استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

الله يسلمج اخت بابونج، شكرًا على المؤازرة،الله يوفقج لكل خير

 

[قنوووعه]

سلام عليكم ....

الله يعطيك الصحه والعافيه ع الجهد الاكثر من رائع..

وعسى الله يكثر من أمثالك,,,


عندي سؤالين.. الأول يخصني انا اسناني العلويه الأماميه اللي بالواجه قطعت عصبهم بسبب الالتهاب وتغير لونهم الي اصفر وسواد خفيف طلب مني دكتور المستوصف بدال اسويهم تلبيس بالحكومه للناحيه الافضل والجماليه البسهم احدى المادتين

اللومنيير وهي الارخص والمتداوله والاخري الفنييير واهي الافضل لكن غاليه جدا السن الواحد350دك مارايك؟؟؟؟






سؤال الثاني بنتي عمرها8سنوات اللثه نازله اطول من الحجم الطبيعي ومتقدمه للامام مالحل؟؟تقويم لترجع اللثه للخلف لكن طول اللثه الزائد هل جراحه بعمرها؟؟




وشكرا

 

[د/ بدر حسين كرم]

الاخت قنووعة، يعطيج العافية
بعد في العديد من الحالات يتغير لون السن بعد علاج العصب. و هناك طرق تجميلية متعددة لإرجاع الشكل الجمالي لها
١ التبيض
٢ قشرة السراميك ( اللومنيرز او الفنير) وعلى فكرة اللومنير اهو المكلف مو الفنير
٣ التركيبات الكامله
و لتحديد الاجراء التجميلي الافضل لج لازم تزورينا العيادة عشان نشخص الحالة بدقة.
و نفس الشي ينطبق علي بنتج الله يحفظها.
هناك اجرءات كثيرة نقدر نعملها للأطفال قبل ما يكتمل نمو الفكين ، لان حالات التقويم ممكن نتداركها بسهول و الطفل لا يزال في طور النمو.
فحياج عندناالعيادة وانشالله نقدر انساعدج اكثر

 

[el7ob Klah]

السلام عليكم // صبآح الخير

يعطيك العافيه دكتور وشكراً لتواجدك بينا

دكتور انا ودي احط تقويم للاسنان العلويه

لان اول 6 بارزين لي برا بشكل واضح

حتا اسناني اذا سكرتها ماتلامس بعضها والسبب البروز

ودي احط بس خايفه من التجربه و المده اخاف تكون طويله

شنو تنصحني فيه وانا عارفه ماتقدر تعطيني رد 100٪ الا بعد الكشف

وشكراً لك

 

[طمطومه الحمرا]

السلام عليكم ورحمه الله وبركااته
اول شي يعطيكم الف عاافيه

دكتور انا اسناني مووايد اطوال بس في اثنين اطوال الي من الجدام
فيهم اشوية طوول زياادة وشكله موحلو لماا رحت الدكتور قلت ابي ابردهم يعني
اقصرهم اشوي مارضى يقولي لانه اذا سويتهم شكلج بيصير كبير جنج مراه
يعني شكلي بيصير اكبر من عمري وانا الحين عمري 18
ويقولي جذي احسن يبينون شكلج بنية صغيرة وبعدين اذا سويتهم بيتاذون ضروسي
من حمضيات ويصير فيهم حساسية
شنو قولتك دكتور عرسي قرب حييل وابي اعدلهم مااعرف شسوي
اي وقالي لثتج من فوق هو الي يبين شكله جذي
قال لانج حااكه اللثه بالفرشااه حييل بس انا ماافرجهم حييل وهم من
زماان جذي قال اذا تبين اعدل لثتج بس انا خفت
وقال الحين موضه الاسنان الطويله صج كلامه؟؟؟؟

ويعطيك الف عاااافيه والله يوفقك​

 

[د/ بدر حسين كرم]

