{ ...الدكتورة رشا الصفي تجيب على استفسارتكم ..} استضافة اسبوعية

[خجل العذاأارى]

الأكل تبدين تذوقينه لما يكمل 4 شهور و يدخل الخامس

تبدين تذوقينه العيش مسلوق

و عقب الخضار و عقب الفواكه

مسلوقة و مهروسة

و الرضعات مثل ما هي اول شي بعدين تزيدين بالتدريج الأكل و تقلليلن الرضعات

مشكوووووووره دكتوورتنا ويعطيج العافيه ماقصرتي .........
انا الحين بديت اعطيه نص قفشه سريلاك ميلوبا رايس برضعته ..... واعطيه برضعه الثانيه نص بسكووته زين ولا لا؟
وشنوو العصير المناسب للبيبي اعطيه عصير طبيعي واو عصير نادك ؟؟؟؟
ولدي صاير يسعبل واجد ويعضض ايده واي شي يمسكه يعضه وقليل مايحك اذنه هل هذا بدايه تسنين واقدر احطله مره التسني للثه واعطيه بسكووت التسنين
واعذريني على كثره اسئلتي ................

 

[ريم-2003]

السلام عليكم
دكتوره لو سمحتي بأسالج عن بنتي عمرها سنه ونص وفجأه صار معاها اسهال مزمن وترجيع ...كانت باليوم تسهل تقريبا اكثرمن عشر مرات وكل ماتاكل شي رجعته وكان يطلع مخاط مع دم بالاسهال... الصراحه خفت حيل وديتها الطبيب وعطاها مغذي مثل المميه تشربه ومضاد حيوي وغيرلها الحليب بس طولت اسبوعين ياله صارت زينه الحمدالله يارب
اللي ابي اعرفه من شنو هاالشي صارلها فجاه وهل الدم مع المخاط بالاسهال مو زين لاسمح الله
وعلما اني انا ارضعها طبيعي اشوي بس اكثر شي صناعي ..وانا سمعت سببه انه يكون نقص في الحديد؟؟ او انه من الامعاء متجرحه؟ هل يؤثر على الامعاااء ؟؟؟؟؟؟
وشكراااااااا

 

[الجود90]

فديــــــــــــــــــــتج دكتوره .. يزاج ربي كل خير على الأجوبه الطيبه.. ريحتيني ربي يريح بالج ويسعدج دنيا وآخره

الصراحه انتي دكتوره رائعه.. اسلوب راقي وثقافه واسعه

ربي يجعله في ميزان حسناتج

 

[الجود90]

دكتوره ... انا خايفة

من يوم مابنتي عمرها 4 شهور وانا كنت احطلها بسكوت في الحليب اسمه دايتريبا لون البوكس اخضر.. وعقب فتره قريت انه يحتوي على الجلوتين وانا ماكنت ادري ان الجلوتين مش زين للبيبي...

الحينه شو اسوي وشو الحل؟؟ مع العلم اني حصلت بسكوت ثاني ماركة ميلوبا خالي من الجلوتين وبديت استخدمه بس خايفه استمر

شو تنصحيني؟؟

 

[~ الــــزيــــن ~]

ســــــــــــــــــاعدوني ؟

مـــــــــــــــــــــــــــرحــــــــــبــــــــــــــــاااااااااااا
شلونكم .......؟؟؟
بدش بالموضوع بسرعه ..... انا ولدي عمره شهرين وضعيف انا اشربه حليب بيبي لاك
بس بسالكم في حليب يمتن الاطفال ؟؟؟ شسمه ؟؟؟؟
ـــــــــــــــــــــــــــــــــــــــــــــــــــــــــــــــــــ
~ الــــزيــــن ~

 

[د. رشــا الصفــي]

مشكوووووووره دكتوورتنا ويعطيج العافيه ماقصرتي .........
انا الحين بديت اعطيه نص قفشه سريلاك ميلوبا رايس برضعته ..... واعطيه برضعه الثانيه نص بسكووته زين ولا لا؟
وشنوو العصير المناسب للبيبي اعطيه عصير طبيعي واو عصير نادك ؟؟؟؟
ولدي صاير يسعبل واجد ويعضض ايده واي شي يمسكه يعضه وقليل مايحك اذنه هل هذا بدايه تسنين واقدر احطله مره التسني للثه واعطيه بسكووت التسنين
واعذريني على كثره اسئلتي ................

