الجـــــزء الثاني**Diet **خففي أكلج معانا

[الكيكه دندن]

ههههههه اييه توني تذكرت الحين وقلت اكتب ولقيت ردج ماشاء الله عليج اييه بس انا كنت 70و200

والحين صح 69.9

والباجي ان شاء الله يكونوا نازلين يارب

ولابد هم بعد مانوصل نستمر عالتخفيف حتى نحافظ على اللي وصلنا له انا غلطتي قبل لما وصلت للوزن اللي ابيه نسيت نفسي وكله اكل اا يوعانه او شبعانه بعدها تفاجات اني رديت كل الوزن اللي خسرته هالمره تعلمنا باذن الله .

 

[سـواره]

ما شاء الله عليج دندن .. استانست لج وايد

أهم شي باي باي سبعينات هههه

أنا للأسف الشديد وزني مثل ما هو

55 كجم .. مانزلت بس ان شا الله من اليوم بيبدى الجد وبسوي رياضة لوول

اليوم كلت بيض بس هههههه ما حد مسوي غدى

وتفاح وبرتقال وروب

 

[الكيكه دندن]

تسلمين حبيبتي سواره وعقبالج ان شاء الله بالشهر اليديد شدي الهمه والرياضه حتى لو مشي ربع ساعه

***

يومياتي 1\9

الفطور

1ناجيتس دجاج2كبه ارز باللحم5حبات ودجز 1سمبوسه جبن نص كبه لحم قلاص فيمتو


الساعه 8م
2 فنجان قهوه مع 3 حبات جواهر


والحين كله اشرب ماي ليما يحين موعد السحور

واتفرج الحين على رقص زومبا
http://www.youtube.com/watch?v=1G1AkJ-97ng&feature=related

http://www.youtube.com/watch?v=sjXX_wYF-_M



وتحمست ارقص معاهم الحين ههههه

وناسه

وراح اقولكم باجر ان شاء الله على المده الزمنيه اللي راح اقضيها بالرقص :d

 

[الكيكه دندن]

Zumba Fitness - E3 2010: Dancing Woman Debut Trailer | HD - YouTube

 

[دلع بآبي]

طلعتي تعرفين ترقصين بعد ههه منتي هينه

سوارة انا ماقولج احسدج لكن اغبطج يعني وزنج جداا مثالي اشله تضعفين بعد ياليت وزني كان 55

مدري شكنت بسوي لول ماشاء الله بعد موتقولين دلع حسدتني

المهم

كنت صايمة اليوم وفطرت لبنة ورطب و7 قفش صغييرة لاحظو صغييييييرة عيش ومرقة عدس وحبتين رقي

والساعة 10 كلت رقي + خبزة مدهونة بجبن وزعتر + شاي

ومشيت ساعة كاملة

وبتسحر ان شاء الله شابورة + شاي حليب ^^

 

[الكيكه دندن]

ههههههه هلا بدلع والله اييه اكيد اعرف احم احم


نسيت اقولكم اني راح اتسحر خبزه بزعتر وشاي حليب ان شاء الله


وبالنسبه للرقص رقصت ساعه الا ربع

وحطيت على بطني وخصري بعد ما تسبحت كريم شيب آب
وعالمؤخره كريم هيب آب

والحين راح اقرا قرآن ليما الساعه 1 ونص الساعه 2او 3 اتسحر ان شاء الله

تصبحون على خير

 

[سـواره]

هههه ما شا الله كيكة .. رقص الزومبا وايد يضعف .. بس انا موول ماعرف أرقص

دلع بابي .. حياتي ههههه .. بس للأسف ما يناسبني هالوزن بالمرة .. جسمي مب متناسق .. تخيلي كل ماحد يشوفني يصير محور حديثهم سارة متنت ههههه

وقبل عندي عادات جدا جدا جدا سيئة فالأكل .. كله حلويات وأيسكريم وأكل برع .. بس الحمدلله ألحين أكلي وايد أحسن

