استجواب وصراحة من العيار الثقيل ... للأالعضوات

[ملفتة للنظر]

بعد تاخر العضوه MesK في الاستجواب

ننتقل مع العضوه ملفتة للنظر
,
,
,

ملفتة للنظر
دائما مايقلون عنج فيلسوفه ودائما ماتكونين ردودج فيها ثقة زائدة بحيث إنج تتفلسفين كثير وصعب أحد يطبق فلسفاتج وكلامج
وتقولين لنا وجهات نظر ماأحد يستوعبها ...
سؤالي لج
ليش دائما تتفلسفين في ردودج وبعض مواضيعج.
والفلسفة اللي أقصدها إهي أسلوبج في طرح فكرتج... يعني مو مشكلة العضوه تطرح وجهة نظرها وبأسلوبها
بس دائما نشوف تحيثق منج...
وعلى هالأساس دائما اذا جينا نتكلم نقول ملفتة للنظر صاحبه أفكار ونظريات صعبة التطبيق
وليش ماتصير وجهة نظرج في الأمور بدون تعقيد اشوي .
ترى الناس تحب البساطة
واذكر كان عندك نظريات كثيرة وانتي تكتبين مواضيع سابقة بس جبتي لنا مسميات جديدة وخطط هيكليه وخريطة وطبخه يديده و و و ...
من هالمسيات الغريبة وفي الأخير ماتطبقينها لأنها بعيدة عن اشوي عن الواقع وصعب تطبيقها
هذه وجهة نظري وننتظر وجهة نظرك
ليش هالتعقيد منج ؟؟​

:dddds::dddds::dddds:



ياقلبي انتي ..شوفي انا اصلا ماكتب مواضيع يدوب واحد ...احب اعلق اكثر عالمواضيع من اني اكتب موضوع جديد..لان مالي خلق افكر واحط وانطر ردود <<ام الكسل..


بالنسبة للتفلسف..خخخخخخ انا بالعكس انسانة احب البساطة..واتقبل كل شي..وماحب التعقيد او اني اكبر موضوع مايستحق..


بس احيان خواتي يقولولي اني صايرة اتفلسف..بس انا طبيعتي مو جذي..يمكن بحكم دراستي بالحقوق..وابلع الكتاب ابو 1000صفحة...اربع سنين نتدرب على اسلوب الفلسفة والرد المطول والمدعم بالقوانين.تدربت اكثر على قوة الشخصية واني اقول رايي مهما تعارض مع وجهات نظر الاخرين..<<بالعربي الدكاترة بالحقوق خلو لساني طويل خخخخخخ

. حيل غيرتني الحقوق وغيرت بشخصيتي بس ماصرت معقدة الا اذا كان في مواقف تستحق التعقيد..واشوف ان ارائي والحلول اللي اطرحها موبعيدة عن الواقع وسهلة التطبيق..لانها تصب بمصلحة المرأة اولا واخيرا
<<يلعن ام التفلسف:dddds:



وشكرا وشكرا وشكرا عالاستجواب..يعني راح اتثبت بمنصبي :krkrkr:



واتمنى تتقبلون كلامي برحابة صدر فديتكم:ggdw:



وتقبل التهاني من اليوم وحتى اول ايام عيد الفطر السعيد<<ملقني اكثر:dddds:​

 

[اوراد العشق]

مووضوووعج حلو ردود البنات احلا

مشكووووووووووووورهــــ

 

[pama girl]

سؤال موجه الى pama girl ؟
إنتي عضوه نشيطة بس سبحان الله عكس اسووره
يجي العضو يكتب موضوع صغير أو يحط صوره أو يقول أبي رايكم
وإنتي تسوويين من الحبه قبه ...
بدال ماتردين بشكل معقووول على أغلب الأعضاء تردين رد طوييييييل جدا
وتتعبين فيه ...
أسلوبك ممتاز ويدل على اهتمامك بالموضوع بس فيه تضيع لوقتك الثمين .
ردي على هذا العضوه وعلى هذا العضوه برد معقووول يكون أفضل لتحريك المنتدى​

اول شي يعطيج العاافيه عل الموضوع المميز

وبالنسبه لسؤالج .. يمكن اوافقج و اعارضج بالنفس الوقت..والسبب ان في مواضيع تحتاج ان الواحد يشرح وجهة نظره او يعبر عن مشاعره او ينصح غيره فماراح يكفي كلمه او كلمتين ..وفي مواضيع ماتحتاج اكثر من كلمه او كلمتين سواء بالشكر او بتشجيع صاحبة الموضوع ..و في مواضيع ماتعجبني يا اسلوب الطرح او ردود البنات فاكون حياديه بهل وضع فاكتفي بدعوه طيبه للبنت..


