اطباق لذيذه ( سهل - متنوع - منقول - متجدد ) تابعونا

[umjassim]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

رووووووعة رووووعة
وأطباق سهلة وتفتح النفس
تسلم الأيادي يابنت ديرتي
وبانتظار باقي الأطباق
>>>>>> طلعي المستخبي هههههه

 

[بطه فيها نطه]

سلطه الزيتون بالورقيات الخضرا






منقوله : فهاوه



الطريقه والمقادير سوا

بصحن التقديم تحطين ( جرجير \ نعناع \ كزبره ) طبعا نفس ماهي مانقطعها ونشيل الغصن منها

ونحط فوقها زيتون اسود ونرجع نغطيها بالورقيات مره ثانيه

فوق السلطه شرايح طماطم وجبن شرايح مقطع مثلثات وتحطين فوقها صوص سيزر قيصر او

صوص ايطالي وترشين بديل جبنه او قطع جبن سلايس

 

[بطه فيها نطه]

سلطه الزهره







المقادير والطريقه سوا


زهره مغسوله ومسلوقه مع ملعقه كمون مطحون

نغمسها في ( نص كاس طحين + بياله مويه + رشه ملح + رشه فلفل اسود ) نقليها ونتركها على جنب

ملفوف + جزر + خس + بصل ابيض نقطعه شرايح رفيعه [ نقدر نستغني عن البصل ]

نفرشه بالصحن ونصف فوقه الزهره

الصوص ( زبادي + رانش + مايونيز + ليمون + نعناع مجفف + فص ثوم ) لاتصير ثقيله اذا ثقلت معك حطي

شوي لبن

وزينيه بعيدان بطاطس

 

[بطه فيها نطه]

سلطه الزعتر والزيتون الاخضر






المقادير والطريقه سوا



بصحن التقديم خس امريكي فوقه زيتون اخضر

تحطين فوقهم الصوص ( زبادي + رانش + مايونيز + ليمون + زعتر + فص ثوم )

اخر شيء خبز مقطع مربعات ومقلي بعدها نحمسه مع زعتر وشوي زيت زيتون

 

[بطه فيها نطه]

سلطه الفلفل الملون





المقادير والطريقه سوا



خس امريكي + خيار + فلفل ملون + ذره

تقطع جميعا وتنحط بصحن التقديم

نقطع طماطم شيري ( طماط مدور صغير ) ونحطه بالوجه بعدها الصوص

( زبادي + ثاوزند ايلاند + ليمون + نعناع مجفف + زيت زيتون + اوريجانو )

ورشه على الوجه سماق والجوانب بطاطس

 

[بطه فيها نطه]

تورتيلا الفلافل





المقادير والطريقه سوا



ندهن هالصوص على خبز التورتيلا او خبز صاج بهالصلصه :


( طحينيه + مايونيز + ماي + ليمون + فص ثوم + فلفل حار عند الرغبه )

الحشوه

( بقدونس + طماطم + خس + فلافل )

تقطع صغييير وتحشى فيها الخبز

 

[بطه فيها نطه]

صينيه ستيك الدجاج بالزهره







المقادير والطريقه سوا



صدور دجاج نقطعها بالطول ونضربها شوي عشان ماتكون سميكه

نغطي كل ستيك بالخلطه ( نص كاس طحين + ملح + فلفل اسود + ملعقتين كبار بابريكا )

وتدخل الفريز ساعتين

نجي للزهره

تقطعين الزهره وسط مو صغيره مره ولا كبيره مره ونغطيها ( ببيضتين + ملح + فلفل اسود )

ونقليها

نرجع للستيك ونقليه ونصفه بصينيه التقديم



نجي لخلطه الزهره :



نشوح على النار بزيت زيتون بصل شرايح + فطر شرايح + فلفل ملون

تشويح بسيط ونضيف بعدها ماجي + ملح + فلفل اسود + باربيكا

ونضيف لهم الزهره المقليه ونطفي النار

بالخلاط (2 علب قشطة طازجة المراعي + ربع كاس كريمه + 4 فصوص ثوم + علبة حليب ازرق او بارد حجم

صغير )

ونضيفها على خليط الزهره ونحركهم سوا ونحطها فوق الستيك

نرش اخر طبقه جبن موزريلا وتدخل الفرن من فوق مجرد مايذوب الجبن

 

