالي علاقات
اقول لزوجي لو فتحت باب البيت ما اعرف احد
لو دق جرس بيتي وهو مو موجود اموت خوف
ساكنين بمنطقة صناعية غثى ومصانع
مافي فلة ووناسة زي جدة وبحرها وناسها
لكن
احب زوجي وما ابي اخرب بيتي
زوجك ذهب لاتفرطين فيه
اصلا شوية شوية يصير عندك عيال والله تنشغلين
واهلك واخواتك وصديقاتك مو دايمين لك
الي دايم لك هو بيتك وزوجك ان شا الله

​

 

[*آسوومه*]

ترى صدقيني مو كل مره بيجيج واحد يحبج
زوجج تحمل عشانج و ضحى
بعدين الكويت و جده قراب
يعني مو غربه لان فالخليج
يعني تقدرين كل شهر ولا كل اسبوعين تروحين لهلج
لو انتي بـأمريكا ولا اي بلد ف قاره ثانيه ممكن تقولين انها غربه :\
بس حراااااام حرااااام الريال يحبج
شتبين اكثر
لا تنظرين للموضوع بسلبيه
و عاطفيه بزياده
اوكي كلنا نحب اهلنا كلنا نبيهم
بس مردنا نفترق صح؟
ان ما فرقتنا الحياه و المشاغل
مرد الموت ياخذنا من بعض
ليش تعيشين عمرج ب نكاده؟
ترى في غيرج متزوجين برا السعوديه و ع قولتج ف غربه
و فوق هاي الريال مب زين يطقها و يسبها و اهله مب زينين
الله يحبج و ماعطيج هالريال
لا تخسرينه بسلبيتج و عاطفيتج الزايده
هاي قرارج و خيارج
يا تستمرين مع زوج يحبج و شاريج
و تفكرين بإيجابيه اكثر
يا تفترقون و تعيشين بلقب مُطلقه !
و عقب محد يبيج ولا بياخذج الا المطلق
و الارمل و المعدد
شلج بعوار الراس يا بنت الناس
هونيها و الله بتهون
الله يعينج و يهديج يا رب :\

 

[ريح قهوه]

ما ادري احسج مكبرتها وهي بسيطه انتي تعودتي على الغربه وتأقلمتي احمدي ربج انه رزقج بواحد يحبج هالحب ليش ادمرين حياتج وبيدج سعادتج خلاص عيشي حياتج كافي نكدتي على الرجال واذا على اهلج كل اسبوعين سافري لهم لحد ماتملين وتصير سفرتج كل شهر وباجر باذن الله باحملتي راح تغير حياتج واذا على تأنيب ضميرج ان اهلج وابوج ماشبعو منج هذا انتي الحمد لله بخير ومتزوجه ومرتاحه ماعليج قاصر تقدرين تكلمين بابا كل يوم وتطمنين عليه ومثل ماقلت تزورينه كل اسبوعين مره يبه كلنا ضحينا انا وحيدة امي تزوجت واول زواجي تحسفت اني تزوجت وخليتها وهبلة بزوجي بس ابجي وكل شوي داقه عليه ضيقة خلقه والله انه يكسر الخاطر لاشافنس ابجي خاصتن لامسكت زاويه وقعدت بالقاع وبجيييييي جني مجنونه ومرت الايام وتعودت ومن عقب ماكنت ابروح لها يوميا اللحين مافيه وقت اني اروح من المسؤوليه وبيت وعيالي حيل مقصره معاها مع ان ربع ساعه واوصلها بسياره والله وانا اختج مافيه احد مرتاح روحي لزوجج وان شاء الله انج حامل وامسكي بيتج وشي طبيعي بهالوقت ماتكون لج معارف لان قلبج معلق معاه وكارهه الدنيا ماتبين الا زوجج واهلج نصيحه روحي لبيتج قبل لايطيح زوجج بوحده تقعدين تحسفين طول عمرج وشبعيه حب وحنان وباجر الايام تعلمج وتخلي حياتج سهالات

 

[سـمـو الآمـجـاد]

انا اقول عشان حبكم حاولي تضحي

اول شي رجعي مع زوجك

حاول تقوي علاقتك مع امه

روحي وعيشي فبيتهم بدل ما تسكنين بروحك

 

[عهد الغرام]

الله يهديج المنتدي مليان بنات سعوديادت تعرفي عليهن حمدي ربج ؤالله الكل يتمني عيشتج

 

[انونا]

البنات ما قصروا

 

[صمت المرافئ]

البنات ما قصروا بالردود
كسرتي خاطري لكن ...
زوجج كسر خاطري أكثر
بقولج شغلة ...
صج انج تشوفين بيت أبوج منبع الحنان
وفيه امج وابوج وخواتج
الله لا يحرمج منهم ...
بس نظرة للمستقبل ...
راح يتفرقون ... وكل راح يروح بيت ثاني
وتبقين انت وحيدة
هذي الدنيا مصيرنا نفترق عن أحبابنا
قبل كنا في بيت أهالينا
والحين كل واحد في بيت ...
والأهل راحوا لرحمة الله
وما بقا لنا إلا أزواجنا وعيالنا ...
واخوان ما نشوفهم إلا من وقت لوقت ...
انشغلوا مع أهلهم وعيالهم
أقول لا تضيعين سعادتج مع زوج يحبج
وأثبت هالحب أكثر من مرة ... وصبر عليج
آنا متأكدة ... من طريقة سردج للمشكلة
انج تحبينه ... وراح تندمين لو تطلقت منه
نصيحة ... إذا تقدرين تعرفي على سعوديات
عايشين هني يكونون لج أخوات
ينسونج مرارة الغربة
ودايما زوري أهلج ...
والحمد لله السعودية قريبة وسهل السفر لها
وان شاء الله مع الوقت تتأقلمين
وتنشغلين بعيالج وتشوفين الدنيا بمنظور ثاني

​

 

[عيون سارة]

ماراح ازيد على كلام البنات
بس وايد مكبره الموضوع
انا جدوايه وريلي كويي
نصيحتي
1- اشتغلي
2- جيبي بيبي
3- اهتمي بنفسك وببتك
الحرمه مو كل يوم لها رجال
وزوجك مافيه شي
انتي الي فيكي بصراحه
كلنا اذا تزوجنا بنبعد عن اهلنا حتى لوكانوا معاكي بنفس الحي مع ازدياد المسئوليه
والكوي حلووووة اشتركي بنادي وسجلي بدورات
واشغلي عمرك
ترى محد ينفعك