ومشكوره ..و لا يوقف الموضوع

 

[كويتية و لكن]

يالله -----------انشالله بدون زعل
قووو هااد

 

[ابرااج]

؟؟؟؟؟؟؟؟؟؟؟؟؟؟

 

[pama girl]

صخه..وين الاستجواب اليديد!!

 

[كبرياء امراة]

اعذروني على التأخير

يعطيكم العافية اللي ردو


ننتقل الآن إلى مع

قهـوهـ فرنسيـهـ

بما انج عطيتني الضوء الاخضر لاانتقادج

سوف اكون قاسيه عليج:eh_s(14):


أنا ألاحظ من خلال الردود الكثيرة لج قهـوهـ فرنسيـهـ

كل مررررررررره تطلعين لنا عن صفه متنقاضه من شخصيتج



ومايحتاج اني اطلع مقالاتج .. او اقتباساتج من خلال ردودج


ترى الشواهد واجد والأدلة الصحيحة ثابت عليج

لاتنكرين أقووووووول لاتنكرين

تبغين اجيب لج كم دليل

وانا مستعده اجيب لج

ليش هالتناقض الكبير الواضح فيج


الى هالدرجة انتي ضعيفه جدام البنات و كلمه توديج و كلمة تجيبج ياختي حرام عليج اللي سويتيه بنفسج


وترى فييج بعد طبع مب حلوه يا قهـوهـ فرنسيـهـ كل تبغين تراضين فلانه و علانه من الاعضاء في المنتدى

ليش ماتصيرين على رأى واحد :eh_s(14):


ليش ما توقفين مع الحق بس مره وحدها ليش هالمجاملات يا قهـوهـ فرنسيـهـ

تبدو شخصيتك واضحة وخاصة في مواضيع النقاشات والاراء

احس ان شخصيتج ضعيفه ..وثقتج في نفسج مهزوزه

ليش ماتصير شخصيتج قويه وعنيده

ترى اذا انتي ذكيه بعد احنا البنات نفهما وهي طايره




ترى مب حلوه المراة جذي

وانا ماقلت لج الا اني أحب لج الخير

ماهو دفاعك حول هذا الاستجواب​

 

[وهج الحب]

السؤااال التالي الى

++mesk++
,
,

++mesk++
وهذه تمثل وجهة نظري أنا ارى شخصيا فيج وقد أكون مخطأ أو مصيب في وجهة نظري
ولج حق الاعتراض
,
,
ألاحظ عليج ++mesk++في أغلب مواضيعج وردودج إن لم يكن كلها بأنج تميلين الى المزاح وعرض الرسومات الكرتونية

وعدم الجدية فيها وحتى وإن كان الموضوع ذات شأن وأهمية ...

أين الجدية ؟ ولماذا نفقدها منج ؟

الى هذه الدرجة تشوفين الأمور سهلة وبسيطة .

هل أسلوب المزاح وإضحاك الأعضاء هو مايشغلج ؟؟

لماذا لاتبدين وجهات نظرج بكل جدية ولماذا لاتسعىن إلى جعل المواضيع والردود تكون بأجمل صوره

بعيدا عن المزاح والضحك والهزلية في الكثير من المواضيع ؟؟

وأنتي قد لاتكونين هكذا باستمرار( ولكن هذا الانطباع السائد عليج )

