عليـاء
New member
- إنضم
- 4 فبراير 2009
- المشاركات
- 2,129
- مستوى التفاعل
- 0
- النقاط
- 0
حبيت أشاركم بعض الأكلات اللي باسويها مع النظام :eh_s(22):
أول حاجة قبل لأبدأ اليوم عدل صار لي يومين اقرأ في نظام اتكنز " الدشتي " معلومات كثيرة استفدت
منها وعرفت ايش المطلوب بالضبط في السابق قرأته بس ماكنت مهتمة كثير , سبب توجهي لهالنظام :
- أكثر الناس اللي سووه استفادوا
- دكتورتي انصحتني بنظام بروتيني عالي عشان التهاب القولون
- أني مسافرة بإرادة الله بعد 10 ايام ولازم اتعود على نظام معين عشان ما أخربطها هناك وجربت ريجيمات
كثيرة الوحيد اللي يناسب السفر هو الدشتي خاصة ان برا مافي كثير اكلات مصنوعة من العيش يعني اكلاتهم كلها
مشاوي سلطات والشي الوحيد اللي ممكن اتهور واكله الكاكو وانا الحمدلله مو هالقد معه ومسموح في النظام بأكل الدارك
تشوكليت بس الخالي من النشويات أو اي كاكو خالي من النشويات واتوقع باحصل هناك بالهبل هالكاكوات :eh_s(9):
- أني أكل برا وايد والمطاعم كلها مليانة بأكل بروتيني .
- الشبع الشبع في هالنظام غير معقول تحسين معدتج مليانة ومو مشتهية تاكلين
- انا مع العصير مو هالقد يعني ماراح افتقده
- الشي الوحيد اللي ممكن افتقده هو الخبز بس من فترة طويلة حاولت اقلل منه لأن الخميرة اصلا تتعب القولون
والطحين يتعبه .
- اشرب ماي كثير وبيساعدني هالشي
- باجربة لمده 10 ايام لو تفعني وشفت تحسن بصحتي باستمر عليه كنظام حياة وبادخل عليه اشياء
- مسموح بالدايت
- مسموح بالمكسرات ماعدا الحب " الفصفص "
- لو امشي نص ساعة بينزل جسمي اكثر
وبس ياحلوات
ولو في احد بيبدأ معاي بنشجع بعض أكثـر
( وجبة الفطـور اليـوم )
عبارة
عن ديك رومي مع بيض مع جبنة الصـويا
شوحتهم على فرن الشواية بزيت كانولا " يعني كله صحي هههههههههههههه "
وحطيت معه ربع طماطة وخيارة صغيرة وبقدونس وقطعتين صغـار جبنة بيضـا
ودايت بيبسـي
وكل مااستمريتي بالنظام بتخترعين أكلات روعـة .