خلى الرضعات بس الحليب افضل بدون اضافات

علشان لا تتغير مواصفات الحليب

و العصير المناسب للبيبي هو العصاير المخصصة للأطفال الرضع مثل الجيربر و الفارليز و البيبي هيرو لأنها تكون معقمة و مبسترة

لأنه العصاير الفريش و العليب العادية مهما تكون نظيفة ما تكون معقمة تماما

بالنسبة للتسنين تقدرين تحطين له الجيل مال اللثة بس لا تكثرين وايد اطفال تمر مرحلة التسنين بدون ما يحتاجون هالجيل

اذا يصيح وايد و تحسينه تعبان شوية ادول و ماي غريب يحل لج الموضوع

بالنسبة للأسئلتج ترى مو وايد ولا شي

حياج الله

عزيزة و غالية

 

[د. رشــا الصفــي]

السلام عليكم
دكتوره لو سمحتي بأسالج عن بنتي عمرها سنه ونص وفجأه صار معاها اسهال مزمن وترجيع ...كانت باليوم تسهل تقريبا اكثرمن عشر مرات وكل ماتاكل شي رجعته وكان يطلع مخاط مع دم بالاسهال... الصراحه خفت حيل وديتها الطبيب وعطاها مغذي مثل المميه تشربه ومضاد حيوي وغيرلها الحليب بس طولت اسبوعين ياله صارت زينه الحمدالله يارب
اللي ابي اعرفه من شنو هاالشي صارلها فجاه وهل الدم مع المخاط بالاسهال مو زين لاسمح الله
وعلما اني انا ارضعها طبيعي اشوي بس اكثر شي صناعي ..وانا سمعت سببه انه يكون نقص في الحديد؟؟ او انه من الامعاء متجرحه؟ هل يؤثر على الامعاااء ؟؟؟؟؟؟
وشكراااااااا

ما تشوف شر

اللي صار هذا نزلة معوية صارت بسبب التهاب بالأمعاء

و الدم و المخاط مع الاسهال يدل على ان الحالة كانت شديدة بس مو اي شي ثاني

و بالنسبة لنقص الحديد ماله علاقة لا من قريب ولا من بعيد باللي صار بالبنت

و الأمعاء متجرحة من كثر الخروج و ماله تأثير على الأمعاء على المدى البعيد ان شاء الله

 

[د. رشــا الصفــي]

فديــــــــــــــــــــتج دكتوره .. يزاج ربي كل خير على الأجوبه الطيبه.. ريحتيني ربي يريح بالج ويسعدج دنيا وآخره

الصراحه انتي دكتوره رائعه.. اسلوب راقي وثقافه واسعه

ربي يجعله في ميزان حسناتج

الجود

انتي اللي جزاج الله خير هلى عالكلام الحلو اللي يفرح والله

ما تصدقين اشكثر اسعدني كلامج و خجلني بنفس الوقت حبيبتي

و مابي اكثر من دعاء طيب من اخت طيبة بظهر الغيب

لي و لأهلي و لعيالي

 

[د. رشــا الصفــي]

دكتوره ... انا خايفة

من يوم مابنتي عمرها 4 شهور وانا كنت احطلها بسكوت في الحليب اسمه دايتريبا لون البوكس اخضر.. وعقب فتره قريت انه يحتوي على الجلوتين وانا ماكنت ادري ان الجلوتين مش زين للبيبي...

الحينه شو اسوي وشو الحل؟؟ مع العلم اني حصلت بسكوت ثاني ماركة ميلوبا خالي من الجلوتين وبديت استخدمه بس خايفه استمر

شو تنصحيني؟؟

اول شي ما تشوف شر البنية و ان شاء الله ما عليها الا العافية

بالنسبة للغلوتين اذا ما لاحظتي شي على البيبي من عمر 4 - 6 شهور مثل هزال او انتفاخ بالبطن او اسهال م التبادل مع الامساك او شحوب باللون

يكون الغلوتين ان شاء اله ما أثر على البيبي

و الشي الثاني ماله داعي تحطين البسكوت او السيريال بالحليب

تقدرين تعطيني البيبي البسكوت الخالي من الغلوتين تخلطينه مع الحليب و توكلنه بالملعقة و ليش بالرضاعة مع الحليب

 

[ZajiL]

رد: ســــــــــــــــــاعدوني ؟

مـــــــــــــــــــــــــــرحــــــــــبــــــــــــــــاااااااااااا
شلونكم .......؟؟؟
بدش بالموضوع بسرعه ..... انا ولدي عمره شهرين وضعيف انا اشربه حليب بيبي لاك
بس بسالكم في حليب يمتن الاطفال ؟؟؟ شسمه ؟؟؟؟
ـــــــــــــــــــــــــــــــــــــــــــــــــــــــــــــــــــ
~ الــــزيــــن ~

اول مره اسمع حليب يمتن المهم الصحه ودام ولدج يرضع وزيد وزنه هذا اهم شي

 

[فرنسا]

رد: ســــــــــــــــــاعدوني ؟

اهو فعلا في حليب سعراتة الحرارية اكثر ...الافضل دقي عالطبيب وسالية او روحي الجمعية واقري السعرات وجربي

 

[b6o6a]

رد: ســــــــــــــــــاعدوني ؟

انا سامعه سميلاك يمتن

بس توه عمره شهرين مسكين كل اليهال عنونين

انا بنتي كانت نتييفه

خليه على حليبه متعود عليه اذا وزنه طبيعي ليش تحاتين

 

[slk]

