الحرب ضد السمنه ** أقوى تجمع على الإطلاق ** شهر من تاريخه

[حرم_طيار]

الخطه كانت جذي
بس اهلي بسافرون فشله ما اقدر اقولهم لا اتسافرون عشاني
وانا ما بقى شي واداوم

 

[حرم_طيار]

بندول قاعده اكل روب

 

[هاديهـ&مطيعهـ]

الله يرده لج بالسلامة والأيام تركض ,,, حلو الروب يخفف شحوم البطن

 

[هاديهـ&مطيعهـ]

استمري بالرجيم عشان اذا رجع ريلج يلقاج وحده ثانية حيل بيستانس ويتفاجئ

 

[هاديهـ&مطيعهـ]

آنا دخت حدددي قفلت بروح أنام تصبحين على خير

 

[حرم_طيار]

بندول كاتبه موضوع بقسم الانظمه الغذائيه دشي اقري بليز

 

[حرم_طيار]

وانتي من اهل خير حبوبه

احلام سعيدة انشوفج باجر على خير ان شألله

 

[ام _خلودي]

شكلى طحت على التجمع بالوقت المتاخر

كنت ابي ابلش ويااكم جود الاراده اشوويه تتسنع

 

[هاديهـ&مطيعهـ]

أم حلودي بلشي من اليوم احنا بادين الاسبوع الثاني

مبرقعه ومياو وينكم اليوم

 

[nono93]

موفقههههههههههههه حبوبه

 

[sheraZia_Q8]

الله يخليلكم بناتكم انشالله ويتربون التربيه الصالحه
والله شوقتوني حق اليهال وي وي :$:$
عاد انا كنت مخططه اذا تزوجت لمده 3 سنين ما اييب عيال @@
بس لا شكلهم من سوالفكم وناسه
شتنصحوني فيه عاد؟؟
..............
بندول تره الشعار الي حاطته مو مبين عندي طالع اكس
.............
ويالله يا بنات انا من باجر ببلش رجييييم
كنت قاطعته هالاسبوع لان عندي امتحانات
انشالله من باجر بسوي رجيم التمر واللبن
وعل وعسا ان يتحرك وزني صار له مده ثابت ما ينزل

 

[حرم_طيار]

واي يا حلات البنات يهبلون

اليوم بس شربت كافيه لاتيه

 

[مـ..ـ‘َِـيآوَِّ]

بندول انا ببيت اهلي وما اقدر ادش النت وايد امي تهاوشني تقولي انتي تيجين عندي كل اسبوع مره علشان دشين النت

فاقعد وياها فديتها المهم انا ولدي كان تعبان والحين صار زين والحمد لله بس انا اللي تعبانه الحين الكحه ذبحتني والله عايشه على الشوربه

والشاي هالجم يوم لين يخف علي مرضي والف الف مبروك للرابح الاكبر هالاسبوع والفال لنا ان شاء الله

ومبروك لكل اللي نزل وزنهم الاسبوع ولو نص كيلو الحمد لله

 

[هاديهـ&مطيعهـ]

مياو ,, الحال من بعضه بالويك إند صعبه تشبكين وسلامات وما تشوفين شر شربي زنجبيل زين للكحه

شيرازية والله اليهال أهم زينة الدنيا يعطون الدنيا طعم ثاني خصوصا لا صاروا عيالج ان شاء الله تجربين هالشعور عن قريب وشدي حيلج بالرجيم بنشوف منو الرابحة الكبرى للاسبوع الياي

حرم - شلونج حبيبتي من وين تاخذين بذرة الكتان ماشاء الله تقريرج بقسم الانظمة شجعني حييييل

 

[هاديهـ&مطيعهـ]

مبرقعه / سأكون يوما ما أريد وينكم اليوم مختفين

 

[أم شواقه]

مساااااء الخيييييييير


اشوه لقيت تجمع يشجعني بالريجييييييييييييييم


شخباركم

 

[أم شواقه]

اشلون ريجيماتكم

؟؟


من نفسكم ولا دكتور


انا بالنسبه لي رحت عند محمد ربيع هالاسبوع بديت

 

[هاديهـ&مطيعهـ]

هلا أم شواقه شلونج حياج الله معانا احنا تقريبا كل وحده لها رجيمها اللي ترتاح عليه وكل أربعاء الميزان

 

[هاديهـ&مطيعهـ]

مشكورة حرم طيار أقرب فرصة بشتري بذرة الكتان وأجربها

 

[حرم_طيار]

هلا وغلا بندول

العفو العفو حبوبه

اليوم شربت لي كافيه الاتيه العصر
وتعشيت بلونتر 360 جبدة دياي بدبس الرمان يمي يمي حدها لذيذة