الدكتوره فوزيه الدريع برنامجها هل هو (ثقافه ام سخافه)!!!!!!!

[عطر الحكي]

لاااااااااااااااااااااااا مو سخااااااااااااافه الا وقااااااااااااااااااااااااااااااااااااااحه

صــــــــــــــــــــــادقه وبقوه بعد :eh_s(1):

 

[روحـــ تحبك ــي]

برنامج يلوع الجبد !!!! في احد ألحين مايعرف هالسوالف ؟؟ يعني الا يفتحون عيون اليهال على اشياء اكبر منهم؟!!

بصراحه انا ماشوفه ولا احبه والي يدقون عليها تافهين ووقحييييييين يقولون مشاكلهم جدام الناس .. صج مايستحون

 

[ذكراك تكفيني]

أنا قبل كنت اتابعه الحين لا
لان احس مواضيعها متكرره
ولما تقول هالفقره لا تصلح حق اقل من 18
تلقى اللي اقل من 18 اهم مجابيلين هالفقره

 

[tootoo86]

صراحه انا وحده من الناس استفدت من برنامجها بشكل كبير وكل واحد مشكلته وهمه على قده واذا على طاري فقره 18 واليهال يعني المسلسلات ماقصرت والبرامج الثانيه والحين هابين بمسلسلات تركيه حبني واحبك وشنو تبون اكثر من جذي وبعدين هي دكتوره كبيره وفاهمه الي تقوله وهذا يزاها المره قاعده اتحل مشاكل الناس....والي مو عاجبه البرنامج يطفي التلفزيون وعلى طاري الي يدقون احيانا مشاكلهم تافهه وتحرج واعيد اقول كل واحد مشكلته على قده والناس اجناس

 

[ميراندا]

أول ما طلعت كان برنامجها يثير الفضول في البعض وبحكم تخصصها الدراسي كان الكل يبي يعرف شنو بتقدم فوزية الدريع ؟

لكن مع تسلسل الحلقات وتطورها .. إهي أيضا تطورت بالشرح بدون حدود .. وأعتقد إن المرأة حتى لو كانت مثقفه وعلى درجة عاليه من الثقافه إللي محتاجينها البعض تقدر تقدم ثقافتها بحيث إنها ماتعرضها على الرجال .. لأن هذا بحد ذاته إثارية محرمة للرجال إللي بطبعهم (الفضول وحب معرفة الممنوع)

تقدر تسوي منتديات نسائية رسمية تعرض فيها المشاكل والحلول وحق النساء الغير ملمات بثقافة الإنترنت تقدر تخفض سعر الجلسة بعيادتها إللي سعر الجلسة فيها خيالي .. وفعلا ماله داعي .. وبجذي تقدر تثقف النساء والفتيات بشكل مايظيع فيه طابعها الحيائي .. حياء الأنثى وحياء المرأة .

ومن ناحية برنامجها كنت أتابعه أول ماطلع لكن ما حسيت إنه أضاف معلومة فادتني بحياتي الزوجية أبدا .. وبالوقت الحالي صار برنامج للمراهقين والمراهقات إللي يعانون من مشاكل عاطفيه سخيفة .

أما من ناحية ناعمة الهاشمي فلها مني كل التقدير والإحترام .. وما أقصد بهذا إني أحش أو أذم لكن كل واحد وله رايه وأتمنى الكل يتقبله بصدر رحب ..

ناعمه الهاشمي مجال دراستها نفس مجال دراسة فوزية الدريع لكن أبدا ما تتكلم بحضور الرجال وهدفها إنها تثقف النساء الفتيات بالدرجة الأولى والخليج العربي كله على علم وثقافة إستمدها منها لأن دوراتها شملت ( الكويت / قطر / عمان / السعودية / الإمارات ) وكل ما أقرا مقالاتها أكثر أستفيد أثر وأكثر .. وكلما حضرت الكويت وخذيت عندها دورة أحس إني إنسجمت مع زوجي أكثر من قبل ولله الحمد والشكر .

