الأكاديمية العربية الأمريكية ثنائية اللغة

[سيدة الكويت]

رد: الأكاديمية العربية الامريكية..تعرفينها؟

أختى ((خذاك الموت)).....شنو سووا حق ولدج اختبار ؟؟ولازم تكونين معاه ولا بره؟

 

[خذاك الموت]

رد: الأكاديمية العربية الامريكية..تعرفينها؟

السلام عليكم ورحمه الله وبركاته

عن اختبارهم ... اول شي يت المدرسه قالت لولدي ( ليتس جوو ) كل كلامها ويانا كان بالانجليزي و الغريب ان ولدي فهمها لانها تتكلم و تاشر المدرسه كانت فلسطينيه بس جوازها كتدي ... تهبل وايد حبيتها ... اول شي ولدي خاف وما رضى يروح وياها... جان اقولها ممكن ايي معاكم قالت مو مشكله ... رحنا لصف بعيد و اهيا تمشي تسولف وياه و تقولنا عن الصفوف و تفاصيل عن المدرسه وجذي ... المهم وياها ورقه و ماسكه ثلاث الوان خشبيه ... قعدنا قالت لولدي بالانجليزي اكيد ... هذا اي لون ( وتاشر على الاحمر ) ولدي فديته بالاول تنح ... هههههههه


تالي تعيد السؤال و تطول بالها حيل ... بعد 5 مره جان يقولها احمر ...

المهم تاشرله على رسمه خط متعرج تقوله ارسم فوقه و تعيد السؤال لين يفهم و يسوي الي تبيه... بس وقام يلعب فديته و اهيا تكلمني انا ... وورتني الكتب اشكبرها عن الاحرف و الارقام و قالتلي مسكته للقلم مو مضبوطه خليه ياتمرن يلعب بالرمل عن البحر ...

و بس سلامتكم طلعنا قالتلي ولدج ذكي اسم الله عليه و قبلناه وبس

اتمنى اكون افدتكم حبيباتي

 

[سيدة الكويت]

رد: الأكاديمية العربية الامريكية..تعرفينها؟

اى عرفتها تيشر ..(.قلادس )تهبل صج روعه هذى مدرسه ولد اختى هذى عايشه بأمريكا جم مره شفتها بالحفله

الله يوفج ولدج يارب وتشوفينه معرس ان شاء الله

 

[خذاك الموت]

رد: الأكاديمية العربية الامريكية..تعرفينها؟

تسلمين يا بنت الكويت ... ربي يحفظ عيالنا و يبلغنا فيهم

 

[سيدة الكويت]

رد: الأكاديمية العربية الامريكية..تعرفينها؟

شلونج خذاك الموت ... الله... يا نكج حزين والصوره اكثر حزن تعور القلب.

الله يفرح قلبج يارب ويلبسج لبس الصلاح والتقوى

معانا وحده بالدوام سجلت بنتها بالمدرسه

عاد تقول راح يسوون اجتماع يوم مفتوح يوم 15-4 من الساعه 8ونصف صباحه لحد 12 الظهر حق العيالهم بيرحون كجى 1

اتصلى وتاكدى

 

[خذاك الموت]

رد: الأكاديمية العربية الامريكية..تعرفينها؟

سيده الكويت ... نكي و صورتي تعبر عن الي فيني ... ربي يعوض صبري خير انشالله ( اللهم اجرني في مصيبتي و اخلف لي خيرا منها )

عن اليوم المفتوح ما دقوا علي ... بدق اسال يوم الاحد انشالله ... يعطيج الف عافيه حبيبتي على تواصلج و اهتمامج ... ربي يرفع قدرج و يعلي شانج حبيبتي

 

[سيدة الكويت]

رد: الأكاديمية العربية الامريكية..تعرفينها؟

الله يعافيج حبيبتى العفو

وما احب اكون فضوليه بس ما اقول الا الله يشيل همج و حزنج يارب وتفرحين بولدج الغالى والى الله خذاه يرحمه برحمته ويعوضج غيره وينسيج همومج

عاد قولى لنا شسار معاج........يا غاليه

 

[خذاك الموت]

رد: الأكاديمية العربية الامريكية..تعرفينها؟

السلام عليكم ورحمه الله وبركاته

حبيبتي " سيده الكويت " ..... اسمحيلي اعربلج عن اامتناني لاهتمامج فيني و بموضوع المدرسه ... وشاكرتلك دعواتج حبيبتي و كلامج الي يبرد القلب ... وربي يكون بالعون حبيبتي و يخفف علينا اهوال الحياه ومصايبها ...

طبعا انا تاكدت يا كويتيات ان اكو اوبن داي يوم الاربعاء انش شاء الله يصادف 15/4 .... من الساعه 8ونص لي الساعه 12 الظهر ...

قالولي انه يوم تعارف بين الاطفال و نشوف الاساتذه و نتعرف على المنهج ... يوم مرح ولعب ووناسه ...