رد: ســــــــــــــــــاعدوني ؟

حليبج ممتاز لا تغيرينه

 

[جاردينيا_2000]

حليبي سبب بوصفار حق ولدي ؟؟؟؟

اتخيلو ...لما خذيته حق الطبيب علشان اطهره ..فسوو له تحليل دم ..شافو ..عنده نسبه بصفار مرتفعه ..سوو تحاليل مره ثانيه ..فقالو ماعنده التهابات ولا شي ..وقفوه من حليب امه ..لمده 3 ايام ونشوف اذا نزل يعني من حليب امه ؟؟
والحين نظر عيني كل ما اشيله ادور الديد ..والله عيني تدمع ..حليبي افضيه بالبالوعه ..ولدي بدميعاته ادوره ..والحين مع حليب الصناعي ..كل اشوي امرجع ..مسكين:0bee2e8d89:
انزين شنو اشرب ولدي حليب شنو احسن حليب صناعي خفيف على معدته حبيبي

 

[ZajiL]

رد: حليبي سبب بوصفار حق ولدي ؟؟؟؟

بعد قلبي نفس رفيجتي الله يعينج والله صعبه
بس اذا تبييييين نصيحتي جربي ابتاميل كفرت وااايد زيد انا توني محوله ولدي علييييييييييييييه وفرق وايد ارتاح علييييه

 

[^kloOot^]

رد: حليبي سبب بوصفار حق ولدي ؟؟؟؟

انا تقريبا كل انواع الحليب جربت


وارشح نااااااااااااااااااااااان لانه قريب من حليب الام

 

[ام عمار]

السلام عليكم
يا دكتورة ساعديني ابنتي عمرها سنتين وسبعة اشهر لا تلبس البامبرز من 5 شهور وماشاء الله متعلمة دخول الحمام تمام
المشكلة من يومين بدأت تدخل تعمل بول كل نصف ساعة او كل ساعة الا ربع وكمية البول قليلة واحس البول محبوس ممكن تعمل نقطتين او كمية قليلة جدا ذهبت للمستوصف الدكتورة كتبتلها دواء ااسمه Theraprim كل 12 ساعة وما طلبت تحليل والموضوع الان في زيادة وايضا ممكن اشوف في ملابسها الداخلية نقطتين من البول وهي نائمة ايضا تعمل كمية قليلة مع انها طوال الاربع شهور لم تعمل مرة واحدة اثناء النوم

 

[الجود90]

دكتوره بنتي فيها اسهال من جريب الاسبوع الحينه.. وديتها الدكتور وعطاني شراب لونه برتقالي قال رضعه حليب ورضعه الشراب.. بس بعدها يعني ايام مرتين باليوم .. وايام اكثر والله... يعني حتى يوم احسها احسن بس شكل البراز (الله يكرمكم) مائي ويطلع من الحفاظ.. كل يوم اعطيها تفاح مفور واحطلها نشا بالحليب واأأكلها عيش مصري بس مادري شو السالفه..

يعني اذا من الأسنان كيف اعرف؟؟ يوم اطالع لثتها ما احسها متورمه..

والله اول بيبي ولا اعرف شي ولا اعرف كيف اتصرف.. تعبت بس شغاله ابدلها واغسل ملابسها فديتها..

اختي تقول في حليب للإسهال.. بس خايفه اعطيها؟؟ بعدين هي عندها تطعيم عقب 9 ايام يعني بغير لها الحليب ل رقم 2 لأنها بدش 6 شهور.. شو اسوي.. وكيف اتصرف؟؟

 

[د. رشــا الصفــي]

رد: ســــــــــــــــــاعدوني ؟

مـــــــــــــــــــــــــــرحــــــــــبــــــــــــــــاااااااااااا
شلونكم .......؟؟؟
بدش بالموضوع بسرعه ..... انا ولدي عمره شهرين وضعيف انا اشربه حليب بيبي لاك
بس بسالكم في حليب يمتن الاطفال ؟؟؟ شسمه ؟؟؟؟
ـــــــــــــــــــــــــــــــــــــــــــــــــــــــــــــــــــ
~ الــــزيــــن ~

حبيبتي كل انواع الحليب تقريبا تحتوي على نفس السعرات الحرارية

100 مل فيها 70 - 76 كالوري تقريبا

و حليب الأم 100 مل فيه تقريبا 72 كالوري

نصيحتي اذا وزنه طبيعي و الحليب مو مسبب له مشاكل لا تغيرين الحليب

 

[د. رشــا الصفــي]

رد: ســــــــــــــــــاعدوني ؟

اهو فعلا في حليب سعراتة الحرارية اكثر ...الافضل دقي عالطبيب وسالية او روحي الجمعية واقري السعرات وجربي

كل الحليب تقريبا اللي للبيبي من الولادة 100 مل فيه نفس السعرات 70 - 76 كالوري

و حليب الخدج نيوشور و عندكم بعدين البروجري و البيدياشور 100 مل فيها 100 كالوري