الكندري: عزل الطالب عن ولي أمره مع انطلاق العام الدراسي

[najma.q8]

إصدار قرارات «حرية الاختيار» الأسبوع الأول بعد الدوام من المناطق التعليمية
أكد وكيل وزارة التربية المساعد لقطاع التعليم العام محمد الكندري أن قرار حظر تواجد أبناء العاملين بمدارس التعليم العام من الهيئات الإشرافية والتعليمية والإدارية بنفس المدرسة مع أولياء أمورهم سيفعل على جموع المعنيين مع انطلاق العام الدراسي الجديد باستثناء أولياء أمور الطلبة ذوي الإعاقات الشديدة والمتوسطة.

وأشار الكندري في تصريح أدلى به للصحافيين ظهر أمس إلى حرص وزارة التريبة على تطبيق معايير مشروع تطوير الإدارات التربوية المدرسية وتحقيق الشفافية بما يحفظ التربويين ويحمي أبناءهم الطلبة، منوها إلى أحقية العاملين في مدارس التعليم العام حرية اختيار النقل من المدارس سواء لهم أو لأبنائهم، على أن يرفع مدير المدرسة الاختيارات والرغبات ممن لهم أبناء في أي صف من صفوف المدرسة إلى المنطقة التعليمية خلال الأسبوع الأول من بدء الدراسة لإصدار القرارات المناسبة.

جريدة النهار :: الأولى :: الكندري: عزل الطالب عن ولي أمره مع انطلاق العام الدراسي :: عبدالرسول راضي :: 24/08/2012
​

 

[فـــخـــر]

مكرر

 

[كويتيه=)]

بس الام والابو والا كل من له صله بالطالب؟

 

[حلوى عمانيه]

اتوقع ولي الامر يعني الام والاب فقط

 

[PuPa^^SWeeT]

الام و الابو فقط



الله يهدااهم


الموضوع مو مكرر


الموضوع عبارة عن خبر صريح

 

[ام كوثر]

السلام عليكم حبيبتي انا مدرسه في المرحلة المتوسطة وجهه نظري هذا شي سليم عشان يكون في عدل وسواسية بسنا واسطات خل عيالكم يعتمدون علي روحهم وبعدين لو ولى الامر الحين مع الطالب المرحله الى بعدها الطالب بروحه فخلية من البدايه يعتمد على نفسة بدون تضبيط من احد . هذا راي وشكرا

 

[زهراء2005]

انه شخصيا مع وضد القرار

معاه لان فعلا في مدرسات يتدخلون بس من ناحيه ثانيه في وايد عيالهم معاهم في المدرسة ومايدرون عنهم وانه وحده منهم .

ضد القرار

انه اتكلم عن نفسي لما تكونين انتي بس مسؤلة عن توصيل اليهال للمدارس وعفوا زوجي وظيفته بدون ذكر من النوع الي كله حجز اشلون اوصلهم واروح مدرستي الي يقولون ما يصير ما في احد يساعدج انه فعلا جذي واايد متضرره من القرار هذا

 

[بناتي سكر نباتي]

لاوالله قرار متخبط بدون دراسة الله من الفوضى والخبصة الي بتصير لانفذوه

 

[الاميره]

القرار بتنفذ مع اول اسبوع من الدوام المدرسي واشوف انه من مصلحة جميع الطلبه عشان يصير في عدل ومساواة بينهم
هذا خبر اليوم <<< مريم الوتيد: قرار فصل الطالب عن ولي أمره المعلم.. نافذ

 

[زهراء2005]

والله خواتي ما يحس بضيم وتعسف هالقرار الا الي ظروفها معاكستها

يعني الي ايده في الماي مو مثل الي ايده في النار

لو من اليوم ليما سنة نقعد نقول ظروفنا والتزاماتنا ناس ثانيه ترد عليج مو بس انتي

هذا رد مختصر

 

[LA TROO7]

هالقرار عشان يشغلون اهل الميدان عن البلاوي الثانيه

عشان مانفكر وين وعدهم بشيل الاعباء الاداريه وغيرة وغيرة

مع ان ماعندي عيال بالمدارس بس ضد هالقرار الغبي

 

[*candygirl*]

الصراحه تخلف
الحين وحده ولدها معاها بالروضه تروح تقطه بروضه ثانيه
ماكو شغل

 

[كترينا]

قرار غبي واللي يايده ما عنده سالفه

 

[!amorra!]

