اراده حديديه مع passion لرجيم هلا فبراير

[احساس الغلا]

وين الحلوين اليوم محد بين ؟؟


قعدت الساعه6
المغرب طبعا
وشربت نسكافيه بس

 

[كيكه توفي]

السلام عليكم
شلونكم بنات

يومي

الريوق : كورنفليكس فيتنس وحليب خالي الدسم

غدا : ماكو

العصر : 2 بسكوت دايجستف لايت + كابتشينو

شربت جاي اخضر

عشا : روب + تفاحه اخضر

وبس

 

[عليـاء]

بنات شلونكم
انا تعبانة اليوم وحرارة
ورجعت للسوائل مو قادرة اكل

 

[miss_solitaire]

هذا غداي اليوم
بس ترى الكوسا ما كليتها مع العيش اللي فيها
فتحتها و طلعت العيش و كليت الكوسا بروحها مع الجزر
عجبتكم صج


العشا سلطة + شوربه + صمون حلوم اسمر + فريش برتقال

 

[احساس الغلا]

كيكة توفي
عوافي حبوبه


عليا
سلامتج ياعيوني
ماتشوفين شرر ياقلبي*


سوليتير
ستين عافيه



انا تعشيت توست اسمر - سلطه - عصير فراوله*

 

[سيلينا]

قوووه بنااات

يومي كان الصبح كراكت مع قفشه لبنه لايت وشويه زعتر + شاي مرميه

الغدا كاان شريحتين توست اسمر + همبورجر + شريحه جبن خاليه الدسم + قفشه كتشب

السناك المغرب سيريال بار + كابتشينو تروبيكانا

العشاء شوربه كنور ماي كب عدس وبس الحمدالله

كالعاده الموقع مو راضي يحمل الصور ولاني ماعرف اصغر الصور ما اعرف ارفع الصور من موقع ثاني

حدي تعبانه بنات كرهت خدامتي وبنطرها لين تصير زينه وبخليها تروح بيت ثاني توني بس نومت الصغار وسويت الجناط ورتبت البيت عشان باجر ان شاء الله بنروح المزرعه وبقعد اهناك جم يووم وقلت لها لا تمرني ولا تدخل شقتي انا مشكلتي لي خذيت موقف ما اقدر اجامل
الله يعين بس ان شاء الله انها خيره ولو اني بحوس لين اروح اطلب لي غيرها مع اعيالي والدوام

باجر ان شاء الله اقولكم عن يومي بالمزرعه ان الله كتب

 

[سيلينا]

علياء

سلامااات اجر وعافيه حبيبتي
اهم شي صحتج تركي عنج التفكير بالرجيم
الله يقومج بالسلامه طمنينا عنج

كيكه توفي

عواافي حبيبتي بس انتي صايره ما تاكلين شي
دري بالج على نفسج

مس سوليتير

عوافي حبي مطرح ما يسري يمري

احساس الغلااا

عوافي حيااااتي الله يتمم عليج حبي

 

[جميلة العرب]

السلام عليكم

دايتي يوم الاربعاء تمام والرياضه تمام
وكذالك امس الخميس لما جاء بعد العشاء خربتها
بحاول اليوم ازيدبالرياضه

 

[miss_solitaire]

امس بومي كان

الريوق لاشيء

الغدا : هامور مشوي + عصير + شوربه

العشا سيخ كباب + سيخ شيش طاووق + سفن + سلطة

:::::::

أما اليوم : راح انشد الرحيل للبحرين

و اذا قدرت اشبك اهناك

راح اكتب يومياتي لكم

و اذا ما قدرت لما ارد ارجع اكمل معاكم

 

[ღ°° دلوعـ دنيتي ـة °°ღ]

أسفه جهازي خربان
وداخله من الجوال

 

[احساس الغلا]

هلا صبايااا
شلونكم ياحلوين ؟!



