الكندري: عزل الطالب عن ولي أمره مع انطلاق العام الدراسي

[اينشتاينه]

هالقرارات مجرد تصفية حسابات شخصيه, و الا إهي لا تفيد المدرس و لا الطالب.

شلون ماتفيد ..!

هذول اقتباسات لـ ردج ..

مثال 1 :: اســأل اخوي الصغير ليش ماتبي تاخذ امتياز ؟؟ يقول بيي امي مو ابله .!!! شكووو ..! لنه مناك مدرستهم مايفقون الا اللي امهم ابله ..!

مثال 2 :: رفيجه اختي .. الحين متخرجه .. طول عمرها بالابتدائي امها ترفعها يوم جت المتوسط كله راسبه راسبه راسبه ..

والله مع هالقرار لان صارتلي مواقف مع بنات المدرسات الوكيلات والناظرات حيل ظلم صراحة

يعني بنت الناظره مستواها جيد كانت معاي بالمتوسط ولما راحت الثانويه صار 95 اشلووون بعرف @@@.؟
ووايد مواقف بس اكتفي بهالموقف

+

خلوا العاطفه عنككم يا ابلات

 

[Miss nerd]

انشتاينية انا معاج 100%
المسأله ما اتعلق بالمعلم و بس
حتى الطلبه ترا ينظلمون
انا بصفي 5 امهاتهم ابلات لا و كل وحدة امها تدرس مادة
و شنو يعني انا اب مدرسة وبنتي اب مدرسة عادي يعني ترا مردها اب تطلع من المرحلة الي تدرسينها سواء ابتدائي او متوسط
و اتوقع الظلم اكثر شي بالنسبه لثنوي

 

[اينشتاينه]

ويها و كل رحله لازم تروح معاهم و تاخذ رفيجاتها

اي والله .. اذكر هالسنه كان فيه رحله لفائقات الاجتماعيات .. تقريبا بالصف الفائقات بس انا و ارفيجتي ..
فجأه الا وحده بصفي رايحه معانا ومع رفيجاتها .. ليش ؟؟ لنه امها متوسطه عند ابلتنا
والبنات اللي مابينهم وبين درجه التفوق الا نص ماودتهم ..

 

[Miss nerd]

اي والله ظلم ما يصير

 

[كويتيه مول]

سلامات ابد محد مظلوم من ها تمسكين طالب مشاغب شوي ياتج امه تلعلع عالمدرسه
والفضل لهالوزاره التعبانه اللي طايحتله اضطهاد بهالمعلم انا ولدي معاي بنفس المدرسه ومطعون بقلم
ومطقوق حتي اكله يأخذونها ابد ماتكلمت لاني ادري هذيل اطفال مالهم ذنب فعيب عالشخص الكبير الفاهم والواعي يحط عقده علي طفل وينقله م مدرسته ويلعب بنفسيته ومنو المسؤول احنا يالامهات فرجاءا اللي مو مدرسه لاتعلق علي هالموضوع وتكرمنا بسكوتها وهالقرار ماراح يتطبق

 

[RowTow]

شلون ماتفيد ..!

هذول اقتباسات لـ ردج ..




+

خلوا العاطفه عنككم يا ابلات

حبيبة قلبي
انتي اللي ماخذتج العاطفه. سبق و قلت إني أصلا ما عندي عيال و لا آخذ و لا أوصل فيهم, يعني ما عندي سبب يخليني عاطفيه.
و آنا قبل لا أكون مدرسه كنت طالبه. آنا 12 سنه طالبه و ما صارلي إلا سنه وحده بالتدريس.
طول عمري أدرس عمري ما حسيت بظلم من بنات الأبلات, لا بابتدائي و لا متوسط و لا ثانوي. و طول عمرهم بنات الأبلات مثلنا, لا و بعد على فكره أشطر منا. اللهم مره وحده صادفتنا بنت أبله كانت مو شاطره و احنا نفسنا استغربنا.

و بالنسبه للاقتباسات اللي حطيتيها فترى الناس يتغير مستواها بالذات بالثانويه. آنا بالابتدائي متفوقه, بالمتوسط عاديه, و أول ما دشيت الثانوي رديت رفعت مستواي مره ثانيه.

و حتى الحالات اللي قاعدين تحطونها غير مقنعه. عن بنات الأبلات اللي تطلع الورقه بيضه بعدين تطلع متفوقه. أشطر البنات يطلعون من الامتحان يبجون و يقولون ما حلينا و بالنهايه أوائل.
و حتى قلة الأدب مالها شغل بالموضوع. كانوا معاي بالثانويه بنتين بمنتهى قلة الأدب مع الأبلات و بمنتهى السخافه و الحركات العبيطه, و كاهم يدرسون طب ألحين.
الأخلاق ما لها علاقه بالدرجات. و إذا ما كنتي إنتي شايفه ورقة البنت و مصححتها ما تقدرين تقولين إن في غش بالموضوع.

 

[najma.q8]

الاكيد انه الوزاره ما اصدرت القرار الا انه في شكاوي وصلتهم بخصوص هالموضوع
وانا اشوف انه من مصلحة الطالب والمعلم بنفس الوقت

 

[نماين]

المفروض انهم يحققون مع المعلمين الي كانوا يستغلون مناصبهم والي مثل ما قال البعض الي عليهم شكاوي مو يعممونها على الكل


فعلا الخير يخص و الشر يعم

 

[غلا يوسف]

مو كيفهم يفرقوووني عن عيالي ...