أن شا الله بكتب لكم بعد الفطور شو أكلت

أحبكم كلكم

 

[سـواره]

اليوم كليت صحن برياني

وماي

تفاح برتقال

الحمدلله :]

 

[الكيكه دندن]

احبك الله سواره :**


هههههه بالنسبه للزومبا اييه وايد يمدحونه ويضعف عاد انا اليوم رجلي تعورني هههههه بس تشوفيني وانا امشي اضحك كني امشي على بيض
***

اليوم 2\9

عملت تمرين البطن 10 مرات


الفطور

صينيه تكه بالفرن وخضار وبطاطس بالفرن اكلت تقريبا 5ملاعق مع قلاص فيمتو


الساعه 9
قهوه و3 حبات جواهر

السحور مادري للحين ماقررت راح اقولكم بس اقرر

وبالنسبه للماي شربت امس 3 لتر الحمدلله

واليوم الى الآن شربت لتر الحمدلله

 

[الكيكه دندن]

سحوري راح يكون ان شاء الله بيض وخبزه بزعتر وشاي حليب


تصبحون على خير حبايبي :**

 

[دلع بآبي]

حبج ربج يالغااليه

أمس فطرت لبنة ورطب وشمام وملة كاستر مع فيمتو ولبن

وبعد ساعتين كلت حبة رمان

وتسحرت بيض وروب قليل الدسم وخبزة ووبس ^^

 

[الكيكه دندن]

امس سحوري

ماكليت خبزه كليت 2 بديل الخبز الصحي ماجروتوست بالزعتر مع 2 بيض مفيوح وشاي حليب


اييه وعلى فكره تجمعنا هذا بس شهرين ليما عيد الأضحى باذن الله

ومن بعده افتح الجزء الثالث ان شاء الله

 

[b6oo6a-56]

ان شاءالله انا بدش وياكم

وزني:102.3
طولي:ماادري
الهدف1 :95

 

[b6oo6a-56]

بكتب من الصبح اليوم ان شاءالله

 

[b6oo6a-56]

ريوقي بيض جبن ويه طماط بس للاسف بس كليت حبه وحده



بعدين رحت النادي 3 ساعات

كلليت سناك بطاط ماادري توست ويا لبنه وروب



تغديت 3 كبابات ويااقل من ربع خبز وطماط وخيار وجاي

 

[سـواره]

اليوم كلت عيش ودجاج

وتفاح وبرتقال وروب

وسويت مشي 20 دقيقة أخيييرن

 

[دلع بآبي]

اليوم مقهورة من نفسي حييييييييييل

فطرت لبن ورطب وشمام وخيار مع روب

عقب كلت برتقالة + تخيلو شنووو صحن بطاط مقلي >< حسبي الله ع هالشهية

بروح العب ساعة رياضة وبشوف اشبتسحر

 

[washwoshh]

هاي بنات

ودي اشارك معاكم

 

[الكيكه دندن]

يا هلا فيج حبيبتي يلا بلشي معانا وشدي الهمه باقي شهرين عالعيد

دلع يلا المرات الجايه تاكليه مشوي ان شاء الله

***

اليوم 3\9

الفطور

6 ملاعق من صينيه كبه بالكريمه +3ارباع خبزه وقلاص فيمتو

الساعه 9
حبه جواهر +2فنجان قهوه

الحين راح اشرب حليب شوكليط قليل الدسم

والسحور ان شاء الله

شابوره وشاي حليب

والماي شربت الى الآن

لتر وربع

الحمدلله

والرياضه

تمرين البطن 20 مره
تمرين الخصر 10 مرات
تمرين المؤخره 20 مره

الماي إلى الآن شربت تقريبا لتر وربع
​

 

[دلع بآبي]

الحمدلله ضغطت ع عمري ومشيت ساعة

وبتسحر شاي حليب وشابورة

بنات بموت من الانفلونزا صار لها اسبوعين وهي ملازمتني شسوي

جربت بنادول وفكس ومافاد ومالي خلق المستشفى

حرام ما احس بطعم الاكل