الزوجة الاولى

[صمت المرافئ]

الله يهديكم ...
صاحبة الموضوع تبيكم تواسونها بكلمة تجبر خاطرها
وتهون عليها
ويعض العضوات ما عندهم غير يشيشونها على الطلاق !!!
لا تفكرين بالطلاق حبيبتي
هذا شرع الله ورسوله
والرسول صلى الله عليه وسلم مع انه كانت عائشة رضي الله عنها أحب زوجاته
إلا انه تزوج عليها ...
شوفي حتى زوجات الرسول الطاهرات مع منزلتهم كانوا يحسون بالغيرة
فما بالك بنساء هالوقت !!!
يعني فطرة المرأة انها تغار وترفض الزوجة الثانية
فما عليج من اللي ينصحج بالطلاق
والعيال مكانهم مع أمهم وابوهم
مو في بيت يدهم أو بيت خالهم أو غيره
واشلون ما يتأثرون ؟؟؟
كلام مو صحيح طبعا يتأثرون وتنكسر نفسهم
ويحسون دايما انهم ناقصين عن غيرهم

​

 

[فوفو22]

عدل كلامج فوفو اللي ايده بالماي مو مثل اللي ايده بالنار ..لأنج انتي زوجه ثانيه!! لا ذقتي ولا حسيتي بحرة وقهر الشريجه

عشان جذي تبسطين الوضع وتسوينه عادي!! وراجعي مواضيعج السابقه عن مشاكل حياة التعدد بكل مافيها من تعب وقهر وغيره ونكد هذا وانتي الثانيه !عيل الأولى شنو احساسها وألمها ومعاناتها؟؟
لانتكلم بمثاليه زايده لأن حتى الثانيه اللي جرحت الأولى بزواجها بتقوم الدنيا وتقعدها اذا زوجها بياخذ الثالثه!!
ماترضاها على نفسها بس ترضاها على بنات الناس!
الله يصبر ويعين كل زوجه اولى ويردلها زوجها ردا جميلا يارب

سوال مباشر لج

من قالج انا ثانيه ؟؟؟؟

مو يمكن اكون اولى ....



فوفو

 

[للصبر أخر]

سوال مباشر لج

من قالج انا ثانيه ؟؟؟؟

مو يمكن اكون اولى ....



فوفو

جواب مباشر:انتي ذكرتي هالشي بمواضيعج والردود اكثر من مره ووايد عضوات يعرفون هالشي!
وتوجهلج سؤال بهالخصوص اللي يستضيفون عضوه ويطرحون عليها أساله!

 

[فوفو22]

جواب مباشر:انتي ذكرتي هالشي بمواضيعج والردود اكثر من مره ووايد عضوات يعرفون هالشي!

وتوجهلج سؤال بهالخصوص اللي يستضيفون عضوه ويطرحون عليها أساله!

عطيني رد واحد من ردودي اقول انا الثانيه


فوفو

 

[للصبر أخر]

عطيني رد واحد من ردودي اقول انا الثانيه


فوفو

وايد ردود بس مو منطقي اني ادخل ملفج الشخصي وادور!مادري ليش تنكرين هالشي مع انج كنتي تذكرينه اكثر من مره !!كافي انج بداخلج تعرفين اني ما أكذب وانك فعلا الزوجه الثانيه! ويمكن الحين تقرى هالكلام اي عضوه وتأكد على كلامي بعد..

عموما هذا مو موضوعنا ولا يحق لنا نحوله الى ساحة نقاش انه فقط حبيت ارد على كلمتج اللي ايده بالماي مو مثل اللي ايده بالنار!

شكرا

 

[كليـ دلعـ]

وايد ردود بس مو منطقي اني ادخل ملفج الشخصي وادور!مادري ليش تنكرين هالشي مع انج كنتي تذكرينه اكثر من مره !!كافي انج بداخلج تعرفين اني ما أكذب وانك فعلا الزوجه الثانيه! ويمكن الحين تقرى هالكلام اي عضوه وتأكد على كلامي بعد..

