استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

الاخت الدرة الغالية
قلتلج يمكن تكون عظمه حاده!! لازم اشوف عشان اجزم
راجعي دكتور زين وانشالله يفيدج

 

[sosowaty]

السلام عليكم دكتور

مشكلة بنت خالتي ان ضرس العصب ملتهب و طايحة حشوتها و مكسور ربع الضرس و اذا تمضمضت تطلع لها رائحه كريهه

و خاصتا اهيه حيل اتخاف من خلع الضرس و تخاف حيل من الاسنان و شكرا

 

[sosowaty]

و اذا تمضمضت خاصتا صوب العصب يطلع نفس شي مفتت شنو هالشي دكتوور

 

[كنز الوفا]

الله يعطيك العافيه يادكتور وجزاك الله خير
عندي سؤالين إذا تسمح لي :

1- أنا سويت شهر 6 تبييض أسنان بزوم 3 متى أقدر أسويه مره ثانية وإذا سويته تتأثر أسناني ؟؟

2- قبل سنه سويت عند دكتور حشوه معدنيه وصار لي 3 شهور في ألم بالسن فهل الحشوه هي السبب ولازم أغيرها وإلا شنو أسوي ؟؟

مع العلم إن كل الحشوات إلى عندي بيضاء وهي الحشوه الوحيده المعدنيه وإلي فيها ألم مع الأكل والشرب

وبارك الله فيك

 

[كويتيه سبيشل]

اسلام عليكم

بغيت اسأل عن :

١) اللي يركب تلبيس للسن (الضرس) بعد علاج العصب
ممكن يسوي تبيض اسنان ؟



٢) كنت مسويه تقويم لفتره طويله (٧ سنوات) ولا حظت اسناني صارت ضعيفه من بعده بسرعه
تأثر وتسوس شلون اقدر احافظ عليهم ؟ ويصير ابرد الاسنان الاماميه ؟
وشنو احسن طريقه للتبيض في هاذي الحاله؟


وبس
ادري كثرة
قواك الله ويعطيك العافيه*

 

[د/ بدر حسين كرم]

الاخت sosowaty
السلام عليكم
السن لما نسويله علاج عصب لااازم يتلبس.. واذا ماتلبس راح ينكسر مثل بنت خالتج او يسرب من تحت الحشوه ويلتهب العصب مرره ثانيه...
الحين فيه حللين... 1) اذا باجي من الضرس كمميه زينه تسويله اعاده علاج عصب وتلبيس.
2) اذا رقم 1) مانفع خلع و زراعه.
والف لابااس

 

[د/ بدر حسين كرم]

الاخت
كنز الوفا
1) التبيض ماننصح فيه اكثر من مرره بالسنه...خصوصا مع التبيض التقليدي (حاار ويحسس الاسنان)
2) الحشوه اذا كان فيها الم اما انه يكون فيها عييب فتحتاج اعاده... او اننه تحتاج علاج ثاني (مثلا علاج عصب....مثلاااا)
وتقبل الله

 

[د/ بدر حسين كرم]

الاخت كويتيه سبيشل

السلام عليكم
ممكن تسوين تبييض بس حطي في بالج اننه التلبيس ماراح يتبييض...بمعنى اذا كان التلبيس بالواجهه لا تسوين اما اذا كان على جنب سوي لانه ما راح يكون وااضح.
احسن طريقه للحفاظ علي الاسنان اهي المراجعات الدوريه لطبيب الاسنان (2 الي 4 زيارات سنويه) والعلاج اوول باول.
التبييض انواعه وايد اانه افضضل السافاير لانه باارد ومايحسس الاسنان
تقبل الله صالح الاعمال

 

[كويتيه سبيشل]

شكرا اخوي على الاجابه

ما قصرت
قوااك الله

 

[اميره]

 

[حـوريـه]

يعطيك ألف ألف عآفيه على الاجابة

قوآك ربي وجزآك كل خير

 

[جوري ورديه]

السلام عليكم دكتور انا عملت سن تركيب وهو تمام بس الي مضيقني لون اللثه مكان السن المركب صار لونها بنفسجي فاتح
اما باقيه اللثه لونها طبيعي
هل هذا اللون يعتبر التهاب ام هذا طبيعي؟؟؟
وهل ممكن عمل شي لاعاده اللثه للونها الطبيعي مكان هذا السن؟؟

 

[د/ بدر حسين كرم]

الاخت جوري ورديه
السلام عليكم
مشكله تلون اللثه لها اسباب وايد اهمها انه يكون التلبيس مو مظبوط فحلا انه ينعاد او انه اللثه ضعيفه فتنزرع لثه في عمليه بسييييطه
واحيانا يكون الاثنين
تقبل الله

 

[جوري ورديه]

شكرا الله يعطيك الف عافيه

 

[لعبة ايام]

السلام عليكم

دكتور بسالك ؟ للثة متهلبة ينفع لها تقويم وبالاسنان فيها حشوات تجميلة ؟؟


واكون شاكرة لك

 

[د/ بدر حسين كرم]

الاخت لعبه الايام
السلام عليكم
الافظل عالجه اللثه وجميع التسوسات وبعدين التقويم عشان نتفادى مشاكل مستقبليه
اما وجود حشوات قديمه فعادي مايتعارض مع التقويم
وكل عام ونتي بخير

 

[غلا الرشيدي]

السلام عليكم
انا عندي بنتي عمرها ثلاث سنوات واسنانها متاكله بسبت الحليب و يعورونها بغيت اسال الدكتور بدر شلون اعالجهم ويصير اسوي لها عميله عشان يشلون الاسنان المتاكله لان بنتي تشتكي منها
ارجو الرد لان موضوع متعبني و محيرني

 

[NaaNoo87]

السلام عليكم دكتور لوسمحت عندي تسوس في الاسنان الاماميه بين الضرسين شنو افضل حل ؟

 

[د/ بدر حسين كرم]

الاخت غلا الرشيدي
السلام عليكم
خلع الاسنان اللبنيه دائما يكون الحل الاخير خصوصا انه الله يحفظها بنتج 3 سنيين ونص واول سن يطيح المفروض على 6 سنين للاسنان الاماميه اما الاسنان الخلفيه فآخر سن يطيح علـى 12 سنه.
فكون انه انشيل اسنانها الحين فالمسكينه ماراح تقدر تاكل عدل في الوقت اللي جسمها محتاج للغذاء الجيد، ثانيا : انها راح تحتاج تقويم في المستقبل، ثالثا (وايد اشوفها مهم) انه البنت المسكينه راح تكون نفسيتها موزينه لما تكبر وتحتك مع اليهال ويبدون يطنزون عليها وهذا ممكن يخليها منطويه و مو اجتماعيه واحيانا يكون سبب كبير لكره المدرسه.

اختي،،، انصحج بعلاج اسنان بنتج باسرع وقت قبل لا يكون الخلع اهو الحل الوحيد.

وتقبل الله طاعتكم

 

[د/ بدر حسين كرم]

الاختNaaNoo87
السلام عليكم
تسوسات الاسنان الاماميه تعتمد على حجمها.. اذا كانو صغار فالحشوات التجميليه اهي الحل الامثل
اما اذا كانو كبار فالقشره تكون افضل من الحشوات لاننه الحشوات تنفع لتسوسات الصغيره فقط
اذا تحبين تاخذين تفاصيل اكثر www.dentallounge.ws
اختاري lounge talk
د يوسف ماراح يقصر

تقبل الله طاعتج