الجزء الثاني .. عندج سؤال عن حيوانج المريض الحامل او يسوي شي عبيط ممضايقج

[عود ومسك]

وعليكم السلام ​

هلا والله مسك ​

الله يسلمج مكان الحكه على الرقبه وشكلها مثل الجرح ​

بسالج منهى ليندا ​

وبالنسبه لنوع اكل قطاوتى صح يدخل فيه سمج واعمارهم الحين 6 شهور ​

وقاعده احاول انوع لهم بالاكل ​

ومشكوره على اهتمامج وردج​

جرح مدمم والا فيه قشور؟
لان الحك مو شرط يكون في جلدهم شي
ممكن تكون بأذنهم شي ويحكون من صوب رقبتهم وكتفهم طلي بأذنهم وجيكي عليها
اذا الجرح فيه قشور ممكن تكون فطريات لا سمح الله واذا كانت نقط سوده ممكن تكون جرب بكلا الحالتين علاجهم ان شاء الله سهل
اذا مدمم احتمال يكونون طاقين بعض
ليندا الله يسلمج خوش مره مربيه وعندها كاتري
وتبيع ادويه وترا ادويتها :eh_s(15):
وعندها فحص للفطريات تقدر تفحصلج الفحص ب5 دنانير
تفحصهم بالضوء والوحيد اللي يثبت ان فطريات الضوء مو الفحص اليدوي
والاكل بما ان صار عمرهم 6 شهور ترا عادي طبيعي لان ال6 شهور سن البلوغ عندهم
ولا شكر على واجب فديتج يا صديقتي

 

[VET-Nour]

توني راده من المزرعه وحده من قطاوتي حامل :\ ,
و القطاوه الصغار باجر يكملون 3 اسابيع , بس لي الحين يزحفون مايمشون ,

لون عين القطوه يتغير عقب ماتكبر ولآ لآ ؟؟ :\

 

[عود ومسك]

توني راده من المزرعه وحده من قطاوتي حامل :\ ,
و القطاوه الصغار باجر يكملون 3 اسابيع , بس لي الحين يزحفون مايمشون ,

لون عين القطوه يتغير عقب ماتكبر ولآ لآ ؟؟ :\

هههههههههههههه انا 3 حوامل والرابعه هاه شكلها حامل
والخامسه تحت المجهر للحين ما خلص منها

ايه عادي طبيعي يزحفون
ولون العيون يتغير
في منهم يقعد لون عيونهم لين يتمون شهرين وفي منهم شهر ويتغير وفي منهم لين سن الثلاث شهور
الوكاد انه يتغير اول ما ينولدون كل الكتنز عيونهم زرق بعدين تبدا تتغير

 

[بحيرةالبجع]

هلا والله بهالطله اشلونج مسك شخبارج

انا الحامل اللى عندى اولدت الحمدالله

امممم اللى فيهم مثل الجرح لان فيه دم يمكن من المعافر مع بعض

على العموم انا اخذت لهم علاج من بيت زون واشوفهم احسن

بس زيادة حرص عطينى رقم ليندا او مكانها علشان اوديهم تفحصهم

واذانيهم انظفها عندى مرهم واخذت بعد من الصيدليه قطره تذوب شمع الاذن

لان امهم جذى اذنها كله يتجمع فيها وصخ عيزت وانا انظفها وكذا مره وديتها

البيطرى يقول وصخ اشوه يعنى ما وصلت لدرجة الجرب اعوذ بالله

اقولج شى انصدمت من قطوة بيت اخوى اهى من عمر قطاوتى 6شهور عمرها

تصدقين طالبه تزاوج سالت الدكتور يقول النوع الشيرازى الايرانى تبلغ مبجر

وقالى وخروها عن الذكر لان هالحاله مارح اطول معاها وتهدا وفعلا اسبوع وطخت​

 

[عود ومسك]

اهلين فديتج
ايه انا نفسج ترا عندي الذكر فيه نفس هالجرح فا اكتشفت انهم مسوين عصابه ويخزون بعض ويتهاوشون جان ازفهم وطخو بس مخازز من بعيد هههههههه

