اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[ذرابه]

شلووونكم وشخباركم

ام كشه حبيبتي اجتهدي بالرقيه وسوره البقره عسى الله يشرح صدرج ويشفيكم

بنات منو بيروح اورلاندو بشهر ٧ ؟؟؟

احنا كنا مخططين على كاليفورنيا بس خيره حولنا على فلوريدا وبصراحه انا استانست لانه يقولون احلا وحاليا حايسين بالفنادق خصوصا انه ريزورتات الماريوت اقل شي شهر واحنا حددنا ١٨ يوم بفلوريدا

قاعدين ندور فندق فيه سويت غرفه وصاله منفصلين !! انقذوني باقترحاتكم

 

[q8tiaa81]

حبيبتي انا رايحة انشالله شهر ستة وبرد 10-7

 

[لولوة الكويتية]

كويتيه 81 دشيت موقعهم ما شاءالله الصور روعه. بكم الليله؟

 

[لولوة الكويتية]

حجزتوا من النت ولا سفريات

 

[new woman]

انا حجزت تذاكري من السفريات بس الفندق مافكرت فيه

الحين بقول حق السفريات يدورلي شقق فندقية حق نيويورك في التايم سكوير

 

[كويتية أصيله]

ياااااابعد قلبي ماقصرتوو حبيباتي لا الحمدلله الوضع تحسن انا الحين بسان فرانسيسكو ولايه مرتبه وحلوه وسوقها حلو والنفسيه تعدلت ،، صح كلامج بسالفه الرقيه ريلي كلا يزفني انه مارقي نفسي ،، تخيلي ريلي راعي صداع بس بالسفر يختفي بس اهني يوميا صداع ونرجع امبجر عشان لازم ينام ويروح الصداع وانا الحمدلله مو نوعي صداع بس من ييييت واهوا ماسك علي هالحجي بنيويورك انشالله الحين احسن اصلا اول ماوصلنا يقول ريلي قلبي كان منغمت الحين احسن ،، اقوله عيل شلون لاس فيغاس ،، سالفه الاذان صح كلامج اشتقتله ،، وماكو امس كلينا بجيز كيك فاكتوري الاكل عادي بس الجيز كيك حلوو وخفيف ،، يمكن ماعرفنا نطلب المنيو شكبرها ووايد اشيا فيها اذا تعرفون طلب معين قولولي ،، يلا استاذن الحين بنكتشف المكاااان ومشكووورين

أشوه والله أحاتيج ..... لاتسين أذكار الصباح والمساء..... والحين حااااولي قدر المستطاع تنسين نيويورك هههههههه

بالنسبه لجيزكيك فاكتوري ودي أذكر لج أطباق بس أخاف ما يعجبونج......بس لاتنسين الفلفيت جيز كيك رووووووعه
آنا كان طبقي الرئيسي (تاي سالاد) اهو تلقينه بالسلطات عباره عن 3 صلصات ودجاج وخس وملفوف ....الخ روعه بس زوجي ما حبه علشان جذيه ما اقدر أمدح لج شي .... يعتمد على ذوقج



أم كشه أنتي حامل لج جم شهر؟؟؟ الله يتمم عليج

آنا بالصيف أكون بالخامس وقاعده أحاتي

 

[new woman]

كويتية اصيلة وام كشه الله يقومكم بالسلامة

يا الله اتكلموا عن امريكا وعن ولاية ولاية علشان تركز المعلومات براسنا

 

[new woman]

حبايبي توه بلغني مكتب السفريات ان سعر الغرفة تقريبا من 110 دينار وفوق حق فندق بنيويورك


اتهقون احجز من النت احسن ؟؟ بس ما اعرف اسامي الفنادق والشقق الفندقية ؟؟ اتمنى اتساعدوني لحجز الفندق لعدد 6 اشخاص

 

[كويتية أصيله]

حبايبي توه بلغني مكتب السفريات ان سعر الغرفة تقريبا من 110 دينار وفوق حق فندق بنيويورك


اتهقون احجز من النت احسن ؟؟ بس ما اعرف اسامي الفنادق والشقق الفندقية ؟؟ اتمنى اتساعدوني لحجز الفندق لعدد 6 اشخاص

