الكندري: عزل الطالب عن ولي أمره مع انطلاق العام الدراسي

[كيوت كويت]

أنزين معلمه و اخوي معاي نفس المدرسة ...ما ينطبق علي القرار

 

[m.a.m154]

سؤال بسيط جداً للي يقولون احنا نقط عيالنا الصبح ونروح دواماتنا ما تذمرنا يليت يجاوبوني على هالسؤال............اذا حصلت لكم وظيفه بنفس مميزات وظيفتكم ونفس الراتب وما يتغير شي من شغلكم بس الفرق ان عيالكم معاكم بنفس المكان بترفضون ؟؟؟؟؟؟؟؟؟؟؟؟؟
اكيد لا اكيد بتوفروووون المشوار وتفتكون من الزحمه لكن طبيعه شغلكم ما تسمح في هالشي ولو يحصلكم ما راح ترفضون
حرام عليكم خافوا الله مسوينا احنا وعيالنا مجرمين وطايحين بعيال خلق الله
والله عيالي معاي بنفس المدرسه وما اشوفهم الا بالهده وما اسأل عنهم الا بالاجتماعات حالي حال أولياء الامور
في فئه وقليله جداً اللي ما يخافون ربهم وحتى لو تم نقلهم بتحط عيالها عند أختها رفيجتها بنت عمها وما راح يتغير شي
الشخص لا صار معدوم الضمير خلاص ما يرده شي


وانتوا يا أولياء الامور اكثر ناس تدورون الواسطات لعيالكم مجلس آباء وأمهات وتبرعات وبخاشيش للمدرسين الأجانب وتمشون عيالكم
بس ما نقول الا حسبي الله ونعم الوكيل


المسأله بالنهايه ضمير والمفروض يحطون قانون يعاقب هالمدرسه مؤ يشملون الزين والشين

 

[كويتيه مول]

قرارا غبي

 

[Winter Q8]

فئة قليلة اللي يمكن تتدخل .. شكثر تدرست تلاميذ امهم زميلاتي بالقسم عمرها محد قالي عامليهم معاملة خاصة ..
و اشوف القرار غير مدروس .. متعودة التربية تدخل كل عام دراسي يديد بمشكلة و سالفه و عقبها يغيرون الوزير و يلغي قرار اللي قبله ..
على فكرة ماعندي عيال بسن دراسه بس قاعده احاتي المدرسات الله يعينهم خصوصا اللي مدرستها مو بمنطقة سكنها و لا عندها سايق

 

[أم لطووف]

لاا حراام ليش بالعكس جذي امن لقلوب الامهات والابهات المطرسين يكونون عيالهم معاهم بالمدرسه ع الاقل تحت عيني مو رايحه مشوار درب للمدرسه وراده حى الزحمه تخفف
صراحه ماعندهم ريحة ام السالفه ع هالقرار
والواسطات بكل مكان يت ع الطلبه. اهيا بس هي مسالت ذمه وضمير فقط

 

[!!Princess!!]

من وجه نضري ، عن تعليم الابتدائي ، شنو الي مصبر المعلمه علي تدريس الاولاد مع انه تدريسهم يغث ويلوع الجبد، ؟ محد مصبرها غير انه ولدها معاها بنفس المدرسه تحت عيونها ، ومو شرط انه ولد المدرسه يصير اهو الفتوه علي قوله احد العضوات هني ، لا بالعكس يا ما مدرساااات يزفوووون عيااالهم قدام خلق الله لو كان غلطان ولا ما يشوفون عيالهم الا بالهده وحتي يستحون يكلمون زميلاتهم بموضوع عاملي بنتي معامله خاصه او زيدي درجاتها ، اتقوا الله في المعلم والمعلمه ، لولاهم ما صرنا دكاتره وطيارين واطباء ، ترا المعلم كاااااااد ان يكووون رسووولا بس للاسف اشوف المعلم تتحسر عليه زياده راتبه ، تتحسر عليه الزيادات ، ولا حتي الدرجات ، بعد الكادر زادوا درجه هـ يعني المعلم اول ما يتعين علي درجه هـ ، مو حراام ؟

فضفضه معلم <<<<!!!!!!!!!!


بس صج قهر ، كل الناس عيووونهم علي المعلم ، وعبااالهم انه المعلم مرتاااج ، ما يدرووون انه ينكرف بالدوام ويكمل شغله بالبيت

 

[اينشتاينه]

انا معااه .. بس اللي بالروضه افضل تكون مع ولدها

دايما اشوف بنات الابلات ياخذون حقهم اكثر مناا .. سوؤاء بالدرجات او غيره ..