والاذن والله مشكله انا مسويه خلطه انظف فيها اللي اقدر امسكه الباقي ما اقدر امسكهم جننوووني
والله قطاوتي مو سهلين
وتذكرين القطوه الغبيه اللي قلتلج عنها تولد وتقط عيالها وتهملهم؟
ولدت امس جابت 6 وحياتج 3 ماتو بغيت اذبحها
و3 عايشين وخاشتهم بجحر داخل الكات تري على بو يتدفون وواقفه بعيد تتمشى جان اسحبها واحطها عندهم
مهمله بشكل مو طبيعي واصلا مادري شلون ولدت انا منصدمه لان بنتها عمرها 3 شهور متخيلين!
يعني متى حملت؟ كانت ترضع مايصير تحمل والكتنز بعمر الشهر او اسبوعين!!
او حاشتها ولاده مبكره:/

ايه وام 6 شهور بالغه بس مو طالبه تزاوج هذا شي عادي ليش دايم نقول اذا عندكم كتنز نثايا وذكور بالغين نوخرهم عنهم
لان الذكور البالغين يتحرشون فيهم ويسوون تجارب عليهم هههههههههه
بس ما تحمل
بس في قطاوه عادي من سن 7 شهور تحمل فا مشكله هالعمر ممكن تجيب كتنز ميتين او مراضى ويموتون لانها توها صغيره
فا صح لما توخرون الذكر تطخ

 

[عود ومسك]

ايه ونسيت رقم ليندا هههههههههههه
66667665

 

[بحيرةالبجع]

هلا مسك حبيبتى اشلونج طيبه

قطاوتج النثايه لمن يولدون ماتكونين يمهم سبحان الله يمكن تساعدينهم بشى

انا قطوتى احملت وعيالها عمرهم 4 شهور وافطمتهم وعمرهم شهرين

بوقت ولادتها تنادينى تبينى اكون يمها طبعا اكون حاسبه لها الحمل ومتى بتولد

تصدقين واحد من الصغار اسمعه يعاطس مو وقته مع انها والده بكبتى حاطه لها كرتون

والباب دايما مسكر عليهم تهقين حايشهم برد

بسالج عن البودر حق الرمل اظن اسمه ديودرازر بجم كنتى تشترينه من مركز سلطان​

 

[عود ومسك]

حمدلله حبيبتي

لا والله اكون يمهم بس هذي كله جذي هذي ثالث حمله لها اهي جذي عيالها يموتون وما يبقى منهم الا واحد او اثنين
وبعدين اقولج الظاهر ولاده مبكره لانها بنص 12 جايبه وعليج الحسبه
متى يمديها ترضعهم ومتى تحمل!!
لو ولادتها طبيعيه نقول انها حملت في بداية شهر 1
لكن بداية شهر 1 للحين عيالها ما تمو الشهر @@

وباقي قطاوتي الحق عليهم بعضهم يولدون وانا موجوده وبعضهم ما افطن لهم الا بعد ساعه واكمل واساعدهم
ووحده منهم ولدت اخر مره 5 مادري وين كنت جيت لقيت امورها متسهله الحمدلله
الااااااااا هذي عللللله
والصغار ترا عادي هم انا كان يصير معاي جذي اسمعهم يعاطسون هههههه فا عادي ان شاء الله مافيهم الا الخير
والديودرايزر والله مادري بجم يمكن 1700 او 1600 او دينارين والله مو متذكره مع انه عندي بس ماعليه سعر

 

[بحيرةالبجع]

الديودرايزر طلبته من امازون مع الشحن والتوصيل طلع على ب10 دنانير

بسالج قطاوتج الصغار تبيعين منهم ولا تعرضينهم تبنى

لان فى ايس فلبينيه تبى تشترى قطوه صغيره قلت لها اذا حصلت للبيع اعطيج خبر​

 

[عود ومسك]

