اللي تسوي رياضة مو ملاحظين هالشي...بغيناها طرب صارت نشب

[*الحالمه*]

مثل ما قالت لكم ميوزك تيتشر

رياضتج تكون قبل الريوق و لهالشي اسباب منها :

1- الرياضه على معده خاليه و خصوصا في الصبح تساهم بشكل كبير

في خسارة الوزن و مفعولها يكون اكثر من لو سويت الرياضه بعد اكل .. !!

و اساسا هالشي مو صحي انج تلعبين رياضه عقب الاكل

2- اذا سويتي رياضتج و انتي على معده خاليه بتكونين انشط

و سلامتكم

 

[ام بنتها]

انا نفسج و لا راضيه احس على عمري
و اتصدقين المدربات الي بالنادي قالولي اقل شي تاكلينه عقب الريااضه يزييدج وايد ما فهمت ليش بس جنها جنها تقصد انه الجسم يكون شغال حرق فانتي اذا كلتي يمتص الاكل عدل و يزييدج هذا الي فهمته
اياام الاراده قبل 4 سنين كنت انزل من جهاز المشي و على طول اشرب لبن باارد و ادش اسبح بس الحين يا خلاف حتى رياضه مااسوي و اشترككت بنادي و لا قاعده ارووح

 

[حمام شاقني فنه]

يعطيكم العافية بنات
بس شمعنه تفاح اخضر ؟؟ يختلف عن الاحمر

ايه بنات التفاح الاخضر مع روب خالي الدسم مع بعض يحقوون الدهوون :ggdw::ggdw:هذي وجبه اخصائيه تغذيه قالتها لاختي
التفاح الاحمر والسكري لاتاكلين منه واجد تقول فيه سكر ممكن يثبت وزنج مايخليه ينقص

 

[قهوة برية]

ايه بنات التفاح الاخضر مع روب خالي الدسم مع بعض يحقوون الدهوون :ggdw::ggdw:هذي وجبه اخصائيه تغذيه قالتها لاختي
التفاح الاحمر والسكري لاتاكلين منه واجد تقول فيه سكر ممكن يثبت وزنج مايخليه ينقص

ليه تكدير الخواطر ليه بس ...!!!!!:0bee2e8d89:


غرامي التفاح الأحمريكا ..!!!


خضريكا ماحبوهوش خالص :0bee2e8d89:

 

[قهوة برية]

اياام الاراده قبل 4 سنين كنت انزل من جهاز المشي و على طول اشرب لبن باارد و ادش اسبح بس الحين يا خلاف حتى رياضه مااسوي و اشترككت بنادي و لا قاعده ارووح

والله جنج اتكلمين ع نفسي ...!!!:0bee2e8d89:

 

[بوران]

بنات انا اصلا امشي عى معدة خالية
و انا ما ايوع عقب الرياضة مباشرة لأ مثلا امشي الصبح بليل ايوع

 

[sugar&spice]

بدعتي,,,,,,,,,,,,,,,,,, تاكلين ماكدونالد وتبين تضعفين بعد :eh_s(14): :rgewrg:

وغلط تمشين علا خلا لازم علا الاقل عصير او تفاحه تكونين ماكله

شوفي يالغاليه ,,,,,,,,,,,,,,,,,,, شربي قلاصين ماي دافي علا الريج وعقب تريقي :botetoo:

وعقب سوي الرياضه اللي تبينها وهم شربي مااااااي وايد عشان الدهون تنزل

تغدي غداج اللي تبينه مال الرجيم وعقب نص ساعه شربي جاي اخضر ترا ممتاز حق الرجيم ينزل االدهون

والعشا خليه مبجر كثر ماتقدرين ولا تزوغ عينج علا صمونه الريال :tomato2:

وهم شربي جاي اخضر عقب العشا

وبالنسبه حق الرياضه اذا يعتي عقبها عندج الخيار والخس مايقصرووون قعدي اكلي لين تترسين بطنج,,,,يشبع ومافيه سعراااات :rerrerek:

واذا مشيتي علا كل هذا وماضعفتي اطلع انا ما أفهم شي :eh_s(4):

انا عندي جدول مشيت عليه اسبوع مع رياضه والشاي بدون شكر نزلت عليه 3 كيلو والله وانامن النوع اللي ماينزل وزني بسرعه