والله برافوووو عليهم

انا معلمه وبعض عيال وبنات المعلمات مسوين فتوه بالمدرسه!!

تدخل البنت الصف مع امها وطق بعيال الناس

ولا بنت الوكيله والناظره وحتى الاداريات وهلم جرااا

صج يعطيهم العافيه

وعالتوصيل عادي اكو سواق ومو مشكله تطلعون قبلها بوقت أبجر

 

[الاخلاص]

يعني بتفهموني الواسطات بس العيال انا كامدرسه شكثر يدقون علي يبوني اشوف و اساعد ولد اخوها وله ولد رفيج رجلها؟؟؟

 

[كيوت كويت]

أنزين معلمه و اخوي معاي نفس المدرسة ... نفس شي او لا

 

[نونا 3000]

احسن شوي سوا بصراحه صج فيه مدرسين الله يعينهم بيأثر فيهم القرار بس وربي قرار عادل للكل

 

[اريج الجوري]

قرار غير مدروس انا بناتي معاي بالمدرسه ويشهد الله حتى الاجتماع ما اروح اسال عنهملان يكون معطيني احتياط بوقتها وحتى ابلاتهم يتغربون انهم بناتي اذا شافوني معاهم بالهده

وبالنسبه للي تقول واسطات ياحبيبتي الواسطات بكل مكان ممكن اختي معاي بنت اخوي ولد رفيجتي مو مشكله يعني

المفروض يحطون قرار يعاقب اللي يستغلون ظروف وجود ابنائهم معاهم مو يعاقبون الزين والشين

ولنفرض انا وعيالي بمدرسة منطقتنا ليش انتقل او انقلهم

كافي زحمه وفوضى كل المدارس ينهدون مع بعض ولا في اماكن مناسبه الطلبه ينطرون اولياء امورهم فيها بس مهدودين بالشوارع والشمس

اذا بيطبقون هالقرار لازم يوفرون باصات لنقل الطلبه لو بسعر رمزي بسيط وتكون وسائل نقل مريحه وامنه ومواعيدها مضبوطه

وبعدين يسمحون لاولياء الامور بقليل من التاخير عشان يوصلون عيالهم مثلا نوقع 8 بدال 7:30 ومايعطونهم حصص اواى واخيره ويتغير مواعيد هدة المدارس مو مع بعض

شنسوي نطير عشان نلحق واللي تقول طلعوا مبجر متى تبين نطلع 4 الصبح ؟؟

وفوق هذا لازم يعينون المعلمات في مدارس قريبه من مناطقهم عشان المرونه مو معقوله اكون ساكنه بحولي وادرس بالجهرا ولحد يقول مافي جذي

نص المعلمات بيوتهم بعيده عن مدارسهم

والله المستعان

 

[noona]

قرار سليم اميه بالاميه
انا مدرسه واشوف الطلبه مظلومين بسبب بنات الأبلات

كل اهم الأوائل بسبب الواسطات

ومستحلين كل الأنشطه

ولي راحوا مرحله ثانيه تبين الصجيه

قرار سليم وأيده

وعن

 

[أمواج البحر]

انزين احنا نقط عيالنا مكان ونروح دواماتنا مكان ثاني

ما تذمرنا بالعكس هالقرار بمصلحة عيالنا بدل هالواسطات اللي قاعدين نشوفها حق عيال المدرسات