التجمع صاير صصصصخه

الظاهر لاهيين بالاحتفالات ^_^



انا دايتي تمام

بس امس خربتها شوياااات مو حييل
وناسه وطلعات ومسيره ماينفع دايت :eh_s(3):

 

[passion.666]

كل عام وانتو بخير ساموحوني هاليومين ما دخلت المنتدى الصراحه لاهيا بالحفلات والمسيرات اليهال دوخوني
يبون كل يوم طلعه
طبعا هالسبوع ما راح انزل المشتركه المميزه فريييي فرييييييييي بمناسبة العيد الوطني والتحرير يعني ماراح يكون هناك مشتركه مميزه بس راح اتحطون اوزانكم
وكل عام وانتم بخير​

عاشت الكويت حره ابيه​

 

[كيكه توفي]

السلام عليكم
شلونكم بنات

يومي

الريوق : كورنفليكس فيتنس وحليب خالي الدسم

الغدا : شوربة كنور ( شربت ربع الكوب ماعجبتني )

العصر : 4 بسكوت دايجستف لايت + موكا تروبيكانا

العشا : تبوله + مشويات ( شيش طاووق وتكا ودياي مشوي ) وبيبسي دايت

بس الحمدالله

 

[ღ°° دلوعـ دنيتي ـة °°ღ]

كل عام وكويت العز بخير وسلام

كل عام وديرتي الثانيه

تعمها المحبه والخير وسعاده والأستقرار

 

[ღ°° دلوعـ دنيتي ـة °°ღ]

رديت لكم بكل عزيمه

اليوم صايمه وبالليل سجل يومياتي

 

[سيلينا]

مرحبااااا

قووه بناااات صراحه انا هاليومين فري راده ان شاء الله بعد العطله للرجيم بالتجمع الجديد
ووزني مثل ما اهوو 58 وبس راح ابدي معاكم التجمع الجديد ماكو رجيم هاليومين لاني بالمزرعه وجمعه
فخليتهااا فري

انتو اشلوونكم ان شاء الله تمام

..
.
​

 

[عليـاء]

بنات شلونكم
مبروك عيد الكويت بلدنا
ويارب دوم أنتو بأفراح وأعياد ياالغاليين

أنا جاتني المسعدة أمس
وصار لي يومين تعبانة أكلي مخربط
ووزني مثل ماهو 69
من بكرة بابدأ بالسوائل
إن شاء الله
يعني نزلت من أخر مرة بس كيلو
وفي التجمع ككل 2 كيلو " الحمدلله على كل حال "

باشن
يعطيج العافية على هالتجمع ياقلبي
ويارب دوم بفرح وسعادة
وبالنسبة للتجمع الجديد باكون معاكم لين الخميس إن شاء الله
والجمعة باسافر وبابقى شهر
ياليت تستمرون عشان اكون معاكم بتجمع ثاني
لأني يمكن ماادخل من هناك ولو قدرت باستمر معاكم شهر 3 كامل

بنوتة
يعطيج العافية
ويارب دوم بعزيمة وإرادة ياقلبي

سيلينا
الله يديم عليج السعادة
وتستمرين بنفس مابديتي

إحساس
وحشتيني وايد فديتج
ويارب تبدين بداية قوية مثل ماكنتي دوم

جميلة - كيكة توفي - مس سوليتر
وباقي البنات
بالعافية أكلكم ياحلوات

حبيت هالتجمع وحبيت البنات
وقلوبكم الطيبة
ويارب نستمر بشهر 4 عشان اكون معاكم ياحلوات

 

[عليـاء]

باشن
اليوم سويت شوربة السالاري
بس للحين مااكلتها
إن شاء الله باكلها على العشا اختم فيها يومي
عشان اسوي 5 ايام
ومن يوم السفر إن شاء الله بارجع دشتي مرة ثانية
ولما ارجع باقولكم ايش سويت وخبصت بالسفر هههههههههه

 

[ღ°° دلوعـ دنيتي ـة °°ღ]

مساء الخير

ياحلوكم ياصبايا

يومياتي

صايمه والفطور

صمون صغير بالجبن

مع شاي

*&*

رياضه

مشي ساعه

تمارين الشد 300 مره

أفكر أعمل تمارين أضافيه

 

[ღ°° دلوعـ دنيتي ـة °°ღ]

علياء

تروحين وترجعين بالسلامه

عاد تخيلي بهذا تجمع أنقص وأزيد

عجزت أفهم نفسي مع تخبيص