فالمنتدى مرآة لآبائنا وآمهاتنا وقد يأخذون إنطباع سيء اذا وجدوا هذا المزاح الزائد عن حده.
ماقولك يا ++mesk++؟
وماهي الأسباب التي تجعل من العضوه ++mesk++تاخذ الأمور ببساطة الى هذه الدرجة ؟؟
لماذا لانرى رأيج الصارم في المواضيع ؟؟
لماذا لانرى العضوه ++mesk++وهي تتألم بحسرى وتتألم لموضوع يخص مجتمعنا ؟؟

لماذا نرى ++mesk++تقلب الموضوع الجدي الى موضوع فكاهي ؟؟

؟
رأينا منج ++mesk++الشات وقلب المواضيع من فكره معينه لاحد العضوات وبعدين تسوينها موضوع اخر لج

وتغيرين مسار الموضوع ... وخدعهم بحجة تبغين تحركين المنتدى ... وهل تحريك المنتدى يتم باستغفال الأعضاء بغض النظر عن وجهة نظري الشخصية

وهنا أنا لن أدخل في موضوع الشات منج الاخير احتفظ فيه بنفسي فلقد أخذ حقه... ولكن هي من باب التأكيد لكلامي
هل تشوفين ماتفعلينه هو الصائب ... هل هذا الأسلوب هو الذي سيحقق رغباتك بان تصير لج شعبيه في المنتدى

وتصيرين المراة الاولى في منتديات كويتيات النسائية


أم أن المنتدى فقط لتسلية و ( التقزير )


أنا هنا لا أقول أن نمتنع عن المزح والضحك ولكن لايجب أن يكون هو شخصيتنا في المنتدى ..

ننتظر ردج وانشاءالله بعد التعقيب على الردود والاكتفاء بردود الاعضاء سننتقل الى عضو آخر

تحياتي​

السلام:
انا ما قريت رد مسك الى الان ..بس ايش فيها لو كانت البنت تحب الضحك والغشمرة وحتى لو كان الموضوع جاد هذي طبعها انها ترد بغشمرة بس تبدي رأيها ..وانا بصراحة كم مرة لما اشوف الردود اللي تضحك افهم وتوصل الشئ سيده احس من المواضيع الانشائية المفخمة اللي الواحد ممكن يتملل وهو يقراها ...
والله من كم يوم كنت ارد على موضوع عن ايش تريد تقول لواحد فقدته ..وكنت ابكي بكاء مر وكأني طفلة ..بس مريت على كاركتير ورد يضحك نساني كل كان فيني وخلاني اضحك وصرت اذا بغيت اشوف الردود ابدي منه ..ترا الردود المضحكة تلطف الجو وتنعشة احسن من الردود اللي احيانا نحس ان الشخص فيها بس يستعرض عضلاته اللغوية فيها ..

 

[اسوووره]

حياج اسووره ماقصرتي

عاد ابغي مساعده منج معاي في هالموضوع علشان انتي تعرفين طبايع البنات معانا في المنتدى


وتستجوبينهم

سؤال موجه الى اسووره ؟
ليش تصفطين الأعضاء اللي يردون على مواضيعك
يعني يجي عضوه وتتعب على رده في موضوعك بس ماتردين عليه
هل مالج خلق ؟ أو إن العضوه ماتستاهل إني أرد عليها ؟ أو إنك تكتبين الموضوع وتخلين
الموضوع ولا تدرين شفيه ...
في رأيي عشان الاعضاء يتجاوبون معاك أكثر لازم تبينين إنك مهتمه بردودهم
كذلك
أحيانا العضو يكتب صفحتين من طوول موضوعه وبالاخير نتفاجأ بكلمتين منج
يعني تردين باختصار شديد على حسب مقولتك خير الكلام ماقل ودل .
بس ماتشوفين إن بعض الردود لابد تكون مفصله أكثر عشان نفهم وجهة نظرك أكثر ؟​

اممممممممم :gr4uu:

بالنسبه لمواضيعي فاهيا جدا قليله و عكس كلامج يا الغاليه انا احرص على موضوعي حرص كبير و هذا السبب اللي مخلي مواضيعي جدا قليله لاني ما انزله الا بعد ما اكون تعبت فيه و بتفاصيله و نقاطه و بعد ما انزله احرص اني ارد على كل عضوه مرت او ردت عليه حتى لو بكلمه ...

