الزوجة الاولى

[للصبر أخر]

عجبني ردج حيل اهنيج ع رجاحة عقلج :eh_s(17):​

مشكوره:eh_s(7):

وعلى فكره ملحوظه لصاحبة الموضوع تقولين زوجج عايش على دعم العماله واهو ما يشتغل!؟

زوجج اللي عرف الدين بالتعدد مع ان التعدد لافرض ولا واجب اصلا...لازم يعرف ان معاش دعم

العماله حرام حرام حرام وكل المشايخ افتوا بتحريمه يستلم مال من الدوله بدون عمل!! هالمال
تدفعه الدوله مو الشركه اللي مسجل فيها!!

يعني فاتح بيتين ويصرف على زوجتين واعيال من مال حرام!!

نصحيه ونبهيه واكيد هو عارف ومحلل هالشي على عمره!

 

[مـس مـطـيـر]

الموضوع كبر عن حده

وما يلفظ من قول الا لديه رقيب عتيد

كل وحده تشوف المشكله من جانبها

والمره ضاعت بينكم

عسى ربي يصبرها و يمكن خيره لها ماتدرون عن حكمه الله


وعسى ان تكرهوا شيئا و هو خير لكم

بعدين كل انسان معرض للبلاء و المشاكل الدنيا ماهي كلها لعب و ناسه

للي ابتليت بالطلاق و يلي ابتليت بعيالها و يلي ابتليت بزوجها

ترا مو آخر الدنيا لاواحد تزوج على مرته خير يا طير الرجال ماهو همي الاول و الخير في الحياه طز بصراحه ماعاد فيه رياجيل سنعين

وزين منه انه علمها و هو استئذها احسن ما يخربط من وراها و آخر شي تنصدم فيه ان عنده عيال و فاتح بيت ثاني

ادعولها الله يفتح عليها ابواب الصبر و يشرح صدرها

 

[جوري 2007]

انتي من الحين تفكرين عطاها وماعطاني ،، خش عني مهرها ، عطاني رضاوة شويه

تركي عنج هالخرابيط وشوفي وضعج

تبينه والا لا ؟؟ بتقدرين تعيشين مع شريجة والا لا

الامر راجعلج

 

[كليـ دلعـ]

بنات
وحريم

يااكثر اهل النار
( هذا حديث صحيح مو تقولون ليش ما ليش تقولين )

الاخت حطت مشكلتها
ماجابت سيرة طلاق
اعتبروها فضفضة
تبي تسمع وجهات نظر مختلفة

اشلون تطاوعكم قلوبكم وعقولكم
تشيشونها ع الطلاق؟
شنو بتستفيدون
والبعض يتكلم ويعاير بعد
ليش الواحد مايتعوذ من ابليس

مو لازم تكون نفس تفكيرج علشان تكون صح
انت يمكن غلط






االله وكبررر صرنا من اهل الناار مرره وحده!!


من اهل النااااار!!

كفرنا عشان قلنا الحق! لازم نجذب ونجامل يعني!!


ليش موو


اللي يناافق ويجامل. ً من اهل الناار

واللي يخدع الناس بردووده من اهل الناار


واللي يستهزأ بردود غيره. من اهل النار


واللي راز خشمه ع ماميش. من اهل الناار


واللي يقوول غيرر اللي يكن. من اهل النار


والاناني اللي ينصح الناس بشي
ولنفسه شي اخرر. من اهل النار


واللي مسوي نفسه وصي علي
غيره وبس يصحح له ويتفلسف عليه

ويتكبرر وحاس انه شي عظيم وفلتت زمانه. من اهل الناار


واللي يحقد ع غيره وفيه غل. هم من اهل النار

واللي مسوي نفسه مفتي وعالم جليل.
وماله هم الاتصيد ارااء غيره والاستهزاااء. من اهل الناار!!


ترا اهل التار وااااااااايد لوبعددلج ماخلص!!

وانتوو هنيه سم الله عليكم مطاووعه

وشي نادر!!

موظروري راي يشبه رايج وراي غيرج عشان

اكون خوش بنت وسليمه نيتي!

الراي اللي يعجبني بقووله

عنكم مارضيتووو يبا موظروري تصفقين لي

انتو اصلن بلاراي كل وحده تدش وتقرا رد اللي قبلهاا

وتنسخه!!

واللي نصحناهاا مررررره بالغه عاقله متزوجه وامم



اعتقد. عقلها براسهاا تعرف خللاصهاا

مانصحنا وحده مينوونه مالها عقل عشان تقولين

ظيعتوو مستقبلهاا!!