عموما هذا مو موضوعنا ولا يحق لنا نحوله الى ساحة نقاش انه فقط حبيت ارد على كلمتج اللي ايده بالماي مو مثل اللي ايده بالنار!

شكرا

مالج لوا يالغاليه

اي اهي الثانيه

وعرفته بالدوام واخذته من مرته

وعليهاا بالعافيه

بس التصنع والتمثيل ماله داعي


الواحد يتقي الله

ويخلي التبهرج الحياه بسيطه ترا

 

[احبج ياديرتى]

الله يفرج عليج من قلبي اقولها وأحتسبي الي صار لله والدنيا فيها مثل مشكلتج وأكبر بس هذا انا اقول الله يفك عوقج

 

[هيبة ملك]

الله يعين قلبج الحياة مع زوجة ثانية صعبه وتفهر
لكن ماباليد حيلة

مالج الا الصبر
عيشي لنفسج ولولدج وبس وصدقيني اذا فيه خير زوجج راح يرد لج
مافيه خير اسمه انج فبيتج وبعيد عن الناس ومستقله
والعبرة في النهاية ياقلبي
انت اتعبي على نفسك وخلي همك تجيبين عيال وخليه هو لحياته
والله يلهمج الصبر

 

[هيبة ملك]

عطيني رد واحد من ردودي اقول انا الثانيه


فوفو

على ماذكر انت مرة قلت انج الثانية
وكان بتوقعيج بعد انا متاكدة من هالشئ
ترا مو عيب هالشئ

 

[كليـ دلعـ]

كنت متوقعه هالاختلافات بالردود لاختلافات التفكير الصح بالمشاكل الجاده

دايما نقول اللي يده بالماااي مش زي اللي يده بالنار

الله خلقنا قدرات في الطاقه والتحمل والصبر والجلاده

لو وضعت انا مكان صاحبه المشكله

وزوجي ذهبه ويحبني وشاريني

ما افرط في لو اخذ 3 غيري

هذا رايي ......لاني لو بفكر بعقلي بقول الشرع حلل له

وهو انسان ما يظلمني وعادل معي

ولو بفكر بطريقه ((كلي دلع ومؤيدينها ...


بنفصل .....واشتتت عيال .......واربيهم بعيد عن ابوهم

عشان ارضي خلقه واقول

شوفوا هو تزوج وانا عاقبته)))


اتمنى عقولكم ترتفع شوي ...... وتعيشون الواقع

بيوت عاشت مستوره .....باكثر من زيجه.... بسبب بناء اسره وتربيه شباب وبنات ....

لانه هالبيوت تملك زوجات حكيمات لديهن نظره مستقبليه




فوفو
















ممكن سؤال!!


الموضووع انطرررح وردينا عليه

شحقه داشين طالعين وشغل تأييد وانتقااد!؟


انتو ليش دايم ردوودي مسببه لكم ازمه!؟


ليش موحالي حال اي وحده تحط رايهاا وبس


شحقه الجدل واللغووه!؟

الزبده!؟ شالمطلووب مني!؟

انا هذا رااااااايييي. مولاازم يعجبكم

مولاززم يبااا انا مومهددتكم بقطع معاشاتكم

اذا ماا ايدتووني

كيفكم كلن يمشي بمشتهاه

موفررض هذا مجررد راااي فقط!!

وسبق وقلت انا حرررررره ماارضاا الذل والمهانه

والريال اللي يحطلي شريجه يعني انا عنده زيييييروووو


والله عااد فيكم عقد وتجذبون ع نفسكم كيفكم

بس روحوو بعيد عني وكل وحده تالف وتمثل وتصنع

الكمااال والحكمه واهي بالواقع ................

تقولين انت اذا مكان صاحبه الموضوع وزوجي ذهبه!!


لحظه

لحظه

منو اللي ذهبه ريلهاا ذهبه!!

يمااااي صج عقوول مختله!!