السلام عليكم اختي el7ob Klah
التقويم بشكل عام اما وظيفي او وقائي او تجميلي.
انتي من وصفج انه حاجتج للتقويم تجميلي, وفي هالحاله انتي تقيمين حاجتج علي حسب رضاج من شكل اسنانج.
اذا كنتي متضايقه من شكل اسنانج سوي تقويم ولا تحاتين لانه الدكتور يقدر يعطيج ضمانات علي النتيجه النهائيه قبل العلاج.
اما الوقت فالدكتور يقدر يعطيج مده تقريبيه لانه الدكتور الشاطر احيانا يطول في (الفنش). وبالنسبه لي هذا اللي يميز الدكتور الشاطر. اقصد في الفنش اهو انهاء الحاله بصوره مثالييه.
وتقبل الله طاعتكم

 

[DisNey :*]

السلام عليكم و رحمة الله
ما شاء الله السيرة الذاتية متميزة منها للأعلى

أول شي دكتور مبارك عليك الشهر
،

دكتور بغيت أسئلك إذا الأنياب اللي بالفك العلوي نازلة هل التقويم يردها لمكانه و تصير مضبوطة ؟
و دكتور عندي القاطع الجانبي بالفك العلوي ( لبني ) يعني من أول من طلع لي للحين و أنا عمري 20 ما طاح و لا طلع غيره و الحمد لله سليم و ما فيه أي مشكلة عادي هالشيء و الا ما يصير لازم كل الأسنان دائمة ؟

و أيضاً لما كنت بـ أركب التقويم قالوا لي لأن الفك صغير لازم نشلع 4 ! 2 فوق و 2 تحت
عادي هالشيء !
و يعطيك العافية و آسفة لكثرة الاسئلة

 

[DisNey :*]

نسيت أقول لك راح أركب التقويم لأن الأسنان شوي مو مرتبة و ( أعتقد ) لأن الفك صغير !
و أيضاً شنو رأيك بمعجون سيجنال و سنسوداين ؟ و شنو المعجون اللي تنصحنا فيه
و جزاك الله خير

 

[د/ بدر حسين كرم]

الاخت طمطومه الحمرا
العلاج التجميلي تدخل فيه عوامل واايد ومن اهم هذي العوامل اهو راي المريضه. لانه بالنهايه احنا نسعى لارضاءها بالطرق المثبته علميا.
طول الاسنان الاماميات فعلا يحبونه وايد بنات بس بالنهايه مايتناسب مع الكل.
انصحج بالتواصل مع د يوسف الشهاب علي مقع dentallounge.ws وانشالله يفيدج اكثر

 

[Blue Lily]

السلام عليكم دكتور وتقبل الله طاعتكم ان شاء الله

انا بآخر مرحله من التقويم حاليا احط السيور المطاط
في شغله لاحظتها ان اسناني الفوق الضرس اللي خلف الناب على اليمين واليسار
اللثه فيه نازله جدا تقريبا مغطيه الضرس بالكامل ومضايقتني حتى يدش تحتها اكل
بس هالضرسين اللي فيهم المشكله
اقدر اقص اللثه الزايده اللي نازله عليهم؟ هل هو اجراء سهل ولايحتاج فتره قعده بالبيت؟ وكم يكلف تقريبا
وشكرا جزيلا لك

 

[د/ بدر حسين كرم]

الاختDisNey
السلام عليكم
وتقبل الله طاعتج
التقويم ممكن يصعد الانياب او اس سن لي فووق عن طريق (micro implant) ما اتوقع كل الدكاتره يستخدمونها.
السن المؤقت اذا ماطاح والجذر كامل وشكله مو مضايقج ماله داعي ينشال. لللللكن اذا السن الدائم موجود بالفك وانتي مسويه تقوييم فشيليه والدكتور يقدر يسحبلج السن الدائم.
خلع الاسنان قبل التقويم مافي مشكله لانه بالتقويم راح يسكر كل المسافات. وعلى فكره الدكتور يقرر الاسنان اللي تنشال على اساس حسبه معينه.
اي باقي المعاجيين
الاهم من المعجون اهو التنظيف الجيد بالفرشه بحيث ما تهملين اي جزء من السن ، اما المعاجين فكلهم زينين الاهم انج تنوعين بمعنى اذا خلص واحد استخدمي نوع ثاني.
ماخلاتي اساله حق البنات لوول
حياج الله اختي
وتقبل الله صالح الاعمال

 

[د/ بدر حسين كرم]

الاختBlue Lily
السلام عليكم
وتقبل الله طاعتج
صعود اللثه على الاسنان وارد جددددا بعد التقويم.
نعم ، ممكن تنقص بعمليه بسييطه جدا، وهو اجراء سهل انشالله.
تكلفتها ما اتوقع تتعدا 200 دينار.

