الجـــــزء الثاني**Diet **خففي أكلج معانا

[أم وليد الشمري]

حياااكم بنوتااات ..
تعالوا نزيد التجمع حمااااس أكثررر

 

[فيض الأنوثة]

اهلين

أمس 8 / 9


الفطور: كورن فليكس : 300 سعرة حرارية :eh_s(15):

الغذاء: صحن باستا ( هوم ميد ) : 800 سعرة حرارية :eh_s(4):

سناك: قطعة صغيرة كاكاو + خوجة + جوافة : 150سعرة حرارية

العشاء: قطعتين وسط بيتزا : تقريبا 500

سناك بعد العشاء شبس ليز : 131

المجموع : 1881 من اصل 1600

اول يوم خربطت ... :bbbiu:


اهلييييين ام وليد الشمري . ان شاء الله توصلين للوزن المثالي بصحة و عافية .. :eh_s(7):​

 

[الكيكه دندن]

ام وليد حبيبتي رجيم التمر واللبن او الحليب صح يضعف بس عقب يرد وزنج دبل

انا جربته من سنه تقريبا ونزلت عليه باسبوع 5 كيلو تقريبا

بس ويهي صار جذي

ولوني صار اصفر وبشرتي بدت تتقشر وكله نايمه ودايخه

فديري بالج واعتمدي دايت صحي مافيه حرمان وكثري رياضه انا راح اشوف اذا هالشهر مانزلت يمكن اشتري العناب ان شاء الله
***

فيض موفقه حياتي وشديي الهمه حتى توصلين للوزن المثالي :*

**

يومياتي اليوم
9\9

الريوق

خبزه فيها جبن كرافت وعسل وكوب شاي حليب

الغدا

موزه وحليب

سناك
2 شوكليط بو نجوم مع 4 فناجين قهوه


العشا

___نو عشا___



لاني صايمه ان شاء الله الاثنين راح اتسحر عالساعه 2

بس محتاره شنو اكل راح اقولكم باجر

 

[الكيكه دندن]

الحمدلله تسحرت شكشوكه +حمص بطحينه وخبزه وشاي حليب

وقبل الاذان بنص ساعه شربت منقوع البردقوش لان يقولون زين للامساك

تصبحون على خير :**

 

[أم وليد الشمري]

فيض ... سمبوسه مورتوا ماشاالله وزنكم حلووو.. ربي يوفقكم وتوصلون للي تبونه*
فيض هـًٍـًًٍٍ�ـًًٍٍـًٍلا وغلا فيج حبيبتي....
دندن .... خخخخخخخخخخ التشبيه ...
نسوي يا اختي بوتكس وكولاجين ونقزز بهالوجه وبلاوي مثل هالعالم ..
شوراناااا.....((. اضحك ٱ‏​نـ my ـِْا والحمدلله ماافكر نهائي لان الحرام خط احمر
شسوي دندن قولي لي الوزن مـِْ♡̨ـِْا يتحرك الا بالحرمان
اخذ تقريبا وجبه الغدا تكون سلطه . وقطعه صغيررره دجاج*
علشان لْـِّْƔـِّْٱ اتعب...
صج بنوتات مـِْ♡̨ـِْا تعرفون بدله عروس فخمه وحلوة وسعرها مناسب*
بغير موضوع الدايت .. ☺☺((تعبنا مع هالمصممين الفين وفوق))ولو القي بعد شي مناسب اخذ بِــ̯͡سّ بعد مـِْ♡̨ـِْا يعجبوني

 

[أم وليد الشمري]

*مورتوا= نورتوا
سوري كله بدليات

 

[دبه موت]

معليش بنات خاطري اكون معاكم لانه زاد وزني بعد خطوبتي وأبي اخفف وارجع اسوي رياضه ما عندي حماس نفس قبل ابد اذا تبوني معاكم ببتدي من بكره وبقيس وزني

 

[الكيكه دندن]

