البطة البلدية و د\ طالب الشمري ...

[بطوووطة$بيضة]

هو بنات وينكم جني قطو ماكو احد؟؟؟؟؟؟

 

[مرايــــــــم]

بطوطه بيضا
شلونج مع الرجيم؟

يومياتي اليوم
اول ماقعدت شربت نسكافيه

والغدا
تغديت صدر دجاج مع خضار
وحبتين توست
وروب خالي الدسم

العشا
1 برجر وسلطه ولبنه خاليه الدسم

والحين مت جوع وكليت برتقاله
والماي شربت بس 4 قلاصات طول اليوم
والسناك
3 تمرات وقهوه

بنات اليوم رحت وشريت منتجات دايت كير
خذيت كذا نوع ساندويتشات وبرياني


بطوطه والفدنه
وينكم ؟

 

[الفدنه]

هلا مرايم
خوش ريجيم الله يوفقج وتنزلين الوزن الزايد كله
توستج اللي تاكلينه لو تخلينه اسمر افضل لانه يفيد جسمج
وهم ما يرفع السكر و يجوعج بعد شوي
مثل الابيض
وانا متابعتكم يالله شدوا الحيل

 

[بطوووطة$بيضة]

الحمدلله كان وزني قبل اسبوع ١٠١الحين صار ٩٨ انشالله اطلع من التسعينات بسرعة....اليوم تريقت فيتنس...والضحاوي ككاو كيت كات...والغدا خذيت من دايت سنتر باستا مع دايت وسلطة....وماراح اتعشى

 

[مرايــــــــم]

الفدنه
التوست اللي استخدمه اسمر

اليوم تريقت
فتنس وحليب خالي الدسم

الغدا
برياني خضار مالـ الدايت كير
وسلطه وروب خالي الدسم

الساعه6
مت من الجوع وخذي توست
مع قفشه مربى مالت الرجيم

الساعه 7
تقوهيت وكليت 3 حبات رطب

الساعه 10
توست ولبنه وخيار وطماط

بنات اليوم مادري اشفيني كله احس اني جوعانه


بطوطه
ماشاء الله انتى تسوين رياضه

 

[الفدنه]

مرايم ريجيمج روعه تبارك الرحمن
بس دخلي فاكهه حبه وحده يوميا اي نوع تحبين بس مو موز ولا مانجا
واخذي اعشاب بين الوجبات منها تسد جوعج وبعضها يساعد علي حرق الدهون
مثل الدارسين والزنجبيل والجاي الاخضر
واذا تحبين الخس والخيار والجرجير كثري منهم وخصوصا البقدونس ينزلج الماي المحتبس بالجسم
الله يقويج وان شالله مايجي العيد الا وانتي بالثمانينات

 

[الفدنه]

اب اب

 

[بطوووطة$بيضة]

اي مريم امشي 40دقيقة مشي سريع....ريوقي اليوم فيتنس وغداااي ...برياني خضار من دايت كير وسلطة ....وماراح اتعشى

 

[الفدنه]

عوافي بطوطه
قواج الله
العشا خليه روب خالي للدسم
واخذي جاي اخضر بين الوجبات

 

[أإأم روويم]

بنات البطة البلدية

شخبارها ؟؟

لين الحين مكمله مع الدكتور ؟؟

 

[مرايــــــــم]

مرحبا بنات
اليوم اول ماقعدت شربت حليب خالي الدسم
وحليته بسكر كاندريل

الغدا
سلطه + سباجيتي الدايت كير

سناك
قهوه و3 حبات رطب


العشا
مشاوي وقفشتين حمص وبيبسي دايت

الساعه 12بالليل
كليت تفاحه خضرا

مرايم ريجيمج روعه تبارك الرحمن
بس دخلي فاكهه حبه وحده يوميا اي نوع تحبين بس مو موز ولا مانجا
واخذي اعشاب بين الوجبات منها تسد جوعج وبعضها يساعد علي حرق الدهون
مثل الدارسين والزنجبيل والجاي الاخضر
واذا تحبين الخس والخيار والجرجير كثري منهم وخصوصا البقدونس ينزلج الماي المحتبس بالجسم
الله يقويج وان شالله مايجي العيد الا وانتي بالثمانينات