انا نويت اروح ان شاء الله ... ربي يخليلنا عيالنا و يباركلنا فيهم و عقبال دشت الجامعه ان شاء الله

 

[سيدة الكويت]

رد: الأكاديمية العربية الامريكية..تعرفينها؟

عاد قولى لنا شسار فى هذا اليوم من تعارف ووناسه

 

[ملح و سكر]

رد: الأكاديمية العربية الامريكية..تعرفينها؟

السلام عليكم .....اشلونكم راح ادش بالموضوع اولا ...انا ولدى فى الاكادميه من Gr3 وكنت مستانسه عليهم وخصوصا
انهم يدورون بالهم على الطالب وكل ماارتفع الطالب كل ماقل مستواهم ....يعنى يصير كل لعب فى لعب ...هذا راى الشخصى
انا ولدى الحين فى G6 ومحتاجه مدزسين ..هم عندهم تقويه او دروس خصوصيه بس بصراحه وايد مكلفه لان الساعه ب20 دينار للماده الوحده...انا مااخوفكم بس هذا هو الصج ..ويتروالى كل المدارس بهالطريقه والله اعلم.......

 

[سيدة الكويت]

رد: الأكاديمية العربية الامريكية..تعرفينها؟

اختى ملح سكر غلطانه تدخلين ولدج من ثالثه خاصه

اصلا التاسيس من الروضه لحد ثانيه اكيد الدروس راح تصير صعبه عليه وما راح يوصل مستوى اصدقاءه


الله يوفج ولدج وتشوفينه دكتور

 

[خذاك الموت]

رد: الأكاديمية العربية الامريكية..تعرفينها؟

السلام عليكم و رحمه الله و بركاته

حبيباتي انا رحت اليوم ... الاوبن داي لاهالي الي كي جي 1 ,,, اهوه عباره عن يوم دراسي لل كي جي ون لهالسنه ... يعني درسوا وفاهمين ... و امهاتهم قاعدين بالصف بس ورا و يحليلهم يصورون عيالهم ...

ما شاء الله ما شاء الله انصدمت باليهال و شطارتهم فضيعين بالانجليزي ... اليهال عمرهم 4 عدوا لي ال 50 بالانجليزي وحاافظين كلمات وايد و اغاني تهبل و شغلوا مونيتور كبير اكو فيه صور و اهما يغنون بالانجليزي شنو الي بالصورة ... و الالوان ...و الحيوانات ... الساعه 10 ... قالوا لليهال طبعا بالانجليزي يلا جيبوا اكلهم ... كل ياهل حط اكله بادب على الطاوله و تريقوا و دايرين بالهم على كل ياهل ... الصف فيه 10 طلاب ... 6 صبيان و 4 بنات ...

ورا الفطور راحو ساحت اللعب ... وتالي حصه القران و الدين ...

وايد يهتمون وحستيهم شديدين شويه بس احسن ... عشان يتهذب الياهل ..

ولدي ربي يصحه ما خلاني تقولين اول مره يشوف العاب ... يونه يندمج وياهم و يتعلم ... واهو لا بس يبي يلعب ... وينادي الابله ( حرمه حرمه .... ابي طياره ) طياره عوده محطوطه فوق ....

انا مشيت مبجره لاني ولدي ينني اسم الله عليه ... بس حبيت اقولكم عشان تستفيدون ...

 

[سيدة الكويت]

رد: الأكاديمية العربية الامريكية..تعرفينها؟

ههههههههههههههههه يحليله ولدج كخخخخخخخخخخخخ يقول حرمه ؟؟ ابيه اليهال يرطنون وهوا حرمه

ان شاء يدخل المدرسه ويسير نفسهم يرطن نفسهم ويحفظ قرآن

شغلوا مونيتور كبير اكو فيه صور شنو هذا؟

 

[خذاك الموت]

رد: الأكاديمية العربية الامريكية..تعرفينها؟

ههههههههههههههههههه ... ايي و سوالفه جم شغله خلاني اموت من الفشله ربي يصلحه ...

شغلوا الي يسمونه ( بروجكتور ) نفس صور تطلع على الطوفه و يصكرون الليت و تصير الصور واضحه ... جنه تلفزيون عود ...

فيه صورة ياهل يفرش اسنانه مثلن و اهما يغنون ... ( برش ماي تيث ... برش ماي تيث ... ) و جذي يعني ...

 

[سيدة الكويت]

رد: الأكاديمية العربية الامريكية..تعرفينها؟

اى فهمت ههههههههه


شنو اسم المدرسه الى تشرح لهم

 

[أم سالم30]

السلام عليكم بنات ، في أحد منكم عنده معلومات عن الأكاديمية العربية الأمريكية ثنائية اللغة إلي في النقرة يم مدرسة روض الصالحين، شرايكم فيها لأني مسجلة ولدي فيها حق السنة الياية إن شاالله kg1 ؟؟؟
انا بانتظار ردودكم​

:0bee2e8d89:

 

[Creative]

اختي الصراحه أنا ما أدري عنها بس بغيت اسئلج تسجيلهم خلص أو بعد ؟

 

[f.7oor]

والله ماعندي فكره بس لي متى التسجيل اهيا خلط او لاء؟

 

[سيدة الكويت]

http://q8yat.net/showthread.php?t=336146

شوفى اختى هذا الرابط والمدرسه تأسيسها روعه

 

[أم سالم30]

هلا والله فيكم وآسفة على التأخير بالرد عليكم ، بالنسبة حق التسجيل ماخلص لين ألحين أعتقد ينتهي في 28/5 ، وبالنسبة للخلط إهي خلط لين رابعة ابتدائي وبعدين يفصلون البنات عن الأولاد لأنها مدرسة إسلامية ومايدرسون فيها موسيقى
ومشكورين على ردودكم وتفاعلكم معي
مشكورة سيدة الكويت على هالمعلومة