الزوجة الاولى

[Le chat]

من وين طاح على هالخليجيه! الله يصبر قلبج لو قاط هال ٦٠٠٠ على علاجج ابرك بس دامج اخترتي تتمين معاه مالنا الا ندعيلج

 

[مـس مـطـيـر]

انا مع فوفو
كلامها عيييييين العقل

 

[انثى عاشقة]

الله يعينك ويصبر قلبك
ماعندي حل لمشكلتك
​

 

[مـس مـطـيـر]

الا بذكر الله تطمئن القلوب

كثري قراءه القرآن و الاستغفار و الدعاء اهم شي الدعاء
ألحي في الدعاء آخر الليل

وحافظي على الصلاه في وقتها و صلي السنن
و بتشوفين نفسج اقوى و تفكيرج واضح
والله بيسر امورج

*

 

[انثى عاشقة]

وعاشروهن بالمعروف..من حسن العشره والأخلاق ان الزوج يراعي مشاعر زوجته ويعطيها خبر بزواجه ويطيب خاطرها ويحاول كثر ما يقدر يراضيها..مو يصدمها صدمة عمرها وتقولون يحبها!!هذي شريكه حياته وقرار زواجه بيأثر بحياتها لازم يكون لها علم وقرار واختيار مو جاريه عنده!

والمشايخ اللي يحللون الزواج بدون علم الزوجه ذنب كل زوجه اولى عاشت بوهم الكذب والإستغفال برقبتهم .الرسول صلى الله عليه وسلم ما تزوج بدون علم زوجاته ولاتزوج على زوجته خديجه حبيبته حتى بعد موتها..بس ياخذون من السنه اللي يبون ويمشي على مزاجهم..

انه مع كلي دلع وردة فعلي بتكون مثلها وهالشي مو غريب لأن حتى فاطمه بنت الرسول رفضت زواج سيدنا علي عليها واشتكت لأبيها .مثل ما اهو حر باختيار التعدد حتى الزوجه لها حق ان تقبل او ترفض هالوضع..

واللي مستغربه منه اللي ماخذها زوجج بنت عمرها 21 توها وريلج ما عنده وظيفه عاطل وبتتغرب عن ديرتها وفوق هذا قاطينها اهلها على واحد متزوج بوعيال تتغرب معاه!شالله حادها! ومن سنعهم حتى ماقالوا اشراي زوجتك يا فلان بالموضوع او عندها خبر؟؟وهذي ماصدقت على الله ووافقت واهي عمرها 21 سنه بس!!

حبيبتي اذا انتي شاريه هالريال وصابره على ان عاطل عن العمل وفوق هذا تزوج عليج هذا اختيارج وحياتج ..بس خليج قويه وحازمه ولا تحتكين بزوجته الثانيه ولا تتنازلين لها عن حق من حقوقج

وترى والله لو تفكرين فيها اهي اللي خسرانه مو انتي .الحمدلله انتي تزوجتي واحد عازب وعشتي معاه سنين حلوه وهو لج بروحج وبينكم خصوصيه وعشره..واهي مسكينه بدت حياتها بريال متزوج بوعيال! وانتي الأولى اول مره عرفها وعاشرها وفرح بالزواج والعيال معاها

الله يسخره لج واستعيني بالله واجرج عند الله كبير

عجبني ردج حيل اهنيج ع رجاحة عقلج :eh_s(17):​

 

[دلع انثه]

الله يسهل امورج

 

[qswa]

انتي وافقتي على زواجه عليج ؟ انتي تحملي والله يعينج

 

[عيني عليه]

طيييب اقووولج سااالفه ؟؟

شوووفي معااي وحده من الدوااااام اهي كانت دارسه معااي باياام الثانويه ... فلما صرنا نشتغل بنفس المكااان صاارت علاقتنا نوعا ما قويه وصارت تتكلم لي في امورها الخاصه ...

هالبنت هاااذي تزوجت وجابت ولد ... بعدها زوجها توفى بالخبيث ياكافي الشررر ...

البنت توها صغييره عمرها 26 سنه ... خطبها واحد متزووووج زوجته عمرها 21 سنه تخيلي .. يعني اصغر منها بخمسسس سنيييين ...وللحين تدرسسس .. يعني مسكينه توها ببدايه حياتها وزوجها صدمها صدمة عمرها ...