ودمتم بود

أختكم
ريحانة_14

بس حبيت أنوه للأخت
الاستاذة ناعمة الهاشمي تخصصها بكالريوس ادارة أعمال و متخرجة من جامعة الكويت .. وجميع ملعوماتها عن الجنس مجرد اجتهاد شخصي و ثقافة كتب و انترنت .. مع هذا لا أنكر انا شخصيا استفدت منها كثيرا في حياتي الزوجية ( لاحظو الزوجية ) وليس الجنس

أما الدكتورة فوزية الدريع فتخصصها دكتوراه في الثقافة الجنسية و خبرتها 30 سنة و لها ما يقارب 30 كتاب

هذا للتنويه فقط

أما بخصوص البرنامج فعلا برنامج جريء لكنه هادف ..
يعني الجنس هي غريزة اساسية بالانسان .. مثل ما الواحد يتثقف في المواد الغذائية و لأن الغذاء اساسي للانسان
ليش ما يتثقف بالأمور الجنسية !! .. هناك أمور كثيرة دخيله على مجتمعنا .. مثل السحاق و اللواط و الوطؤ بالدبر غيره و غيره اعاذنا الله منها

كذلك طرح الدكتورة يتم باسلوب علمي راقي و ليس باسلوب شوارعي !!

العيب ان احنا ندفن راسنا بالرمل و انقول ما نبي نتعلم .. مع اننا اندور من تحت لي تحت
العيب لما البنت تتزوج و ما اتعرف شي او عندها معلومات غلط
العيب لما بناتنا واعيالنا يسمعون هالأشياء من بره البيت او من النت و باسلوب مقزز و خاطيء

مع احترامي لرأي الجميع طبعا ..
و سلامتكم

 

[SaD FaCe]

اهوه ثقافه وسخافه بنفس الوقت

ثقافه لما تحل المشكله بعقلانيه وتقدم حلول حلوه حق صاحب المشكله

سخافه الالفاظ اللي تقولها لان احنا ما نقدر نطلع الياهال بره الغرفه وحتى لو مو ياهال يعني لما يكون حماي قاعد معانا ويطالع انا استحي مع ان اكبر مني ..!

الله يهديها بس .. انا مع البرنامج لان ناجح بس ضد الالفاظ الجنسيه اللي تقولها ..! واللي عنده اي مشكله جنسيه خل يدق عليها ورى البرنامج او يروح عيادتها مالاداعي ترد عليه بالهوى ..

هذا رايي

 

[dantella]

اهي تستغل برنامجها وظهورها للترويج لعيادتها مو اكثر ........ وتحسب ان كل ماكانت جريئه بالكلام كل ما اقبلوا عليها الناس اكثر

 

[سنافية مطير]

كل واحد لــه رايه الشخصي ...
بس أنا من وجهة نظـــــري : أشــوف إن 80% ثقافه .. الجيل الجديد وخصوصا البنت(المراهقه) ما تدري وين الله قاطها وما عندها وعي
في بعض الأمور الجنسيه ،، أكيد بتقولون لي إن البنات يعرفون كل شي !! أنا ما أنكر هالشي وصج في بنات متفتحين بس مو كلهم !!
مثل مافي بنات يعرفون كل شي في بنات ما يعرفون شي!!الدنيا تطورت وهالزمن يخوف ، البنت بالذات لازم إتحافظ على نفسها لازم
إتعرف إنها مو نفس الولد!!لازم في أحد يوعيها بأهمية حرصها على نفسها .. ألحين حتى لو الأم إتربي وتتعب بالتربيه وإتكون واثقه بتربيتعا
يبقى الخوف بقلبها على بنتها وبصراحه ما تنلام !! بزمنا هذا إنواجه غزو فكري وغزو فضائي وغزو تكنولوجي ....إلخ شلون الواحد يقدر
يرتاح ويتطمن على عياله ؟؟ مافي حل إلا ( التــــــــــوعيه ) ,, بعض الأمهات تستحي تقعد مع بنتها وإتفطنها وإتعلمها ليش لازم إتحافظ على
نفسها ؟؟ ليش البنت بالذات سمعه ؟؟ ليش غلطة البنت تعتبر بمليون غلطه ؟؟ ليش وليش وليش .... إلخ !!!
أنا ما أنكر إن الدكتورة فوزيه الدريع إتمادى بالكلام مرات بس هم زين إن البنات تسمع تجارب غيرها .. لازم الواحد يستفيد من غلطات غيره
.. وإذا البنت إسمعت تجارب غيرها وشافت نتايج هالتجارب(السلبيه) طبعا أكيد راح إتخاف وراح إتحط فبالها إن هالأشياء غلط مدامها إعرفت
بعواقب بعض الأمور ..
هاذي وجهة نظري ...