و تدرين عاد لمن اشوف عضوه راده على موضوعي بطريقه مطوله احاول كثر ما اقدر اني ارد على كل النقاط اللي اذكرتهم بردها و ما احب كللللللللللش اني ردي يكون اقل من مرورها و لو خذيتيلج طله على مواضيعي راح تشوفين هالشي بوضوح تام ...

و هالاسئله استوقفتني للرد عليها >>>>>>

يعني يجي عضوه وتتعب على رده في موضوعك بس ماتردين عليه
هل مالج خلق ؟​

مواضيعي مثل ما وضحت احرص فيها اني ارد على كل الردود حتى المختصره بكلمة شكر لي اختصرها بكلمة شكر لمرورها ...

أو إن العضوه ماتستاهل إني أرد عليها ؟​

ابدا ابدا ابدا خالص خالص :eh_s(6): لا حبيبتي انا كل العضوات خواتي و الموضوع اللي انزله اعتبره بيتي و هالعضوه اللي مرت عليه دشت بيتي و اقل واجب اقدمه اهو التحيه و الترحيب ...

أو إنك تكتبين الموضوع وتخلين
الموضوع ولا تدرين شفيه ...​

لا مستحيل اني اكتب موضوع و اتعب عليه من غير لا اجابله و اول شي اسويه كل ما ادش المنتدى اهو اني اطل على موضوعي و ارد على الردود قبل لا اتصفح المنتدى ...

بس ماتشوفين إن بعض الردود لابد تكون مفصله أكثر عشان نفهم وجهة نظرك أكثر ؟​

ان شاء الله يكون ردي مفصل و لقيتي فيه الاجابه الشافيه اللي توضحلج اسوووره بطريقة صحيحه ...




يعطيج الف الف الف عافيه حبيبتي استجواب راقي و طرح مميز و عندي ملاحظه راح اذكرها بالاستجواب الاول لي اللي راح يكون من نصيبج يا الغاليه :ggdw:

حياج اسووره ماقصرتي
عاد ابغي مساعده منج معاي في هالموضوع علشان انتي تعرفين طبايع البنات معانا في المنتدى

وتستجوبينهم
​

ربي يحييج و يبجيج حبيبتي ... و غالي و الطلب همبا :eh_s(6):


وفي الحـــــــلقه القـــــــــــــادمه

^

^

^

^
البث المباشر لحلقة >>>> جلسة الاستجواب مع العضوه ( كبرياء امراة ) :eh_s(4)::eh_s(4)::eh_s(4):

 

[اوراد العشق]

ناااااااااااااااطرين بعد استجواااباااااااااات سااااخنه

ههههههههههه

 

[tmtmt]

اشوى اني كنت اول وحده جنه كل مره الاستجواب يكون قاسي اكثر من اول

 

[كبرياء امراة]

ناااااااااااااااطرين بعد استجواااباااااااااات سااااخنه

ههههههههههه

اوراد العشق

أشكرج على تواجدج معنا اختي وأرجوا أن يكون صدرك رحب لتسمعي مافي خاطري عليج
أختي الفاضله اوراد العشق

لماذا نرى الاحتجاج والاعتراض منج من بداية افتتاح هذا المنتدى
وكأنك تقوووولين
هذا المنتدى خاطيء خاطيء في كل شي:eh_s(14):
دائما تبنين المواضيع وردود الأعضاء من مبدأ الظن والشك وخاصة في واحة الزوجية
لاتقبلين بالأفكار الجديدة هناك دائما تعترضين على واحة الحياة الزوجية ومواضيعها
وبالرغم من هذا لانرى منج المواضيع ولا الردود ( تحردين علينا وعلى المنتدى )
وكأنك تقوولين هذا المنتدى لا فائدة منه كونه لايرتقى للمفهوم الصحيح للمنتدى

ويوجد معنا بنات عزاب
فانتي بااختصااار
صعبها صعبها صعبها:eh_s(14):
أقولها بكل ماتنعيها من كلمة
لاترحبين بترفيه الأعضاء لاترحبين بمواضيع الواحة الحياة الزوجية الغزلية لاترحبين بمواضيع التي يكون فيها تغزير حيييل



