الدكتوره فوزيه الدريع برنامجها هل هو (ثقافه ام سخافه)!!!!!!!

[frenchya27]

سخافة و ما يبيلها تفكير ولا اختيار
حتى ويها ودر اعوذ بالله

 

[هوى الدار]

لها بعض الاراء اشوفهم غلط
لكن مرات تقول حكم

 

[*&* المميزهـ *&*]

ماله داااااااااااعي هالبرنامج

 

[TWEETY]

مااقول الا حسبي الله عليها ونعم الوكيل..

 

[~*~الملكة~*~]

صراحه بالعكس وايد استفدت منها وحلت وايد مشاكل واذا عن انها تجأ فلا حياء بالعلم وفيه برامج العن منها يعني اهي مرة كبيرة ومزوجه وام اعيال شنو هدفها غير تسمع للناس وتساعدهم وتقدم لهم الحلول المناسبه لمشاكلهم ولا جان ما انشهرت واذا على طاري انه تكلم عن الجنس وفي يهال يسمعون ما اعتتقد الحين البلوتوث والتلفزون النت مخلي احد غشيم!! يهال يعرفون بلاوي اكثر من حجي فوزيه الدريع يعني كلامها بالنسبه لهم ولا شي يعني الحين هالبرنامج بيخربهم !!؟؟؟لا والله وايد ناس استفادت منه ويعد ولا شي بالنسبه حق البلاوي العلنيه والخراب الي نشوفه بديرتنا اشكرة...!!!

انا معاج

بصراحه في وايد اشياء مفيده والي موعاجبه يغير القناة

ماله داعي يطالع ويخرب على غيره الي مايعرفون

بالعكس كلامها مافي شي يمكن في اشياء جريئة

بس احنا وايد عندنا مفاهيم غلط في الثقافة الجنسية

واهيا جزاها الله خير ماقصرت قاعده توضح على كثر ماتقدر

 

[bnt_kwt]

برنامج سخييييييف جدا جدا جدا

والحمدلله ما عمري ضيعت وقتي وتابعت لها حتى لو حلقه وحده

 

[.. Om Mr.7sN ..]

بصراحه انا اول كنت اشوف منه حلقات وكان عادي وبالعكس كانت تقول كلام واايد مفيد :eh_s(17):

بس الحين كلامها يفشل انا متزوجه وعندي عيال استحي اشوفه على طول اغير :eh_s(1):

و من وجهة نظري اكو واايد طرق حلوه ومفيده تخلي عندج ثقافه اب هالاشياء وبالطريقه الصح :ggdw:

وما اعتقد ان اكو وحده تقدر تطالع هالبرنامج جدام ابوها او اخوها وهذا اكبر دليل على انه سخيف :ggdw:

 

[sweet barbi]

كل شى يزيد عن حده ينقلب ضده
والصراحه فى حجى يفشل حتى لو من باب العلم

 

[شهدQ]

تدرين اول ماطلعت بالراي

كتبت تعليقي على برامجها بصراحه

فاعو علي البنات وبغو ياكلوني

والحين الكل تقريبا يشوف سلبياتها يعني مو انا بروحي

سبحان مغير الاحوال

 

[MANGO]

كبرنامج موضوعة حلو وفكرتة وااايد حلوة كا دكتور فيل واوبرا نقدر نقول تقريبا نفس الفكرة بس اهي شوي كلامها لج علية وحتن ساعات اللي يتصلون فيها مشاكلهم ما ادري شلون بعضها سخيفة وبعضها تفشل وتحرج

 

[MassComm]

والله استحي اطالعه

انا اشوف امور الثقافه الجنسية مو لازم تنحط بالتلفزيون..و اذا اي احد عنده مشكله يفضل لو يروح عندها المكتب

 

[منورة 85]

سخافة x مصاخة

 

[hi guys]

شوفي انا معاج بوجهة نظرج الاولى ان البرنامج بدا يصير

جريئ حيل وفيه خدش للحياء لدرجة اني قمت استحي اشوفه

مع اهلي احس كأنه برنامج اباحي اطالعه بالخش من ورا اهلي

واذا شفته مع ابوي واخواني يقولون غيري عن هالبرنامج الماسخ اللي


مادري شنو مستفيدين منه

بس انا اقولج وجهة نظري ان هذا البرنامج المميز بنظري والرائع في

مضمونه تدري ان هالبرنامج الوحيد اللي يتكلم بمواضيع قريبه من الواقع واحنا

نبي جذي عشان نقدر نحل مشاكلنا ونستفيد من خبراااات غيرنا

بس لو تقدر تخفف من هالجرأ يكون برنامج مميز

 

[N E M O]

أقولكم ليش الناس معترضين عليها .. لانها أول و حده تطلع تقدم برامج من هالنوع

وانا وايد اسمع ان في ناس استفادت

و تبون الصراحه انا انضم لمجموعة عدم الانحياز لوول


و تحياتي

 

[إنسانه بكل حالاتي]

ما أدري مابي أقول عنه ثقافه أو سخاف بس أسلوبها حده جريي ومافيه حياء

 

[كبرياء وايليه]

كل الشكر لوجودكم الروعه مرور مشرف
لاخلا ولا عدم

 

[كويتيه مذهله 87]

صج انا ما اطاالعه

بس خل توعي الناااس لان بعض النااااس هما السخاافه ومصخره

وهذي دكتووره كبيره عندها شهااده عالميه مايجوز نقول عنها سخاافه

 

[كبرياء وايليه]

شكرالج

 

[girl_in_abottle]

انا اشوفة من افضل البرامج الي تنعرض

فيه الواحد يتعلم اشياء جديدة عليه
و انا ماشوف فيها شي, خصوصا انة طريقة طرحها وايد علمية ووايد محترمة
ماشت شي يخدش الحياء منها
بس اتفهم انة في ناس فيهم حساسية من بعض المفردات مثل "المهبل" و ال"قضيب" و هل سوالف , بس انا ماشوف فيها احراج.
و فعلا معاها حق, انة بعض الفقرات تصنف فوق ال15 او 18 حسب الموضوع. و اهنيه يدخل دور رقابة الأهل. و إذا الأهل ماقدروا , هذا دليل على وجود خلل في البيت انة الكبار مو قادرين يتحكمون بالمراهقين و اليهال, فتكون فوزية الدريع عطتكم فرصة تكتشوف هذا الخلل.

الثقافة الجنسية مهمة, خصوصا في مجتماعتنا المحافظة, فالواحد اشلون يتعلم ؟
الثقافة الجنسية تخلي الإنسان في معاشرتة يترقى عن الحيوان إلي بس يأدي المطلوب و يمشي, و بدونها الأنسان يصير بهذة الحالة, إلا إذا كان متعلم من مكان ثاني.

سلام

 

[0(مـــســـ(مطير)ــــــك)0]

لاااااااااااااااااااااااا مو سخااااااااااااافه الا وقااااااااااااااااااااااااااااااااااااااحه