يا هلا فيج حبيبتي نورتي الحمله وبلشي معانا


ام وليد ههههههه اييه والله ويهي صار جذي خخ شوفي الحرمان صحيح راح تضعفين لكن راح يرد حاولي تشترين العناب انا اختي قبل كان وزني 85 بهالحدود تقريبا واستمرت عليه ماشاء الله صار وزنها تقريبا 55
لدرجه الل مو مصدقين يقولون مسويه عمليه
انا ناويه علىه ان شاء الله وهو عباره عن عشبه مسوينها من العناب مثل البودر تشربينها مع عصير الاناناس او الجريب فروت او الماي بعد الاكل وممكن تعملي تنظيف لجسمج كله يعني يوم كامل كله تشربين سوائل ومنه وبعد اتوقع 6 ساعات تاكلين سلطه وبطاطه مسلوقه وقبل النوم نص كاس زيت زيتون ونص عصير ليمون فيه ملعقه من العناب تشربينه وعلى طول تنسدحين على ضهرج حتى يتوزع بالجسم وبعده يجيلج اسهال ههههههه عميق خخخ

يعني تنظيف للمصران

ومن بعده خلاص تاكلين وتسوينه مره كل اسبوع او اسبوعين

وبالنسبه للبدله حاولي تشوفين التاجرات بالمنتدى او بقسم الاستفسارات

 

[الكيكه دندن]

يومياتي اليوم 10\9

الفطور

كوب شاي حليب وربع خبزه

العشا

مكسرات وشاي حليب

مو مشتهيه اليوم اكل شي

والحين اشرب كله ماي

 

[دلع بآبي]

بنات ادعوولي أحمل هالشهر متفائلة خير وثقتي بربي كبيرة حيييييل

مايتعبني نفسيا الا نظرات الشفقة اللي اشوفها بعيون غيري

كملت سنة ولله الحمد .. اما عن الدايت حدث ولاحرج

نسيته كلش كنت صايمة هالفترة وخلصت اليوم وخبصت شوية

والميزان بعد يومين , ان شاء الله ماكون زايده بعد كل هالتخبيص !!

 

[الكيكه دندن]

دلع حبيبتي الله يرزقج يارب اذا عندج مشاكل بالدوره وهي اللي مأخره الحمل او هرمون الحليب حاولي تشترين عشبه البردقوش
واشربي منقوعها يعني حطي بالكوب ملعقه وحطي عليها ماي حار وخليها 5 دقايق وعقب حركيه بالملعقه واشربي وباذن الله الواحد الأحد تحملين ياااااااااااااااااااااااارب وتفرحينا :*

واذا ريلج يشرب دخان يحاول يقطعه خلال هالفتره اللي تبين تحملين فيها

وماتنسين الاستغفار وقراءه سوره البقره
وترديد
رب هب لي من الصالحين
رب هب لي من لدنك ذرية طيبه إنك سميع لدعاء
رب لا تذرني فردا وأنت خير الوارثين

 

[أم وليد الشمري]

دلع.... ربي يرزقج الذريه الصالحه عاجلاً غير أجلاً
اللهم امييييييين .. وان شاالله هالشهر حامل يارب
دندن.. بالعافيه ما أكلتي
شقولكم اليوم صج خبصت .... خواتي كانوا عندي وما ادري كنت حدي تعبانه(( لخبطة هرمونات))
ماادري شلون اكلت شوي ورق عنب وشبس وقلبي عورني����������
متى هالاراده ترجع مثل اول

 

[أم وليد الشمري]

حياااااتي دندن وين احصل العناااااب؟؟؟؟
وجزاج الله خير على النصيحه
وهل أختج فعلاً كان السبب الرئيسي في نزولها العناب والا كان عامل مساعد
وتسوين لي معروف تقولين وين احصله وجم استغرقت وقت اختج في نزول هالكليوات
ربي يتمم عليها

 

[دبه موت]

دلع حبيبتي ربي مايخيب ظن من توكل عليه والله يرزقك الذريه الصالحه عاجلا غير اجلا ولا تيأسين زوجة ولد عمي ضلت 7 سنين ماتجيب وبعدها ربي رزقها بولد يجنن ربي يحفظه لها وبعدها جابت 2اولاد غيره وبنت وهذا جزاء الصابرين
وزوجة خالي لها اكثر من 12 سنه والى الأن ماجابت وعندها امل تجيب بقووووووه

 

[دبه موت]