 

[ام شريفه]

السلام عليكم دكتور الله يعطيك العافيه

دكتور انا توني خالصه من التقويم و الدكتور حطالي الرتينر الثابت و عطاني ريتينرمتحرك (شفاف) البلاستيك فوق و تحت و قالي لازم احطه علاقل 6 شهور..بس انا مو مرتاحتله يعور لثتي و اسناني و لمن اشيله احس تغير مكان اسناني و ما اقدر اعض

فهل في بديل ثاني للرتينر المتحرك؟؟

 

[I'm pepe]

سلام عليكم دكتور
أنا مشكلتي في سن واحد
قبل كان فيه جزء بس الحين راح كله
لما رحت المستشفى قالولي انه العصب لازم نشيله بعدين نسوي زراعة سن
سؤال الأول أهوة : يسير أسوي زراعة بدون ما أشيل العصب :
سؤال الثاني : هل إزالة العصب مألمة وراح أعاني منها طول عمري :
سؤال الثالث : شنو زراعة السن بالضبط :
سؤال الرابع : اذا كان صحيح أنه يحطون مسمار الى فك علشان يثبتون السن المسمار ما يصدي؟
سؤال الخامس : أنا معى حاله السن الكاشف لمده سنتين وهذا لأني أخاف من أبره الأسنان بشكل مو طبيعي
بقيت أسئل شنو غير الأبره فيه أبي شيئ ما أحس كلش
سمعت عن الغاز المضحك عندك بالعيادة ولا واذا أستعملته راح أحس بشئ وأذكر شيئ؟

أعذرني على الأسئلة كثيره
بس قاعده أحاتي على سني
وشكرا
أتمنى أنك بسلام
وسلام عليكم​

 

[el7ob Klah]

شكراً لك دكتور ع الرد

فعلاً انا ماعندي مشكله غير الشكل

يعني الي ابيه تجميلي

ان شاءالله تكون لي زياره بالقريب البعيد لك دكتور

لاني احس تعطيني الثقه من كلامك للاخوات ولي انا بعد

تسسسلم دكتوور

 

[حـوريـه]

دكتور يعطيك العافيه على الرد و سعة صدرك و عطائك
شكرًا بحجم السماء



عندي سؤال دكتور ،


عندي حشوة في الاسنان الامامية

لكنها مع الايام تصير أغمج من لون السن .. فـ تكون وآضحه و شكلها مو حلو

فـ بين كل فتره وفتره أروح الطبيب اخليه يبدلها عشان المظهر الجمالي

وتكون متوآسية مع لون السن

فـ أبي حل دائم لهالحشوة فمآ هي الحشوة الافضل واللي مايتغير لونها

وشكرًا لك

 

[د/ بدر حسين كرم]

الاخت ام شريفه
السلام عليكم
عاده بعد التقويم الدكتور يحدد اي رتينر يستخدم بالاتفاق مع المريضه...اقصد يا متحرك يا ثابت.
لللكن ، في بعض الحالات القليله تستخدم الثنتين.
وفعلا المتحرك مزعج بس مو لدرجه آلالم، احيانا يحتاج شويه تظبيط.
لكن مايصيير يحرك الاسنان..!!! راجعي دكتورج على هالموضوع.
ونصيحه لاااازم تستخدمين الرتينر عدلللل والا اسنانج بترد مثل اول خصوصا اذا كان فتره التقويم قصييره.

 

[د/ بدر حسين كرم]

الاختI'm pepe
السلام عليكم
1) زراعه الاسنان تتم بعد خلع السن كلله مو بس العصب.. اي انه الزراعه عباره عن وضع سن بديل للسن المخلوع.
اتوقع انه قصدج اهو ازاله الجذور...وهي نفسه خلع السن.
2) ازاله الجذور عاده تكوون بسييطه وكون في الم بسيط بعد الخلع... ومايخوف.