ريالها مملج بعدين حاطها امام الامر الواقع

ومانذر عليهاا 7 سنين ولاعالجهاا ولااصبرر

ولاشاااور ولااحط قيمه عقب يحدها ع الرجعه للشقه

بدون مطبخ يوم رفضتها جان يحط فيها مطبخ لليديده

ترا كله عشان يحدهاا ترفض شقتهاا!

وقاطهاا عند اهلها ولاهي بالتجهيزات!!

وكل هذاااا وذهببببببه!!

ياويلكم من الله

حبيبتي صاحبه الموضووع

امي انتي يشهد الله ماعديتج الا نفسي يالغاليه

الله يجبر مصابج.

انا قريت موضووع واحتريت عليج ونصحتج بالطلاص

لانه الحل السلييييييييم

لكن ماافرضه عليج يالغاليه. ودام انتي بتكملين

معاه عفيه عليج حاولي اذا انتي تبين جذي حاوولي

لعل وعساا ورايي ياا امي ماافرضه انا عشت ببيئه

وظروف غيرر وانتي ظروفج غيرر الله يكتبلج اللي فيه الخييرر

وارجع للي تقوول ريلهاا ذهبه!!

والله كل مااقرا ذهبه اضحك!!

المهم صرت كلي دلع ومؤيدينهاا!!

قسمتوناا!؟

صرنا فريق كوره قدم!؟!

كلي دلع ومؤيدينهاا!؟

ش هالحجي!؟

ش هالمستوواا!؟

يبا راي هذا راااااي

احراار احنا نقوول اللي يعجبناا

لازم نكون مقادين بس نهز روسنا ونقوول صح صح

اي اي عشان نصيرر تمام ونهبل!!

واااااي نااس غريبه

يفرضوون فررض بالغصب

يدشون ويقولون انتي غلط

ويرجعوون ويقوولون انتي غلط

وعقبهاا يقولون انتي غلط

خلاص يبااا

ماراح اغيرر رايي عاجبني

وارفض الاهانه والذل وعيشه التأمل

وعيشه الطرااره!!

اقعد اطر منه الاهميه

واطرر الحب

واطرر الاهتمام

والوقت

وييييييييييييييييييييييييييييييييييييييييع



يسلم رااسي والله

اتنفس الهواا بكراامتي وكبريااائي وراحتي النفسيه

وطبيعتي

ولااعيش مركونه بالهاااامششش

مثل القطوه اللي توقف ع الباب تنطر اهل البيت

يبطلون الباب يحذفوون لها لحمه

تنقززز من الفرررحه تااخذهاا!!

اعوووذووو بالله
اعووذووو بالله

استغفرالله العظيم

الله لايعيشني الذل والمهانه

وتقولين

ترفعوو بعقليااتكم!!

ترفعووو بعقليااتكم!؟

حتا عقوولناا استعيبتووهاا!؟

لانهاا ضد كلامكم!!

شنسوي حبيبتي

هذا مستوا عقوولنااا

ترفعي انتي عنهاا ولاتردين الا ع اللي عقلياتهم

بمستوا عقلج

شنسوي ياحيلت الله هذي عقوولناا

وكلللللن بعقله رااضي

والف الحمد والشكررر الف مرره

ع عقووولناا اللي ماتستحي من شي سوته

واتخششش وتجبن من المواجهه

عقولنا عاجبتنا ورايينا واحد مايتغييرر

وكلامكم يعجبكن انتوو فقط

ولايعني لنا شي

ف وفروووه ابررك

وتقولين البيوت عمرت بالحريم الحكيمات!!

للاسف كلامج كللللله نغزات

لان كل اناااء ينضح بمافيه

واي بيوت اللي عمرت!؟

تقصين ع منو انتي

استغفرالله اخوان مايواطنون بعض

وحرووب وحالات

وتشتت وضيااع والشباب منحررف

والبنات متعقداات

والحريم امراض من الحرات والقهر

الا من رحم ربي

الا من رحم ربي

وهذا منرالنوادر

واتمناا ا من كللللل قلبي

اللي تحط رايهاا

لاتنشب بالبنات غصصصصصصب

غيرو رايكم

غصب غيروو كلامكم

لانه عييييب

محد شرا احد بفلووسه

 

[رحيق الجنه]

إنتي بطله

الله يصبرج يا رب ~

 

[ضــمــاد]

يابنات صلوا عالنبي ذكروا الله


البنت نفسيتها تعبانه .. ويمكن اي نصيحه تأثر فيها


البنت تبي حـــــــــل ..


