استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

الاخت
الدرة الغالية
السلام عليكم
1) اي ضرس اذا انشال (عدا ضرس العقل) يكون له تاثير سلبي على المدى البعيدز لكن تتفاوت على حسب موقع السنزز انتي تقولين انه الضرس الاخير, اذا كان الضرس الخير رقم 6 فهذا مهم جدا جدا انه تزرعين مكانه.. اذا كان رقم 7 وفوقه في سن فهم مهم انه تزرعين مكانه. في حاله وحده بس تكون الزراعه اقل اهميه انه يكون رقم 7 مشيول وما كو فوقه سن.
للكن كقاعده عااممه... الزراعه مهممه جدا جدا.
2)الخدار بعد خلع اسنان العقل له سببين: 1. جرح او كدمه للعصب, في هالحاله انشالله يرد بس بعد ايام او اسابيع او سنيين.
2. قطع العصب, وفي هالحاله صعب انه يرد الوضع طبيعي.
اتوقع اننه انتي من الحاله (1) لانه الخدار مكان الخلع (حاله القطع يكون الخدار في نص الفك) فانشالله يرد مع الوقت... في دراسات جيده تقول اننه الفيتامينات تساعد على اعاده تهيأه العصب مثل B complex عباره عن ابره يوم وترك علي 5 جرعات موجوده في المستوصفات الحكوميه.
3) الفك سالفته طويله, باختصار: السبب الرئيسي فعلا النفسيه,,, اقصد اننه اغلب حالات الفك تكون من التوتر (امتحانات, محاتات المستقبل, اليهال.....الخ)
وقد يكون من اضراب في العضضه او من خلع ضروس العقل. هذي اهم الاسباب.
والعلاج على حسب السبب يتراوح بين انه مانسوي شي او تعديل العضه او واقي اسنان (anterior repositioning stent) او حالات قليييله جدا ابر كورتيزون بالفك... اما الجراحه فغير محببه لانه مشاكلها وايد.
اذا خليتيها من غير علاج ممكن انه يزيد و ممكن انه يتم نفس ما اهو وهم ممكن يروح في حاله اذا كانت سبب المشكله النفسيه.
لووول... احنا الكل يخاف مننه
بالنسبه للصغار نحاول نعالج الخوف. اما الكبار المهم انه الخوف ما يصيطر عليهم بمعنى.. انا اخاف من طبيب الاسنان بس لاازم اراجع كل كل 4 شهور عشان اذا في مشكله اعالجها قبل لا تزييد.... صح

 

[الدرة الغالية]

جزاك الله الجنة..مشكور دكتور على طولت بالك معاي..استفدت منك وااايد..

للكن كقاعده عااممه... الزراعه مهممه جدا جدا.

دكتور انا الضرس الاخير اللي انخلع هو السادس وفوقه في ضرس..انا الدكتور قالي ممكن يأثر عقب على الضرس الفوقاني..بس ما أكد علي اسوي الزراعة..بصراحة الزراعة تخوف احس فيها شغل وايد..ماادري انت ايش رايك؟..لإني انا مسوية تقويم ماابي هالاشياء تأثر على شكل اسناني عقب التعب اللي تعبته..اذا تنصحني ان الزراعة مهمة بالنسبة لحالتي احتمال كبير اسمع بنصيحتك واتشجع..

اتوقع اننه انتي من الحاله (1) لانه الخدار مكان الخلع (حاله القطع يكون الخدار في نص الفك) فانشالله يرد مع الوقت...

دكتور الخدار في الفك في الامام مش مكان ضروس العقل..مكان السن اللي كان داخل الفك..هو كان السن ناب في الفك وشالوه اثناء العملية..هذي هي المنطقة اللي احس فيها الخدار..في دكتور قالي ان هالشي طبيعي لإن العملية اللي سوها لج ماكانت سهله لإنهم قطعوا اعصاب وهالاعصاب مب سهلة وماادري ايش قال كلام وايد ...

