اطباق لذيذه ( سهل - متنوع - منقول - متجدد ) تابعونا

[بطه فيها نطه]

كيكة الطبقات بالمشمش







منقوله من : الريم



المقادير:




مقادير أي كيكه تعجبك لكن تكون رفيعه يعني في صينيه كبيرة

بالنسبة لي هذه مقاديري اللي عملت فيها الكيكه

للكيكه :


2 كاس طحين منخول

3 بيضات

1 ونص كاس سكر

نص كاس زيت

نص كاس حليب سائل

ملعقه صغيرة فانيليا

ملعقه كبيرة بيكنج باودر



الطريقه :



تعمل الكيكه بالطريقه المعروفه وتصب في صينيه مفروشه ورق زبده وتدخل الفرن

وترى ما تاخذ وقت امكن ربع ساعه وهذا شكلها بعد ما قطعناها مستطيلات تكون نفس مقاس صينيه الكيك

الانجليزي او قالب توست






مقادير الكريمه :




كريمة كويك ويب صغيرة مقاس 250

1قشطة
5 ملاعق سكر بودرة

تخلط مع بعض حتى تتماسك الكريمه وتدخل الثلاجه حتى تبقى باااردة

نخلط 2 ملعقه مربى مشمش + نص ملعقه صغيرة قرفه مطحونه

تخلط وندهن بها بين الطبقات



للصوص :



2 ملعقه كبيرة مربى مشمش

ثلث كاس ماء

1 ملعقه صغيرة نشاء

قطرة من لون برتقالي

عصرة ليمون




الطريقه :


تخلط المقادير مع بعض وتوضع على النار الى ان تثقل المقادير وتصفى وتترك الى ان تبرد

حبااات من المشمش للوجه وفستق مجروووش ( انا ما لقيت مشمش حطيت خوخ )


ناتي للعمل:


نضع طبقه من الكيك ثم ندهن بالمربى المخلوط مع القرفه دهن خفيف






ثم نضع حوالي 3 ملاعق من الكريمه ونوزعها زين





نكرر الطبقات على حسب رغبتك عدد الطبقات انا حطيتها اربع طبقات وندخلها الثلاجه الى ان تتماسك جيدا

نخرجها من الثلاجه ومن القالب وهذا شكل الطبقات







ندهن القالب من جميع الجهات بالكريمه





نرص حبات المشمش على الوجه





نصب الصوص على حبات المشمش ونحاول ان نصبه على الاطراف ونرش الفستق بين حبات المشمش

وهذا شكل القالب

 

[جلكسيه اس 3]

مااااااا شاء الله خوش موضوع
و خوش اكلات

كملوووووو

 

[غلا الروح]

حيالله بطــــــــــــــــــــــــــــــــــــــــــه

نورتي موضوعج مره ثانيه

 

[(كويتيه عسل)]

رد: اطباق منوعه من الحلويات والمقبلات والاطباق الرئيسيه/ منقولة لعيونكم من عالم الفيس

الكبه بلبن

منقوله من : الاخت سوسن

الطريقة :

بتعملي حبة الكبه حجم أصغر من الحجم المعتاد... ثم إقلي الكبه بالزيت وضعيها على محارم لتمتص الزيت... ثم بتجهزي اللبن بالطريقه المعروفه زياده على إنها تكون كثيفه ويضاف... لها الثوم المدقوق والكزبرة المحمصين بزيت نباتي
أضيفي اللبن للكبه عند التقديم
وزينيها بالكزبره الطازجه وصحه وعافيه

موضووووووووعج عجيييييييب

بس يا قلبي شلون نسوي صلصة اللبن انتي كاتبه معروفه موكاتبه التفاصيل
انا مااعرفها

 

[ركووزه]

حيا الله بطه وين هالغيبه

لا تخلينا مره ثانيه ترى تعودنا عليج

وعلى وصفاتج الرووووووووعه

 

[(كويتيه عسل)]

وين بطوطه ؟؟؟ اااااااااب

 

[لبنه بالزعتر]

من طول الغيبات

ناطرين الغنايم ههههههه

 

[أحلى همبه كويتية]

well come back bataaaaaaaaaaaaaaaaa

نورتي نورتي بطوطة
الف حمد لله على سلامتك
​

 