حبايبي هالقرار ماراح يتم لان في مشاكل وظروف للناس ...

من عمر الدنيا واحنا مع امهاتنا بالمدااارس ما احد تجرأ وقرر هالقرار الغبي الا حكوومة الفساااد الحالية

يستريحون بس 

 

[zgrtya]

قرار صائب للحد من الفساد في وزاره التربيه )

 

[كويتيه مول]

فسااااااااااد. ؟؟؟؟؟؟؟؟

 

[PuPa^^SWeeT]

شوفو يا ابلات و امهات



لو المنطقة فيها مدرستين اوكي اتهوون



بس لو منطقة بس فيها مدرسة وحدة


همن صعبة فكروو فيها


ولا تقولون كا احنا و كا احنا


على فكرة منطقة الوزارات اللي بجنوب السرة


عيالهم كلهم بمدارس الزهرا وانا ساءلة و عارفة


مو عيب اتدورين قرب عيالج منج


فا لا تستنكرين منا احنا انه نبيهم ويانا




بس هذا اللي بقوووله لكم


وسالفة ضد ولا مع بس خلاص انتهى القرار و صار

 

[najma.q8]

تتوقعون في مدارس ما تنفذ القرار وممكن تغطي على المدرسات والاداريات وعيالهم ؟؟؟؟

 

[PuPa^^SWeeT]

^^^^


توني اقوول اني كنت على امل اكون وياهم بنفس المدرسة



وضبطت روحي على هالشي شقتي و مدرستي



يالله يمكن مالنا نصيب




​

 

[ملامح بريئة]

القرار فهمناه خطأ المقصود فيه الابناء المنقولين خارج منطقة سكنهم يعني الاملما تنتقل تنقل ولدها معاها لا الولد او البنت يبقي بمدرسته لا ينقل عشان الام مفهووووم والشريحة اللي ناقلة اعيالها معاها ١٠٪

 

[أم هنونه]

الله يعين

 

[أم هنونه]

القرار فهمناه خطأ المقصود فيه الابناء المنقولين خارج منطقة سكنهم يعني الاملما تنتقل تنقل ولدها معاها لا الولد او البنت يبقي بمدرسته لا ينقل عشان الام مفهووووم والشريحة اللي ناقلة اعيالها معاها ١٠٪

صج من وين سمعتي الخبر ؟؟

 

[shahad al.3nezi]

انا طالبه بس من رايي اشوف القرار سليم لان صج احنا قاعد نعاني من الظلم بنات المدرسات والوكيله من الاوائل وغير جذي احنا نتعب وندرس واهم بالواسطات ياخذون نسب نفسنا واعلى والصراحه اغلبهم طاقين القوانين بالطوف علا انهم بنات مدرسات محد يقولهم شي واحنا ع طول فصل وتعهدات هذا مو ظلم غير الامور الثانيه مابي اطول عليكم

 

[Ǥoldɛn ʝɛωɛL]

انا مع هالقرار الصراحه ~
انا بثانوي ووجده بصفنا كانت بـ 11 امها وكيله تعالي شوفي بس
اسلوب مافي مرادد مع الابلات وقلة احترام حق اللي بالصف ! يعني امي وكيله محد له شغل فيني !
وحتى بعض الابلات الله يسامحهم تشوفين اييون قبل الامتحان ابي فلانه ولا امها يايتها تقولها شنو بامتحانها القصير ! وبعض المرات حتى البنت حمدالله والشكر
تفضح نفسها .. ~

انا مع القرار ! لا تقولون بس بالابتدائي يميزون لا حتى بثانوي وازيد بعد ! ~_~

 

[LuLiTa]

هالقرار عادل 100٪ و زين منهم حطوه،،، ياما إنظلمنا بسبت عيال الأيلات و مجاملات الأبلات بين بعضهم ،،، أذكر بالابتدائي طاحت معانا بنت الناظرة بنفس الصف ،، هايتة و إطوف الحصص و تتأخر و ألف مدرسة إدافع عنها و إتحاميلها ،، و حزة الامتحان المدرسة إتهد الصف و توقف فوق رايها تنقلها الأجوبة سؤال و ورا الثاني و بالأخير يحطونها الأولى عالصف لووووووول


و اللي معترضين عالقرار أقولهم ما تبون كل الطلبة يتعاملون بعدل و مساواة ؟ عيالكم حالهم حال عيال الناس ،،، و اللي إتقول إنها ما تجبر أحد يجاملها و يعامل عيالها بتميز أرد عليها لو إحنا بأمريكا نصدق إنه زميلاتج ما راح يجاملونج و يعاملون عيالج بشكل مميز بس إحنا بالكويت و المجاملات بين الأبلات على أفا من يشيل ،،،و اللي تقول صعب إنها إداوم بمدرسة و عيالها بمدرسة يا إختي حالج حال كل الموظفات بالديرة ،، إتقط عيالها عالمدرسة و إداوم بوزارتها ،، بعد مو كلهم عندهم سواقين و لا يحطون عيالهم ب باصات ،،، منتو أحسن منهم و لا على راسكم ريشة ،،،،و لا يعني هاللي تقول إنها متضررة من القرار يعني بتفهميني إنه كل عيالج البنات و الصبيان موجودين معاج بنفس المدرسة ؟ و لا يمكن كلهم توم و محطوطين بصف واحد مثلاً ؟