في الكلام عن الزوج والزوجة وضرب الجربه ... وكأنك تقول أن العضوه من المفترض ان لاتتكلم هكذا


لماذا كل هذا الشك التي نتلمسها في مواضيعك وردودك
لماذا كل هذه الحشارة الزائدة منج ؟؟:eh_s(14):
لماذا تعترضين باستمرار ؟؟
لماذا لانرى منك تشجيع للمنتدى وأعضاءه ومشرفينه ؟؟
لماذا تنتقدين كثيرا ؟
ألا ترى هذا الأسلوب ينفر الأعضاء من المنتدى ؟؟

فالمنتدى من بداياته وأنتي تعترضين على الكثير من سلوكياته
ولكن أين الحل اذا أنتي من أكبر المنتقدين ومن أكبر المبتعدين في الفترة الأخيرة ؟
لماذا استسلمتي بكل هذه السهولة وتركت المنتدى بما حمل اذا كانت لديك نقاط ضعف فيه ؟
فردودك ووجهة نظرك تعطي احباط للمشرفين والأعضاء النشيطين !!!
ماهو في وجهة نظرك المنتدى المثالي وكيف نصل إليه في ظل المعطيات الموجودة
اي ماذا تريد ين بالضبط من المنتدى ومن أعضاءه كي يحققوا هدفج المنشود
؟
؟
أسألة كثيرة نترقبها ونحتااااج الى كامل الصراحة منج كما عودتينا​

 

[*قلب جابر*]

كبرياء امرأة<<عندي اقتراح ياليت اتقبلينه برحابه صدر.....انه موضوعج يكون فيه مناقشه للجانبين السلبي والايجابي بنفس الوقت...
حتى ممكن يصير توازن فيما بينهم,,,,,,,,,,,,,,,,,
وشكرا/////////////////////////////////

 

[UK_Girl]

انا متى ايي دوري ....مي فا صول لا سي

 

[غزلان]

انطر دوري

 

[بنات حواء2]

يحليلكم ليلحين
منو طلع برائه
و منو اعدام
ههههههههههههههه

 

[كبرياء امراة]

انا متى ايي دوري ....مي فا صول لا سي

UK_Girlوإن صح التعبير
غريبة الاطوار
بصراحة ياأخت UK_Girl مانفهم مواضيعك كلها حوسه في حوسه
مب قادر تجمع لنا فكره واضحة أو قضية معينة
تنتقلين من وادي الى وادي وبأسلوب مكرر .
أنت كاتبه بارعه ولكن للأسف مشتت في مواضيعك وأحيانا تستخدمين بعض الألفاظ التي ليس من المناسب
أن تذكرها ...
أحيانا يكون أسلوبك في الكتابة كالقناصه تحاولين بأي طريقة جلب الانتباه من خلال وضع صورك الرائعة في تصاميمك
وكأنك تقووولين تعالوا طالعوني شوفوني تراني موجود وفنانه بعد ...
القليل من الأعضاء الجادين اللي يردون عليج... أغلب اللي يردون عليك إهم أعضاء يحبون
الفرفشة والضحك والمزاح وبعيد كل البعد عن المواضيع الجدية .
و قد يكون لديج أفكار جدية ولكنك لاتستطيعين أن توصلينها لنا بطريقة دقيقة .
إنتي تتشتتين وتشتتنا معاك والكثير اللي يقووولون أدخل موضوع UK_Girlوأطلع منه
ولا أدري شنو قاااالت .
ليش ماتحسين في شعورنا وتكتبين مواضيع بأسلوبك بس بدون ماتطحطين بهارات زيادة
تخربين تعبك وجهدك في كتابة الموضوع .​

...

 

[happy&single]

يعطيج العافية
(( ترى مو دهان سيــــر ))

 

[كريستال ليدي]

النقد بدون تجريح ما يزعل

 

[عاشقة الكاكاو]

والله حلو الموضوع وااايد ابي اشوف رد قهوه فرنسيه

:ggdw::ggdw:

لا يوووووووووووووووقف