الخدم .. والطلعات مع الزوج واليهال !

[om MaRyooM]

السلااااااااااااااااااااامــــ عليكمــ ..



تدرون عاد بدت العطلة وبدت الطلعاات والوناسة والسفر و..و..و...









موضوعي اهو سؤال على سوالف :nocommint: مادري شنو يعني لووول

يعني اهو عبارة عن سؤال .. وبنفس الوقت تقولون رايكم ونسولف عن الموضوع





وسؤالي كالتالي


لما تطلعون عيالكم تاخذون شغالاتكم معاكم بالطلعة ولا تخلونهم بالبيت ؟؟


انزين هل اذا كان زوجج معاج ومعاج ولدج او بنتج تاخذين خدامتج :friends:

ولا تحكركم وتاخذينها بس لما تطلعين بروحج مع العيال ؟؟ ؟




انا بصراحة اذا كنت طالعة بروحي مع بنتي لازم الشغالة معاي .. لأن بنتي :nocommint: مشالله عليها


اما اذا مع زوجي وباخذ بنتي عاد على حسب الطلعة يعني ..

بس احس اني محكوورة مع وجود الشغالة ياربي ! ماقدر اسولف مع زوجي على راحتي ولانظحك ونستعبط لووول .. بس شنسوي احيانا اضطر اخذها عشان تركظ ورا بنتي لووول

واحيانا بعد اطفر منها لأنها باااردة بالمشي وتخز بالاوادم خصوصا اذا رحت أحد المجمعات لاتشوفون ويهها لوووول

يليت اسمع ارائكم :eh_s(22):

 

[حبـ admant ـك]

انا ماحب اخذ الخدامه
احس التزم فيها وماقدر اخذ راحتي لان تدقق على كل شي اشتريه وبجم

 

[لجين]

واااااي مشكلة الخدم

انا اقول حددي يوم طلعة لبنتج والخدامه وياكم ..

ويوم خاص فيج لا تاخذين يهال وخدم

وريحي راسج وونسي عمرج انتي وزوجج

>> راي

انتي اشرايج ؟؟

انا ان شاء الله بسوي جذي لما تكبر بنوتي

 

[آهات الليل]

الله يكون بعونج على هالخدم موشرط تاخذينها اذا ريلج معاج الا مثلا العاب للبنوته وجذي اخذيها
انا ماعندي خدامه عشان جذي ماعرف؟؟
البنات يفيدونج انشالله

 

[جـــواهر]

اذا طلعت مع زوجي وولدي معانا ماخذ الخدامه حده ماله داعي

امن اذا طلعت انا وولدي ولا مع اختي وعيالها اخذ خدامتي

والله مرات اروح انا وولدي مجمعات لحالنا ماناخذ الخدامه مالها داعي

 

[frketa1]

اذا مع زوجج لا تاخذين الخدامة تحكركم اشدعوة كلها ياهل واحد ما تقدرين عليها انتي وزوجج؟؟ لازم الخدامة تجابلكم؟؟ والله تكرهين حتى زوجج بالطلعة يطلع مع ربعه ياخذ راحته أكثر،، أما اذا بروحج اخذيها تساعدج

 

[brettey]

اذا طالعه مع عيالي اي لازم الخدامه لكن اذا مع زوجي ومعانا اليهال لا ماناخذها

 

[هيبة فتاه]

هالمقروده شمسوية ؟!
مو كافي انها متحملة اليهال وازعاجهمـ والله انا اشوف خدامات يراعون اليهال أكثر من امهاتهم

 

[Pretty Petite]

بصراحة ماعندي عيال

بس اذا كان عندي .. جوابي:

على حسب الطلعة.. مثلا اذا شاليه ممكن تحتاجينها بس اذا مطعم لا !

على حسب طبيعة الطفل وعمره.. اذا حركي ومايعرف يوقف تبين وحده تركض وراه وخصوصا اذا ماعندج بيبي اكبر منه يراقبه! واذا كان صغير وايد ما تحتاجين الخدامة!!