3) الفك سالفته طويله, باختصار: السبب الرئيسي فعلا النفسيه,,, اقصد اننه اغلب حالات الفك تكون من التوتر (امتحانات, محاتات المستقبل, اليهال.....الخ)
والعلاج على حسب السبب يتراوح بين انه مانسوي شي او تعديل العضه او واقي اسنان (anterior repositioning stent) او حالات قليييله جدا ابر كورتيزون بالفك... اما الجراحه فغير محببه لانه مشاكلها وايد.

دكتور ..صراحة انا الدكتور اللي رحت له ربط المشكلة اللي فيني بدراستي لإني ادرس خارج البلاد..فقالي هالشي من نفسيتج من تخلصين بتنحل مشكلتج..بس دكتور جد انا مرات اكون عادية ونفسيتي عال العال واقعد اسولف واضحك وفكي يعورني حييييل ومااتحمل الالم..والدكتور عطاني شي مااعرف شسمه..بس مثل القالب شفاف على اساس استخدمه حزة النوم..بس وايد تعبني وكنت احس بالالام بعدين الدكتور قالي خلاص لاتستخدمينه وتركته..

اذا خليتيها من غير علاج ممكن انه يزيد و ممكن انه يتم نفس ما اهو وهم ممكن يروح في حاله اذا كانت سبب المشكله النفسيه.

انا بنتظر لين اتخرج ان شاء الله وبشوف شيصير معاي..لإن الدكتور قالي ماابي اسوي لج جراحة لإنها مب سهلة وبتعبج وايد..اصلا انا مستحيل اسوي جراحة..

لووول... احنا الكل يخاف مننه
بالنسبه للصغار نحاول نعالج الخوف. اما الكبار المهم انه الخوف ما يص
يطر عليهم بمعنى.. انا اخاف من طبيب الاسنان بس لاازم اراجع كل كل 4 شهور عشان اذا في مشكله اعالجها قبل لا تزييد.... صح

صح كلامك..بعدين احنا غلطانين مانروح لدكتور الاسنان الا حزة الالم..

دكتور عندي سؤال أخير..وسامحني على كثرة اسئلتي..

قبل سنتين جاني ألم فضيييع وقوي وااايد (تذكر المكان اللي قلت لك عنه اني سويت فيه عملية وشالوا سني من الفك) هو قريب من هالمنطقة بس فوق اكثر وكنت اصيح من الالم وماكانت المسكنات تنفعني ايامها ورحت المستشفى وسويت تصوير الدكتور قالي مافي شي..كل شي سليم..المهم بعد هالالم كله طلع مكانه مثل العظمة لونها ابيض وبارزة وتبين والحين صار الالم يجيني من فترة وفترة بس ماادري شنو هذا..شي غريب والجهة الثانية مافي شي مثله..ماادري اذا فهمت علي او لا..

 

[د/ بدر حسين كرم]

الاخت الدرة الغالية
السلام عليكم
- الزراعه مهمه جدا انج تسوينها... ماتخووف ابدا هالايام،، اللي يخوف كثره الدكاتره اللي يسوونها ورداء نوعيتها. اذا سويتيها عند واحد متمكن ويستخدم نوعيه معترف فيها دوليا انشالله تكون ممتازه وبسيطه. نصيحتي انج تسوينها.

- الخدار عاده يكون مع سن العقل اما الناب عاده يكون بعييد عن الاعصاب.. بس لو الدكتور قص العصب جان قاللج.
انشالله الخدار يروح مع الوقت(اهم علامه انه الخدار اليوم اخف من العام، اي انه يخف).

- الفك وارد جدا انه يخف لما تخلصين انشالله... القالب يضايق اول الايام بعدين تتعودين عليه وهو مهم جدا، وانه اسويه حق وايد مرضى حتى لو ما فيهم آلام فك... لانه يريح ويضمن توزيع القوه علي جميع الاسنان وعدم تركزها في مكان اكثر من الاخر وبالتالي يقي الفك من احتماليه الالام. (القالب لازم يكون يااابس مو طري والا مامنه فايده).

-لاتسويين جرااااحه.
اذا كان الالم يزيد مع اللمس ، فهذي عظمه من مكان الخلع... والمفروض انه يكون راح الالم... اما اذا الام مازال موجود فممكن من اشباب كثييره جدا.. آسف احتاج تفاصيل اكثر.