الارااءرجدامها تختار اللي يعجبهاا

مشكلتنا مانعرف ننافق ونجامل هذي هي المشكله

 

[احلى ديما]

انا 100% مع كلي دلع الحياة ماتوقف على ريال واذا راح لغيري باللي مايحفظه بيي بداله ثاني واذا ما يا موووولازم الزم ماعلي راحة بالي مو كل يوم انام على مخدتي وافكر الحين شيسوي معاها طالعين مستانسين متهاوشين!!!

 

[كريستال]

الاراء تضاربت اللي تقولج مايحبج واللي تقول يحبج وخايف على مشاعرج
واللي تقول روحي بيت اهلج واللي تقول قعدي عنده
واللي تقول دخلي اهلج فالموضوع ياخذون حقج واللي تقول لاترهقينه وينفر


حبيبتي الكل نسى حاجه وحده انا بنصحج فيها

فرشي سجادتج واسجدي لله بكل لحظهمن هاللحظه وادعي الله
ان يرجعه لج ويسخره لج ويدبر امرج من عنده ويسير الامور لصالحج
وادعي الله ان اللي صار واللي بصير يكون من صالحج
وادعي الله ان يستجيب دعائج من غير ضاره مضره ولافتنه مضره
وادعي بهذا الدعائين:
انا لله وانا اليه راجعون اللهم اجرني في مصيبتي واخلف لي خيرا منها(الرسول في حديث له قال بما في معناه ما من مسلم يدعي بهذا الدعا الا اجره في مصيبته واخلف له خيرا منها)>>يعني الله بيرزقج احسن من اللي تمنينه


اللهم اجعل لنا من ازواجنا وذرياتنا قرة اعين واجعلنا للمتقين اماما>>هذا باذن الله زوجج مايشوف غيرج

ونصيحتي ارضاوتج حطيها صدقه لوجه الله بنية ان زوجج يرجعلج وكأنج انتي العروس
ملاحظات:
1تحري اوقات الاجابه وابحثي عن اداب الدعاء>>بقوقل
2الزمي الاستغفار وخليج دايم على طهاره
3الزمي الصمت مع زوجج ولاتنبشين ورا زوجته الثانيه اعتبريها غير مو جوده وان زوجج فاليوم اللي عندها رايح للدوام
4الناس في فتره زواجه بيظغطونج خليج قويه تدرين ليش لانج مع الله اللي خلق زوجج وزوجته وهالناس
5شوفي حياتج من تكمال دراسه ووضيفه وتناسي الموضوع
ولاتنسين تدعين الله بالذريه الصالحه ترا الضنى الصالح يعوووض القلب ويرويه

واذا سويتي السابق اهنيج ان زوجج باذن الله بيرجعلج لدرجة ان الناس تقول مسحور



سبحان الله ورانا رب رجمن رحيم كريم جواد اذا رفع العبد يديه يستحي ان يردهما صفرا خائبتين



وبنات لاتنسونها من صالح دعائكم مو اهني بالمشاركات لا بظهر العيب في اوقات الاجابه
ولاتنسون انه لك بمثل

هالكلام العدل اتفق معاها مليووون انا شفت بعيوني ياختي ريايل تزوجوا على نسوانهم وطاروا بالثانيه والحين طلقوا الثانيه ورجعوا للاولى ولايشوف الا الاولى ولايسمع فيها وصارت عنده عيونه كله بالدعاء لله والصدقه تصدقي قد ماتقدرين حبيبتي قلوبنا بين اصبعين من اصابع الله سبحانه خلج قويه بالله واستغفري واقيمي الليل مالج غير الله سبحانه وزوجج عامليه احسن معامله وعليج بالطيب والحنيه صدقيني ينسى طوايفها الرجل مثل الطفل يبحث عن الراحه النفسيه وراحته اهم شي عنده وتزيني وتجملي له جنج عروس ولا تتنازلين عن حقوقج
الله يرده لج ردا جميلا وصبري وطولي بالج ريلج يحبج وهذي لو استعملتي ذكائج وحكمتج بتكون نزوه باذن الله

الرجل طفل يحب الزوجه الطيبه اللي تمسح عليه وتحبه وتحنه

 

[احلى ديما]

واللي تقولج مو اول ولا اخر واحد يتزوج قوليلها كلمة وحده بس لاتزوج عليج زوجج ابي اسمع ردج مو الحين

 

[afra]

انت راضية الله واياكم انت وولدج

 

[!الجادل الصعب!]