آنا سكنت بفندق دبل تري تايم سكوير حجزي فيه على مسؤوليتي هههههه الغرف راهيه وصاله والحمام بعد راهي .......بس جنه سعره 120ماني متأكده وتحتج كل شي بس ترى نيويورك مو مالت أحد يطول فيها زحمممممممممممممه وديزل ووسخ مو مثل الولايات الثانيه

 

[لولوة الكويتية]

حبايبي توه بلغني مكتب السفريات ان سعر الغرفة تقريبا من 110 دينار وفوق حق فندق بنيويورك


اتهقون احجز من النت احسن ؟؟ بس ما اعرف اسامي الفنادق والشقق الفندقية ؟؟ اتمنى اتساعدوني لحجز الفندق لعدد 6 اشخاص

و. وايد 100 دينار لليله الوحدة الله. يعينك وعموما السكن بنبيويورك غالي شويه دوري بالنت وان شاءالله تحصلين انتي شنو خطتك وين بتروحين ولا قعدتك كلها بنيو يورك *

 

[كويتية أصيله]

و. وايد 100 دينار لليله الوحدة الله. يعينك وعموما السكن بنبيويورك غالي شويه دوري بالنت وان شاءالله تحصلين انتي شنو خطتك وين بتروحين ولا قعدتك كلها بنيو يورك *

لولوة كويتية:

ترى هذي أسعار مدينه نيويورك غااااليه لأنها العاصمه .... دري بالج new woman مو تبين رخيص بعدين توهقين..... ترى في فنادق ماكو من الضيق ما تقدرين تحركين أيدج ......

 

[واصله]

بنااااااات علىاي طيران حجزتوا التذاكر وايد غاااااليه شهر 7

 

[واصله]

انا رايحه امريكا ثلاث مرات وهم اشتقتلها ودي اروحلها مرة رابعه

 

[q8tiaa81]

هلا اختي واصلة انا حجزت عالهولندية والقطرية ارخص بس مابي رحلة طويلة وايد ابي ترانزيت قوليلي انتي ولاية تبين واي تاريخ وانشالله اقولج السعر والخطوط

 

[q8 nono]

هااااي بنات

صار لي جم يوم ادخل تجمعكم اتشيش و اطلع لوووووووووول

بس انا رديت خصوصي علشان شي بعلق الي اهو نيويورك  

انا حبيتها من كللللللللل قلبي لانها غيرررررررر يعني اورلاندو حلوه باماكنها السياحيه بس نيويورك اجواءها شي ثاني و احلى مافيها الزحمه و الضجه الي فيها يعني الي يروح التايم سكوير يقول ايييييييي هذي امريكا بهيصتها و ازعاجها و زحمتها و الخبال الي فيها 

بس يمكن ليش ان ام كشه حامل و الحامل شوي يصير مزاجها متقلب فشي عاااادي ان ما تتقبل الاماكن الي تروح لها انشاءالله لما تولد بالسلامه تروح مره ثانيه و تستانس عدل وتفر امريكا ولايه ولايه منطقه منطقه شارع شارع زنقه زنقه 

و الي تسال عن اورلاندو اولاندو حلووووه فيها اماكن ترفيهيه و فيها سوق و عائليه يعني الكل يستانس فيها بس عيبها شغلتين ان بالليل تصير ظلمه و هالشي انا ما حبيته فيها و الشي الثاني جوها حرررررررررر وشمسهم حنانيه يعني راح نضطرون انكم تنصلخون بالشمس لانه اماكنها الترفيهيه كلها مفتوحه

هذا الي عندي و حبيت اعلق و بس 

 

[Om_Ksha]

نيووو ومان انا سكنت بكروان بلازا موقعه حلوو جدام الام ان امز بس ماحبيت تعاملهم وخدمتهم وريلي يقول كرهت نيويورك بسبتهم ,, بس الاحلى منه كمووووقع ماريوت ماركوس بنص التايم سكوير .. ..

وترا بالصفحات اللي فاتت حطيت كل ولايه واحسن الفنادق هذول رشحهم لي المكتب وانا اخترت منهم ..