ان شاء الله ياقلبي
بس حرام عليج مو بالثمانينات
انا وزني 75,500 ولو تشوفيني
تقولي ليش مسويه رجيم بس انا لي بطن خفيفه
من الولاده ولا جسمي بوجه عام حلو

اي مريم امشي 40دقيقة مشي سريع....ريوقي اليوم فيتنس وغداااي ...برياني خضار من دايت كير وسلطة ....وماراح اتعشى

حلو نظامج انا جهازي السير خليته عند اهلي وتصوري حطوه
بالحوش وطقته الشمس وخرب
ان شاء الله بشترك بنادي بس بعد العيد



بنات باجر بمسك نفسي
اروح لاهلي وعاد تعالوا شوفوا انواع الحلويات
بس لاتخافون علي
خخخخخخخخ
شريت ككاو كاندريل
اذا اشتهيه ككاو باكله

 

[الفدنه]

اوه مرايم سوري ضيعت يارب توصلين لهدفج باسرع وقت
وريجيمج حلو بس بعدي عن الغازيات اذا تبين تركزين ع البطن
وشوفي مواضيع زبدة كاكاو عن الكرش تري روعه وجد تنفع
ماعليه اسال جم طولج؟ بعدين بقولج ليش


البطه البلديه وينج فقدتج عسي ماشر يارب*

 

[مرايــــــــم]

طولي 167

 

[الفدنه]

تدرين ليش سالتج عن طولج لان صار فيني عقده
من اهداف البنات بالمنتدي
انا طولي ١٦٣ ووزني يلعب بين ٦٨-٧٠ واذا زاد علي طول اسوي كنترول
وجسمي اوكي بس كل ما اشوف البنات طولي ةاطول
يبون ٥٠ و٥٥ واللي قنوعه تبي ٦٠ استغرب
واشك اني مو حاسه بنفسي اقول يمكن يبيلي ضعف بس مو حاسه
بس كل اللي حواليني ينصدمون اذا دروا اني اسوي ريجيم
يقولون بسج بتخلصين!!انتي شرايج انا بطه ومو حاسه ولا اهم صار فيهم

وسواس رشاقه؟!ولا يمكن تقسيم الجسم يختلف ؟!
والله احترت

 

[مرايــــــــم]

الفدنه
وزنج منسب لطولج
وحتى انا ملاحظه البنات بالمنتدى
حيل فيهم هوس رجيم

انا امس جتني الدوره
والحمد لله ماشيه على رجيمي بس بدون جوع

اليوم كان ريوقي
حليب قليل الدسم و2 توست
وقفشه لبنه قليله الدسم وقفشه
مربى مخصص للرجيم

اليوم تغديت
سلطه
و4 قفاش عيش
وصدر دجاجه

بعد ساعه كليت
برتقاله

وعلى الساعه 4
شربت نسكافيه

والحين قاعده اتعشى
همبرغر

استخدمة صمون اسمر
وجبن مخصص للدايت والبرجر قليته
بدون زيت

 

[الفدنه]

عوافي مرايم
والحليب جربي تغلين معاه زنجبيل ودارسين
يم يم وزين للدوره وهم يساعد الجسم ع الحرق

 

[الفدنه]

اب اب اب

 

[الفدنه]

اب اب

 

[البطه البلدية]

والله والله والله اشتقت لكم و انكم دايم ع بالي
بس النت عندي خربان و صارت عندنا حاله وفاة .. تعبتنا حيل
الحمدالله ع كل حال
والحمدالله ودعت التسعين و ووزنت اخر مرة .. 88
والله شعووور لا يوصف لما شفت الميزان بغيت ابوووووسه ههههههه
يا رب ما بقى شي .. راح الكثير و ما بقى الا القليل
الحمدالله
والعايده ان شالله لباقي كيلواتنا



الفدنة
اشتقت لج

 

[الفدنه]

هلا وغلا والله
عظم الله اجركم واخر الاحزان يارب
والله لج وحشه
ومبروووووووك الوزن الجديد والله فرحة لج من قلب
نص الدرب قطعتيه وباقي نص
فديتج تكفييييييين لا تخربينها