فاللي تبي تقدم الحل .. لازم يكون عندها


حكمه وبصيره يكون لها نظره واسعه وتختار كلماتها وعباراتها


لازم تراعون وضع البنت .. خلكم محايدين .. أنتوا سمعتوا من الزوجه بس


فلا تغفلون عن الطرف الثاني واهو زوجها .. أكيد له أسبابه .. ويمكن الزوجه


ماتكون من الأسباب .. ويمكن زواجه يكون نزوه !


لا تحطون نفسكم مكان صاحبة المشكله .. وتعطونها حلكم لو كنتوا مكانها


الله لايقوله ..



شوفوا وين الخلل بالمشكله



ان كان الخلل ديني او نفسي أو اجتماعي او شخصي ..



حطوا ايدكم عليه



وبعيدن انتقلوا لجوانب المشكله


لكن الحل الجذري ( الطــلآق ) المفروض ماتحرضونها عليه


لانه من الكبائر ..


عن أبي هريرة قال: قال رسول الله صلى الله عليه و سلم


ليس منّا من خبّب امرأة على زوجها أو عبداً على سيده.



رواه أبو داود، وصححه الألباني



و كل وحده فينا .. لها شخصيتها .. وطريقة تفكيرها



البنت ( تحـــــــــــــــب زوجهـااااا ) وأهـي رضت بالامر الواقع



وقررت وأختارت أنها تبقى معاه ..



فـ الافضل انه اللي تبي تساعدها .. تساعدها على حياتها اليديده



وشلون تبدي بالتغيير .. وتحول تركيزها من زوجها .. لها ولولدها

​

 

[كريستال]

لاحول ولاقوة الابالله

حبيبتي انتي صح ماعليج من غيرج ووسعي صدرج الله ارحم منا من امهاتنا ولاعليج من اللي يقولون لج تطلقي وضعج يختلف

عليج بالاستغفار الراحه مابتحصلينها هني

الراحه عند ربج سبحانه مب عند بشر كل وحده تقط راي وتطلع وكل وحده وتفكيرها


حبيبتي الله يفرج همج ويرد لج زوجج ردا جميلا ادعي في سجودج وهذي مب اخر الدنيا في ناس عندهم مشاكل اكبر مب تقليل من همج

بس هذي الدنيا لازم الهموم والمشاكل

الله يعينج ويهونها عليج

 

[كليـ دلعـ]

اللهم صلي وسلم ع سيدنا محمد

استغفرالله الذي لااله الاهو الحي القيوم واتوب اليه


شصار عليج حبيبتي!؟

 

[*آسوومه*]