عسا الله يمسح علا قلبج ويسخره لج ..
انا مع راي كلي دلع .. بس مو معناته راينا الصح ..!
هالراي يعبر عنا وعن شخصيتنا لو كنا مكانج .. انتي اختاري
الانسب لوضعج
في بنات مشالله ربي معطيهم نعمة الصبر .. ولي رد عليج
بالخآص انتبهي له

 

[ناتشوو]

كلنا نقدر نقول
حلول قاطعه
ونتكلم بالمثاليات
والمفروض المفروض

كلنا نقدر نشارك
ونقول
طلبي الطلاق
واحرقي البيت
واتفقي مع قاتل قناص يذبح زوجج

بس المفروض الوحدة
ترد ع قد السؤال
خاصة
اذا كانت بعمر كبير
المفروض نضجت وشافت وسمعت وعرفت

صاحبة الموضوع
عندها قناعه
ان الطلاق مو لصالحها
ومو حابة ولدها يتربى
بعيد عن ابوه
وتحب زوجها

نرد عليها
مايحبج جذاب
انت ماعندج كرامة يقص عليج
ليش تسوين ليلة حمرة

نظل نساء ومانعرف اشلون يفكر الرجال
ومو مهم نعرف

وبعدين
مو شرط كل وحدة ابرك لها الطلاق
مرات الوحدة حتى غرفة ف بيت اهلها ماعندها
اشلون اذا بترد مع عيال
مرات في حريات بتفقدها
لا تظنون الناس سواسية
مرات البقاء مع الزوج المعدد
احفظ للكرامة والراحة النفسية من بيت الاهل

يعني لو اي وحدة تفتح موضوع
تعترض فيه ع الزواج الثاني
واشلون اي وحدة ترضاه ع نفسها
بتشوفون الكل معاها

بس وحدة كاتبة موضوع
ماجابت سيرة الطلاق
انصحها بالطلاق
واقول كلمات تغث في حقها

انت
ياكلي دلع
تكرهين تشوفين احد متكيف مع ظروفه وصعابه
تذكرت موضوع فوفو
الحياة بالاربعين
اشلون تضايقتي من الموضوع
وقلبتيه لهوشة
فعلا هذا تفسيره
انت تكرهين تشوفين احد يقول انه سعيد ومرتاح ومتكيف مع وضعه وظروفه
نمطية التفكير وضيقة الافق
المصيبة انج ام
الله يصلح عيالج ويحفظهم لج
مادري اشلون بيستشيرونج
ويلجؤون لج
ماعندج الا الطلاق كحل للمشاكل

الناجح يتكيف يطوف يمشي
مشكله اذا شخصيتج بالحياة الواقعية جذي

لا تشغلين نفسج بالرد
كثر ماتفكرين بهالرد
يمكن يكون صح؟

 

[Sisyphus]

انا 100% مع كلي دلع الحياة ماتوقف على ريال واذا راح لغيري باللي مايحفظه بيي بداله ثاني واذا ما يا موووولازم الزم ماعلي راحة بالي مو كل يوم انام على مخدتي وافكر الحين شيسوي معاها طالعين مستانسين متهاوشين!!!

فدييييتج على هالرد المنور

 

[صمت المرافئ]

انسي فكرة الطلاق
زوجج ما سوى حرام
شرع الله ورسوله ما نقدر نعترض
خاصة انه مو مقصر معاج وبينكم حب وولد
أهم شي ينشأ ولدج بين أم وأبو يحبونه
وانت ... احتسبي الأجر وتأكدي إن الله اهو اللي كاتب هالشي عليج
صراحة عجبتيني بردة فعلج وانج ما زلت تحبين زوجج وتحترمينه
عسى الله يملا عليج البيت عيال صالحين بارين
وهدي بالج لا تسمعين كلام اللي تقولج تطلقي
وانت مو أول ولا آخر وحدة يتزوج عليها زوجها
الله يسخركم لبعض
​

 

[كليـ دلعـ]

انتي

ياكلي دلع

تكرهين تشوفين احد متكيف مع ظروفه وصعابه

تذكرت موضوع فوفو

الحياة بالاربعين

اشلون تضايقتي من الموضوع


وقلبتيه لهوشة

فعلا هذا تفسيره

انت تكرهين تشوفين احد يقول انه سعيد ومرتاح ومتكيف مع وضعه وظروفه


نمطية التفكير وضيقة الافق

المصيبة انج ام



الله يصلح عيالج ويحفظهم لج


مادري اشلون بيستشيرونج


ويلجؤون لج


ماعندج الا الطلاق كحل للمشاكل

الناجح يتكيف يطوف يمشي
مشكله اذا شخصيتج بالحياة الواقعية جذي

لا تشغلين نفسج بالرد



كثر ماتفكرين بهالرد
يمكن يكون صح








اااااااههههههههههااااااااااااي


افاااااا. كل هذا فيني!!

