الكندري: عزل الطالب عن ولي أمره مع انطلاق العام الدراسي

[نونا 3000]

اللي تقول اللي مو مدرسه لا تعلق تراااا احنا مانعلق الا من الظلم اللي شفناه بمدارس وزارة التربية انا مدرسة وخبرتي ١٢سنة مريت ع خمس مدارس اشوووف ان الطالب العادي مظلوم قياسا بولد المدرس المدلع اللي جنها مدرسة اهله مو مدرسة حكوميه للكل بالنشاطات رازين عيالهم بالرحلات ما ياخذون الا عيالهم هذا ظلم محد يرضا فيه ترا كلهم عيال الكويت ولا بالامتحان يغششونهم ويزيدون درجاتهم شوفت عيني بلجنة الامتحان يتعرفون ع خطوط بناتهم ويزيدونهم هذا مو حرام ارد واقول مريت ع خمس مدارس كلها الطالب العادي مظلوم فيها بعدين بالنهاية الطالب طالع من المرحله ومخلي امه ولا ابوه خل يتعود من الحين ولا تتحججون بسالفة اشلون نوصل عيالنا ترا كل موظفين الدوله عندهم عيال ودوامات ينزلون عيالهم مدارسهم ويروحون دواماتهم اشوفهم ما ماتوا الوضع عندهم عادي اشمعنا المدرسين المدرسات يتذمرون من هالقرار اكيد تطبيقه راح يضر ناس مستفيده من وراه مصالح لعيالها لاتزعلون بس هذا الكلام الصج هذا تعليقي وانا وحده عايشه بالميدان معاكم ومستحيل اخلي عيالي معاي بنفس المدرسه خل يعتمدون ع نفسهم وراهم حياة باجر لي متى تابعين لي بكل مكان

 

[sasa1234]

معاج حق نونا 3000

 

[مطيريه ماركه]

ماعاد فيه مشاكل إلا هـ الشي !!

 

[*مطبخ الذواقة*]

السلام عليكم حبيبتي انا مدرسه في المرحلة المتوسطة وجهه نظري هذا شي سليم عشان يكون في عدل وسواسية بسنا واسطات خل عيالكم يعتمدون علي روحهم وبعدين لو ولى الامر الحين مع الطالب المرحله الى بعدها الطالب بروحه فخلية من البدايه يعتمد على نفسة بدون تضبيط من احد . هذا راي وشكرا

معاج حق اصلا حتى لو الولي شاطر ويتفوق تلقين الناس يقولون. اي عشان امه بالمدرسة. ولا أبوه



بصراحة خووووش قرار








اتمنى لكم التوفيق

 

[أم دناش]

بصراحه قرار صح ولكن تطبيقه غلط وينهم من اول طلبات النقل ما قدموه يايين قبل الدوامات تعالوا نفذوه الحين دايما قياداتنا يحلمون بالليل والصبح ينفذون ما يغشمرون إنزين يمكن جاااااااثوم تعوذو من إبليس

 

[هجووورة]

والله برافوووو عليهم

انا معلمه وبعض عيال وبنات المعلمات مسوين فتوه بالمدرسه!!

تدخل البنت الصف مع امها وطق بعيال الناس

ولا بنت الوكيله والناظره وحتى الاداريات وهلم جرااا

صج يعطيهم العافيه

وعالتوصيل عادي اكو سواق ومو مشكله تطلعون قبلها بوقت أبجر

ناس حاقده اللهم يا كافي
اللي عندها ضمير ماراح تدري عن عيالها لو انهم عندها واللي ضميرها ميت تبي تدخل لو انها بالمريخ
يعني لما يكون عندج طالب امه مو موجوده بس تعرف احد بالمدرسه ماراح يصير نفس الشي واولياء الامور العاديين ما يتدخلون في الدرجات

 

[هجووورة]