,, وتصدقون انا مقتنعه انه نيويورك حليوه نوعا ما بس ريلي كاااااااارهها وقلب مخي عليها ,, امس احاول اقنعه انها ترا حلوه كتغير انها غير وليتات وجذي ويقعد يعددلي عيوبها ومادري شنو ,, وعاجبته سان فرانسيسكو اكثر ..

اهم شي امس يقولي حلاته كل ولايه نقعد بس يومين وايد عليها !!!!!!!!! اقوله شدعوه عليك ليش اول يوم ماينحسب من التعب بعد شبقى ..! اول شي معلومه ترا السووووووووووق حق الحريييييييييييييييييييم امبي مااااااااااااااااكو محلات ريايل كل المجمعات للحريم الا طابق لهم واذا لقينا مجمع للريايل كله سوالف بدلات رسميه والموجود الحلو شتوي او قديم ففقير ماشرااااااااا شي !! وانا بعد ماشريت عدل كل مشترانا للصغيرونه .. يقولي والله لمن اتسوق لها جني متسوق والله نفس الاحساس اى مجمع ندشه نتغدا بعدها ننزل طابق الا بويهنا قسم اليهال نخممم فيه بعدين نطلع من المجمع بكبره !!!!!!!!!

بدعنا ,, واانا غبيه كلا ايبلها مقاس واحد لازم اغير ايب اكبر ,, امبي ماعندي سالفه بس قاعده اقرق ://////////
وصج نيويورك برررررررررررررررررررررررررررررررررد اتوقع لو الجو صيفي شوي جان احلا لانه مانقدر نمشي ن البرد ولويه مانثبت عالمكان ,, اهني الجو حلووو بس قام يبرد بس مو نفس هناااااك برد اللي يذبح

 

[Om_Ksha]

وصج جدمنا السفره .. بدال لا نرد 23 خليناها 17 ,,

بس يمكن نمدد ليلتين بدبي فيصير نفس الشي بس الفرق انه قللنا الايام بدال لا نقعد 11 يوم بلوس انجلوس 6 ايام كافي وصوب الشمال بس ,,


صج سؤال بنات شلون عالشحن ؟؟ ودنا نشحن اغراضنا للكويت ,, بس مو عارفه شلون يعني الحين احنا اب سان فرانسيسكو بعد يومين لاس فيغاس بعدها لوس انجلوس فانا ودي نشحن كل اغراضنا من لوس انجلوس بس نخاف بمطار لاس فيغاس ياخذون علينا وزن مع انه مطار سان فرانسيسكو ماخذا علينا شي !!!!!!!!! مادري ليش !!!

فشنو الاحسن نشنحنهم مره وحده ولا الحين نشحن جنطه واذا رحنا ولايه ثانيه نشحن عندهم ولا نكودهم مره وحده !؟!؟
اوف انشالله فهمتو علي كلامي متخربط :////////////


وبنجرب السلطه اللي قلتي عنها ,, انا نباتيه اخلي ريلي يطلبها ,,
واذا تعرفون مطاعم حلوه قولو لنا من يييييينا ماكليت شي نفس الاوادم ,, ابي جمعيه اقزر فيها .. اشتري جبن صمون ماعندهم انواع جبن نفسنا كله نوع واحد !! بشوف اذا ول مارت موجود بسان فرانسيسكو ,, :/

 

[new woman]

ام كشه اشلونج والله حدي مستانسه ان نفسيتج تغيرت صارت للأحسن ان شاالله دوووووووووووووووووووووووم

 

[new woman]

لولوة بقعد بس ليلتين بنيويورك

 

[واصله]

هلا اختي واصلة انا حجزت عالهولندية والقطرية ارخص بس مابي رحلة طويلة وايد ابي ترانزيت قوليلي انتي ولاية تبين واي تاريخ وانشالله اقولج السعر والخطوط

هلا حياتي
شكرا عالرد
عادي حبيبتي اي خطوط بس يكون السعر زين
ومشكورة وماقصرتي
انا ابي كاليفورنيا لوس انجلوس
من اخر شهر 6 مو مشكله
17يوم