ادوية النفاس من جديد بالتفصيل الممل.... من خبيرة اعشاب

[خبيرة اعشاب]

الاستاذة​

مرحبا

ترى حبيبتي مو شرط تاخذين لهوم الحين , قبل الحريم ما كانوا ياخذون الا مردود و لهوم طول النفاس فعشان جذي كانوا يقسمون المردود 20 يوم و اللهوم 20 ...

فعموما انتي على راحتج يصير تاخذين سفوف و لهوم بس ترى اللهوم يمتن شوي .. ممكن نفس اللهوم تاخذين منه و اتسوين فيه عصيدة تمر ... انا جذي كنت اسوي بنفاسي


و اكيد الاعشاب تاخذينهم بالدورة انا عشان جذي احط كمية زايدة ( السفوف لازم تستعملينه على الاقل 3 دورات من بعد النفاس لانه يساعد الرحم انه يرد مكانه ) شاي الاعشاب بعد زين حق البطن و ينظف الارحام ... فالكورس كله الي باقي عندج منه حاولي تستعمليه بالدورات و حتى من بعد النفاس لو ما تجيج الدورة خصصي 5 ايام من الشهر استعملي فيها الادوية هاذي

و الاعشاب ان حفظتيهم عدل تقعد سنة كاملة ما اتخرب

و تحياتي لج

 

[خبيرة اعشاب]

OM_ABO0ODY​

مرحبا

حبيبتي اي تمرة قصدج حقت تحاميل و لا معجون التمر الي بالاعشاب ؟؟

 

[ملوكه]

ام خالد يعطيج العافيه بالنسبه للخلطه القهوه فيها مره ؟
ويصير نشيل الحلبه من السفوف وخلطه التمر لاني ما احبها بكثره

 

[الملكيييية]

صراحة انتي كنز حق منتدى كويتيات

وربي يوفقج دووووووم


وماقصرتي حبوبة

 

[OM_ABO0ODY]

ابي معجون التمر اللي بالاعشاب الله يعافيج

 

[خبيرة اعشاب]

ملوكه​

ام خالد يعطيج العافيه بالنسبه للخلطه القهوه فيها مره ؟
ويصير نشيل الحلبه من السفوف وخلطه التمر لاني ما احبها بكثره

مرحبا

حبيبتي خلطة القهوة ما فيها مرة انما فيها اغراض مختلفة تناسب النفاس : الرزنة - الشيبة - مسمار القرنفل- النانخة - الزنجبيل - الدارسين - العنبر - المستكة - الخولنجان - عرق الهيل .... الخ

و يمكنك استعمال ما ترغبين فيه من الاعشاب بالقهوة باستثناء المرة لان عموما بالنفاس ما نستعمل المرة واجد ...

و ايضا اذا تبين اتجهزين قهوة للنفاس فمن الافضل استعمال كميات متساوية من القهوة و قشر القهوة و قهوة الشعير للتخفيف من تركيز الكافيين ...


بالنسبة للحلبة فيمكنك عدم استعمالها في السفوف و التمر اذا استعملتيها في اللهوم

و تحياتي

 

[Mayar]

يعطيج العافية

 

[طير الحب]

جزاج الله خير

 

[OM_ABO0ODY]

الله يعطيج العافية حبيبتي ام خالد ما قصرتي

 

[غوالي76]

حبيبتي أم خالد ...
بغيت منج التفاصيل لكورس النفاس والأسعار
وطريقة استعمال أدويتج على الخاص
" ملاحظة : راح أولد بإذن الله ولادة قيصرية "

 

[الملكيييية]

اختى الغاليه ام خالد استفدنا كثيرا منك ولا غنى عنك خاصة انا مازلنا بفترة النفاس وابي استفيد من الفترة هذي بالاهتمام بنفسي وبارحامي وصحتي :tomato2:


انا الحين لي 23يوم بالنفاس ولي 5ايام قاطعه الاداوي كلها بس مستمرة على القهوة وشاي الاعشاب


ولاحظت رطوبة فضيعه في المهبل
وعلى طول افرازات بيضاء


هل استخدم تحاميل اللي هي عبارة عن
مرة ومحلب وارطا وقشر رمارن وشوي ملح فارسي


وانا استخدم غسول كل يوم

وهو عبارة عن

قشر رمان -اللافندر-زعتر-شوي ملح خشن

بمقدار قشر رمان فنجان واللافندر فنجان والزعتر فنجان والملح الخشن نص ملعقة شاي


وعندي خلطة للكبو انا جامعتها بعد ما عطتني اياها الوالدة عبارة عن

مقلة-مرة-فلفل هوا-خوا جوا-زعتر-وقشر بصل

لحد الان ما استخدمتها وابي الطريقة الصحيحية لاستخدامها

ومتى تنصحين اتبخر بالضبط قبل التحميلة ولا بعدها

وبالنسبة للتحاميل البيتادين امي تقول استخدميها اخر اسبوع بعد تحاميل الاعشاب عشان تنزل اي شي تبقى من الاعشاب

ووحدة من البنات علمتني طريقة عند استخدام التحاميل تقول ممتازة وتضمنين ان التحميله وصلت لنص المهبل من الداخل
تقول بعد وضع التحاميل وانتي مستلقيه حطي على اخر طرف من مقعدة(مؤخرة) مخدة بحيث ترفعج لفوق والتحميله ماتنزل لمقدمة المهبل

ادري تعبتج بالاسئلة بس انا ودي استفيد ويستفيدون البنات

 

[الملكيييية]

الغلا اسفه بس نسيت اقولج

ان فيه اعشاب نصحوا اني اشربها كلنا على حده


وهي ..رجل الاسد..الفيرسون ..الهدال....كل ثلاثة ايام تستخدمين عشبه وحده فقط تضعينها في ماء ساخن لمدة ربع ساعة وتصفينها وتشربينها ..