على حسب الزوج.. اذا يساعد أو لا..

على حسب الخدامة.. في خدامات حشريات ما تشتهين تاخذينهم مكان!!!

على حسب منو معاج بالطلعة.. يعني اذا في احد يساعدج ماراح تحتاجينها


وبناءا على اعلاه اللي يناسبني ممكن ما يناسبج

 

[صخر جلمود]

اذا آنا معاه آحس ماله دآعي

واذا برووحنا لآ أخذها عشان أعرف أتسوق

 

[om MaRyooM]

مشكوريييييييييييين ماقصرتو ع الردود



*هيبة فتاة*


مشكورة بس ماعرفنا رايج بالموضوع !

 

[حليبه]

للحين الله ما رزقني

بس على حسب الطلعه و المكان

 

[أو عبوش]

اذا ماخذه ولدي بس سنتين ونص عمره وانا وابوه عادي بروحنا

بس اذا اخذت ولدي وبنتي عمرها سنه


لاااااازم اخذها
واحد سنتين ونص ووحده سنه لوووول اركض وراهم؟ ما اقدر بصراحه برستيجي عباه راس ونقاب واركض وراهم عاد حركتهم زايده الله يحفظهم

ضروري تمسك البنت اهي وانا الولد

 

[.،:"$الـعـوبــــة$":،.]

شوفي يالغالية ، فيه جهال اسم الله عليهم ، مايتعدون اهاليهم بالطلعات ويخافون حتى لا راحوا بعيد شوي ردوا مرة ثانية !!
انا ولدي فديته مايروح ويخلينا ، يعني يحوس حوالينا !!
اما بنتي !! استغفرالله اصلا من كثر ماتشيش لما تطلع مرة بالسوق تركض تركض تركض لين دعمت الجامة !!
حمدالله والشكر ماعاد تشوف حتى !!
والله بغيت اقوم اكفخها !! اللي يشوفها مايقول كل يوم وربي كل يوم اذا مو يوم ترك تطلع !!!!!!
أو تمسك عيال الناس تطقهم ! أو تستلم لها اي واحد وتطيح فيه أسأله ! لين احسه بيحذف نفسه من فوق !!!
فلازم آخذ الخدامة ! لأنها ماتخاف الا مني واذا طلعنا تدري اني ماراح اركض وراها وتعاند !!
​

 

[سرقت النوم]

الله يعينج يالعوبه باجر تكبر بنوتج و تركد ماعليج يقولون البنت الشيطانه و اهي صغيره تصير اركد و اعقل البنات لمن تكبر

انا عن نفسي ما آخذها مالها داعي و زوجي صحيح ربادي بس لمن نطلع مع اليهال معودته انه اهو يمسك ولده و انا البنت و اليهال تعودو بعد على هالشي

الخدامه للتنظيف و الغسيل بس عيالي نادر ما اخليهم عند الخدامه يمكن اذا بتسبح او بصلي بس

 

[شووقة]

اذا بطلع مع عيالي من غير زوجي اخذ الخدامة اما اذا مع زوجي وعيالي لاماله داعي اخذها

 

[دنيا رديه]

على حسب بصرااحه

 

[a7la MUM]

ولدي عمره 3 اشهر حبيبي مايسوي شي اسم الله عليه ارظعه عدل واغيرله قبل الطلعه واسم الله عليه اغلب الوقت يكون نايم واااااااي فديته

 

[أمواج البحر]

اذا مع ريلي اخذ عيالي بس من غير الخدم

بس بروحي مع عيالي اكيد اخذهم ومنها يطلعون ويستانسون بدل حكرة البيت

 

[++MesK++]

؛
؛



مآآآآآآآآآآ آآخذ الخدامه الا اذا طالعه بدون زوجي و بحالتين فقط :

اذا رايحه بيت اهلي مع عيالي بدون زوجي

و اذا رايحه الطبيب مع عيالي بدون زوجي

غيييييييييير جذي ما اخذها مستحيييييييييييييل

؛
؛