 

[monmoon85]

بالعكس انا اشووف برنامجها مفيد واهيا اكيد مادرست وتعلمت وخذت هالشهادات علشان تقول كلام سخيف بس احنا الي مو متعودين عابى كلام جريئ جذي مع ان الي قاعد يطلع بالتلفزيون العن مليون الف مره من الي تقوله الدكتووورة ... على الاقل الدكتوورة كلامها كله راجع من نظريات وكتب ودراسات عكس البلاوي الي نشوفها ونسمعها ونسولف عنها.....
هذا رايي

 

[ام جروح 83]

]لا والله برنامجها حلو ونستفيد منه
احسن من المسلسلات اللي يحطونها فيها قلت ادب واليهال يشوفونها
انا وااااااايد احبها وعسى الله يخليها لنا

 

[MoonDiamond]

البرنامج زين لولا الالفاظ القصص المفتعله من المتصلين

 

[روح البنفسج]

انا بريي في وايد ناس استفادوا منهاوحلوا مشاكلهم وهذا علم لاحياء في العلم

 

[a7la roro]

سخافه وقلة ادب

 

[حبيبته آنا]

صراحه بالعكس وايد استفدت منها وحلت وايد مشاكل واذا عن انها تجأ فلا حياء بالعلم وفيه برامج العن منها يعني اهي مرة كبيرة ومزوجه وام اعيال شنو هدفها غير تسمع للناس وتساعدهم وتقدم لهم الحلول المناسبه لمشاكلهم ولا جان ما انشهرت واذا على طاري انه تكلم عن الجنس وفي يهال يسمعون ما اعتتقد الحين البلوتوث والتلفزون النت مخلي احد غشيم!! يهال يعرفون بلاوي اكثر من حجي فوزيه الدريع يعني كلامها بالنسبه لهم ولا شي يعني الحين هالبرنامج بيخربهم !!؟؟؟لا والله وايد ناس استفادت منه ويعد ولا شي بالنسبه حق البلاوي العلنيه والخراب الي نشوفه بديرتنا اشكرة...!!!

اايد كلامها وترا سواء البرنامج مفيد والا سخيف محد مجبور يشوف برنامجها اكو فوق الالف قناة الواحد يقدر يشوفهم على مايخلص برنامجها تالي يرده على الراي !!! لاني بصراحه اشوف اللي ينتقدونها اهم اكثر الناس يتابعون برنامجها واستغرب ليدام مو عاجبكم ليش مجابلينه!!:gr4uu:

 

[little nina]

أحيانا تكون المواضيع جريئة زيادة عن اللزوم لكن يظل البرنامج له متابعينه وأكيد كل واحد له وجهة نظر

 

[~Unreachable]

تعدى الحدود .. وصار وقاحة وقلة ادب

و اغلب اللي يتابعونه المراهقين و اليهال ..

هالحجي عمره ماينقال عالتلفزيون على ابو انه ثقافه !!

اشوف انه الدورات للمتزوجات وبسس .. ومالا داعي التلفزيون !!

عيييب والله ..

 

[رفاعية19]

الصراحة سخااااااااااااااااااااااااااااااااااااااااااااااااافة...

 

[يمة يادلبي]

أنا أول كنت اتابعه وحريييصة على متابعته لان كان حلو ومفيد ويضحك
بس الحيييين كلش ماقمت اتابعه لان صار ملييييق

وبالنسبة حق ألفاظها ترا اهيا قاعدة اتقول مصطلحات علمية ومافيها شي اشوف الي يقطون كلام كبيررر وووصخ ماينشره عليهم ليش تشرهون عليها

 

[غير كل الناس]

كلامج صحيح

 

[CUTE ENGINEER]

دكتورة فوزية إنسانة دارسة ومتخصصة في هذا المجال لما تطرح هذي المواضيع
تكون عارفة شقاعدة تسوي والمشاهد هو ومستوى عقليته وثقافته وعلمه ممكن يشوف هالمواضيع سخيفة وممكن يفهمها صح
والموضوع اللي تتكلم فيه وايد ناس متزوجين يعتبر مهم لهم أما بالنسبة للي يقولون إن هالمعلومات الكل يعرفها حتى اللي تحت ال18
أقول المهم المصدر اللي يعرفون منه المعلومة وكون المعلومات اللي قاعدين يتعلمونها صح ولا غلط تتفق مع الدين الإسلامي ولا لأ؟؟
لما يعرفون هالشي من دكتورة ومتخصصة ومسلمة وتقبلوا مروري