وشنو هي رجل الاسد,,,,,هل هي نفسها لوف الاسد

فيرسون ,,,,تعبت ماحصلته عند العطارين وهل له اسم ثاني

هدال,,,,,,بعد هل له اسم ثاني


واذا عندك فكرة عن المقادير الصحيحة لكل عشبة ياليت تفيديني

يعني لو باشرب رجل الاسد شكثر ماي وشكثر احط هالعشبة لان قالوا انها تسبب سكته قلبية للي مايعرف يستخدمها

انتظر جوابج الشافي الكافي

ويعل ربي يعافيج ومن كل شر ينجيج

 

[hannooda]

ام خالد يعطيج الف عافية على المعلومات
ماشالله عليج شكلج خبرة
راح اتصل عليج باذن الله علشان عندي بعض الاستفسارات

 

[الملكيييية]

في انتظارج يام خالد

 

[كلي دلع!]

أم خالد أقدر أسوي رجيم وأنابلنفاس

 

[خبيرة اعشاب]

الملكيييية​

مرحبا


اختي انتي قلتي مسوية برنامج للنفاس , بس ما ادري شنو شاي الاعشاب الي تاخذينه شنو مكوناته ؟؟ بعدين انتي الحين باليوم 23 وين خلطة السفوف ؟؟؟ المفروض هي الي تنشف و اتضيق فلازم اتكملين عليها لاخر النفاس ؟؟؟؟؟

التحاميل طبعا ما تستعملينهم الحين انما بعد شهر من النفاس تقدرين تستعملين تحاميل , بس يا الغالية اذا انتي متنفسة عدل ما رح تحتاجين لا تحاميل و لا غيره ... يا ليت اختي اتفصلين لي اعشابج شنو عشان اقدر افيدج بالموضوع هذا ...

الغسول اختي تقدرين تستعملينه من الحين بس طبعا بالمكونات هاذي ترى ما ينشف حيل من الافضل ضيفي عليه ورق درياس + ورق جوز او قشر جوز ... يكون احسن للافرازات البيضا

الكبو ممكن اخر اسبوع من النفاس بس لازم ايكون الدم خفيف عشان ما يتجمد بالرحم

و تحاميل البيتادين زينة و هم بعد طريقة صديقتج صحيحة لوضع التحاميل بس بعدين شيلي المخدة مو تنامين طول الليل جذي , لان التحميلة عند وضعها تستقر في المهبل و لا تنزل الا في حال تمشيتي بعدها يعني اتحطينها قبل النوم مباشرة

 

[خبيرة اعشاب]

الملكيييية​

فيه اعشاب نصحوا اني اشربها كلنا على حده


وهي ..رجل الاسد..الفيرسون ..الهدال....كل ثلاثة ايام تستخدمين عشبه وحده فقط تضعينها في ماء ساخن لمدة ربع ساعة وتصفينها وتشربينها ..

وشنو هي رجل الاسد,,,,,هل هي نفسها لوف الاسد

فيرسون ,,,,تعبت ماحصلته عند العطارين وهل له اسم ثاني

هدال,,,,,,بعد هل له اسم ثاني


واذا عندك فكرة عن المقادير الصحيحة لكل عشبة ياليت تفيديني

يعني لو باشرب رجل الاسد شكثر ماي وشكثر احط هالعشبة لان قالوا انها تسبب سكته قلبية للي مايعرف يستخدمها

انتظر جوابج الشافي الكافي

مرحبا

اختي لو اتلاحظين كل الاعشاب هاذي انا ذاكرتها في شاي الاعشاب الي كاتبة طريقته بالاضافة لاعشاب ثانية منظفة للرحم

رجل الاسد هي نفسها لوف الاسد بس اخذي الاوراق

الفيرسيون == هو نفسه الفراسيون الابيض

الهدال ==معروف بنفس الاسم و يستعمل غالبا للامراض المتعلقة بجهاز المناعة بس ديري بالج حتى لو تبين تستعملينه لان فيه نسبة سمية

و رجل الاسد تشربين منها مقدار ملعقة متوسطة لكل كوب مرتين باليوم ( و ترى ما اتسوي سكتة قلبية و لا لها اي علاقة بامراض القلب ...)

و حياج

 

[خبيرة اعشاب]

كلي دلع!​

ام خالد أقدر أسوي رجيم وأنابلنفاس

مرحبا

حبيبتي بالنفاس ممكن اتسوين نظام غذائي يناسب ها الفترة ... بس عموما لا تجوعين نفسج لان الجوع يخرب الرحم

 

[خبيرة اعشاب]

بناءا على طلب الاخوات رح اكمل الخلطات حقت التبييض الخاصة بالنفاس

و ابدا اولا بخلطة الوجه و هي عبارة عن قناع يستعمل 3 مرات في الاسبوع للقضاء على الكلف و السواد :

نص فنجان ترمس ناعم + نص فنجان حلبة ناعمة + فنجان شوفان ناعم + فنجان طين ابيض ( اذا مو متوفر ممكن استعمال سفيداب ) === تخلط المكونات و تحفظ في علبة

الاستعمال : تؤخذ ملعقة كبيرة من الخلطة ثم تمزج بعصير فراولة او رمان >>> يمكن ايضا استعمال حليب عادي او ماء ورد ... الخ


تترك الخلطة على الوجه و الرقبة مدة 10 دقايق ثم تمسح بمكعبات ماء الورد المثلجة ثم تغسل بماء دافئ ..

الخلطة ممكن تستعملينها طول الاربعين بنفس الطريقة اتصفي الوجه و تعطيه نضارة و حيوية و لون وردي طبيعي:tek:

 

[خبيرة اعشاب]

مكرر