والف لاباس انشالله

 

[الدرة الغالية]

السلام عليكم
نصيحتي انج تسوينها.

وعليكم السلام والرحمة..
بس برايك وين احسن في العيادات الخاصة او المستشفيات الحكومية؟

انشالله الخدار يروح مع الوقت(اهم علامه انه الخدار اليوم اخف من العام، اي انه يخف)..

بس مب شي غريب انه يتم اكثر من 6 سنوات؟..حتى شكل الخياطة واضحة وتبين..

(القالب لازم يكون يااابس مو طري والا مامنه فايده).

يابس!
انا اللي عندي جنه مطاط مب يابس بس قوي..

اذا كان الالم يزيد مع اللمس ، فهذي عظمه من مكان الخلع... والمفروض انه يكون راح الالم... اما اذا الام مازال موجود فممكن من اشباب كثييره جدا.. آسف احتاج تفاصيل اكثر.

هي قريبة من مكان الخلع جايه على فوق..الدكتور كان يحط صبعه على مكان العظمة بس عادي مااحس بألم..والالم يجي ويروح وألمه مزعج حتى العظمة بارزة حتى لما احط صبعي واتحسس يبين ان في عظمة في شي داخل..اممم انا بقولك وين مكانه بالضبط..هالجانب انا ماعندي ناب عقب ماشالوه اثناء العملية، فصار ماعندي ناب السن اللي مابعد الناب ماخذ مكان الناب والعظمة صايرة فوقها على طول..

والف لاباس انشالله

جزاك الله ألف خير دكتور على التجاوب..دكتور لو كنت في الكويت جان جيتك العيادة على طول بس انا مب من الكويت واستفدت وايد من استشارتك..مشكوور..

 

[يوم السفر]

جزاك الله خير

سؤالي لشخص عنده سكر واسنانه يحس انها تخلخل يعني مو ثابته مافي طريقه او علاج تثبت الاسنان وتقويها مايعاني من تسوس ولاشي


وسؤال اخر ضرس العقل له عمر محدد وهل يالم كل الناس وفيه ناس عادي تعيش فيه مايسبب لها شي لان متخوفين من الخلع والسكر مع الخلع مضر او عادي ؟؟

 

[كوكو لاتي]

السلام عليكم

بنتي عمرها سنه ونص اسنانها الاماميه اللي فوق فيهم مثل خط بالنص محفور شوي الضرسين نفس الشي

ومن اجيسه تصرخ يعورها مثل الاسنان الحساسه لما يحوشهم شي بارد اتوقع يصير فيها نفس الشي

حتا لما افرش لها من افرش اجرب صوب هالضرسين تبجي مادري من شنو؟؟

 

[I'm pepe]

السلام عليكم
وعليكم السلام
لوول،،، المسمار (الزرعه) اذا كانت سنعه (معترف فيها) مستحيييل تصدي. وعشان جذي في زرعه ب 100 وفي زرعه 1000
أنا توني سويت بحث صغير
بقيت أعرف شنو أحسن الزرعة ؟​

1- الفرنسية TBR
2- الألمانية XENON
3- الأيطالية LEADER
4 - النمساويةIHDE

​

فك الأعلى سني أسمه من الصورة first premolar (bicuspid
شلون الكثافة مال العظام مكان السن وشنو أحسن زرعة له من الصناعة
يقولون الأسعار تختلف بسبب العملية
بس أنا بسأل و أبي أشتري السن و الزرعة و أبي يكونون ثقة أنهم نقيين
أبي الزرعة التيتانيوم Titanium نقـــــــــــي وسن الزيركون المغطى بالخزف
أنته دكتور خبره بالموضوع وين أحصلهم؟؟ ومنو ثقة؟؟؟؟
أبي هالزرعة عندكم بالعيادة؟