كل هذاا!!

صدمتيني الصراحه الله يسامحج



كنت ادري انج ماتبلعيني بس عااد لهدرجه صراحه ماتوقعت!!

اشوفج بكذا موضووع تدشين ولي قريتي ردي

شغلتي موااوويلج ع ردي خاصتن

بس طبعااا ماتواجهين

لانج ماتقدرين

حدددج بالنغزاات هذي تخصصج

من زمان ملاحظه انا وسااكته

بس لاحظي بمزااجي اتغييشم وبمزاجي ارد!!


وماشوف احد ذمني غيررج


الكللللللل. فديييتهم يأيدني ويصفق لي

الكلللللل


والمواظيع تشهد

اشمعناا محد يخالفني الا انتي

انتي مشكلتج مومخالفتني لرايي بالموضووع

انتي مشكلتج معاي شخصيه الله يهديج

عادي لاتشيلين بقلبج التميز نعمه


والحبابه من الله

دوري لج شي يميززج

خلي الحقد موزين لج ترا

وانا ليش اكره اشوف الناس مستانسين!؟

اسم الله علي!؟

شفيني!؟

شناقصني !؟

ايد والا ريل!؟

والا خبله وافكاري سطحيه ماعرف اقول كلمتين ع بعض!

والا تافهه وساذجه!؟

والا منافقه !؟

والا مظطهده!؟

اسم الله علي من الحرره والكرره والظغينه

ماينقصني شي حبيبتي انا اذا فيني

فيني زياده اما النقص خليه لاهله

والاخت فووفوو

اختلفت معاهاا بالمووضووع ونسينا السالفه بكبرها

لان قلوبنا طاهره ماتشيل

وكاهي تدش مواظيعي وترد عليهاا

وانا ارحب فيهاا بعد

تعتقدين لوانا سااذجه وتاافهه ممكن وحده ناضجه

بعمرهاا وخبرتهاا بتدش بمواظيعي وترد!!


انا بنفسي ماا اشك ذره

بس حبيت انووه لج فقط!!

ورايج فيني من شي يجول بنفسج الله يعينج عليه

ولا يهمني

الله لايحرمني من رااي حبايبي الناس السليمه

اما المبتلين الله يعينهم ع مابلاهم

 

[ناتشوو]

كلش ماطرى ع بالي ابلعج او لا
بالعكس احسج خفيفة دم بالواقع والظروف ضدج

واقط نغزات ومااواجه لأني مااقدر اواجهج بجلالج قدرك!!

والله مااذكر تشاركنا اي حوار
اللهم الا لما قلتي
ونسبتي حديث للرسول
عن الشؤم بالذرية
وحزتها
اذكر
قلتي كالعادة كلي دلع لا شاركت الالاف لازم يعارضون
وانا رديت بشكل مباشر بأني مااقصد هالشي

اشدعوة من زمان ملاحظة ومطوفة وشايلة بقلبج
لا نطريني بالهدة احسن ولا وديني المكتب

ومنو قال انج تكرهين فوفو ولا قاطعتو بعض
انا اتكلم عن جانب معين
عن ردة فعلج لما قالت انها متكيفة مع حياة الاربعين
اشلون عصبتي وطنقرتي


انا ماادري اذا ناقصة ايد او رجل
بس فعلا انت بردج هذا
ذكرتيني بالقذافي
مادري ليش

للامانة انا ماراح ارد عليج بعد
وترددت كثيير بالرد
لأنه مو من طبعي الجدل
لا بالواقع ولا بالمنتدى
وكلن بعقله راضي

 

[_ظل الياسمين _]

رد اخت دلع برد جبدى ...
اكتفى فيه..

 

[كليـ دلعـ]

هههههههه

الظروف ضدي!!

وي ياحسرتي ع عمري

ذكريني ترا نسيت!!

اخاف شاكيتلج الحال ع مره وانا ناسيه!،

وليش انطرج بالهده واوديج المكتب!!

انتي اللي لج مشكله معاي

موانا !!

ماكنتي فيوم اكبر همي ولاعرف الحقد انا

واذا ذكرتج بالقذافي

فانتي ذكرتيني بسعيد الصحااااف

شلون راز خشمه ع ماميش ومسوي حواليه

هيلمه

وبالاخيرر طلع مسيجين مايجيد الا دور التعنفق

والجبروت يعوض نقصه!!