هااذي اللي معاي بالدوام تعلمني ... تقولي شكلها تموووت في زوجها ... لمن تزوج عليها زعلت ثلاث ايام بيت اهلها بسسس وتالي رجعت ... وصارت تسأل عن زوجته الثانيه وتعزومها وتطلع معاها اسواااق .. وماتشتري شي الا وشاريته للزوجه رجلها الثانيه اللي اهي صاحبتي ...

صاحبتي هااذي اللي معاي بالدواام لمن يصير بينها وبين زوجها اي هوشه عشاانها تغيير من زوجته الاولى يصير يدافع عنها ومايرضى عليها ودايما يذكرها بموقفها لمن تزوجها عليها ... وهذا اهي تحبج وهذا اهي ماتضرج وانتي تقولين عنها كذااا ...

ومااايسوي لصاحبتي شي الا مسوي لزوجته الاوليه قبللل ... حتتتى بالاشياااء الخاااصه

اللي ابي اوصله لج .. شووفي هالمره هااااذي شلووون ذكيييه ؟؟

طلعت نفسها اهي الطيبه والحليييوه واحس زوجها حتى مأنبه ضميره انه تزوج عليها ...

من افعالها الطييبه تخلي زوجته الثانيه اهي اللي تطلع بالشينه لو تنطق عليها بكلمه ...

حااولي تصيريين مثلها دااامج قررتي تستمرييين معااااه ...

 

[عيني عليه]

يحبج!!؟؟!!

تقولين يحبني!!!

شدراج انه يحبج!؟

كل وحده تكتب لها قصه خيانه لزوجهاا

تكتب ترا يحبني!!

وانتي متزوج عليج وكل شي من ورا ظهرج وتقولين يحبج!!

انتو شنو معنا الحب عندكم ابي افهم!؟

هذا وانتي تحملين مانطر وطقج بمره

عيل لومايبتي!؟

اعوووذوو بالله

اللي يحبون اشوفهم حوالي30 سنه ماتزوج ع مرته!!

مع انها ماتييب عيال

والا يايبه واحد وقااعد عليها 25 سنه!!

هذا شتسمينه اذا زوجج يحبج!؟

اي حب يااماماا

سمو الامور بمسميااتهاا

ليش انتو جذي!؟

وبعدين ليش ترضين بهالعيشه ؟

وش يحدج عليهاا!؟

عقييييم

عوووره!؟

معااابه فيج عيب !؟

شيحدج ع عيشه جذي!؟

متزووج وخاش عنج وطايرر يجهزز وعرف الحين

يحط مطبخ ويتحرك!؟

شتنطرين لي تزوجهاا بيحبج زوود!؟

والا بيتمسك فيج زياده!؟

لاياامي خلاص

اختار انه يعيش مع وحده ثانيه

يديده وبتيب له عيال

وووووو

مالج مكان

الا للحرات

شيحدج يوم هنيه ويوم هنيه!؟

والكلام بالنصيفه

والعطا بالنصيفه

هذا اذاا اذاا اذاا عاادل

وبهالوقت معاد فيه عدل!

خلاص

انتي بتميين قاعده ع هدااام شي!!

شتبين تستفيدين لي قعدتي معاه

وانتي بنت توج!؟

ماقدرج ولاحط لج اعتباار

ولانطرر

انا بوجه نظري خليه باللي مايحفظه

خاين العشرره

روحي لهلج وطلبي الطلاق

وولدج موضاايع

محديضيع ولاحديمووت

شدعوه لي قعد معاج ومع ابوه بيعيش بجوو

مثالي!!

كله مشاحنات وحررات وخش عنج وصد عنج

ووووووو


الاهم راحتج انتي وولدج

روحي طلبي الطلاق. وتوظفي

وعيشي احلا عيشه

ودللي ولدج

ومتعي. نفسج

والعمر جداااامج

يرزقج ربج باللي ابرك منه

ياماحريم معاهم3 او4 وتزووجوو

ريااييل يامطلقين والا عيال بعد!!

