الجزء الثالث - تجمع متبعــآت رجييم حسين دشتي حيااكم يا بنآآت ( العيد هالسنه غيـر )

[ام حمود الغالي]

بنات انا رديت وبقوه للرجيم ولتجمعنا الحلو هذا من جديد.. طبعا انا بديت مع التجمع الثاني وواصلت مع الثالث ونزلت 20 كيلو بثلاث شهور 7 و8 و 9 وبشهر 10 خربت الرجيم والحين زدت 10 كيلو:0bee2e8d89:

الوزن الحالي 90
الطول 167
الوزن المثالي 59
الهدف الاول 80

يارب يقوي ارادتي واستمر بالرجيم لين اوصل الوزن المثالي... شجعوني بنات ..:ada:

 

[Judy abbott]

مشاءالله المووضووع بعده مكـمل انا ناسيه توقعت صكووه


وسوري لاني تركت الموضوضع من رمضان لانه ماكان في شبك بالبيت خلص اشتركنا والحين جددنااه

وبعدهاا لاعيد ورى العيد يدتي توفت الله يرحمهاا واياام كلش موحلوه والحيين رجعــت لكـتم بس الاراااده وينهي ماكو اراااده هالكورس بالكليه دوامي لي 6 وكلا وجباات

وين ايل كاانت تحفز البنات وتقوي ارادتهم الحيين قمت اخورهااا عدل وماني قادره اسوي رجيم واي ابي ابجي ابي بسس 10 كيلوااااااات ولاا 7 شسوي بناات ساعدوني اشلوون اقدر بالكيه ما اكل وارفيجاتي يطلبون وجباات
ولما قلت بخفف وباكل وجبه طفل يضحكوون علي اهئ اهئ

 

[queen4m]

حياكم بنات معانا وانتم راعين الاوله بس نبى ارادة قوية واستمرار مو يومين وتخربطين عشرة لا خلك قوة حتى لو فى الكلية اخذى لك وجبة من البيت وزميلاتكم ماعليكم منهم خليهم يضحكون بعدين اذا طلع جسمك سمبتيك انا الحمد الله ماشية تمام فطرت اليوم جبن حلوم وزيتون مع شاهى والغداء مافية والعشاء 3قطع همبرجر ومع سلطه والحين جالسة اشرب كفى اى صح نسيت اقولكم اليوم زارتنا بنت خالتى وكل مالبست بنطلون يطلع واسع واو مرة مبسوطه اول اذا سويت دايت انحف بس مقاساتى ماتتغير مرة لكن مع دشتى صارت واسعه يالله بنات تحمسو

 

["أم شوشة ^^ومنفوشة"]

حبيبتي الي سألت عن الكلكلو هذا وحدة تييبه لي من امريكا اشتريه منها ةناطة الفعة الياية تيي علشان اطبق النظام



بنات لاحظت انكم وايد تحطون كريمة بالاكل ماله داعي لانه فيهه وايد كاربز عالاقل حطوا قفشتين كبار

واللي تبي تضعف تقلي وايد بدون بقصمات

مثلا انا ماكل الدياي الا وهو مقلي بالبيض

والشتيك مدهون بالزبدة واحطة بالمقلي وشويه زين وهات يا مايونيز

وفيه مايونيز زيرو كاربز بالجمعية

 

["أم شوشة ^^ومنفوشة"]

اسفة عالبدليات

هذا الكاكاو تييبه لي وحدة من امريكا الحبة الوحدة فيها 3 كاربز

وناطرة انا منها الدعفة الياية علشان ابدي النظام وشكرا

اعدموني عالبدليات

 

[يمامة]

شلونكم بنات شلون حماسكم ان شاء الله ما تخبصون


شربت نسكافيه

ونغديت ملوخية باللحم بس

 

["أم شوشة ^^ومنفوشة"]

جودي حبيبتي لا تسوين ريجيم كافي المشي بالكليه حده يضعف لا تسوين ولا شي بس شجعي البنات

وخففي وكل ماشتهيتي شي شربي قبله

حبيبتي لا تتضايقين وانسي الريجيم فترة وبترتاحين....

بس مو تنسين الجروووووووووووووب

 

[روعة خيال]

مرحبا بنوتات شلونكم؟
حبايبي عندي سؤال محيرني
انتو الحين كلكم مراجعين عند دكتور حسين دشتي؟
وإذا لأ شنو الريجيمات اللي تسوونها و نزلتوا عليها؟

 

[فووشي]

بنات بنااات ..