[78MariMar78]

تسلم ايدك بطة

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

بآآآآآآآآآآآآآآآآآآآك

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

الساندويش الايطالي
​

المقادير:
دجاج فيليه مقطع مربعات صغيره
فلفل رومي مفروم
بصل مفروم
ملح فلفل
جبن شرايح
الصوص
مايونيز+شطه+كاتشب

وطبعا صامولي


الطريقة:

على النار نكشن البصل بشوية زيت زيتون
لححد مايذبل

ثم نضع الدجاج ونحرك حتى يبيض لونه

ونملحه ونبهره ونحط الفلفل الرومي ونخليه ع النار حتى يستوي بس انتبهي لايجف زيديه مويه
وغطي عليه


نجي للصوص ونخلط مكوناته مع بعض

نجي للعمل
نفتح الصامولي ونشيل اللب اللي جوى
ونخلط الدجاج مع الصوص وكل ماكثر الصوص كان اطعم
ونعبيه بالساندويشات
ونحط شرحات الجبن ع الدجاج
ونلف الساندويش بقصدير وندخله الفرن او الميكروويف حتى تسيييح الجبنه
وهذا الشكل النهائي

​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

مكرونة فيتوشيني​

المقادير + الطريقه ..
- مكرونة فيتوشيني مسلوقه في مويه وملح ..
وأنصح مآتحطون شوي زيت .. لأنها تخليهآ تنشب مع بعضهآ ..

- صدور دجاج نقطعها صغار مره ، نحمسهآ في شوي زيت وبصل ..

- 1 قشطه + نص كوب قشطة الخفق ، نضيفهآ على صدور الدجآج ونحركهآ ..

- نضيف الدجاج على المكرونه ، ثم في صحن التقديم وتقدم على طوول ..
وبالعافيه يارب ..

​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

حمص بالخلطه




المقادير والطريقه سوا

اول شيء الحمص
بالخلاط ( حمص حب بدون مويتها + علبة قشطه + عصير ليمونتين + ملح + ثوم + زيت زيتون )
وبعدما تنخلط نضيف كوب طحينه ونخلط من جديد

نقدمه بصحن التقديم ونجي نسوي الخلطه

فلفل ملون + فلفل حار + طماطم + زيت زيتون + ثوم + كزبرة وبقدونس مفروم فرم خشن + ليمون

الطريقة
نشوح الثوم على النار مع زيت زيتون كمية كثيرة تقريبا نص كاس صغير اذا الخضار قليله ربع
نحط الفلفل وبعدها الطماطم ونشوح ثم نسكر النار ونضيف البقدونس والكزبرة بعدها نضيف عصير الليمون ورشة ملح

ونحطه فوق الحمص


​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

صينيه ستيك الدجاج بالزهره




المقادير والطريقه سوا

صدور دجاج نقطعها بالطول ونضربها شوي عشان ماتكون سميكه
نغطي كل ستيك بالخلطه ( نص كاس دقيق + ملح + فلفل اسود + ملعقتين كبار بابريكا )
وتدخل الفريز ساعتين

نجي للزهره
تقطعين الزهره وسط مو صغيره مره ولا كبيره مره ونغطيها ( ببيضتين + ملح + فلفل اسود )
ونقليها

نرجع للستيك ونقليه ونصفه بصينيه التقديم

نجي لخلطه الزهره :

نشوح على النار بزيت زيتون بصل شرايح + فطر شرايح + فلفل ملون شرايح
تشويح بسيط ونضيف بعدها ماجي + ملح + فلفل اسود
ونضيف لهم الزهره المقليه ونطفي النار

بالخلاط ( 3 علب قشطة طازجة المراعي + ربع كاس خفق + 4 فصوص ثوم + علبة لبن سايل أبو ريال )
ونضيفها على خليط الزهره ونحركهم سوا ونحطها فوق الستيك

نرش اخر طبقه جبن موزريلا وتدخل الفرن من فوق مجرد مايذوب الجبن



هذا شكلها قبل تدخل الفرن

​

 

[حبر العيون]

يسلموووووووووووووووو اطباق حلوه​

 

[قلبين وسهم]