واااااااااااااااااااااااااااي
حراااااااااااااااااام عليكم وين هالحقد خاشينه في صدوركم عفيه صدور
هالحين هالوزارة التعبانه خلت كل شي لمصحله الطالب وقامت تحارب وجود اهله معاه
بعدين حبيباتي الحقودات
اللي بغشش ولد والا بنت الابله راح يغشش ولد اختها راح يغشش ولد حمولتها راح يغشش ولد جيرانهم راح يغشش ولدعمها مووووووووووووبس عيالها وين رايحين
اذا فيه ناس وصلوا الكراسي بطريقه الجمبزه وما خافوا الله في عيالهم يستخدمون نفوذهم لمصلحتهم لا تعموووووون
فيه ناس بنفس المدرسه ما يدرون عن عيالهم خير شر
هذا جزاء هالوزارة المنتهيه الوزارات تعطي امتيازات لموظفينها وهي تحدهم علي الكره والفرار منها
صدق المثل اللي قال ابوي ما يقدر الا علي امي
وينها عن المدرسين الخصوصين اشوف مالهم طاري عمركم سمعتم عن مدرس سفروه لانه يعطي دروس خصوصيه يعني عاجبها
وينها عن العامله السايبه اللي تدخل مدارسنا وتختلط في عيالنا بحجه شركات تنظيف من غير اقامات ولا فحص طبي ولا شي يعني عاجبها
وينها عن كادر الاداريين اللي تنحش عنه وهي تدري ان الاداريين الدم اللي يسري في عروق وزارتها ومن غيرهم ما تمشي هالوزارة
وينها عن هالمناهج الغليظه اللي يصعب علينا ننطق مصطلحاتها بحجه تطوير العلم
مووووووووووووووووو حرااااااااااااام تعمون الشر وتخصون الخير
تبي تقنعوني ان نقل ولي الامر وفصله عن ولده بحل كل هالمشاكل مستحيل
من اولياء الامور مدراء
زمساعدين مدراء
ومدرسين
واداريين يعني الهيكل التعليمي في المدرسه كله شرقعهم
قرار فاشل فاشل فاشل

 

[Miley-Cyrus]

احس القرار حلو و مو حلو ...حلو انه بيكون في عدل يعني انا اعرف اكثر من ابلة تعامل طالبة بكل حب بختصار تعاملها غير عن البنات معاملة خاصة جدا لأن امها ابلة !!!!
ومو حلو لأن يمكن اولياء الأمور عندهم ظروف و مايقدرون ينقلون اعيالهم او انهم مايقدرون لأسباب خاصة احس الموضوع كان المفروض يدرسونة قبل التطبيق

مايلي...

 

[princesse X]

أحسن قرار في التربية من مليون سنة
واللي يشتكون من التوصيل القرار ماقال مو بنفس المنطقة قال بس مو نفس المدرسة هذا غير ان مدرس او مدرسة ابتدائي لما ولده ينتقل متوسط او ثانوي يرفض يوديه بروحه ولا ينتقل لنفس مدرسته؟؟ ولنفترض لو ان هذا ممكن ياترى بيروح ورا منو من عياله؟؟
ما أقول خلوا عيالهم يعتمدون على نفسهم بس بعد عيال الناس يتنفسون شوي وينرفع الظلم اللي كان بعض الاداريات والمدرسات عيالهم المتجبرين فارضينه على باقي الطلبة المساكين
والمدرسة اللي ماتسوي جذيه مايفرق معاها الموضوع وايد

 

[نونا 3000]

الاخت هجوره اي غيره واي حسد الحسد والغيره انا نظلم عيال الناس خل عيال الكويت يتعاملون معامله وحده بعدين كل منطقه فيها اكثر من مدرسه نفس المرحله ومناطق الكويت لاصقه في بعض ماكو كلافه ع احد يارب يتطبق هالقانون مع العلم ادري انه ماراح يتطبق دام بعض اعضاء مجلس قاموا يتحركون طبعا مو حبا بالمدرسين حبا بالصوت من وراهم بعدين انا ملاحظه مصره ع كادر الاداريين بشكل فضيع الاداريين خوانا بس الكادر غير مستحق لهم لانها وظيفه اداريه ماتقارن بالعلم وجهده وتعبه وكافي ان المعلم شايل اغلب اعمال الاداري من مناوبه واعمال المقصف وغيرها واذا انتي اداريه ع حسب مافهمت من كلامج يعني ماعايشتي ظلم الطالب العادي قياسا بالطالب اللي اهله معاه بالمدرسه احنا معلمين وشفنا ومرت علينا الوان من الظلم يبه تخيلي بالكنترول يتعرفون خطوط عيالهم ويزيدونهم درجات هذا مو ظلم اتقوا الله بعيال الكويت

 

[كويتيه مول]

‏​مٍْْـٍْْ♡̷̴̬̩̃̊ـٍْْنٍْْ إدارتكم الفاشله ياختي هالقرار مصدره ادارتكم وامثالهم شذنب الناس اللي ماشيه سيده وعيالها قمه بالادب