وبس وارتاحي

ش حادج ع المررر والقهررر

حلوه انا مديوون وماعندي

وعرف يطلع مهرر العروس

وعنده يبني لهااا

ههههههههه


ريااااايييييييل


كرامتي وراحتي النفسيه بالدنيااا كلهاا

والحيااه موكلهاا رجل

الريال اللي مايكون كفوو


فرقاه عييييييدين

ياللي كتبتي الرددد متأكده انه انتي آدميه مو ابليييس الرجييييم ؟؟؟

انتي هذا موقفج لو تزوج عليييج زوجج انتي ماعندج طاقه ماعندج احتمااااال ... ليش توسوسييين لمره الله معطيييها نعمه ماعطاااج اياها اللي لهي نعمه الاحتماااال والصبرررر ...

هالانسااانه صااحبه الموضوووع انا اهنييييها بكل حرااااره لأنه عندهاااا شجااااعه قلييييل من النسااااء يمتلكووونها وحتتتتى انا شخصيا ...

لاتسمعييين حبيبتي لاي رددد يخرب بيتج ... دام عندج قدره واحتمااال حافظي على بيتج ولمي ولدج ... ولو زوجج مااايحبج جاان فيه شي اسمه طلاااااق .. ترى لو مايجبييج مافي شي يرددده حتى ماعندج منه عياااال كثاار عشاان تقوليين مخليج عشاان عياله ...

 

[لمى...]

الله يعيننج عحرة قلبج

وهاذي ليش تاخذه دامها صغيرة

ياربي قهر

بس صراحة انا عندي ملاحظة عليج وحدة...........

انتي باااااااااااااردة ماقولج تطلقي وجذي وخربي بيتج........

بس لو انتي محاولة تشوفين ردة فعله الأخيرة لو انتي شايفه مداه

اعرف رياييل لما شافو زوجتهم الاوليه طلبت الطلاق وطنقرت وينت هون عن الزواج

على الأقل زعلانة عليه ومبينه ردة فعل قوية قوية وطالبة الطلاق وشايفته شاريج او لا

لاذا شاريج بيطلب رضاج ومايناقش ويجادلج بسعر رضوتج بالعكس يمكن

معطيج قد مهر المرة خصوصا انج ام ولده مو حبا للفلوس بس اكرام لكرامتج

في وحدة من جماعتنا قبل شهرين تزوج عليها ريلها ينت ينت وقلبت البيت عليه

رغم ان اصلا مافي مكان تروحله وهو عارف هالشي وعياله تارسين البيت

بس ينت وورته نجوم القايل مو بعصبيه لابانهيار فكسرت خاطرة وانبه ضميرة

والله العضيم اعطها اكثر من مهر اليديدة بأربعمية دينار لدرجة ان اليديدة

انقهرت .............

اما لو شاف ردة فعلج وزعلج وقام وطلقج هذا فرقاه عيد وخصوصا انج صغيرة بالعمر

بس انتي مازعلتي وطالبتي برضوة وماخليتي له فرصه يحس بتأنيب الضمير

ويراضيج وحتى من درجة برودج قام يماطل بالشقة لأنه عرف آخرج ومداج وقال ماوراها شي

 

[كليـ دلعـ]

ياللي كتبتي الرددد متأكده انه انتي آدميه مو ابليييس الرجييييم ؟؟؟

انتي هذا موقفج لو تزوج عليييج زوجج انتي ماعندج طاقه ماعندج احتمااااال ... ليش توسوسييين لمره الله معطيييها نعمه ماعطاااج اياها اللي لهي نعمه الاحتماااال والصبرررر ...

هالانسااانه صااحبه الموضوووع انا اهنييييها بكل حرااااره لأنه عندهاااا شجااااعه قلييييل من النسااااء يمتلكووونها وحتتتتى انا شخصيا ...

لاتسمعييين حبيبتي لاي رددد يخرب بيتج ... دام عندج قدره واحتمااال حافظي على بيتج ولمي ولدج ... ولو زوجج مااايحبج جاان فيه شي اسمه طلاااااق .. ترى لو مايجبييج مافي شي يرددده حتى ماعندج منه عياااال كثاار عشاان تقوليين مخليج عشاان عياله ...