يعني صراحه ماكو عدل .. مادري امها رائده فضااء ولا عالمه .!

انا الخامسه مدري السادسه على مرحلتي .. واللي جداامي امها ابله .. البنت : صايعه ضايعه كله تهرب كله تسب الابلات كله تستهبل على الصفوف وتطق الباب وتنحاااش ..
يعني قهر لمن اشوف البنت جدامي !.



وهم هالشي بالابتدائي ..
وحده ماتعرف شي تشوفها ماخذه امتياز بالابتدائي فجأه بالمتوسط تاخذ جيد مقبووول ومع الوقت ترسب ..
وحتى بيكون ظلم للطالبات الصيغرات بيكونون اكثر غيره .. ومعروفه الغيره بالبنت ..

مثال 1 :: اســأل اخوي الصغير ليش ماتبي تاخذ امتياز ؟؟ يقول بيي امي مو ابله .!!! شكووو ..! لنه مناك مدرستهم مايفقون الا اللي امهم ابله ..!

مثال 2 :: رفيجه اختي .. الحين متخرجه .. طول عمرها بالابتدائي امها ترفعها يوم جت المتوسط كله راسبه راسبه راسبه ..

واللي تقول شلون اودي عيالي ..
فيه شي اسمه باصات .. ولا سايق يعني ماكو اي مشكله ..

 

[قمرهم-كلهم]

صراحة قرار كلش مو بمحله من صجهم انا عندي اعيال بالروضة و لا ابمرحلة ثانية اروح اقطهم بمدرسة ثانية ليش عسي ماشر
والي اتقول عشان الواسطات ما الامتحانات من برة وخارج المدرسة اي واسطات

 

[قمرهم-كلهم]

والي اتقول البنات مظلومين مافي احد مظلوم الي يدرس ياخد احسن الدرجات و مثل مافي بنات مدرسات شطار في الكسالى

 

[قمرهم-كلهم]

واتوقع الواسطات بكل مكان الحين خليتو كلشي ييتو عالطلبة المساكين

 

[قمرهم-كلهم]

والي اتقول في باصات وسايق والله احنا ما انحب انودي اعيالنا بباصات ولا حتا انييب سايق في وايد عوايل مثلنا ما عندها

 

[أمواج البحر]

الحين كل المدرسات يقولون عيالنا معانا بالمدارس ومانشوفهم

عيل الفتوات اللي نشوفهم بمدارس عيالنا شنو

ولا سالنا قالوا ولد المدرسه

وبالنشاطات اول ياهل يرتز بالمسرح

والله سمع اذني مدرسه تقول لثانيه قالت هذا ولد فلانه المدرسه اهو مستواه جيد

مخلينه امتياز عشانها

واذا كانوا عيالي بنفس المكان اللي اداوم فيه كان بها اوكي حلو

ما صار عادي ما اتحلطم واتحسب عاللي حطوا القرار

واحنا شكو نحط عينا عالمدرسات سهالات ترى لا تصيرون حساسات زياده عن اللزوم

ترى كلامنا عن القرار فقط لا غير

 

[أمواج البحر]

للعلم ترى ابوي كان مدرس واختي بتصير مدرسه ان شاالله

فعارفه حجم الجهد اللي تبذلونه بس لا تخلطون الاوراق

 

[رتبه دبلوماسيه]

والله مع هالقرار لان صارتلي مواقف مع بنات المدرسات الوكيلات والناظرات حيل ظلم صراحة
يعني بنت الناظره مستواها جيد كانت معاي بالمتوسط ولما راحت الثانويه صار 95 اشلووون بعرف @@@.؟
ووايد مواقف بس اكتفي بهالموقف
​

 

[*ماي الورد*]

انا مع القرار بصراحة
راح تطلع المستويات الحقيقية للطلبة اللي امهاتهم بالمدرسة
غير ان في مدارس مخلين صفوف خاصة حق عيال المدرسات حاطين لهم احسن المدرسات بالمدرسة
و يطلعون قبل الطلبة
والمدرسة تعرف النتيجة قبل اولياء الامور و اذا ما عجبتها تروح تناجر الابلة قبل لاتسحب الشهادة

 

[RowTow]

قرار من أغبى ما سمعت.
مع إن ما عندي عيال أصلا بس ضد هالقرار جملة و تفصيلا.