بنات من فيكم مخطوبه لانه خطيبي يجيني بالاسبوع مره>>هذا قرار بابا هع
المهم اهو اوقات يجيني الخميس واوقات الجمعه والصراحه اهو من النوع يحب جسمي كذا مليان
جنونه ولا يبي اطري له رجيم ولا ابي ابين له اني اسوي دايت لانه ملحوظ على خشتي يبين على طول
فشنو اسوي عفيه للعلم وزني 68,2
انا يزيد وينقص ومن يلاحظ تغير بشكلي جلس يلح اكلي واكلي يوصل وزني لــ60وخاطري ادخل عالم الخمسينات بقوه
وبعد انا قبل وزني كان مررره كبير 117وفيني ترهلات اعوذ بالله سمعت عن لبان المر اجربه برايكم ولا لا؟؟​

 

[فيض الأنوثة]

اهلين بنات شخباركم

دلع .. الله يرزقج بالذرية الصالحة :eh_s(17):
ربج كريم .. :eh_s(17):

دبة موت .. يا هلا فيج ..
في رياييل وايد يحبون الجسم المليان .. فــ انتي حافظي على شكل جسمج الحالي ، سوي رياضة عشان يكون مشدود و حلو ، و قللي من الدهون و السكريات :eh_s(15): .... و لا عليج منه لا تكثرين اكل ترى بتمتنين و انتي الي بتعانين من الرجيمات :ch12:

انا صار لي 4 سنين متزوجة ، أول ما تزوجت كان وزني 55 و جسمي شحلااااااااته مرسوم .. و زوجي تم كله يقوليي أكلي و أكلي .. لين ما وصل وزني 61 و طلعت لي دبة :eh_s(16):..
المهم سويت رجيم النقاط مع رياضة يوميا ..و رجع وزني 53 الحمدلله .

و الحين مرتاحة من وزني الحمدلله .. بس جسمي يبيه له شد شوي .. يعني لازم ريااااضة :bbbiu: ....

و أحس إني لازم أراقب أكلي و أسوي رياضة عشان أحافظ على شكل جسمي للأبد .....

فـــ خلونا نشجع بعض ...


:eh_s(7):




​

 

[فيض الأنوثة]

شرايكم نسوي رجيم النقاط ؟؟؟ سهل و حلووووو و ما فيه حرمان ... ​

 

[دلع بآبي]

حبايبي والله الله لايحرمني من اخوتكم

دندن ايه انا بداية زواجي كان عندي تكيس كانت الدوره تغيب عني بالاشهر

لكن الفترة الاخيرة انتظمت ولله الحمد وماعندي مشاكل بالهرمونات وزوجي مع الاسف يدخن !!

لكن ع فترات متباعدة تعبت وانا أحاول فه ماكو فاايدة الله كريم

دبة موت اسمعي مني انزلي قدر الامكان وولا تسمعين لزوجج

ولاتقولين له انج تسوين رجيم لانج اوردي بعد العرس بتمتنين

وبعدين مع العيال ان شاء الله بتمتنين فحافظي ع جسمج من الحين

وربي يتمم لج ع خير ياعروس

ام وليد & فيض الانوثة الله يرزقكم اضعاف مادعيتو لي

 

[الكيكه دندن]

أم وليد هذا رقمهم تواصلي معهم عالواتس واهما يوصلونه لج عندهم عرض 2 بـ22

66333789

واختي تقريبا كانت مستمره عليه لمده سنه او سنتين بس طبعا اهيا كانت تبي تحافظ على النتيحه وماشاء الله روعه طبعا اختي قطعته من فتره طويله ونست نفسها وزاد وزنها شوي صاير 65 وتبي تضعف الحين وردت شرته ونا هم ناويه عليه ان شاء الله ابي ارد نفس اول عالاقل 66 او 60 كيلو ان شاء الله ويفضل تشربينه مع عصير الاناناس



هذا رابط لهم بمنتدى كويتيات

http://www.q8yat.com/t1052394.html

 

[الكيكه دندن]

دبه موت انتي لا تقولين له انج مسويه دايت يعني العبي رياضه وحاولي ماتوضحين له وويهج استخدميله امبولات كولاجين
واذا انتبه عليج ضعفانه عادي قولي لاني مشتاقتلك:eh_s(22): وافكر فيك ينزل وزني ههههههه

ان كيدهن عظيم

***

فيض عادي ماكو مشكله استحيه لنا ونشوف :**