ابليس الرجيم انتي واشكالج


جليله الذوق والادب

ياامطووعه ياااحاااجه ياتقيه!!

عسااا

عساااا. يااربي بهالفجرر ومع هالاذان يتزوج عليج زووجج


نفس حركه زوجهها فيهاا


يااالله عشان تبين ردت فعلج الصجيه

ومشاعرج عدل

مووالتمثييل والتعنفق

ذيج الحزه بتعرفين اللي سواه صح والاغلطط

واي انا ماا ارضى

لاني حرررررره


انا حررررره ماارضا الظيم والذل


ولان الفطره السليمه الطبيعيه

تجزع من هالشي وترفضه

لاحظي

قلت الفطرره السليمه

الطبيعيه

انتي الظااهرر فطرتج غير


واللي عندها زواج زوجها عليهاا عادي وجنه

العيد لااتنزل موضووع تشكا فيه دام عاجبهاا

الله يجبر مصابهاا

لانه مصاب جلل

خلاص اللي يعجبهاا

زواج زوجهها عليهاا

تروح تشد حيلهاا بالليالي الحمراا

وتونسه لانه مسكين تزوج عليهاا

واهو موووقااصد ومايدري

وفوق هذا يموووووووت عليهاا

 

[أإلع ـشق دلع ـهـأإ]

احتريت حيييييييل

مآدري آحسج حيييييل سآكته ولآ تكلمتي

عورني قلبي عليييج

عندج ولد لييش يتزوج علييييج ؟ ليييش مآعآلجج !!

توج متزوجه !! شلي يخليه يتسرع بالزوآج ؟ 

والله عندنآ شكثر تآخروآ مآحملوا قعدوآ ١٠ سنين ١٥ سنه ومآتزوج عليهآ زوجهآ صبر

لآ تلوميني قلت هذآ الكلآم آحتريت عليج 

مآلج الآ ربج قومي صلي الليل يوميآ وإدعي ربج يرد لج زوجج ويسخره لج ويصرف الزوآج عنه وتكونين آنتي الزوجه الوحيده في حيآته

لااااتسكتيين كلمي زووجج عن بيتج !! قول إبدي بشقتي قبل الثآنيه لآ يتزوج وهو مآسو شقتج

الله يرجعه لج ويصرف عنه العرس يااااارب

 

[زوجة عزيز]

الصراحه بدون زعل انا معا كلي دلع ترضين زوجج يتزوج عشان عطاج الف ونص وين الحب لا انتي تحبينه ولا اهو يحبج تقصين على من انتي ؟؟؟

 

[ناتشوو]

بنات
وحريم

يااكثر اهل النار
( هذا حديث صحيح مو تقولون ليش ما ليش تقولين )

الاخت حطت مشكلتها
ماجابت سيرة طلاق
اعتبروها فضفضة
تبي تسمع وجهات نظر مختلفة

اشلون تطاوعكم قلوبكم وعقولكم
تشيشونها ع الطلاق؟
شنو بتستفيدون
والبعض يتكلم ويعاير بعد
ليش الواحد مايتعوذ من ابليس

مو لازم تكون نفس تفكيرج علشان تكون صح
انت يمكن غلط

ولصاحبة الموضوع
اقول
من قلبي
الله يمسح ع قلبج
ويشرح صدرج
وقولي الحمدلله
ابتلائج اهون من غيرج
واحتسبي الاجر
وترى بس
الفترة الاولى شطة و الحريم تعرفين بينقلون الحجي
حط وجاب وشال
وبعدين كل واحد بينشغل
حتى زوجج
عقب سنة
خاصة عقب العيال
بيصير الحال واحد وشغلة حلوة
بتطلعين بروحج
حياتج الخاصة
وعندج دوامج
كافي انج مافكرتي بانانية
وحطيتي مصلحة الولد ف بالج
الله يبارك لج فيه
ويرزقج باخوان واخوات له

واخذي من الردود المفيد لج والمناسب
واعتبريها بروفة لقبل االعرس
وقولي الحمدلله
بيعدي زواجه واول فترة زواجه
وقولي الحمدلله
غيرج مصابه اكبر
غيرج يموتون عياله
شوفي وتخيلي وضعهم
اشلون تعدي الايام والليالي عليهم