كل القرارات اللي بمصلحتنا و مصلحة الطالب يماطلون فيها ليما ننساها, بس القرارات الغبيه تتنفذ أول بأول.

بالنسبه حق اللي يقولون عيال المدرسات فتوه و ما فتوه و الأبلات يميزونهم عشان أمهاتهم هاذي حالات فرديه. و الخمال بالأبله اللي تراعي البنت زياده لأن أمها مدرسه.

عندي بنت من أحسن البنات عندي, أدب و أخلاق و شطاره و أمها مدرسه عندنا. و تجي تسأل عن بنتها مثلها مثل باجي الأمهات بالاجتماع.

و عندي أبله زميلتي بالقسم تشتكي من بنت وحده من الأبلات إنها حيل شيطانه. قلت لها إنتي الغلطانه, بتخافين من بنت بأولى مو عارفه تمشينها؟
صفج تحت سيطرتج انتي و مافي أحد بالمدرسه كلها يقدر يقول لج بم.
أقسم بالله العظيم هذا و آنا أول سنه جايين الأمهات يحضرون حصه مع بناتهم و الله وقفت ثنتين من البنات بأولى جدام أمهاتهم و الحلو يقول لي كلمه و آنا بالصف.

هالقرارات مجرد تصفية حسابات شخصيه, و الا إهي لا تفيد المدرس و لا الطالب.

 

[نونا 3000]

حبيت هالقرار لانه فعلا اغلب المدرسين طبعا مو الكل يحنون ع المدرس اللي يدرس عيالهم ووقت الامتحانات غش ع الاخر ع ابو انها بنت مدرسه تجي مو دارسه وتاخذ درجة من غير تعب طبعا فيه طلبه اهلهم يتعبون عليهم حيل ينظلمون والله كل واحد يحط نفسه مكان ولي الامر اللي سهر وتعب مع ولده وولد المدرس يتغشش وبالساهل ياخذها وربي حرااام انا مع القرار ويتطبق ايضا ع اقارب المدرس من الدرجه الاولى خلاص بس ظلم انا اتذكر اشكثر انظلمت وانا طالبه والسبه عيال المدرسين هالقرار ما يبي له دراسه يتطبق والوزارة مغمضه ويعطيهم العافيه ع هالقرار

 

[Miss nerd]

انا الصراحة مع هالقرار و مأيدته 100% انا طالبه و بالابتدائي طول عمري اطلع الاولى لمن دخلت المتوسط كان في طالبه كانت معاي بالابتدائي مستواها كان جيد لمن دخلت المتوسط امها ابله هناك كله تطلع الاولى صدف انها معاي مرتين بالصف وانا اعرف مستواها عدل و اعرف درجاتها والله علا ابو امها رئيسة قسم درجاتها كامله البنت طلعت تبجي من الامتحان ادقول اخر ورقة مو حالتها و تطلع يايبة كامل بالله شلون فهموني و 24 ساعة ملاسن مع الابلات و كل مسابقة رازة ويها و كل رحله لازم تروح معاهم و تاخذ رفيجاتها بعد و حتى التكريم على اي شي تكريم الصراحة قهر و ظلم ما يصير لا واتعرف درجات الصف وحدة وحدة و الابلات ما يكلمونها لان امها رئيسة قسم لا وبعد تطلع قبلنا بالهدة مستحيل اتحضر الحصة الاخيرة و فهموني بالله شلون تطلع الاولى ظلم والي حر انها اشكرة ادقول انتوا درسوا طحسوا و مردي انا الاولى كل ما ارد البيت ابجي والله مو حالة الابلات كلا يشتكون منها اتاخر عن الحصص و امها تعطيها ورقة علشان تدخل الصف اي شي ما يصير . و اذا انتو مثل ما تقولون ما تدرون عن عيالكم بالمدرسة غيركم لا . والي ما عندا ضمير مو ذنبنا احنا الطالبات انتحمل الصراحة .

 

[اينشتاينه]

والي اتقول في باصات وسايق والله احنا ما انحب انودي اعيالنا بباصات ولا حتا انييب سايق في وايد عوايل مثلنا ما عندها

واحنا مانحب نشوف الظلم

 

[اينشتاينه]

شنسوي نطير عشان نلحق واللي تقول طلعوا مبجر متى تبين نطلع 4 الصبح ؟؟

7 الا ربع تودين عيالج .. 7 توصلين مدرستج ..

7 تودين عيالج .. 7 وربع توصلين مدرستج ..

ما أظن صعبه السالفه ..

والمنطقه مااظن فيها مدرسه وحده فقط ..!