يعطيج العافيــه

وعـ ساج عـ القوه

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

1- الرز الصيني

</B>

المقادير :</B>

بصل مقطع طوال
دجاجة مسلوقة ومنتفة ( نحتفظ بالموية حقته لأننا نحتاجها)
جزرمقطع طوال
1 فلفل أخضر مقطع طوال
1 فلفل أحمر مقطع طوال
1 فلفل أصفر مقطع طوال
بيالة صوص الصويا
2 كأس رز
نصف ملعقة طعام بهارات + رشة هيل + رشة مسمار

الطريقة :

1-نغسل الرز وننقعة في ماء حار (صورة1)
2-نحمس البصل مع شوية زيت (صورة2)
3-يضاف الدجاج (صورة3)ويقلب معة ثم تضاف الملح والبهارات ويترك

على نار هادئة 10 دقائق

4-نضيف صوص الصويا على الدجاج (صورة4)ونطفي النار ونتركها لما

تفتر شوي
5- نضيف له الفلفل والجزر (صورة5) بدون ما نشعل النار ونحركها
6- نسلق الرز في ماء الدجاج لما ينشف
7- نضيف له خلطة الدجاج ونحركها بحرص (صورة6) ونقدرها زنتركها على

نار هادئة 15 دقيقة

والحين صارة جاهزة

​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

الفتوشيني

</B>

المقادير : </B>

فتوشيني
نصف لتر كريمة خفق
جبن سايل
بصل مقطع طوال
1 فلفل رومي أخضر مقطع طوال
1 فلفل رومي احمر مقطع طوال
1 فلفل رومي أصفر مقطع طوال
صحن دجاج فيلية

الطريقة :</B>

- نحمس البصل في زيت حتى يذبل (صورة1)
2- نضيف له الفلفل الملون (صورة2)
3- نضيف له الدجاج (صورة3) ثم نتركة على نارهادئة حتى ينضج

4- نسلق الفتوشيني في (ماء + ملح + مكعب ماجي + زيت )ثم صفيها (

صورة4)
5- نخلط الدجاج مع الفتوشيني (صورة5)

6- نسخن كريمة الخفق حتى الغليان ونطفيها ونضيف لها 3-5 ملاعق جبن

سايل (صورة6)
7- نخلط الكريمة مع الفتوشيني (صورة7)

8- نضعها في صينية التقديم (صورة8) ونرشها بجبن الموزريلا (صورة9)

وندخلها الفرن حتى تسخن وتذوب الجبنة

ونقدمها

​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

بطاطس بالسماق والبصل / ،








مررره سسهل ولذييييذ

المقادير :


2 بطاطس مقشر وقطع مكعبات
4 بصلات وسط مقطعه جوانح او حلقات
بقدونس مفروم
ملعقه كبيره سماق
ملعقه ملح
زيت ​

​

الطريقه :


اقلي البطاطس
وحطي البصل ع النار مع شوي زيت وقلبيه لين يذبل بس
مانبيه يتحمر بس يصير شفاف حطي البطاطس فوقه
قلبيهم شوي ورشي البقدونس عليه
حطي الملح + السماق وقلبي شوي واطفي النار




​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

المطلقه / ،









المقادير :


3 ملاعق حليب بودره
3 علب قشطه
3 ماء < بعلبة القشطه
3 دريم ويب
3 كريم كراميل
بسكويت مطحون[ دايجستف ]


الطريقه :


نجيب صينية بايركس ونحط عليها الكراميل الاسود حق الكريم كراميل نصبه كله ونتركه





نجي للمقادير اللي فوق نحطهم كل ابوهم بقدر







ونخلطه زيييييييييييييين ونحطه ع النار







نتركه لين يغلي وطبعآ نحركه كل شوي ،
اول مايغلي نطفي النار ونخليه يبرد شوي
بعد مايبرد نصبه في الصينيه شوي شوي







وآخر شي نحط البسكوت المطحون فوقه







نغطيه ونحطه بالثلاجه لين يجمد نقلبه وتصير طبقة البسكوت تحت [ القاعده ]
انا هنا ماكثرت بسكويت لان ماكان عندي الدايجستف العادي فـ حطيت بسكويت شاي وماكثرت
بالاخير
استمتعوا بالطعم ،

​