يآآآآآآ آبووووووي على هالحرب الي صارت ههههههههههه ...
و الله ضحكتوني البنت مسكينه تبي حد يهون عليها و يخفف ...
قلبتوا الموضوع معرررركه ...
بس يا الله اختلاف الرأي لا يفسد للود قضيه ....
بصراحه و للأمانه انا مع كلي دلع ..
تدرون ليش ؟؟؟
لان انا و معظم الحريم و البنات ما يستحملون الشرايج ...
ولا يقدرون يعيشون مع " نص ريال " !!!
هو صحيح شرع الله سبحانه و تعالى ..
بس كلن و قدرته على التحمل ..
راعيه الموضوع الله يحفظها الله عطاها قوه الصبر و التحمل ...
لانها تحب زوجها ...
هو صحيح مهب هين الوحده يتزوج عليها ريلها ...
يعني شلون اشرح ...
هو صبرر معااها 5 سنين و جابت له ضنى و فوق هاي تزوج !...
جد قهرررني يعني لو ما عنده جان قلنا معليه ...
لكن الريايل انانيين و هاي الي اغلبنا يعرفه همهم مصلحتهم و بس ...
و راعيه الموضوع ما حبت تشتت ولدها ...
دامها تقدر تصبر ربي يعينها ...
لكن انا و الله ماقدر آتحمل ههههههههه ....
ان شاء الله لو جايبه منه درزن عيال ...
لان صعبه !! آحس مو هآين علي يفضل مره ثانيه علي !..
ويعاشرها و يسوي كل شي يسويه معاي معاها ....
يوم لي و يوم لها !!!! ...
اصلا بحس ان يستغلني بحسني شي مب مهم !!!! .....
و كله مشاكل و مكايد و العيال هم الضحيه !!...
يعني لو انا عاقل مرت آبوهم بتكون عاقل ؟؟ ما اعتقد الا ما ندر .....
يعني لو اعاملها بالحسنى بتعاملني بالطيب ؟ لا و الله الا الغيره بتعمي عينها ...
الي بقوله ان مهما يكون مستحيل الشرايج يتوالمون ...
مستحيل يتصادقون و يعيشون حياه حلوه مثل القصص و المسلسلات القديمه !!!!
لان الغيره سبحان الله فطره ف قلب المره مهما تصددت عنها تنجبر تحسها ....
غصب الوحده تغااار !!!!
........
المهم يا راعيه الموضوع :$ مو حابه اطول اكثر بـ ردي ..
و حبيت اقولج الله يعينج و يصبرج و يوفقج و يجزاج الف خير ..
و ان شاء الله تجنين ثمره صبرج ف ولدج يا رب ...
​

​

 

[الحلا و الزين]

أمين الله يستجيب لدعواتكم اليوم رحت مع خالتي أم زوجي شقة وحده من رفيجاتها قالت عنها شفة الشقة زينه نظيفة بيت جديد مبني بس صاحب البيت مسافر اخذنا رقمه عشان زوجي يدق عليه بس بنات الشقة بنفس الحارة اللي فيها حمولتي صايره بشارع الثاني مع ان ماودي بنفس المنطقة بس شسوي زوجي استانس عليها يقول اروح لديوانية اهلي مشي بس الحمدلله على كل حال اهم شي شقة تجمعنا انا و ولدي و ابوه

 

[يا كويتنا]

أمين الله يستجيب لدعواتكم اليوم رحت مع خالتي أم زوجي شقة وحده من رفيجاتها قالت عنها شفة الشقة زينه نظيفة بيت جديد مبني بس صاحب البيت مسافر اخذنا رقمه عشان زوجي يدق عليه بس بنات الشقة بنفس الحارة اللي فيها حمولتي صايره بشارع الثاني مع ان ماودي بنفس المنطقة بس شسوي زوجي استانس عليها يقول اروح لديوانية اهلي مشي بس الحمدلله على كل حال اهم شي شقة تجمعنا انا و ولدي و ابوه

الله يتمم عليج نعمه الرزانه والعقل


احييج علا صبرج


انا مجرد التفكير بهالموضوع يشب بصدري بركان وتجيني ضيقه



الله يفرحج بوليدج ويجملج بعيون زوجج طول العمر

 

[امونة 2000]

الله يسخر زوجج لج ويرزقج الذريه الصالحه يملون علج البيت

 

[ورده عنابيه]

انا مع اختي كلي دلع في كلامها اي حب اذا تزوج عليج بس عندي ملاحظه قارني وضعج في بيت اهلج ووضعج لما تكونين عند زوجج وهو متزوج والوضع اللي يريحج هو المناسب لان في بنات عندهم نار زوجي ولاجنة اهلي وكل وحده وظروفها والله يعينج

 

[كليـ دلعـ]

تسلمون حبايبي

الاهم اننا نحط الراي السليم والاختياار الاول والاخيرر

لصاحبه المشكله

الاهم اننا ماخدعناهاا