اعتقد ماايخفاج تعرفينه عدل!!

وع فكره انتي مانتي ند لي

انا شي وانتي شي ثاني

هذا انا رديت عليج وسلطت الضووء

تبين شي بعد!!؟!

*

 

[الحلا و الزين]

حبيباتي أنا جايه افضفض لكم همي مو علشان تتهاوشون جايه بسمع كلمة تواسيني مو تضيق خلقي أكثر و الله يجزاكم خير و ان شاء الله ما تنحطون بهالموقف و الله أنكم خوات كلكم و غاليات

 

[فوفو22]

كنت متوقعه هالاختلافات بالردود لاختلافات التفكير الصح بالمشاكل الجاده

دايما نقول اللي يده بالماااي مش زي اللي يده بالنار

الله خلقنا قدرات في الطاقه والتحمل والصبر والجلاده

لو وضعت انا مكان صاحبه المشكله

وزوجي ذهبه ويحبني وشاريني

ما افرط في لو اخذ 3 غيري

هذا رايي ......لاني لو بفكر بعقلي بقول الشرع حلل له

وهو انسان ما يظلمني وعادل معي

ولو بفكر بطريقه ((كلي دلع ومؤيدينها ...

بنفصل .....واشتتت عيال .......واربيهم بعيد عن ابوهم

عشان ارضي خلقه واقول

شوفوا هو تزوج وانا عاقبته)))

اتمنى عقولكم ترتفع شوي ...... وتعيشون الواقع

بيوت عاشت مستوره .....باكثر من زيجه.... بسبب بناء اسره وتربيه شباب وبنات ....

لانه هالبيوت تملك زوجات حكيمات لديهن نظره مستقبليه



فوفو

 

[للصبر أخر]

عدل كلامج فوفو اللي ايده بالماي مو مثل اللي ايده بالنار ..لأنج انتي زوجه ثانيه!! لا ذقتي ولا حسيتي بحرة وقهر الشريجه

عشان جذي تبسطين الوضع وتسوينه عادي!! وراجعي مواضيعج السابقه عن مشاكل حياة التعدد بكل مافيها من تعب وقهر وغيره ونكد هذا وانتي الثانيه !عيل الأولى شنو احساسها وألمها ومعاناتها؟؟
لانتكلم بمثاليه زايده لأن حتى الثانيه اللي جرحت الأولى بزواجها بتقوم الدنيا وتقعدها اذا زوجها بياخذ الثالثه!!
ماترضاها على نفسها بس ترضاها على بنات الناس!
الله يصبر ويعين كل زوجه اولى ويردلها زوجها ردا جميلا يارب

 

[_ظل الياسمين _]

اتمنى محد يفرض رايه علينا ولا يشكك بقدراتنا العقليه...
ولا احد يجي يتكلم عن تجربته اهو كانها كتاب منزل ...
اذا انتم قادرين تعيشون بانصاف الحلول غيركم مايقدر
لا نفسيته ولا طاقته تسمح ورحم الله امرء عرف قدر نفسه...
ليش اعيش باجي عمرى بعذاب مانى قده باجر من يصيبنى
مرض ولا ادخل مستشفى الامراض العقليه منو بفيدنى...
هاللى رضيت اضحى عشانه اول الشماته...
مثل ماتتكلمون من واقع انتوا عشتوه فى وجهه اخر للهواقع
انا ابوى تزوج على امى من بعد ماامى سوت المستحيل عشانه
وحتى بزواجه رضت عشان ترضيه لو على حساب نفسها...
واخرتها يتنا وحده لحد هالوقت اقول حسبى الله عليها وين ماكانت
وخالتى نفس الحال بس اهى كانت اذكى واشطر من امى...
بلحظه درت عرفت نفسها انها ماتتحمل اطلبت الطلاق وعاشت
الحمدلله والشكر وهالحجي من عشرين سنه لا ماتت يوع
ولا عيالها تشتتوا بالعكس يمكن لو مسويه جذى كانت انعكست الامور
مثل اللى صار معانا....

عشان جذى لا تجون تتكلمون عن افكاركم وتجاربكم الخاصه كانها
مالها حل ثانى...
ويا صاحبه الموضوع انتى ادرى بنفسج ومصلحتج وقدراتج حبيبتى..
مهما عطيناج اراء الواقع غير وربى يوفقج ويكتبلج الخير حياتى.