الديودرايزر طلبته من امازون مع الشحن والتوصيل طلع على ب10 دنانير ​

بسالج قطاوتج الصغار تبيعين منهم ولا تعرضينهم تبنى ​

لان فى ايس فلبينيه تبى تشترى قطوه صغيره قلت لها اذا حصلت للبيع اعطيج خبر​

الحبه طلعت عليج بعشره والا درزن!!
تكفين لا تقولين الحبه تموتيني قهر هههههه
والله على حسب في منهم تبني وفيه منهم ابيعهم
وينها هالفلبينيه شفت الصبح والا العصر
عاد يعرفوني بس قبل امس لما رحت لقيت المليقه العجوز ماحبها مالقيت صديقتي

 

[بحيرةالبجع]

الحبه الوحده والله طلعت على بهالسعر

انا وايد تصير فينى مقالب مع امزون مع ان اغراضهم رخيصه بس عندنا الجمارك ياخذون

رسوم وارامكس بعد ياخذون رسوم علشان جذى كل شى اطلبه يطلع على اغلى من بيع السوق

والفلبينيه كبيره اشويه يمكن تطلع المليغه هههههههههههههههه

اسمها ميرسى اعتقد مسؤلتهم​

 

[wesh jaah]

السلام عليكم
بما انكم قاعد تتكلمون عن الحمل والولادة
<<<< امس زوز (زليخة ) ولدت
الحمدلله
:yaaaaaarb:
اكثر شي كنت خايفة منه انها تموت او تييب عيال ميتين او مشوهيين <<< يعني يصير فيهم شي لاني كلللش ماكنت راح اتحمل بس الحمدلله
الحمدلله
:yaaaaaarb:
وطول اليوم وانا احوس معاها وبجيت معاها لوول
والله ماقدرت اتحمل شكلها يكسررر الخااااااااطر :eh_s(2):
خصووووصا اول واحد ماادري وحده :eh_s(2):
شلون كانت اتحووس وتتلوا :eh_s(11):
وحتى عقب ماخلصت شلون نامت (جنها ميتة) :eh_s(2):
وكلهم قاعد يقولون ربي عوضوج عن كرملو حبيبي :eh_s(2):
^^
ادري وايد قرقت بس اول مرة شسوي والحمدلله من قبل اني قريت عن هل سوالف منكم ومن النت :rerrerek:
صج يابت 4
والحين اانا حاطتها عندي بلغرفة ويمها الاكل والماي
بس بسالكم
لازم اوديها البيطري ولاعادي ؟
وشنو اوكلها او اشياء زينة لها ؟

 

[wesh jaah]

الحمدلله بنااااات كرمل رد >>> من بعد شهر تقريبا

الحمدلله
وحالته تكسر الخاااطر
صاير ضعييييييييف وشعرة وصخ وكله يطييح
واهو كله صاير جنة قطو شوارع
وان شاء الله اهلي يودوونة البيطري
الحمدلله

 

[بحيرةالبجع]

مبروك رجوع كرمل

والحمد الله على سلامة قطوتج ومبروك ما ياج

وديها الطبيب علشان يجيك عليها

انا قطوتى اول مره اولدت كانت تنزف وايد وديتها وعطاها ابره نزل اللى فيها والحمد الله انظفت

والحين لمن اولد للمره الثانيه والله تعيزت اودها والمفروض اوديها لان اشوف شكل بطنها مو طبيعى

متفوخ جنه بعد فيه بيبي

وديها علشان تطمنين عليها​

 

[بحيرةالبجع]

السلام عليكم

وينج مسك لحقينى اول امس كنت امسح على شعر قطوى حسيت بالجلد خشونه

جان انبش بشعره ولا اشوف بقعه حمرا واشويه حات الشعر منها بصراحه ينييييييييت

لان ماشاء الله عليه الحين عمره سنتين ولا مره صار معاه شى بالجلد

يمكن من كثر ما قريت عن الفطريات وصرت اوسوس اطلعت فيه ولا نفسيته تعبانه لانى هملته