 

[الدبه فديتج]

دايمن اي قرار بالدنيا خاصه بوزارة التربيه مايكون بيرفيكت ميه من ميه .
انا معلمه ولدي معاي بالمدرسه وقبل بناتي معاي كنت اشوف مجاملات على حساب الطالب والطلبه الي مالهم ذنب الا انه ماله ظهر بالمدرسه شئ صج ماتنسينه بحياتج من القهر . خاصه المعلمات الي تكون جريئه ومضبطه امورها مع الأداره , ويعدين مجامله عن مجامله تفرق لما اتكون امه معاه مو نفس لما يكون احد من العايله . وبعدين انتي يا المعلمه الي توج اول سنه تعيين ما تدرين شنو اصير من تحت الطاوله . لما تشوفين طلبه راسبيين وتغييير درجتهم من الكنترول وينجح فوق المعدل بعشر درجات وطالب مستواه جيد يرسب على درجه وتعففون عن رفعه يحجة انهم ناس اخافون من الله . ما أقول الا حسبي الله ونعم الوكيل,
وانا ضد القرار بشئ واحد فقط انهم كان المفروض اطبقون القرار السنه الجايه بعد ما يعلنون عنه السنه هذي . بحيث انكون خذينا فرصه نقدر اندير فيها نفسنا كمعلمات بأن نختار مدارس لنا او لعيالنا ولا حتى اصير ضغط على المنطقه خلل بميزانية الأقسام .
وحجة التوصيل عذر غير مقنع لأن مرد ولدج أو بنتج تروح مدرسه ثانيه ,لا تحجوج بالتوصيل قولي مالي خلق اقوم مبجر وأودي أجيب لأني معلمه احسبي نفسج بوزاره ثانيه ومو من كبر الكويت ,لي بغيت وصلتي السعوديه بأقل من ساعه .
وعفوا بالنسبه للأداريات عيالكم الي ينتقلون وانتوا لأ الا المعلمين هم من يخيرون .

 

[sasa1234]

^ ^
رأي منصف من ولية أمر ومعلمه بنفس الوقت

 

[najma.q8]

في اجتماع للقيادات التربويه مع الوزير عشان يشوفون تطبيق القرار او لأ

 

[MzOoOn 22]

ي رب مايقررونه
صراحه اذا انا رايحه دواميويم بيتي اروح القطعه ال٣ عشان اودي ولدي ششهالسخافه والعساره

 

[Artq8]

قرار فاشل انا قبل لا اكون مدرسه امي كانت مدرسه و ما شفت محاباه او معامله خاصة بل بالعكس ما كنت اقدر اصير شيطانه و لا كنت اقدر اشاغب ... بعدين الطفل منحقه يكون يدرس بنفس منطقته على الاقل يقدر يركب باص المدرسه يوصله يعني هل راح ينقلون. ولي الامر المعلم و اذا انقلوه هل في بديل مكانه راح يسببون ربكه في المدارس و عموما الطالب المتميز راح يكون متميز في كل مدرسه ... وزارة متخبطة و ماكو شغل بس اهم شي نيتهم في تطبيق المدرسه النموذجيه قي المتوسط يعني المدرس يدرس مليون ماده علمي و ادبي ...

 

[mezlegana]

افضل قرار صدر من وزارة التربية ياما شفنا تلاعب في الدرجات في الثانوية من الناظره حق بنتها اللي بالاخير طلعتها الاولى عالمدرسة مو حرام كل ناظره ووكيله تييب بناتها ويطلعون الاوائل ويختارون المدرسات اللي يدرسون عيالهم . خلو عيالكم في مدارس ثانيه شيصير بالعكس يعتمد على نفسه مولاصقين بالامهات
:eh_s(7)::eh_s(7):

 

[طرفة عين]

@moe_edu_kw: مجلس وكلاء وزارة التربية يقرر وقف قرار حظر تواجد أبناء العاملين في المدارس
وقصْرِه على العاملين في المرحلة الثانوية تمهيدا لتطبيقه تدريجيا.

توقف القرار الفاشل واضح ما كانوا دارسينه عدل
سوالف حريم :/

 

[نونا 3000]

اشوا راح يطبقونه ونفتك من المجاملات والمحسوبيات عااااشت وزارة التربية احسن قرار طلع

 

[فـــخـــر]

القرار ماتوقف تأجل لـ السنة الجايه وهذا الصح : )