غاز الضحك ما يغنينا عن الابره اهو يخلي المريض متعاون وهادي ومطيع... بعدين الابره والعلاج.
معقووووولة الطب الحديث ما أخترع ولا شيء غير الأبره
وبقيت أسئل يسير تزود الجرعة على الغاز علشان ما يأخذ أبره
يسير يغز الأبره فيني بدال حلجي لوووووول؟!
صج انه بعض العيادات عنها جهاز مثل تلفزيون يلبسه المريض وما يحس بشيء
يسير ألبسه وقت عملية الزراعة؟ ولا راح أكون نايمة؟
ولاتحاتين وايد
شلون ما أحاتي أنا صج الأبره عندي قضية كبيره ,أبي حل ثاني

تقببل الله طاعتكم
تقبل الله طاعتك :eh_s(17):​

 

[د/ بدر حسين كرم]

الاخت الدرة الغالية
- والله الدكتور الشاطر موجود بالخاص و بالحكومه فماقدر ارشحلج احد مو بالكويت
-صح واااايد غريب!!!
-القالب الطري للتبييض ،مو لعلاج الفك!! بالعكس يخليج تعلجينه فيزيد الضغط علي الفك.
-اختي العزيزه احنا نجتهد عشان نفيد بالعلم اللي الله عطاننيا حق اهل الكويت وغير اهل الكويت

وتقبل الله

 

[د/ بدر حسين كرم]

الاخت غادهـ
السلام عليكم
السكر بحد ذاته(خصوصا اذا كان غير منتظم) يضعف اللثه والاسنان من غير سووس، لانه المشكله عامه (السكر).
-ضرس العقل ماله عمر محدد، اذا كان طالع كامل نخلييه، الا اذا طالع غلط او في مشكله او قد يؤدي الى مشكله فالخلع لابد مننه.
- الان، السكر ابدآ مانحاتيه اثناء الخلع او الجراحه... لانه اللي فيه سكر كننه نخاف من نزيف او التهاب بعد الجراحه(لانه عمليه الالتئام بطيئه) لكن نتغلب علي هالمشكله في استخدام مواد طبيه لايقاف النزيف، ومضاد حيوي (احيااانا) لمنع احتماليه الاتهاب
تقبل الله

 

[د/ بدر حسين كرم]

الاخت كوكو لاتي
السلام عليكم
عمر سنه ونص نادرا ما يكون حساسيه!!
ممكن يكون سووس وممكن تكون الله يحفظها طايحه؟
انصحج بمراجعت طبيب اسنان عشان الفحص والعلاج
والله يحفظها انشالله

 

[ريف الخفوق]

السلاااااااام عليكم لو سمحت اختي ضرسها ملتهب مرررره سؤالي يقدرون يسوون فيه شي وهو ملتهب او اذا راح الألم

 

[د/ بدر حسين كرم]

الاختI'm pepe
احيييج وااايد على البحث الحلو لكن لازم تعرفين:
-كل دوله من اللي قلتيهم روواد في الزرعات وغيرهم بس كل دوله فيها وااايد زرعات و منتجات.
-انتي مايصير تشترين الزرعه وتروحين حق دكتور ويركبها لاننه كل زرعه لها (drils and tools( خاصه فيها.. انتي لازم تروحين حق دكتور وهو يقوللج اي نوع يستخدم.
-حالات الزراعه عندنا يسويها د يوسف الشهاب (اخصائي زراعه وتجميل) يستخدم Astra Tech
-لوول اي والله ماكو بديل للابره:[
وحياج الله

 

[د/ بدر حسين كرم]

الاخت ريف الخفوق
السلام عليكم
اغلب حالات الالتهاب نعالجها على طول ومن غير مضاد... المضاد وفق التوصيات الحديثه قنن بشكل كبير
لللكن في بعض الاحيان (النادره) نعطي مضاد قبل العلاج.*

 

[تمنيتك]

يعطيك العافيه دكتور

اختصاصك اطفال صح ؟

مادري حبيت اسئل علي لثه اذا عندك خبره .. انا وايد تنزف لثتي من جدام .. مسويه قص لثه وكنت مركبه اسنان الجدام مؤقت بس شغل الدكتور كله وقف بسبت اللثه تنزف وايد .. دكتور التركيب قالي لازم زراعه لثه !

ابي دكتور اختصاصي لثه ؟ صج صج عانيت وايد وشغل تركيب وقف واحس لثتي نزلت مره ثانيه !