اذا تبينه مايردج الا الكيبورد :balo:

 

[بوران]

مشكورة حبيبتي

انا اشرب جاي اخضر احسه ايوع زيادة

بس بحاول اسوي تقريبا مثلج و الله يقدرني

و مشالله اللي قطيتيهم موشوية انا راضية بكيلوين بالاسبوع

المشكلة انه من اييبون طاري اكل, ابولع بريجي

 

[تختوخه بطبوطه]

اي والله
أنا أنصحج أنج تاكليت تفاحه او موزه
لانه صج تشبع او ماتحسين بالذنب لانه الكلوري مو وايد سكر طبيعي او اكل صحي
جربي التفاح مع روب قليل الدسم لذيييييييييذ وخصوصا بالصيف

او بعد عندج روب او قفشت مربااا ..هذي ماجربتها بس سمعت عنها اهنيه

 

[مس باتشي]

الحال من بعظه حبيبتي

 

[makhroosha]

اشلون تاكلون تفاح اخضر و روب !؟!؟ تخلطونه مع بعض ! ولا تاكلون التفاحة و عقبها الروب ؟َ فهموني

 

[Om ToOoTa]

انا من دشيت النادى وانا اخذ حبوب قاطع الشهيه من زين الاتات

والحمدلله انسدت شهيتى عن الاكل

بس همه لازم اكل اى شى علشان لااموت

 

[F.A]

حاولى تشربين ماى وايد

 

[غربــــة اِحساس]

جربي تصومين ايام ورا بعض راح تصغر معدتج

وان شاء الله رمضان قرب ففرصة حلوه : )

 

[NICE BABY]

فى حبوب بالصيدلية طبيعية 100% تسد الشهية وبعد عندك زهورات زين الأتات تسدها مرة وحدة

 

[dla3_princess]

لوووووووووووووووول بوراان ضحتيني اهم شي كنتي ناويه على صمونه زوجج لوووول

المهم انا قالت لي المدربه قبل الرياضه لاتيين ومعدتج خاليه لا تمارسين الرياضه على يوع لأن بتتعبين وتيوعين

زياده ... فقمت اروح و انا شبعاانه بس همن عقب اللعب تيوعين..

اذا انتي مشتركه بشامبيونز الجابريه عندج مطعم لوفات او هيلث ستوب يم النادي اخذي منهم وجبه او سلطه

سعراتها الحراريه شويه و بنفس الوقت تشبعج حدااااا...

و اذا مو يمج هالمطعمين جهزيلج اكل صحي بسعرات منخفضه اخذيه معاج و عقب الرياضه اكلي...

بس فعلا الرياضه لأنها قاعده تحرق السعرات فتيوعين جسمج مو متعود يبي يعوض خصوصا اول فتره ..

مووووووووفقه ياااااااارب

 

[Maryam]

لما تردين من النادي طاسة كبييييييييييييييرة خس
او روب و خيااااااااااااار
و شربي ماي قبله

 

[القبله]

حبيبتي بعد الرياضه على طول شربي 3 قلاصات ماي دافي و بعدين سوي لج سلطه خضراء و ابتشبعين و لا تقولين ما قلتو بشريني

 

[q8 nono]

شوفي انا الي اعرفه ان الحليب يشد الشهيه ... و انا بالنسبه لي القهوه او الكابيتشينو ما تسد شهيتي بالعكس ايوع زياده

الشاي الاخضر صج يشد الشهيه عندي بس عاد هذا ايام اول .. الحين الحمدالله والشكر بس مبطله حلجي و ابلع لاااااااا و مو اي شي ... لازم شي في عجين .. ما اييب راسي الا النشويات

مره يعت قلت خل اشرب حليب علشان اشبع بدال ما اخربط بالاكل.. و شربت حليب لا مو بالقلاص بعد بالعلبه نفسها علشان تلوع جبدي لووووووووووووول قعدت شوي ما قدرت اقاوم الجوع جان اعميها و اييب بطاطات و خرابيط

بس ما اوصيج اذا لقيتي شي يسكر الحلج وافيني بالتفاصيل اول باول

 

[7alawa]

شربي ماي
و اذا تبين تاكلين سوي سلطه

موفقه