[بطه فيها نطه]

ميني كنافه






كانت عندي قوالب الميني تشيز فقلت خليني استغلها واصلح فيها الكنافه


جيبي الكنافه وادهنيها بسمنه وشوي ولون الزعفران

ولبسي القوالب واحشيها ثم سكريها بشوي كنافه وفي الفرن

الحشوه

كاس مويه

7 م ك حليب بودره

في القدر على النار ثم

حطي 2 م ك نشاء ولما تبدى تثقل حطي

علبه قشطه طازجه صغيره

نص علبه قشطه

جبن كيري 6 حبات

واخلطيها زين ولما تثقل طفي النار

طبعا لا تنسون الشيره

 

[بطه فيها نطه]

بـف السمسم




كاسين ونص دقيق

ربع كاس زيت

ملح

ماء


تعجن وتفرد رهيييف وتحشى جبن ابيض مع بقدونس وزيتون مفروم

سكري الجوانب زين ادهنيها ببياض البيض ورشي سمسم وكثري

واقليها بالزيت الغزير

 

[بطه فيها نطه]

رولات البف باستري





بف باستري

حشوه دجاج ( دجاج مسحب + بصل + ثوم + بهارات + ملح + جزر مبشور )

بعد مايبرد نخلط الحمسه بالمايونيز ... وتكون جاهزه للحشي

افردي العجينه واقطعيها بالعرض

احشي ولفيها بيكون على شكل مستطيل

ادهنيها بالبيض وغمسي اطرافها بالبيض ثم السمسم

وتكونين جايبه الكراث وحاطته في مويه حاره علشان يذبل بس مو وايد

واربطيه على الروله

في الفرن محمى قبل واقصري عليه ربع ثلث ساعه في الفرن


لذيذه ومقرمشه

 

[بطه فيها نطه]

كيكه السن كويك







المقادير




بيضتين

نص كاس سكر

كاس دقيق

2 م ك سمن مازولا خاص بالكيك

بياله سن كويك برتقال

3 م ك حليب بودره

ربع او ثلث كاس مويه

فانيليا

م ص بيكنج بودر

كلها مع بعض اخلطيها بالمضرب

خمس دقايق تخلط ثم الصينيه مدهونه سمن ودقيق

المقدار شوي فانا دبلت المقدار في كيكتي هذي

نص ساعه وتكون جاهزه

لذيذه يابنات لا تفوتكم

 

[المكسيكيه]

بسلمووو

 

[ورده ولا كل الورود]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

رووعه تبارك الله

 

[جلكسيه اس 3]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

صينية الدجاج السهله اللذيذه​

​

-----------------------------------
4حبات بطاطس متوسطه مقطع صغير ومقلي
2 /3 حبات باذنجان مقشر ومقطع صغير ومقلي
صدر دجاجه ...خالي من العظم
بصله صغيره
فصين ثوم
2 علبة زبادي
ربع كاس جبنة كرافت سايل
علبة قشطة
ملعقة صغيره اوريغانو + ربع ملعقة صغيره فلفل أسود ++ أعشاب ايطاليه مجففه+ ملح​

الطريقه:
نشوح البصل بشوية زيت بعد مانقطعه قطع صغيره جدا..
ثم نضيف الثوم وبعده الدجاج بعد مانقطعه قطع صغيره ..
نقلبه على النار حتى يتغير لون الدجاج ويصير أبيض...
نضيف له الزبادي والقشطه الجبنه والبهارات والملح ...باقي المقادير ماعدا البطاطس والباذنجان..
نوطي النار ونتركه ربع ساعه..
نحط البطاطس والباذنجان بالصينيه...
ونسكب عليه خليط الدجاج..
ندخله بفرن مسخن مسبقا..
يتحمر بس من فوق وطلعيه..