3)زراعه السن ببساطه اهي وضع زرعه من ماده تايتينيوم في العظم، بعد شهرين نركب سن في الزرعه الموضوعه مسبقا. وبجذي نكون حطينه سن بدال السن المخلوع.

4)لوول،،، المسمار (الزرعه) اذا كانت سنعه (معترف فيها) مستحيييل تصدي. وعشان جذي في زرعه ب 100 وفي زرعه 1000

5)غاز الضحك ما يغنينا عن الابره اهو يخلي المريض متعاون وهادي ومطيع... بعدين الابره والعلاج.
ولاتحاتين وايد

تقببل الله طاعتكم

 

[د/ بدر حسين كرم]

الاخت حـوريـه
السلام عليكم
الحشوات البيضه فيها هالعيب الشرعي اللي اهو تغير لونها مع الوقت اضافه اننها حساسه،، اقصد ان لها طرق دقيقه لتقليل هالمشكله. للكن حتى اذا اتبعنى الطرق الدقيقه بالضبط هم راح يتغير لونها بس مع المده الطويله (سنتين تقريبا) بالنهايه مثل ماقلت لج هذا عيب شرعي لاننه الحشوه تتنعم بالعياده.

البديل لها اهو التلبيس عن طريق التلبيس الكامل او الجزئي... واذا انعمل التلبيس على اصوله يعطيج مالايقل عن 7 الى 20 سنه.
اتمنى اني فدتج
وتقبل الله طاعتكم

 

[الدرة الغالية]

يعطيك العافية دكتور..

انا عندي كم سؤال وأتمنى أحصل الجواب عندك..

1- خلعت الضرس الاخير ومازرعت مكانه، هل ممكن يسبب لي اي مشكلة بسبب ان مافي ضرس؟

2- انا سبق وسويت عملية جراحية وشلت ضروس العقل كلهم + كان عندي سن في الفك العلوي، وهالشي صار تقريبا أكثر من 6 سنوات، لكن مكان السن اللي بالفك مازلت مااحس بهالمنطقة تقول جنها مخدره ياترى ليش؟..انا راجعت دكتور قبل فترة وقالي هالشي طبيعي ان المنطقة تم مخدرة فترة طويلة..انت ايش رايك؟

3- هالسؤال سبق وسألته كم دكتور بس هم أسألك ابي آخذ كم استشارة علشان اعرف شسوي بالضبط، انا عندي مشكلة تقريبا وياي اكثر من 3 سنوات في الفك، احس بألم قوي في الفك، من اسولف واضحك احس بالالم، حتى صعب علي افتح الفم بشكل طبيعي الفك عندي ينفصل ويرد مكانه، واسمع اصوات من هالعظمة واحس وجهي كله يعورني حتى الالم يوصل للأذن ودكتور الاذن قالي مشكلتج بالفك ولازم تعالجينها، المهم انا رحت لدكتور وقالي هالشي من النفسية، بس انا مااقتنعت بهالشي، وفي دكتور لما استشرته قالي النفسية تلعب دور بالالم بس مش العامل الرئيسي لهالمشكلة، انت شنو رايك؟..حتى لما اروح عند دكتور الاسنان ويطلب مني افتح فمي مب قادرة افتحه بشكل طبيعي ومااقدر اخليه يتم مفتوح وايد بسرعة اتعب..

وشي ثاني بالنسبة لنفس المشكلة، اذا خليته مثل ماهو وماعالجته ياترى ممكن تصير لي مضاعفات؟

شي أخير حابه أقوله،،

اللي نعرفه ان الاطفال يخافون من طبيب الاسنان، بس هم انا اخاف وقريت جميع الاسباب اللي ذكرتها يخلي الواحد يخاف، بس انا ولاسبب منهم تعرضت له، يعني احاول اني مااخاف واسيطر على عمري بس مااقدر، يعني جد جد انتوا تخوفون وااايد، مع ان زياراتي كانت كثيرة لدكتور الاسنان لإني كنت مسوية تقويم وسويت عملية وخلع وغيرها لكن للحين ماقدرت اتخلص من الخوف.

اعذرني على الاطالة،
وشكرا..