واذا ماعندك علم فانا اسفه علي المداخله ​

 

[DeCToOoRa]

y36ek el 3afya dr

ana swait bleaching mn 2 weeks lazer w 9ar 3endy inflammation w hl esboo3 bd2 y5f
bs feh 7rka bl upper central w 5ayfa y5trb shklhum

w 3endy moshkla bl occlusion .. y3awr lma a9krhum 3la b3'9 .. adree stress w chthy
bs aby 7al t3bt .. mra 9krthum eb8wa w '9l el 3war 3 weeks w ma8dr ab6l .. 7ta lower cusps t'3yr shaklhum looooool

w 3la 6ool t6l3li 7bob .. y6wl m3ay w 7da yt3b .. lw t3rf shay y5ffah

w bs
thnxxx a lot

 

[الدرة الغالية]

اختي العزيزه احنا نجتهد عشان نفيد بالعلم اللي الله عطاننيا حق اهل الكويت وغير اهل الكويت

وتقبل الله

منا ومنكم..

جزاك الله الجنة وربي يوفقك..ويحقق أمانيك ياااارب..تسلم يادكتور..

اسمح لي مارديت على النقطة الاخيرة، انا شرحت مكان الالم بالنسبة للي تشبه العظمة بفكي؟
ياترى شنو سبب المها؟ ولا الامر عادي؟

 

[د/ بدر حسين كرم]

الاخت
تمنيتك
السلام عليكم
اذا عمليه اللثه سووها عدل المفرووض يكون في نزيف خفيف!!
وبعد شهرين تلبسيين عادي
اذا تبين تفاصيل اكثر
د. يوسف الشهاب اخصا~ي زراعه وتجميل وهالعمليات جزء من تخصصه
www.dentallounge.ws
click on Lounge Talk
وتقبل الله طاعتج

 

[د/ بدر حسين كرم]

hi DeCToOoRa
inflammation min bleeching ?!! yemkin qa9dich Ulceration lama el whitining agent touch el gingiva
any way 7mdlla ena ra7
7arak fe up cntral ??!! noway ykoon min bleeching
check with colleage
if u mean TMJ problem becouse of occlusion disturbance?? adjuct ur occlusion wenshalla immediatly u will feel improvement
amma etha can displacement without reduction (ya3ne ya3llq) fa u need (anterior repositionig stent ) wekoon HHHHHaard not soft or medium
le7boob laha waayd asbab??!!
wenshalla t9ereen dktooraa

 

[DeCToOoRa]

hi DeCToOoRa
inflammation min bleeching ?!! yemkin qa9dich Ulceration lama el whitining agent touch el gingiva
any way 7mdlla ena ra7
7arak fe up cntral ??!! noway ykoon min bleeching
check with colleage
if u mean TMJ problem becouse of occlusion disturbance?? adjuct ur occlusion wenshalla immediatly u will feel improvement
amma etha can displacement without reduction (ya3ne ya3llq) fa u need (anterior repositionig stent ) wekoon HHHHHaard not soft or medium
le7boob laha waayd asbab??!!
wenshalla t9ereen dktooraa

thnxxx
ana kl ma aro7 7g doctor y8oli mafy ay moshkla .. w el7bob nfsya .. nfsya .. nfsya malet

w y8ol t'9'36en 3la asnanch 7eel ..

t7sft swait laser .. mn b3dha my gingive w upper anterior madre shlmoshkla bs feh shay m'9ay8ni 7ta lma a76 lsani

 

[تمنيتك]

الاخت
تمنيتك
السلام عليكم
اذا عمليه اللثه سووها عدل المفرووض يكون في نزيف خفيف!!
وبعد شهرين تلبسيين عادي
اذا تبين تفاصيل اكثر
د. يوسف الشهاب اخصا~ي زراعه وتجميل وهالعمليات جزء من تخصصه
www.dentallounge.ws
click on lounge talk
وتقبل الله طاعتج

يعطيك الف عافيه دكتور
دشيت الموقع واخذت العنوان وان شاالله باخذ موعد واروح له
ومنا ومنك ان شاءالله ​