وقدميه بالعافيه​

شكلها لذيذه
اشوي و اتخلص وبنجربها
واكيد حلوه
و مشكوره على المووع الحلوو

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

حلا التوفي​

الطريقة مع الصور:​

1- نحمس على النار (2ك حليب بودرة) حتى يشقر ثم يوضع في زبدية كما في الصورة :​

​

2- نخلط بالخلاط ( علبة قشطة + ظرف كريم كراميل + 1/2ك سكر + 1/4ك زيت ) ثم يصب الخليط على الحليب ويخلط حتى نحصل على كرة كما في الصورة ...​

​

3- نوزع ورق الحلى في صينية الكب كيك الصغير كما في الصورة ...​

​

4- نأخذ كرة صغيرة من عجينة الحليب وتكور ثم توضع في الورقة ثم يضغط عليها حتى نلبس بها جوانب الورقة طبعا لابد من دهن اليدين بالزيت حتى لاتلصق العجينة باليد كما في الصور ...​

​

5- نحضر بسكويت شاي مجروش ويوضع مقدار ملعقة صغيرة في تجويف الحلى...​

​

6- نحضر توفي ( نذوب 5 فنجان سكر على النار حتى يصبح لونة بني فاتح (( يفضل السكر الخشن )) ثم نضيف ملعقة واحدة فقط من القشطة نحرك بسرعة بواسطة ملعقة خشبية وعندما يتجانس نضيف 1/2 القشطة والقليل من حليب بوني ويحرك ) راح تحصلين بإذن الله توفي متجانس بدون مايتلكك كما في الصورة ويغطى بها البسكويت ثم تزين بالفستق الجروش وتدخل الثلاجة ...​

​

وتقدم مع القهوة وشوفوا الشكل الرائع والطعم الأروع ...​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

سلطة دوريتوس .. من اطباق دندونه


المقادير و الطريقه
صلصة الصوص الفرنسي
ملعقتان كبار مايونيز
ملح
خس مقطع
علبة ذره
علبة مشروم
علبة فاصوليا حمراء
فليفله خضراء بارده
جبس دوريتويس

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.


يخلط الجميع مع بعض ثم نكسر الجبس ويوخلط مع السلطه

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.


شكله مشهي والوانها جذابه


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.

ثم يوضع عليه الجبس وهو بالقطع الكبيره
بالهناء والعافيه

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 666x500.


​

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

تبووله



المقادير :

5 ضمات بقدونس مفرومة ناعم جدا



ضمة نعناع مفورمة ناعم



خمس حبات بندورة مفرومة ناعم او ( نصف كيلو )



كوب برغل مغسول و منقوع لمدة نصف ساعة و مصفى



كوب عصير ليمون



ثلاث ارباع كوب زيت زيتون



ملح + رشة فلفل اسود + رشة بهار + حبتين بصل مفروم ناعم




يخلطوا جيدا




ونضعها في طبق التقديم وتزين باوراق الخس

 

[قلب قلبها]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

واااااااااو

يم يم يم يمي

يسلمووووووووو

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

كبة توست خفيفة وسريعه..

المقادير:
كيسة توست منزوع الحوايف.. 2 علبة حليب أبو قوس
حشوة (حسب الرغبة)

أولا: نفرم التوست بالفرامة الكهربائية ثم نضيف له الحليب..

وهذي صورة العجينة بعد ماخلطناها مع الحليب..

وهذا بعد ماشكلنا العجينة..

وهنا بعد القلي...

 

[نورآ ..]

رد: موضوع لذيذ || »« مُنَوَّعَـآتِي // طبخآآت منقوله و سهله بآلصور »«

البان كيييك

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2048x1536.

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2048x1536.

المقادير:

كوب طحين

كوب حليب سايل

ملعقتين كبار سكر

ملعقتين كبار زيت او زبده

بيضه

رشة ملح

ملعقه كبيره بيكنج بودر

رشة فانيلا


اخلطي المقادير كلها بالخلاط اللي عندك

وبعدها صبيه على الطحين المنخول

اخلطي واتركيه نص ساعه تخمر شوي

على الصاج او مقلآيه امسحي بشوي زيت وصبي من الخلطه انا عندي ملعقه صغيره حقت غرف الشوربه
صبي على الصاج من غير ماتلمسي العجين بالمره وخلي النار واطيه اتركيه لين ماينشف وتطلع

الفقاعات على وجه البان كيك اقلبيها على الوجه الثاني واتركيها تتحمر

ادهنيها بالزبده ورشي عليها قطر البان كيك
البان كيك لو اكلتيه بدون ماترشي عليه شي بيكون سكره قليل يعني لآزم شي حالي فوقه

​