 

[الاحساس]

يمكن يطلق الثانية

صبري عليه

 

[رقي]

الله يعوضج ويصبرج

 

[الحلا و الزين]

الله يجزاكم خير تو دق علي قالي بعد جم يوم بأجر الشقة و زهبها لأن لا تحاتين راح نجتمع بالشقة الجديدة قبل العرس أنا و أنتي وولدنا

 

[دآنة آلرشآيده]

الله يكون بعونج ويصبر قلبج
الله يسخره لج ويهديج ويهديه شتسوين
عشان ولدج تحملي ​

 

[برنسيسة2007]

الاراء تضاربت اللي تقولج مايحبج واللي تقول يحبج وخايف على مشاعرج
واللي تقول روحي بيت اهلج واللي تقول قعدي عنده
واللي تقول دخلي اهلج فالموضوع ياخذون حقج واللي تقول لاترهقينه وينفر


حبيبتي الكل نسى حاجه وحده انا بنصحج فيها

فرشي سجادتج واسجدي لله بكل لحظهمن هاللحظه وادعي الله
ان يرجعه لج ويسخره لج ويدبر امرج من عنده ويسير الامور لصالحج
وادعي الله ان اللي صار واللي بصير يكون من صالحج
وادعي الله ان يستجيب دعائج من غير ضاره مضره ولافتنه مضره
وادعي بهذا الدعائين:
انا لله وانا اليه راجعون اللهم اجرني في مصيبتي واخلف لي خيرا منها(الرسول في حديث له قال بما في معناه ما من مسلم يدعي بهذا الدعا الا اجره في مصيبته واخلف له خيرا منها)>>يعني الله بيرزقج احسن من اللي تمنينه


اللهم اجعل لنا من ازواجنا وذرياتنا قرة اعين واجعلنا للمتقين اماما>>هذا باذن الله زوجج مايشوف غيرج

ونصيحتي ارضاوتج حطيها صدقه لوجه الله بنية ان زوجج يرجعلج وكأنج انتي العروس
ملاحظات:
1تحري اوقات الاجابه وابحثي عن اداب الدعاء>>بقوقل
2الزمي الاستغفار وخليج دايم على طهاره
3الزمي الصمت مع زوجج ولاتنبشين ورا زوجته الثانيه اعتبريها غير مو جوده وان زوجج فاليوم اللي عندها رايح للدوام
4الناس في فتره زواجه بيظغطونج خليج قويه تدرين ليش لانج مع الله اللي خلق زوجج وزوجته وهالناس
5شوفي حياتج من تكمال دراسه ووضيفه وتناسي الموضوع
ولاتنسين تدعين الله بالذريه الصالحه ترا الضنى الصالح يعوووض القلب ويرويه

واذا سويتي السابق اهنيج ان زوجج باذن الله بيرجعلج لدرجة ان الناس تقول مسحور



سبحان الله ورانا رب رجمن رحيم كريم جواد اذا رفع العبد يديه يستحي ان يردهما صفرا خائبتين



وبنات لاتنسونها من صالح دعائكم مو اهني بالمشاركات لا بظهر العيب في اوقات الاجابه
ولاتنسون انه لك بمثل

 

[M!Ss Un!VerSe]

انا مع "كلي دلع" .. كرايي الشخصي فقط
لان احنا الحريم نحب نقص على نفسنا واايد
بس عشان كلام الناس و طايحين من عين نفسنا..
لكني ارفض مبدأ اضل تحت رحمة ريال
اضحك اذا ضحك ازعل اذا زعل
وكل يوم مقهورة وتعبانه نفسيتي
انتي من الحين تقولين كلما اتذكر انها تجهز انقهر
اذا انتي عندج صبر وقوة تحمل فضلي معاه
لان القهر والحره تيب امراض
وكلنا عارفين هالامور

هذا رايي فقط
ما اشيشج على شي
لكن كنصيحه لصاحبة الموضوع
لانه عاجبها ريلها فأقول احتسبي الاجر بعد شتسوين..
الحمدلله على كل حال.. نصيحه ناتشو وفوفو تناسبج
ونصيحه لازمي الاستغفار بتستانسين بحياتج
والله يوفقج