انا ناويه اسوي رجيم دشتي بس مو الان لانو ماباقي ع العيد الا اسبوعين والمرحله الاولى يبي لها شهر والعيد انواااااااع المفاطيح والشوكليت والعزايم مايحتاج اقول لكم هع هع ..
بس يعني اول ما يخلص العيد ببدأ رجيم دشتي انا حاليا رجيم السعرات ..
بس كم نحفتوا عليه بنات ..
وبالمرحله الاولى الفول السوداني المملح مسموح فيه ..؟
واللبنه بالمرحله الاولى ..؟ والزعتر ..؟ امممم الفستق ..؟ الملوخيه ..؟
لاني بالجامعه افكر وش اكل ! خخخخخخ ..

 

[نفووود]

أبشركم بناااااااااااااااااااااااااااااااااااااااااااااااااااااااات:ggdw:

كنت معزومه الإربعاء......وكل ما طلعت من ملابس عندي بالدولاب إلا واسعه حتى اللي كانوا ضيقين علي

وآخر شي رحت واشتريت بلوزه وتنوره

تخيلوا إشتريت تنوره أصغر من مقاسي برقمين

وبلوزه ضيقه !!!وتدرون إيش لبست معها..................

حزااااااااااااااااااااااااااااااااااااااااام........إيه والله......... حزااااااااااااااااااااااااااااااااااااااااااام

وقعدت مقابله المرايه كل ما أبي ألبس عباتي وأروح العزيمه أرجع وأشوف بالمرايه ........مومصدقه

والناس إنبهروا مومصدقين وحتى بعد مارجعت للبيت جوالي ماسكت .الكل يدق ويسأل حتى اللي ما شافوني!!!

حتى زوجي لما شافني بالضيق إنهبل.... لأنني دايم ألبس ترنقات وبيجامات واسعه:cxxxp:


جته الغيره وقال بيبدأ مثلي

ولما سألني عن النظام <<<<<تدرون إيش قلت له؟؟؟؟؟؟؟؟؟؟؟

قلت له تكثر من الدهون والحلويات ومسموح لك 3ملاعق رز باليوم<<<<<<<<:dddds:

عشان مايصير أضعف مني:denya:

نسيت أقول لكم ....إن وزني ثبت من 3أسابيع ماينزل ولكن بالمقاسات واضح

 

[Judy abbott]

ام شوشه اي هذاالي بيصير بس انا الحين احس روحي اشويه متنانه حراام اتعب نفسيا شهوووووووووووووور عشان اضعف واتي الدوامات واردهم زاهب مزهب فقلت بسوي دايت بس باكل شويه ممنوعات هههههه وبمشي مالي الا الرياضه وانا هالكورس بالكليه من المشي ينهد حيلي

وعلى التشجييع افا علييكم لا توصوون

وحجيكم بنات صح القياسات الجسم تختلف اكثر من الوزن برجيم دشتيي بس نصيحه علييكم بالسلطه وزيت الزيتون لاني انا ما كنت اكل سلطه برجيمه


نفوود مبروووك عليج لارشاقه انتي وكل البناات

وليش خاشه على ريلج قوليله الخطله السريه عشان يسويمعااج وما تتأزم نفسيتج من الاكل

 

[queen4m]

مبروك عليك الوزن الجديد يانفود والله فرحتينى وحمستينى اكثر ويارب انا اكون مثلك صح نحفت وصغرت مقاساتى بس ودى اشترى اصغر بعد هههههههههه طماعه بس يحق لى صارلى شهر ونص ماشيه على النظام الله يهنيك فى وزنك وترى هذى دعوتى لك انه ينزل وزنك نهاية الشهر وعقبال البنات كلهم بس وين غيوم لايكون صاير لها شىء لاقدر الله والله لها وحشة بس ماتكون مخربطه ياويلها

 

[غيوم الشرقية]

هلا والله برشيقات المستقبل شخباركم

ادري اشتقتولي بس والله مستحيه منكم ياويلي منج يا كوين

انا خاشه راسي عنكم لان خربطت يومين ورا بعض بس اليوم وبكل اراده رديت

مدري تحسفت على الكيلو اللي نزلته بالاسبوع اللي طاف صار وزني 76 ههههههههههههههههههه