عقب الكتنز مادرى المهم انا مااعرف احط صور ولا اقدر اصلا اصوره مارح يخلينى

على حسب وصفى للى شفته شنو تعتقدين واذا فطريات وانا لمست المكان تعادى

وشنو اول شى اسويه

اتصلت على ليندا وما ردت على ابى اعرف اشلون نظامها​

 

[عود ومسك]

السلام عليكم ​

وينج مسك لحقينى اول امس كنت امسح على شعر قطوى حسيت بالجلد خشونه ​

جان انبش بشعره ولا اشوف بقعه حمرا واشويه حات الشعر منها بصراحه ينييييييييت ​

لان ماشاء الله عليه الحين عمره سنتين ولا مره صار معاه شى بالجلد ​

يمكن من كثر ما قريت عن الفطريات وصرت اوسوس اطلعت فيه ولا نفسيته تعبانه لانى هملته ​

عقب الكتنز مادرى المهم انا مااعرف احط صور ولا اقدر اصلا اصوره مارح يخلينى ​

على حسب وصفى للى شفته شنو تعتقدين واذا فطريات وانا لمست المكان تعادى ​

وشنو اول شى اسويه ​

اتصلت على ليندا وما ردت على ابى اعرف اشلون نظامها​

ماعندي نت مقطوع وتو اخوي رد من بره وخذيت وصلته وشبكت :eh_s(2):
اذا الجلد خشن وفي قشره ممكن تكون حساسيه ترا مو شرط فطريات ان شاء الله مو فطريات:eh_s(16):
بس انتي لازم تحطينله دوا وقايه وليندا جان دازتلها مسج اسرع
قوليلي شيصير معاج ولو تاخذينه عندها وتفحصينه احسن
انا الذكر الجديد اللي شريته ذيج الايام
قبل يومين مشطته وكان في عقده بشعره وشلتها والا المكااان اللي تحتها املللللللللللس انصدمت
وقلت بالطقاق اهم شي انه المكان نظيف واملس ثاني يوم جان اشوف المكان صار في خطوط حمرا جنها حكة اظافر عاد قلت وقايه بحطله

 

[دلع انثه]

انا بعد ذيل القطوة.في مكان مافي شعر ولونه وردي اتوقع فطريات بس ابي اعرف معديه ولالا وشلون اعالجها

 

[عود ومسك]

الحمدلله بنااااات كرمل رد >>> من بعد شهر تقريبا

الحمدلله
وحالته تكسر الخاااطر
صاير ضعييييييييف وشعرة وصخ وكله يطييح
واهو كله صاير جنة قطو شوارع
وان شاء الله اهلي يودوونة البيطري
الحمدلله

مبررووووك يبيله سبحه محترررمه وتحلوقه محترمه

ومبروك على ولادة زليخه مع اني مادري منو زليخه
لاتقولين ام الشوارع!!
نحشت كرملو وقعدت على جبودكم لووول

الاكل عطيها اكلها العادي لا تحاتين واذا غرفتج تشغلين التكييف فيها دفيهم عدل
واذا عندج الجنطه هذي اللي نحط فيها ماي حار ونحطها على بطنا عرفتيها؟ هههههه ما اعرف اسمها
حطي فيها ماي دافي مو حااار وحطيها تحتهم تحت الفوطه او الفراش اللي انتي حاطته تدفيهم خصوصا لما امهم تروح تبلع

 

[عود ومسك]

دلع مو شرط المكان الفاضي فطريات حبيبتي
اذا فيه قشره لونها بني او اسود
اذا فاضي املس مو فطريات لا تحاتين عادي ممكن يتبدل شعره

 

[عود ومسك]

بحيره نسيت اقولج لان اخوي بياخذ وصلته يعني مادري متى بشبك

مو شرط يعاديج انتي اهم شي لا توسوسين واذا فركتي المكان بيدج غسليها وبس
وروحي اليوم اخذي الدوا من ليندا أو اشتري دوا سبراي اسمه biopirox
انتي اذا شريتي منها يمكن تعطيجياه

برب