ادري ما عندي سالفه ع التخربط بس ريلي اووووف وانا وياه طلعات واكل بالمطاعم وتقوي وحلى بالكوفيات

ههههههههههه ما شافت خير والله عاد تدرون يوم الاربعاء يوم جمعتنا في بيت اهلي ما خربتها بس نحاسه استقت على عمري وخربتها بعدها بس الحمدلله اليوم رديت ولا خربطت الله يعيني انطر يومين علشان يبتدي يحرق جسمي البلاوي اللي كلتها

اليوم اكلي كله دجاج وسفن اب وشربت شاي اخضر بس

يلا ان شاء الله يارب كلنا نلبس احزمه مثلج ونشتري مقاسات اصغر يا نفود

بس تدرون فيه شي صار لي اليوم ما صدقته عندنا عرس يوم الخميس الجاي واخذت فستان بنت اختي مقاس 12 ودش علي وناسه والله

ترا انا مقاسي التنوره 16 كان

والله استانست يارب ان شاء الله تتمم علينا الاراده ولا نخربط واللي تخربط بطقها وانا اولكم هههههههههه

يلا انتظر يومياتكم

 

[queen4m]

أها صدتك غيوم ادرى فيك اذا خربطتى انحشتى بس مين بيفكك منى وين كلامك نظام عمر مو شهر الحين صرتى تطلعين مع زوجك وتخربطين بلاها الطلعات اذا بتخرب عليك نظامك حرام والله اذا مشيتى صح بسرعه ينزل وزنك استغلى هالفرصه وامسكى نفسك وبعدين خربيها انا مليت بس اتشجع فيكم والحمد الله مانى راعية طلعات بس اة يالقهر الوزن ثابت يارب انحف 4 كيلو قبل العيد يارب وبعدها يثبت كيفه ادعولى بنات

 

[نفووود]

JUDY abbott :eh_s(17):


:e3: ياقلبي........والفضل الأول والأخير يرجع لك ياأحلى جودي

ولازم تستمرين معانا

وعقباااااااااااااااااااااااااااااااال الرشااااااااقه جميعـــــاً​

 

[نفووود]

queen 4m :eh_s(17):

الله يبارك فيك والفال لك حبيبتي

وتسلمين عى هالدعوات الحلوه...

ودام دعواتك كذا <<<<كل يوم إدعيلي

أنا مثلك وزني ثبت من شهر ونص

لكن لايهمك بنصير رشيقات غصبن عن الميزان:23_asmilies-com:

ونلبس مو بس أحزمه...(نلبس xxxxxs):tongue22:

وعقبال الرشااقه جميعــــــاً​

 

[نفووود]

غيووووووومه:eh_s(17):

إذا السالفه فيها طق أول مابنطق أنا وكوين إنتي ياقدوتنا اللي تشجعينا

بالنسبه للطلعات شربي قبل تطلعين شاي أخضرمع زنجبيل وكمون صدقيني بيسد نفسك

وتكفين إستمري ولا تخربطين لأن وزنك ماشالله زين ويساعد للوصول للمثالي

وعقبااااااال الرشاااااااقه جميـعاً​

 

["أم شوشة ^^ومنفوشة"]

بنات حبيباتي

انا قريت الكتاب من الجلدة للجلدة اذا شربتوا الشاي او الشاي الاخضر القهوة العادية او العربية ماراح تضعفون لانه الانسولين انفرز وراح يخزن الشحم يعني ماكو فايدة لازم تقطعونهم او تشربونهم دي كاف....

واذا اشتهيتوا تضعفون كليكم على الدهن فترة بدون كريمة

يعني تريقوا بيض مقلي وخس وجرجير...

الغدا سمك فيليه مقلي بالييض بدون بقصمات ومايونيز(( وخلطوا معاه شويه مخلل وخل يصير صلصة التارتار))

وتعشوا داي مشوي همن مع مايونيز

او ستيك لحم

وشوفا الصدمة

 

[Japanese]

يعني مايصير ناكل مايونيز ؟؟؟؟ اوبيه انا كله طايحه فيه

 

[Japanese]

ام شوشه ماعليه تقولين لي شهالكافي الخطير !!! :$ :$ انا باميركا اوبيه ابي منه =(

العاده اخذ مال التكنز بس فيه 18 غرام كارب :/ مآساه